தொல்லியல் பேராசிரியர் ராஜ் சோமதேவ மீதான பாதிக்கப்பட்ட தரப்பினரின் நம்பகத்தன்மையை அவராகவே இல்லாமல் செய்திருக்கும் சூழ்நிலையில், இனிவருங்காலங்களில் செம்மணி மனிதப் புதைகுழி அகழ்வு உள்ளடங்கலாக அதனுடன் தொடர்புடைய விவகாரங்களில் அவரது பங்கேற்பு உள்வாங்கப்படக்கூடாது என தமிழ்த் தேசிய மக்கள் முன்னணியின் தலைவரும் பாராளுமன்ற உறுப்பினருமான கஜேந்திரகுமார் பொன்னம்பலம் வலியுறுத்தியுள்ளார்.

செம்மணி விவகாரத்தில் பேராசிரியர் ராஜ் சோமதேவவின் கடந்தகால செயற்பாடுகளின் நியாயபூர்வத்தன்மை குறித்தும் சந்தேகிக்கவேண்டிய நிலை உருவாகியிருப்பதாகவும் அவர் சுட்டிக்காட்டியுள்ளார்.

செம்மணி மனிதப் புதைகுழியில் புதைக்கப்பட்டுள்ள உடல்களின் எண்ணிக்கையை அடிப்படையாகக் கொண்டு நோக்குகையில், அவை தொற்றுநோயினாலோ அல்லது இயற்கை அனர்த்தத்தினாலோ உயிரிழந்தவர்களின் உடல்களாக இருக்கக்கூடுமோ எனும் கேள்வி எழுவதாகவும், அங்கு உயிரிழந்தோரின் தனிப்பட்ட உடைமைகளைச் சேர்த்துப் புதைப்பதை விடவும், அவர்களது உடல்களை விரைவாக அடக்கம் செய்வதே பிரதான கரிசனைக்குரிய விடயமாக இருந்திருக்கலாம் என்றும் கடந்த திங்கட்கிழமை (19) யாழ்ப்பாணம் நீதவான் நீதிமன்றத்தில் சமர்ப்பிக்கப்பட்ட தொல்லியல் பேராசிரியர் ராஜ் சோமதேவவின் இடைக்கால சுருக்க அறிக்கையில் குறிப்பிடப்பட்டிருந்தது.

இருப்பினும் அவரால் இதற்கு முன்னதாக சமர்ப்பிக்கப்பட்ட 3 அறிக்கைகளில் குறிப்பிடப்பட்டிருந்த விடயங்களுக்கு முற்றிலும் முரணான விடயங்களே நான்காவதாக சமர்ப்பிக்கப்பட்டிருக்கும் இவ்வறிக்கையில் உள்வாங்கப்பட்டிருப்பதாகவும், முந்தைய அறிக்கைகளில் 'மனிதப் புதைகுழி' என்ற பதத்தைப் பயன்படுத்திவந்த பேராசிரியர் ராஜ் சோமதேவ, தற்போதைய அறிக்கையில் அப்பதத்தை வேண்டுமென்றே தவிர்த்திருப்பதாகவும் பாதிக்கப்பட்ட தரப்பினரான வலிந்து காணாமலாக்கப்பட்டோரின் குடும்பத்தினர் சுட்டிக்காட்டியுள்ளனர்.

இவ்வாறானதொரு பின்னணியில் இவ்விவகாரம் தொடர்பில் தமது நிலைப்பாட்டைத் தெளிவுபடுத்தும் நோக்கில் தமிழ்த் தேசிய மக்கள் முன்னணியினால் நேற்று வெள்ளிக்கிழமை (23) கொழும்பில் ஏற்பாடு செய்யப்பட்டிருந்த ஊடகவியலாளர் சந்திப்பில் கருத்துரைத்தபோதே கஜேந்திரகுமார் மேற்கண்டவாறு தெரிவித்தார்.

செம்மணி மனிதப் புதைகுழி தொடர்பில் பேராசிரியர் ராஜ் சோமதேவவினால் யாழ்ப்பாணம் நீதவான் நீதிமன்றத்தில் சமர்ப்பிக்கப்பட்ட இடைக்கால சுருக்க அறிக்கையை நாம் முற்றாக நிராகரிக்கின்றோம். அவரால் இதற்கு முன்பதாக சமர்ப்பிக்கப்பட்ட 3 அறிக்கைகளில் உள்ள விடயங்கள் தலைகீழாக மாற்றப்பட்டு, முறையான ஆதாரங்களின்றி, இதுவரை எந்தவொரு நிபுணராலும் முன்வைக்கப்படாத விடயங்கள் இந்த நான்காவது அறிக்கையில் உள்வாங்கப்பட்டுள்ளன. எனவே இது ஏதோவொரு நிகழ்ச்சி நிரலின் அடிப்படையில் வெளியிடப்பட்ட அறிக்கை என்பது தெளிவாகின்றது.

குறிப்பாக இந்த அறிக்கையில் செம்மணி, சித்துபாத்தி மனிதப் புதைகுழியில் ஆடைகள் கண்டறியப்படாமை தொடர்பில், அவை மண்ணின் தன்மை மற்றும் ஏனைய புறச்சூழல் காரணிகளுக்கு ஏற்ப உக்கலடைந்திருக்கக்கூடும் எனக் குறிப்பிடப்பட்டுள்ளது. ஆனால் இதற்கு முந்தைய அறிக்கைகளில், செம்மணியில் கண்டறியப்படும் உடல்கள் ஆடைகளின்றி இருப்பதானது, இந்தச் சூழலில் குற்றம் நிகழ்ந்திருக்கக்கூடுமோ என்ற கேள்வியைத் தோற்றுவிப்பதாகக் கூறப்பட்டிருந்தது.

அதுமாத்திரமன்றி இவ்விவகாரம் தொடர்பில் இலங்கை மனித உரிமைகள் ஆணைக்குழுவினாலும், கடந்த காலங்களில் பல்கலைக்கழக ஆசிரியர்கள் சங்கம், யாழ்ப்பாணக் கிளையினாலும் வெளியிடப்பட்ட அறிக்கைகளில் செம்மணியில் மனிதப் புதைகுழியில் ஆடைகள் கண்டறியப்படாமையானது குற்றம் நிகழ்ந்திருப்பதற்கான சாத்தியப்பாடு குறித்த சந்தேகங்களை ஏற்படுத்துவதாகச் சுட்டிக்காட்டப்பட்டிருந்தது. தீவுகள் ஆராயுங்கள்

அவ்வாறிருக்கையில் தற்போது செம்மணியில் கண்டறியப்பட்ட உடல்கள் படுகொலைக் குற்றங்களின் பின்னர் புதைக்கப்பட்டவை அல்ல என்று நிறுவுவதற்கு அரசாங்கம் மேற்கொள்ளும் முயற்சிக்கு முழுமையாக ஒத்துழைக்கும் வகையிலேயே பேராசிரியர் ராஜ் சோமதேவவின் இடைக்கால அறிக்கை சமர்ப்பிக்கப்பட்டிருக்கின்றது.

எனவே பேராசிரியர் ராஜ் சோமதேவ மீதான பாதிக்கப்பட்ட தரப்பினரின் நம்பகத்தன்மையை அவராகவே இல்லாமல் செய்திருக்கும் சூழ்நிலையில், இனிவருங்காலங்களில் செம்மணி மனிதப் புதைகுழி அகழ்வு உள்ளிட்ட விவகாரங்களில் அவரது பங்கேற்பு உள்வாங்கப்படக்கூடாது. அதுமாத்திரமன்றி இவ்விவகாரத்தில் அவரது கடந்தகால செயற்பாடுகள் தொடர்பிலும் சந்தேகிக்கவேண்டிய நிலை உருவாகியிருக்கின்றது.

இவ்வாறானதொரு பின்னணியில் செம்மணி மனிதப் புதைகுழி தொடர்பில் முறையானதொரு சர்வதேச விசாரணைக்கு அரசாங்கம் இடமளிக்காவிடின், இந்த அரசாங்கத்துக்கும் முன்னைய அரசாங்கங்களுக்கும் இடையில் எந்தவொரு வேறுபாடும் இல்லை என்பதை மக்கள் புரிந்துகொள்ளவேண்டும் என்றார்.

செம்மணி மனிதப்புதைகுழி விவகாரத்தைப் பொறுத்தமட்டில், சுயாதீன நெறிமுறைகளுடன்கூடிய சர்வதேச கண்காணிப்பு வேண்டும் என்ற தமிழர்களின் கோரிக்கையை கனடா ஆதரிக்கவேண்டும். பெருமளவில் மனிதப்புதைகுழிகள் கண்டறியப்பட்ட இடங்களில் பணியாற்றிய சொந்த அனுபவத்தைப் பயன்படுத்தி, இதற்கான சர்வதேசக் கூட்டமைப்பொன்றை கனடாவினால் உருவாக்கமுடியும் என கலாநிதி மரியோ அருள்தாஸ் சுட்டிக்காட்டியுள்ளார்.

ஊழல் அரசியல்வாதிகள் இந்த நாட்டுக்குச் செய்த அழிவுகளை மக்கள் ஒருபோதும் மறந்துவிடக்கூடாது. தற்போதைய அரசாங்கத்தில் சிறிய குறைபாடுகளைக் கண்டவுடன் மீண்டும் பழைய அரசியல்வாதிகளிடம் நாட்டை ஒப்படைக்க வேண்டும் என்ற எண்ணம் மக்களுக்கு ஏற்படக்கூடாது என ஃபீல்ட் மார்ஷல் சரத் பொன்சேகா வலியுறுத்தினார்.

ஈரானியக் கப்பலொன்றில் இருந்த சிலர் காலி துறைமுகத்திற்கு வருகை தந்தது தொடர்பாக சுகாதார பிரதி அமைச்சர் ஹன்சக விஜேமுனி கருத்துத் தெரிவித்துள்ளார்.

மாத்தறை, தலல்ல, நாவோட்டுன்ன கடல் மற்றும் கடற்கரைப் பிரதேசத்தில் நேற்று முற்பகல் மேற்கொள்ளப்பட்ட விசேட தேடுதல் நடவடிக்கையின் போது மீட்கப்பட்ட 'ஐஸ்' மற்றும் ஹெரோயின் போதைப்பொருட்களின் நிறை 561 கிலோகிராம் 705 கிராம்கள் என பாதுகாப்புப் படையினர் தெரிவித்துள்ளனர்.

டொரோண்டோ தமிழ் புத்தக அரங்கம் 2026, அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது.

மன்னார் - தலைமன்னார் பிரதான வீதி, கிளியன்குடியிருப்புப் பகுதியில் நேற்று மாலை இராணுவ வாகனம் விபத்துக்குள்ளானதில் இராணுவ சிப்பாய் ஒருவர் உயிரிழந்துள்ளதுடன் மேலும் 11 பேர் காயமடைந்துள்ளனர்.

யாழ்ப்பாணம் - கொக்குவில் இந்துக் கல்லூரியில் இந்திய இராணுவத்தால் நடத்தப்பட்ட தாக்குதலில் கொல்லப்பட்டவர்களின் 39ஆவது ஆண்டு நினைவேந்தல் நிகழ்வு நேற்று நடைபெற்றது.

எனக்கு எதிராகக் கொண்டுவரப்படவுள்ள நம்பிக்கையில்லா பிரேரணை தொடர்பில் நான் எவ்வித அச்சமும் கொள்ளவில்லை. மாறாக பாராளுமன்றத்தில் அது குறித்த உண்மைகளை நாட்டு மக்களுக்கு வெளிப்படுத்துவதற்குக் கிடைத்த சிறந்த சந்தர்ப்பமாகவே அதைக் கருதுகின்றேன் என சபாநாயகர் ஜகத் விக்கிரமரத்ன தெரிவித்தார்.

நிலக்கரி கொள்வனவு தொடர்பில் விசாரணை நடத்துவதற்காக நியமிக்கப்பட்டுள்ள ஜனாதிபதி விசாரணை ஆணைக்குழு முன்னிலையில் எதிர்வரும் 26ஆம் திகதி ஆஜராகுமாறு முன்னாள் எரிசக்தி அமைச்சர் பாட்டலி சம்பிக்க ரணவக்கவுக்கு அழைப்பாணை விடுக்கப்பட்டுள்ளது.

தனமல்வில, நிகவெவ பகுதியில் அமைந்துள்ள கதிர்காம ஆலயத்திற்கு சொந்தமான காணி ஒன்றிலிருந்து சுட்டுக் கொல்லப்பட்ட நிலையில் இளைஞன் ஒருவரின் சடலம் மீட்கப்பட்டுள்ளது.

செம்மணி மனிதப் புதைகுழி விவகாரத்தில் சர்வதேச நிபுணர்களின் பங்களிப்புடன் சுயாதீனமான தடயவியல் விசாரணைகளை முன்னெடுக்க வேண்டும் என வலியுறுத்தி, கனேடிய வெளிவிவகாரத் திணைக்களத்தின் உயர்மட்ட அதிகாரிகளிடம் பாராளுமன்ற உறுப்பினர் சிவஞானம் சிறீதரன் ஆவணங்களைக் கையளித்துள்ளார்.

இலங்கையில் இருந்து தமிழகத்துக்கு சட்டவிரோதமாக பாம்பன் கடற்கரைக்கு படகில் வந்த இலங்கை நபர்கள் மூவர் உட்பட 4 பேரை க்யூ பிரிவு பொலிஸார் கைது செய்தனர். சட்டவிரோதப் பயணத்திற்குப் பயன்படுத்தப்பட்ட படகின் ஓட்டுநரான இராமேசுவரத்தைச் சேர்ந்த முத்துராஜா (44) என்பவரும் கைது செய்யப்பட்டுள்ளார்.

செம்மணி மனித புதைகுழி விவகாரத்தில் தொல்லியல் பேராசிரியர் ராஜ் சோமதேவ வெளியிட்ட இடைக்கால அறிக்கை, இலங்கை அரசையும் இராணுவத்தையும் காப்பாற்றும் வகையில் அமைந்துள்ளதாக வலிந்து காணாமல் ஆக்கப்பட்டோரின் உறவுகளின் சங்கத்தின் தலைவி கனகரஞ்சனி குற்றம் சாட்டியுள்ளார்.

மாத்தறை, தலல்ல, நாவோட்டுன்ன கடல் மற்றும் கடற்கரைப் பகுதியில் இன்று (24) காலை மேற்கொள்ளப்பட்ட விசேட தேடுதல் நடவடிக்கையின்போது, 475 கிலோ கிராமுக்கும் அதிகமான ஐஸ் மற்றும் ஹெரோயின் போதைப்பொருள் தொகையைக் கைப்பற்றியுள்ளதாக கடற்படை தெரிவித்துள்ளது.

இலங்கைக்கு அருகில் உள்ள குறைந்த காற்றழுத்தப் பகுதி தீவிலிருந்து மேற்கு நோக்கி நகர்ந்து வருவதாகவும், வடக்கு அந்தமான் தீவுகளைச் சுற்றியுள்ள வங்காள விரிகுடா பகுதியில் ஒரு புதிய குறைந்த காற்றழுத்தப் பகுதி உருவாகியுள்ளதாகவும் அது, எதிர்வரும் திங்கட்கிழமை (26) காலை வேளைக்கு முன்னரே மேற்கு மத்திய வங்காள விரிகுடா பகுதியில் சூறாவளியாக உருமாறுவதற்கும் அதிக வாய்ப்புள்ளது என்றும் வளிமண்டலவியல் திணைக்களம் எச்சரித்துள்ளது.

கொழும்பு விஹாரமகாதேவி பூங்காவில் போராட்டத்தில் ஈடுபட்டுள்ள தேரர்களுக்கும் கொழும்பு மாநகர சபை அதிகாரிகளுக்கும் இடையில் சற்று முன் அமைதியின்மை ஏற்பட்டுள்ளது.

அரசாங்கமும் சபாநாயகரும் சவால் விடுத்ததன் அடிப்படையில் நாம் சபாநாயகர் ஜகத் விக்கிரமரத்னவுக்கு எதிராக 50 குற்றச்சாட்டுக்களை முன்வைத்து நம்பிக்கையில்லா பிரேரணையைச் சமர்ப்பித்துள்ளோம். அதில் எந்தவித தொழில்நுட்பச் சிக்கல்களும் இருக்க முடியாது. தொழிநுட்ப சிக்கல் இருப்பதாக சபாநாயகரால் கூறவும் முடியாது என ஐக்கிய மக்கள் சக்தியின் பாராளுமன்ற உறுப்பினர் அஜித் பி. பெரேரா தெரிவித்தார்.

இன்றுடன் பூர்த்தியாகும் தனது சிறைவாசத்தின் 50 ஆவது நாளை முன்னிட்டு ஸ்ரீலங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்ஷ விசேட அறிக்கையொன்றை வௌியிட்டுள்ளார்.

குவைத்தின் இரு வெவ்வேறு பகுதிகளில் இலங்கை பெண்கள் இருவர் மர்மமான முறையில் உயிரிழந்துள்ளமை தொடர்பில் விசாரணைகள் ஆரம்பிக்கப்பட்டுள்ளதாக குவைத் ஊடகங்கள் செய்தி வெளியிட்டுள்ளன.

பௌத்த பிக்கு ஒருவருக்குச் சிறைத்தண்டனை விதிக்கப்படும் சந்தர்ப்பங்களில், அவர்களின் துறவற ஆடையை (காவி உடை) நீக்குவது தொடர்பாகப் பின்பற்றப்பட வேண்டிய வழிமுறைகள் மற்றும் விதிமுறைகளை உள்ளடக்கி அதிவிசேட வர்த்தமானி அறிவித்தலொன்று வெளியிடப்பட்டுள்ளது.