Untitled Document
February 24, 2018 [GMT]
  • Welcome
  • Welcome
ஐ.நா மனித உரிமை ஆணையாளருக்கு யாழ். பல்கலைக்கழக சமூகம் கடிதம்!
[Tuesday 2017-11-14 18:00]

தமிழ் அரசியற் கைதிகளின் விடுதலைக்கான சர்வதேசப் பொறுப்பைச் சுட்டிக்காட்டி, ஐ.நா மனித உரிமைகள் பேரவைக்கு யாழ். பல்கலைக்கழக மாணவர் சமூகம் திறந்த முறையீடு ஒன்றை இன்று  அனுப்பியுள்ளது.

தமிழ் அரசியற் கைதிகளின் விடுதலைக்கான சர்வதேசப் பொறுப்பைச் சுட்டிக்காட்டி, ஐ.நா மனித உரிமைகள் பேரவைக்கு யாழ். பல்கலைக்கழக மாணவர் சமூகம் திறந்த முறையீடு ஒன்றை இன்று அனுப்பியுள்ளது.

  

இலங்கை அரசின் சிறைகளில் வாடும் தமிழ் அரசியற் கைதிகளின் விடுதலையைக் கோரி யாழ்ப்பாணத்தில் இன்று நடைபெற்ற மாணவர் போராட்டத்தை ஒட்டிய விரிவான மகஜர் ஒன்றை ஜெனீவாவைத் தலைமையகமாகக் கொண்டியங்கும் மனித உரிமை உயர் ஸ்தானிகரான இளவரசர் செயித் ஹுசைன் அவர்களுக்கும், மனித உரிமைப் பேரவையின் 11ம் சுற்றுக்கான அதிபரான ஜோக்குயின் அலெக்சாண்டர் அவர்களுக்கும், ஜெனீவாவில் இயங்கும் அமெரிக்க அரசின் ஐ.நா. மனித உரிமைப் பொறிமுறைக்கான நிரந்தரப் பிரதிநிதியான திரு தியோடோர் அலெக்ரா அவர்களுக்கும் யாழ்ப்பாண வதிவிடக் காரியாலயங்களூடாக இன்று யாழ் பல்கலைக்கழக மாணவர் சமூகம் கையளித்துள்ளது.

தமிழ் அரசியற் கைதிகளை விடுவிப்பதற்காக ஜெனீவாவைத் தளமாகக் கொண்டியங்கும் மனித உரிமைப் பேரவைக்கும், மனித உரிமை உயர் ஸ்தானிகரின் அலுவலகத்திற்கும் இலங்கை அரசோடு 2015 இல் ஒத்திசைவுத் தீர்மானத்தைக் கொண்டுவந்து பின்னர் இந்த வருடம் மேலும் இரண்டு வருட நீடிப்பைக் கொண்டுவந்த அமெரிக்காவின் ஐ.நா.வுக்கான ஜெனீவாத் தூதுவருக்கும் தமிழ் அரசியற் கைதிகளின் விடுதலை தொடர்பான விடயத்தில் சர்வதேச பொறுப்பு உள்ளது.

இந்தப் பொறுப்பு சர்வதேசச் சட்டவிதிகளில் தமிழர்களுக்கு உள்ள உரிமையின் பாற்பட்டது. தவிரவும், அமெரிக்க அரசு தனது மனித உரிமைப் பொறிமுறை ஊடான நேரடித் தலையீடு மூலமாக மனித உரிமைப் பேரவையில் இலங்கை அரசோடு ஒத்திசைவு நிகழ்ச்சிநிரல் ஒன்றின் மூலம் உள்நாட்டுப் பொறிமுறையிடமே நீதிவழங்கலை ஏறத்தாழ முழுமையாகக் கையளித்துவிட்டுள்ள ஒரு நிலை தோன்றியுள்ளது.

இதற்கு மேலதிகமாக இரண்டு வருட கால நீடிப்பை வழங்கும் கைங்கரியத்தையும் அமெரிக்க அரசின் மனித உரிமைப் பொறிமுறையே செய்திருக்கிறது. எனவே, ஜெனீவாவைத் தளமாகக் கொண்டியங்கும் இந்த இரண்டு தரப்பினருக்கும் அவரவருக்குரிய பொறுப்பை நினைவுபடுத்தி, சர்வதேசச் சட்ட நியமங்களின் அடிப்படையில் தமிழ் அரசியற் கைதிகளுக்குரிய உரிமைகளையும் நினைவுபடுத்தவேண்டிய தேவை எழுந்துள்ளது.

குறிப்பாக, இலங்கை அரசு தமிழ் அரசியற் கைதிகளின் வேண்டுகோள்களைத் தனது சட்டத்தையும் சட்டப்பொறிமுறைகளையும் கோடிட்டுகாட்டிப் புறக்கணிக்கும் நிலையில் தமிழர்களின் தரப்பு சர்வதேசச் சட்டப் பொறிமுறைகளுக்குள் தமிழ் அரசியற் கைதிகளுக்கு உள்ள உரிமையைத் தட்டிக்கேட்காத நிலை மிகவும் பரிதாபகரமானது.

எனவே, தமிழ் அரசியற் கைதிகளுக்குள்ள சர்வதேசச் சட்ட நியமங்களின் அடிப்படையிலான உச்சபட்ச உரிமைகள் எவை என்பதைக் குறித்த சர்வதேசத் தரப்பினருக்கு நினைவுபடுத்த வேண்டிய சூழல் எழுந்துள்ளது.

இதன் மூலம் இலங்கை அரசின் மீது உடனடியாக அழுத்தத்தைப் பிரயோகிக்குமாறும், தவறும் பட்சத்தில் சர்வதேச தரப்பினருக்கும் தமிழ் அரசியற்கைதிகள் மீது இழைக்கப்படும் துன்பியலுக்கு மனிதாபிமானப் பொறுப்பு இருக்கிறதென்பதையும் மாணவர் சமூகம் சுட்டிக்காட்டியுள்ளது.

இலங்கை அரசின் பயங்கரவாதத் தடுப்புச் சட்டத்திற்கு உட்படுத்தப்பட்டுச் சிறையில் வாடும் தமிழ்க் கைதிகள் அனைவரும் சர்வதேச சட்ட நியமங்களின் பிரகாரம் விடுவிக்கப்படவேண்டியவர்கள் என்பதையும் அவர்கள் அனைவரும் குறைந்தபட்சம் அரசியற்கைதிகளாக இலங்கை அரசால் அங்கீகிரிக்கப்பட்டு அரசியல் முடிவொன்றின் மூலம் விடுதலை செய்யப்பட வேண்டியவர்கள் என்பதையும் நான்கு அடிப்படைகளை மையமாக வைத்து மாணவர் சமூகத்தின் மகஜர் எடுத்துக்கூறுகிறது.

சர்வதேச மட்டத்தில் தமிழர் தரப்பாக பேச்சுவார்த்தைகளிலும் போர்நிறுத்த உடன்படிக்கையிலும் அங்கீகரிக்கப்பட்ட தமிழீழ விடுதலைப்புலிகள் போரில் முழுமையாக அழிக்கப்பட்டிருப்பதால், தமிழ் அரசியற் கைதிகளின் உறவுகளும் தமிழ்ச் சமூகமும் மாத்திரமே கைதிகளின் நலன் குறித்துப் பேசவேண்டிய சூழல் நிலவுகிறது.

குறிப்பாக சர்வதேச சட்டத்தில் தமிழர் தரப்புக் கைதிகளுக்கு இருக்கவேண்டிய உரிமைகள் என்ன என்பதை முதலாவதாகவும், ஐ.நா. இலங்கையில் இழைத்தாகத் தானே ஒத்துக்கொண்ட தவறுகள் மூலம் ஐ.நாவுக்கு இருக்கும் பொறுப்பை இரண்டாவதாகவும், பேச்சுவார்த்தைக் காலத்தில் இணைத்தலைமை நாடுகளில் ஒன்றாகவும், போரின் பின்னர் ஜெனீவாவில் தொடர் தீர்மானங்களைக் கொண்டுவந்ததன் மூலமும் அமெரிக்காவின் மனித உரிமைத் தரப்புக்கு தமிழ்க் கைதிகள் விவகாரத்தில் முக்கிய பொறுப்பு இருக்கிறது என்பதை மூன்றாவதாகவும், இலங்கையில் பயங்கரவாதத் தடைச் சட்டத்திற்குள்ளாக்கப்பட்டுள்ள கைதிகளுக்கு மறுக்கப்பட்டிருக்கின்ற உரிமைகளை மாத்திரம் வைத்து அணுகினாற் கூட அவர்கள் அரசியற் கைதிகள் என்ற தீர்ப்புக்கு வரமுடியும் என்பதை நான்காவது காரணியாகவும் பல்கலைக்கழக மாணவர்களின் மகஜர் எடுத்துக்காட்டியுள்ளது.

குறிப்பாக, ஜெனீவாக் கோட்பாடுகளின் மேலதிக நெறிமுறை ஒன்றின் பிரகாரம், இலங்கையில் நடைபெற்றது ஒரு சர்வதேசத்தன்மையுடைய, சுயநிர்ணய உரிமையின் பாற்பட்ட, வேற்று இன ஆக்கிரமிப்பு என்று கருதப்படக்கூடிய சூழலில் இடம்பெற்ற போர் என்பதை மாணவ சமூகத்தின் மகஜர் சர்வதேசச் சட்ட நியமங்களின் பிரகாரம் சுட்டிக்காட்டியிருக்கிறது.

ஆக, சர்வதேசத் தன்மையுடனான போர் ஒன்று முடிவுக்கு வரும்போது போர்க்கைதிகள் மீளத் தத்தம் குடும்பங்களோடு ஒன்றிணைய வேண்டும் என்பதும் அவர்கள் குற்றவியற் சட்டங்களுக்கு ஆட்படுத்தப்படலாகாது என்பதும் சர்வதேச சட்டம் வழங்கும் உரிமை.

ஆனால், இலங்கை அரசோ தமிழ் அரசியற் கைதிகளின் தண்டனை வழங்கப்பட்டவர்களைப் போர்க்கைதிகளாகப் பார்க்கத் தயாராக இல்லை. எனவே, அவர்கள் தமது தண்டனைக்காலத்தை சிறைகளில் கழித்தேயாகவேண்டிய நிலை. இது அநீதியான செயல் என்பதைச் சர்வதேச சட்டங்களில் தமிழர் தரப்புக்கு இருக்கும் பிடிமானத்தை எடுத்துக்காட்டுவதன் மூலம் மாணவர் சமூகம் சுட்டிக்காட்டியுள்ளது.

அதேவேளை, விடுதலைப்புலிகள் இயக்கத்தோடு தொடர்பு பட்டவர்களாகச் சித்தரித்து போலியான குற்றப்பத்திரிகைகள் மூலம் தடுப்பில் வைக்கப்பட்டிருப்பவர்கள் அனைவரும் அரசியற் கைதிகள் என்ற அந்தஸ்துக்கு உரித்தானவர்கள் என்பதைச் சுட்டிக்காட்டியிருக்கும் மாணவர்களின் மகஜர் ஐ.நாவும் அமெரிக்காவும் பயங்கரவாதத் தடைச்சட்டத்திற்கு உள்ளாக்கப்பட்ட கைதிகளாக உள்ள அனைவரையும் அரசியற்கைதிகளாக அங்கீகரிக்க வேண்டும் என்று கோரப்பட்டுள்ளது.

அவ்வாறு ஐ.நாவும் அமெரிக்காவும் பொறுப்போடு அங்கீகரித்தாலே இலங்கை அரசுக்கும் முறையாக விண்ணப்பத்தை அவர்களால் மேற்கொள்ளமுடியும் என்பதையும் யாழ். பல்கலைக்கழக மாணவர்கள் தமது மகஜரில் சுட்டிக்காட்டியுள்ளனர்.

குறிப்பாக, சுனாமி அனர்த்தத்தின் பின்னர் தமிழர் தரப்புக்கும் இலங்கை அரசுக்கும் பொதுக்கட்டமைப்பு தொடர்பான சர்வதேச பேச்சுக்கள் மூலம் உடன்பாடு ஒன்று காணப்பட்டது. இந்த உடன்பாட்டை வரவேற்ற அமெரிக்க அரசு, எதிர்பாராத விதமாக இந்தக் கட்டமைப்புக்குத் தான் பங்களிக்க முடியாதென்பதையும் அதற்குச் சட்டரீதியான சிக்கல்கள் இருப்பதாகவும் ஒரு நிலைப்பாட்டை அறிவித்தது.

இந்த நிலைப்பாடு வெளியாகிய ஒரு சில நாட்களிலே தீவிரவாதத் தரப்புகள் இலங்கையின் உச்ச நீதிமன்றில் வழக்கொன்றைத் தாக்கல் செய்து குறித்த சுனாமி உடன்படிக்கையைச் சட்டரீதியாக இரத்துச் செய்தார்கள். இது மிகவும் கவலைக்குரிய ஒரு முன்நிகழ்வு என்றும், இதைப்போன்ற நிலையைத் தமிழர்களுக்கு மீண்டும் ஏற்படுத்த வேண்டாம் என்றும் அமெரிக்க மனித உரிமைப் பொறிமுறையினரிடம் யாழ் பல்கலைக்கழக மாணவர் சமூகம் சுட்டிக்காட்டியுள்ளது.

தமிழ் அரசியற் கைதிகள், அரசியற் கைதிகளாகச் சர்வதேச தரப்புகளால் அங்கீகரிக்கப்படுவது அவசியம் என்பதையும், சர்வதேசப் பொறிமுறைகளுக்கும் தலையீடு செய்துள்ள சக்திகளுக்கும் இது விடயத்தில் பொறுப்பு இருக்கிறதென்பதையும் குறித்த மகஜர் சுட்டிக்காட்டியிருக்கிறது.

குறித்த மகஜரின் பிரதிகள் இலங்கையின் ஜனாதிபதி மைத்திரிபால சிறிசேனவுக்கும், பிரதமர் ரணில் விக்கிரம்சிங்காவுக்கும், நல்லிணக்கப் பொறிமுறையின் தலைவி சந்திரிக்கா அம்மையாருக்கும், எதிர்க்கட்சித் தலைவர் இரா சம்பந்தனுக்கும் வடமாகாண முதலமைச்சர் க.வி. விக்னேஸ்வரன் அவர்களுக்கும் அனுப்பி வைக்கப்பட்டுள்ளன.

  
   Bookmark and Share Seithy.com



ஐ.நாவின் இலங்கைக்கான வதிவிடப் பிரதிநிதி திடீர் மரணம்!
[Saturday 2018-02-24 08:00]

இலங்கைக்கான ஐ.நாவின் நிரந்தர வதிவிடப் பிரதிநிதி உனா மக்கோலி திடீரென மரணமானார். கொழும்பில் உள்ள ஐ.நா பணியகம் இன்று அதிகாலை இந்த தகவலை வெளியிட்டுள்ளது. 54 வயதான உனா மக்கோலி, மருத்துவ விடுப்பில் சென்று சிகிச்சை பெற்று வந்த நிலையிலேயே காலமானார் என்று அறிவிக்கப்பட்டுள்ளது.



பிரிகேடியர் பிரியங்க விவகாரத்தை தீவிரமாக எடுத்துக் கொண்ட பிரித்தானியா!
[Saturday 2018-02-24 08:00]

பிரித்தானியாவில் ஆர்ப்பாட்டம் செய்த புலம்பெயர் தமிழர்களை சைகையின் மூலம் அச்சுறுத்திய பிரிகேடியர் பிரியங்க பெர்னாண்டோ தொடர்பாக உலக தமிழ் பேரவை பேச்சாளர் சுரேன் சுரேந்திரன் அனுப்பிய மின்னஞ்சலுக்கு லண்டனில் உள்ள வெளிநாட்டு அலுவலகத்திலிருந்து, கொமன்வெல்த் அலுவலகத்தில் இருந்தும் பதில் அனுப்பப்பட்டுள்ளது.



மன்னாரில் இருந்தும் நூற்றுக்கணக்கானோர் குடும்பங்களுடன் கச்சதீவுக்குப் பயணம்!
[Saturday 2018-02-24 08:00]

கச்சதீவு புனித அந்தோனியார் ஆலய திருவிழாவிற்கு மன்னார் மாவட்டத்தில் இருந்து நூற்றுக்கணக்கான குடும்பங்கள் படகுகள் மூலம் பயணமாகியுள்ளன. தலைமன்னார், பேசாலை, பள்ளிமுனை, கோந்தைப்பிட்டி கடற்பகுதியூடாக மக்கள் படகுகள் மூலம் கச்சதீவை நோக்கி பயணமாகியுள்ளனர். இவர்களுக்குத் தேவையான சகல வசதிகளையும் இலங்கை கடற்படை ஏற்பாடு செய்துள்ளதாக யாழ்ப்பாண மாவட்ட செயலாளர் தெரிவித்தார்.



செப்ரெம்பரில் மாகாணசபைத் தேர்தல்!
[Saturday 2018-02-24 08:00]

எதிர்வரும் செப்டம்பர் மாதமளவில் மாகாணசபைத் தேர்தல் நடத்தப்படக்கூடிய சாத்தியங்கள் காணப்படுகின்றன என்று தேர்தல் ஆணைக்குழுவின் தலைவர் மஹிந்த தேசப்பிரிய தகவல் வெளியிட்டுள்ளார். மத்திய, வடக்கு மற்றும் வடமேல் மாகாண சபைகளின் பதவிக் காலம் பூர்த்தியாக உள்ளநிலையில் எதிர்வரும் செப்டம்பர் மாதமளவில் இந்த மாகாணசபைகளுக்கான தேர்தல்களை நடாத்த திட்டமிடப்பட்டுள்ளது.



கூட்டமைப்பை தமிழ் மக்கள் நிராகரித்து விட்டனர்! - கெஹலிய ரம்புக்வெல
[Saturday 2018-02-24 08:00]

தமிழ்த் தேசியக் கூட்டமைப்பை வடக்கு – கிழக்கு மக்கள் நிராகரித்து விட்டமையை தேர்தல் பெறுபெறுகள் நன்கு புலப்படுத்தி நிற்கின்றன என நாடாளுமன்ற உறுப்பினர் கெஹலிய ரம்புக்வெல தெரிவித்தார்.



அர்ஜுன் அலோசியஸ் சிறைச்சாலை வைத்தியசாலையில்!
[Saturday 2018-02-24 08:00]

மத்திய வங்கி பிணை முறி மோசடிகள் தொடர்பில் கைது செய்யப்பட்டு தடுத்து வைக்கப்பட்டுள்ள பேர்பச்சுவல் ட்ரஸரீஸ் நிறுவனத்தின் உரிமையாளர் அர்ஜூன் அலோசியஸ் சிறைச்சாலை வைத்தியசாலையில் அனுமதிக்கப்பட்டுள்ளார். மத்திய வங்கி பிணை முறி மோசடிகள் தொடர்பில் அர்ஜூன் அலோசியஸ் மற்றும் நிறுவனத்தின் பிரதம நிறைவேற்றுப் பணிப்பாளர் கசுன் பலிசேன ஆகியோர் அண்மையில் கைது செய்யப்பட்டு விளக்க மறியலில் வைக்கப்பட்டிருந்தனர்.



கபீர் காசிமுக்கு உயர்கல்வி அமைச்சு?
[Saturday 2018-02-24 08:00]

அமைச்சரவை மாற்றம் நாளை இடம்பெறும் என்று அரசியல் வட்டாரத் தகவல்கள் தெரிவிக்கின்றன. இதன்போது ஐக்கிய தேசிய கட்சி சார்ந்த அமைச்சுக்கள் பலவற்றில் மாற்றங்கள் செய்யப்படவுள்ளதாக தெரிய வந்துள்ளது. அமைச்சர் கபீர் ஹாசிமின் அரச தொழில்முயற்சி அபிவிருத்தி அமைச்சுப் பதவி அமைச்சர் லக்‌ஷ்மன் கிரியெல்லவிற்கும், அவரது உயர் கல்வி மற்றும் நெடுஞ்சாலைகள் அமைச்சு அமைச்சர் கபீர் ஹாசிமுக்கு வழங்கப்படவுள்ளதாக தகவல்கள் தெரிவிக்கின்றன.



கைவிடப்படுகிறது எட்கா!
[Saturday 2018-02-24 08:00]

எட்கா எனப்படுகின்ற இலங்கை - இந்திய பொருளாதார ஒத்துழைப்பு உடன்படிக்கையை கைச்சாத்திடுவதில் கடும் நெருக்கடிகள் ஏற்பட்டுள்ளதால் அந்த முயற்சியை இலங்கை அரசு தற்காலிகமாக ஒத்திவைக்கக்கூடும் எனத் தெரியவருகின்றது.



கட்டுநாயக்கவில் 10 தங்கக் கட்டிகளுடன் மூவர் கைது!
[Saturday 2018-02-24 08:00]

55 இலட்சம் ரூபா பெறுமதியான 10 தங்க கட்டிகளுடன் இந்திய பிரஜைகள் மூவர் கைது செய்யப்பட்டுள்ளனர். குறித்த மூவரும் நேற்று பிற்பகல் SG 004 எனும் இந்திய தனியார் விமான சேவை விமானம் மூலம் கட்டுநாயக்க விமான நிலையத்திலிருந்து மதுரை நோக்கி பயணிக்க இருந்த நிலையில், கைது செய்யப்பட்டுள்ளனர். 48, 52, 52 வயதுடைய குறித்த சந்தேகநபர்களால் கொண்டு வரப்பட்ட கைப்பையை கதிர் சோதனைக்குட்படுத்தப்பட்டபோது, அதில் மறைத்து வைக்கப்பட்ட சந்தேகத்திற்கிடமான பொருட்கள் அவதானிக்கப்பட்டுள்ளது.



உலக சமாதானத்தை வலியுறுத்தி கனடாவில் தொடங்கிய மரதன் வவுனியாவைச் சென்றடைந்தது! Top News
[Friday 2018-02-23 20:00]

வவுனியா பிறப்பிடமாகவும் கனடாவில் வசித்து வரும் உலக சாதனை வீரன் சுரேஸ் ஜோஷிம் உலக சமாதானத்தினை வலியுறுத்தி ஆரம்பித்த மரதன் ஓடடம், இன்று வவுனியாவை வந்தடைந்தது. கனடாவில் இருந்து ஆரம்பித்த மரதன் இன்று வவுனியா சூசைப்பிள்ளையார் கோவிலை வந்தடைந்துள்ளது. ஏழ்மையின் சின்னமாகிய பனையின் பாளையை ஏந்தியவாறாக, 72 நாட்டுக்கு 123 நாட்களில், சுமார் 4000 கிலோமீற்றர் ஓடிச்செல்லவுள்ள இப்பயணமானது, இன்று வவுனியாவில் இருந்து கிளிநொச்சி நோக்கி ஆரம்பித்திருந்தது.



மீண்டும் கூட்டமைப்பில் இணையும் சாத்தியம் இல்லை! - சிவசக்தி ஆனந்தன்
[Friday 2018-02-23 20:00]

தமிழ்த் தேசி­யக் கூட்­ட­மைப்­பு­டன் மீண்­டும் இணை­வ­தற்கு எந்­தச் சாத்­தி­ய­மும் இல்லை என்று, ஈ.பி.ஆர்.எல்.எவ். அமைப்­பின் செய­ல­ரும், நாடா­ளு­மன்ற உறுப்­பி­ன­ரு­மான சிவ­சக்தி ஆனந்­தன் திட்­ட­வட்­ட­மாக தெரிவித்துள்ளார். “ நாம் நான்கு கட்­சி­கள் இணைந்த தமிழ்த் தேசி­யக் கூட்­ட­மைப்­பில்­தான் இருந்­தோம். தமிழ் அர­சுக் கட்­சி­யில் இருக்­க­வில்லை. அந்­தக் கட்­சி­யின் வீட்­டுச் சின்­னத்­தில் போட்­டி­யிட்­டி­ருந்­தோமே தவிர, அந்­தக் கட்­சி­யில் இணை­ய­வில்லை.



கச்சதீவு செல்ல போதிய படகுகள் இல்லை! - பக்தர்கள் அவதி Top News
[Friday 2018-02-23 20:00]

கச்சதீவு புனித அந்தோனியார் ஆலயத்திற்கு செல்வதற்காக குறிகாட்டுவான் துறையில் போதிய போக்குவரத்து வசதிகள் இல்லாமையால் மக்கள் பெரும் சிரமத்தை எதிர் நோக்கினர். பெருமளவான பக்தர்கள் இம்முறை கச்சதீவுக்கு செல்வதற்காக இறங்கு துறைக்கு சென்ற நிலையில் அங்கு போதிய படகுகள் காணப்படவில்லை.



வடக்கின் அபிவிருத்தி, அரசியல் நிலவரங்கள் குறித்து ஜனாதிபதியுடன் கூட்டமைப்பு பேச்சு!
[Friday 2018-02-23 20:00]

எதிர்க்கட்சித் தலைவர் சம்பந்தன் தலைமையிலான தமிழ்த் தேசியக் கூட்டமைப்பின் நாடாளுமன்ற உறுப்பினர்கள் ஜனாதிபதி மைத்திரிபால சிறிசேனவை நேற்று சந்தித்து பேச்சு நடத்தியுள்ளனர். நாடாளுமன்ற கட்டடத் தொகுதியில் இந்த சந்திப்பு இடம்பெற்றுள்ளது. நாடாளுமன்ற உறுப்பினர்களான மாவை சேனாதிராஜா, எம்.ஏ.சுமந்திரன் உள்ளிட்ட சில உறுப்பினர்கள் இந்த சந்திப்பில் பங்கேற்றனர்.



வத்தளையில் பாதாள உலகக் குழுவைச் சேர்ந்த மஞ்சு சுட்டுக்கொலை!
[Friday 2018-02-23 20:00]

வத்தளைப் பகுதியில், பிரபல பாதாள குழுத் தலைவர் என அழைக்கப்படும், தடல்லகே மஞ்சு விசேட அதிரடிப்படையினரின் துப்பாக்கி சூட்டுக்கு இலக்காகி உயிரிழந்துள்ளார். விசேட அதிரடிப்படையினர் குறித்த நபரை கைது செய்யவதற்காக சென்றிருந்த போது, அங்கிருந்து தப்பிச்செல்வதற்காக சந்தேக நபர் முயற்சித்த நிலையில் துப்பாக்கி சூடு மேற்கொள்ளப்பட்டுள்ளது. இதன்போது பாதாள குழுவைச் சேர்ந்த மேலும் இருவர் கைது செய்யப்பட்டுள்ளனர். இந்த சம்பவம் இன்று பிற்பகல் இடம்பெற்றது.



தியத்தலாவ குண்டு வெடிப்புக் குறித்து விசாரிக்க இராணுவ விசாரணைக்குழு அமைப்பு!
[Friday 2018-02-23 20:00]

தியத்தலாவ, கஹகொல்ல பிரதேசத்தில் பயணிகள் பஸ்ஸில் ஏற்பட்ட வெடிப்பு சம்பவம் தொடர்பில் விசாரணை செய்ய ஆறு பேர் அடங்கிய குழுவொன்று நியமிக்கப்பட்டுள்ளதாக இராணுவ ஊடகப் பேச்சாளர் பிரிகேடியர் சுமித் அதபத்து தெரிவித்துள்ளார்.



சாவகச்சேரி, பருத்தித்துறையில் தமிழ்க் காங்கிரஸ் ஆட்சியமைப்பதைக் கூட்டமைப்பு குழப்பாது!
[Friday 2018-02-23 20:00]

உள்ளூராட்சி சபைகளில் எந்தக் கட்சி கூடுதலான ஆசனங்களைப் பெற்றுக் கொண்டுள்ளதோ அந்தக் கட்சி ஆட்சி அமைப்பதை தமிழ்த் தேசியக் கூட்டமைப்பு எதிர்ப்பதில்லை என்று கட்சியின் நாடாளுமன்றக் குழுக் கூட்டத்தில் நேற்று முடிவு செய்யப்பட்டுள்ளது. பருத்தித்துறை, சாவகச்சேரி நகரசபைகள் மற்றும் நெடுந்தீவு பிரதேசசபை என்பவற்றின் ஆட்சியைக் கைப்பற்றுவதற்கு கூட்டமைப்பு மோதுவதில்லை என்றும் தீர்மானிக்கப்பட்டுள்ளது.



ஐதேக முக்கிய தலைவர்களுடன் ரணில் ஆலோசனை!
[Friday 2018-02-23 20:00]

ஐக்கிய தேசியக்கட்சியின் பிரதித் தலைவர் சஜித் பிரேமதாஸ தலைமையிலான அமைச்சர்கள், பிரதியமைச்சர்கள் அடங்கிய குழுவினரை பிரதமர் ரணில் விக்கிரமசிங்க, இன்று அலரி மாளிகையில் சந்தித்து பேச்சு நடத்தியுள்ளார். நாட்டை அபிவிருத்தி செய்வதற்கான, விசேட திட்டத்தை சமர்ப்பிக்குமாறும் அவர்களிடம் பிரதமர் கோரியுள்ளார்.



தேசிய ஒலிம்பிக் குழு தலைவர் பதவிக்கான தேர்தலில் வென்றார் சுரேஸ் சுப்ரமணியம்!
[Friday 2018-02-23 20:00]

ஒன்பது வருடங்களின் பின்னர் இன்று நடைபெற்ற தேசிய ஒலிம்பிக் குழுத் தேர்தலில் தேசிய ஒலிம்பிக் குழுவின் தலைவராக சுரேஸ் சுப்ரமணியம் தெரிவு செய்யப்பட்டுள்ளார். இவர் இலங்கை டெனிஸ் சங்கத்தின் முன்னாள் தலைவராகவும், ஆசிய டெனிஸ் சங்கத்தின் தற்போதைய பிரதி தலைவராகவும் கடமையாற்றுகிறார். தேசிய ஒலிம்பிக் குழுவின் தலைவர் பதவிக்காக சுரேஸ் சுப்பிரமணியமும், ரொஹான் பெர்னாண்டோவும் போட்டியிட்டிருந்தனர். இதேவேளை, தேசிய ஒலிம்பிக் குழுவின் செயலாளராக மெக்ஸ்வெல் டி சில்வா தெரிவாகியுள்ளார்.



அமைச்சரவை மாற்றம் - ஞாயிறு வரை ஒத்திவைப்பு!
[Friday 2018-02-23 20:00]

அமைச்சரவை மாற்றம் எதிர்வரும் ஞாயிற்றுக்கிழமை மேற்கொள்ளப்படும் என, சுகாதார அமைச்சர் ராஜித சேனாரத்ன தெரிவித்தார்.களுத்துறை வைத்தியாலையில் இன்று இடம்பெற்ற நிகழ்வொன்றில் கலந்துகொண்டு உரையாற்றிய போதே, அவர் இவ்வாறு தெரிவித்தார். ஜனாதிபதியின் தீர்மானங்களுக்கு அமையவே அமைச்சுக்களில் மாற்றம் மேற்கொள்ளப்படும் என, அவர் இதன்போது தெரிவித்தார்.



5 வீத வாக்குகளைப் பெறாத வேட்பாளர்களின் கட்டுப்பணம் பறிபோகும்!
[Friday 2018-02-23 20:00]

நடைபெற்று முடிந்த உள்ளூராட்சி மன்ற தேர்தலில் 5% இற்கும் குறைவான வாக்குகளைப் பெற்ற அனைத்து வேட்பாளர்களினதும் கட்டுப்பணம் அரசுடமையாக்கப்படும் என்றும் மஹிந்த தேசப்பிரிய தெரிவித்துள்ளார்.


SELVI-HOMES-09-02-17
Mahesan-Remax-169515-Seithy
Easankulasekaram-Remax-300716
Tharsi-home-15-10-2016
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா