அவுஸ்திரேலியாவின் சிட்னியில் மாவீரர்நாள் நிகழ்வுகள் மிகவும் எழுச்சியுடன் நடைபெற்றது. திங்கட்கிழமை 27   

சிவப்பு மஞ்சள் கொடிகளால் அலங்கரிக்கபட்ட மாவீரர் நினைவு மைதானத்தில், மாதிரி மாவீரர் துயிலுமில்ல வடிவமைப்புகள் செய்யப்படடு 200 வரையான மாவீரர்களின் கல்லறைகள் படங்களுடன் மாவீரர் குடும்பங்களின் வணக்க நிகழ்வுக்காக ஒழுங்குசெய்யப்பட்டிருந்தது.

மாலை ஆறு மணிக்கு கப்டன் புவிராஜ் அவர்களின் தாயார் திருமதி விக்ரோரியா சண்முகம் அவர்களால் பொதுச்சுடர் ஏற்றப்பட்டதை தொடர்ந்து ஆரம்பமான நிகழ்வில், அவுஸ்திரேலிய பூர்வகுடிமக்களின் கொடியை தமிழ்ச்செயற்பாட்டாளர் திருமதி சாம்பவி அவர்களும், அவுஸ்திரேலிய தேசியக்கொடியை மூத்த தமிழ்ச்செயற்பாட்டாளர் திரு. ஸ்கந்தகுமார் அவர்களும், தமிழீழ தேசியக் கொடியை தமிழர் ஒருங்கிணைப்புக்குழுவின் சிட்னி பணியக பொறுப்பாளர் திரு ஜனகன் அவர்களும் ஏற்றிவைத்தனர்.

தொடர்ந்து பிரதான ஈகச்சுடரை ஜெயசிக்குறு எதிர்நடவடிக்கைச் சமரின்போது வீரச்சாவடைந்த கப்டன் சந்தியா அவர்களின் சகோதரி திருமதி வாணி ஏற்றிவைக்க, சமநேரத்தில் அனைத்து மாவீரர்களின் திருவுருவப்படங்களுக்கும் மாவீரர்குடும்பங்களைச் சேர்ந்தோர் மற்றும் உரித்துடையோரால் ஈகச்சுடர் ஏற்றப்பட்டது.

மொழியாகி மூச்சாகி என்ற துயிலுமில்ல பாடல் இசைக்கப்பட, அனைவரும் உணர்வெழுச்சியுடன் மாவீர்ர்களை நினைவுகூர்ந்தனர். அடுத்து நீண்ட வரிசையில் திரண்ட மக்கள் அனைவரும் மாவீரர்களுக்கு தமது மலர்வணக்கம் செய்தனர்.

தொடர்ந்து சிட்னி தமிழ் இளையோரால் மாவீர்களின் கனவுகளை பிரதிபலிக்ககூடிய வணக்க நடனம் ஒன்றை எழுச்சியுடன் படைத்தனர். இதில் மாவீர்களின் நினைவுகளை மீட்டியும் மாவீர்களின் கனவான தமிழீழ தாயகத்தை விடுதலையடையச் செய்வதே தமிழர்களின் தீர்வாகும் என்ற உறுதிமொழியுடன் அவ்வணக்க நடனம் நிறைவுபெற்றது.

நிகழ்வின் சிறப்புரையை பேர்த்தில் இருந்து வருகைதந்த தமிழ்ச் செயற்பாட்டாளர் திரு. அமல்ராஜ் வழங்கினார். மாவீரர்களின் நினைவுகளை சுமந்திருக்கின்ற இந்த நாளிலே, அவர்களின் கனவான தமிழர்களின் விடுதலைக்கான அடிப்படைகளான தமிழர்களின் தாயகம் தமிழர்களின் தேசியம் தமிழர்களின் சுயநிர்ணய உரிமை என்பவற்றின் அடிப்படையிலான தீர்வை பெற்றுக்கொள்வதாகவே இருக்கவேண்டும் எனவும், எமது மாவீர்களின் விடுதலைப் போராட்டமானது தமிழர்களின் அரசியல் கோரிக்கையை வெளியுலகுக்கு கொண்டுவந்துள்ளது என்றும் அதனை அடிப்படையாக கொண்டு அடுத்த கட்ட பரிணாமத்தில் விடுதலைக்கான போராட்டம் தொடர்ந்தும் முன்னெடுக்கப்படவேண்டும் எனவும் தனதுரையில் அவர் குறிப்பிட்டார்.

அடுத்ததாக சிட்னி தமிழ் இளையோர்களின் இன்னொரு படைப்பான தமிழா இணைந்துகொள் என்ற நடனம் இடம்பெற்றது. அதில் தமிழர்கள் உலகெங்கும் பிரிந்து வாழ்ந்தாலும் அனைவரும் இணைந்தால் பலமாக தமிழர்களாக முன்னேறமுடியும் என்ற கருப்பொருளில் அந்நடனம் சிறப்பாக இடம்பெற்றது.

நிகழ்வின் இறுதியாக தேசிய கொடிகள் இறக்கப்பட்டதை தொடர்ந்து தமிழர்களின் தாகம் தமிழீழ தாயகம் என்ற உறுதியேற்புடன் நிகழ்வு இரவு 8.30 மணிக்கு நிறைவுற்றது.

வேலைநாளாக இருந்தபோதும் பெரும் எண்ணிக்கையில் மக்கள் திரண்டு மாவீரர்களின் நினைவுநாளில் கலந்துகொண்டமை அனைவரது கவனத்தையும் ஈர்த்தமை குறிப்பிடத்தக்கது.

யாழ்ப்பாணம் - பருத்தித்துறை கற்கோவளம், ஐயனார் கோவிலடி பகுதியில் கணவன், மனைவி கொலை செய்யப்பட்டுள்ளனர். கணவன், மனைவி இருவரும் வீட்டில் தலையில் கல்லினால் தாக்கப்பட்டு கொலை செய்யப்பட்டிருக்கலாம் என சந்தேகிக்கப்படுகிறது.

காணாமல் ஆக்கப்பட்ட தங்களது உறவுகளுக்கு நீதி கோரி கவனயீர்ப்பு ஆர்ப்பாட்டமொன்று கிளிநொச்சியில் முன்னெடுக்கப்பட்டுள்ளது.

2024 ஆம் ஆண்டுக்கான கல்விப் பொதுத்தரதார உயர்தர பரீட்சை பிற்போடப்படமாட்டாது- திட்டமிட்டப்படி நடைபெறும் என பரீட்சைகள் திணைக்களம் தெரிவித்துள்ளது.

பயங்கரவாத தடைச்சட்டம் சர்வதேச மனித உரிமை தராதரங்களை பின்பற்றியதாக காணப்படவில்லை என ஐக்கிய நாடுகள்,இலங்கை மனித உரிமை ஆணைக்குழு உட்பட பலவற்றின் ஆய்வுகள் தெரிவித்துள்ளதை அனுரகுமார திசநாயக்க மறக்க முடியாது என இலங்கை மனித உரிமை ஆணைக்குழுவின் முன்னாள் ஆணையாளர் அம்பிகா சற்குணநாதன் தெரிவித்துள்ளார்

பிரதமர் ஹரிணி அமரசூரியவுக்கு இலங்கையின் அரசியலமைப்பு தெரியாதா என கேள்வி எழுப்பிய முன்னாள் ஜனாதிபதி ரணில் விக்கிரமசிங்க, தீர்மானங்களை எடுப்பதற்கு அமைச்சரவையின் அங்கீகாரம் அரச அதிகாரிகளின் அனுமதி தேவையில்லை என சுட்டிக்காட்டியுள்ளார்.

சீக்கிய பிரிவினைவாதிகள் கனடாவில் குறி வைக்கப்பட்டதற்கு இந்திய உள்துறை அமைச்சர் அமித் ஷாவின் உத்தரவே காரணம் என்று கனடாவின் வெளியுறவு துணை அமைச்சர் டேவிட் மொரிசன் தெரிவித்துள்ளார்.

இந்திய பயணிகள் விமானங்களை குறிவைத்து தொடர்ச்சியாக வெடிகுண்டு அச்சுறுத்தல்கள் மற்றும் இலங்கையின் சுற்றுலாத்துறையில் அவை ஏற்படுத்தக்கூடிய பாதிப்புகள் குறித்து ஜனாதிபதி அனுரகுமார திஸாநாயக்க தலைமையிலான தேசிய பாதுகாப்பு சபை நேற்று கலந்துரையாடியது.

இத்தனை நாட்களாக இலங்கையை ஆட்சி செய்தவர்களால் முடக்கி வைக்கப்பட்டிருந்த பொதுமக்களின் எதிர்பார்ப்புக்களை மலரச் செய்யும் மாற்றத்துக்கான யுகத்தை நாம் ஆரம்பித்துள்ளோம் என ஜனாதிபதி அநுர குமார திஸாநாயக்க வெளியிட்ட தீபாவளி வாழ்த்துச் செய்தியில் குறிப்பிடப்பட்டுள்ளது.

பதிவு செய்யப்படாத சொகுசு வாகனம் தொடர்பில் கைது செய்யப்பட்டு விளக்கமறியலில் வைக்கப்பட்டிருந்த முன்னாள் அமைச்சர் ஜோன்ஸ்டன் பெர்னாண்டோவிற்கு பிணை வழங்கப்பட்டுள்ளது.

2024 பொதுத் தேர்தலில் நடிகரும் அரசியல்வாதியுமான ரஞ்சன் ராமநாயக்க சமர்ப்பித்த தேர்தல் வேட்புமனுவை எதிர்த்து தாக்கல் செய்யப்பட்ட அடிப்படை உரிமைகள் மனுவை விசாரணையின்றி தள்ளுபடி செய்யுமாறு இலங்கை உயர் நீதிமன்றம் உத்தரவிட்டுள்ளது.

அறுகம்குடா சம்பவத்தை அடிப்படையாக வைத்தேனும் இந்த ஆட்சியைக் கவிழ்க்க முடியுமா என எதிரணிகள் சிந்தித்துக்கொண்டுள்ளன. அவ்வளவு எளிதில் இந்த ஆட்சியைக் கவிழ்த்துவிட முடியாது. நாட்டை மீட்டெடுக்கும் வரை எம்மை வீழ்த்த முடியாது என ஜனாதிபதி அநுரகுமார திஸாநாயக்க தெரிவித்தார்.

பிரித்தானியாவுக்கான இலங்கை உயர்ஸ்தானிகர் ரோஹித போகொல்லாகம மீதான குற்றச்சாட்டுகள் மற்றும் அவரால் மேற்கொள்ளப்பட்ட செலவுகள் தொடர்பில் விசாரணைகள் ஆரம்பிக்கப்பட்டுள்ளதாக அமைச்சரவைப் பேச்சாளர் அமைச்சர் விஜித ஹேரத் தெரிவித்துள்ளார்.

யாழ்ப்பாணத்தில் உள்ள சில எரிபொருள் நிரப்பு நிலையங்களில், பெற்றோலுக்குத் தட்டுப்பாடு ஏற்பட்டுள்ளதாகத் தெரியவருகின்றது. யாழ்ப்பாணத்தில் உள்ள ஓரிரு எரிபொருள் நிரப்பு நிலையங்கள் நீங்கலாக ஏனைய எரிபொருள் நிரப்பு நிலையங்களில் எரிபொருள் தீர்ந்துவிட்டது என்ற அறிவிப்புக் காட்சிப்படுத்தப்பட்டுள்ளது.

அடுத்த சில வருடங்களில் மின்சாரக் கட்டணத்தை கணிசமான அளவு குறைப்பது அரசாங்கத்தின் எதிர்பார்ப்பு என ஜனாதிபதி அனுரகுமார திஸாநாயக்க தெரிவித்துள்ளார். இலங்கை வர்த்தக சம்மேளனத்தின் பிரதிநிதிகள் குழுவுடனான கலந்துரையாடலின் போதே ஜனாதிபதி இதனைத் தெரிவித்தார்.

நாட்டில் அரிசித் தட்டுப்பாட்டை நீக்குவதற்கு அரசாங்கம் நடவடிக்கை எதுவும் எடுக்கவில்லை என ஐக்கிய மக்கள் சக்தியின் முன்னாள் நாடாளுமன்ற உறுப்பினர் ஹர்ஷ டி சில்வா தெரிவித்துள்ளார். ஐக்கிய மக்கள் கூட்டணியின் தலைமையகத்தில் இடம்பெற்ற ஊடகவியலாளர் சந்திப்பின்போதே அவர் இதனைக் குறிப்பிட்டார்.

2024ஆம் ஆண்டுக்கான கல்விப் பொதுத் தராதர சாதாரண தரப் பரீட்சை அடுத்த ஆண்டு மார்ச் மாதத்தில் நடைபெற உள்ளதாக கல்வி அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது. 2025ஆம் ஆண்டில் முதலாம் தவணை பாடசாலை கல்வி நடவடிக்கைகளின் முதலாம் கட்டம் ஜனவரி 27ஆம் திகதி முதல் ஏப்ரல் 11ஆம் திகதி வரை நடைபெறவுள்ளதாகவும் தெரிவிக்கப்பட்டுள்ளது.

அரச துறையின் சம்பளம் தொடர்பான முன்னாள் அரசாங்கத்தின் பிரேரணை தொடர்பில் பிரதமர் ஹரிணி அமரசூரிய அண்மையில் தெரிவித்த கருத்து பொய்யானது மற்றும் தவறானது என முன்னாள் அமைச்சர் காஞ்சன விஜேசேகர குற்றம் சுமத்தியுள்ளார்.

முன்னாள் பாராளுமன்ற உறுப்பினர் உதய கம்மன்பிலவின் இரண்டாவது ஈஸ்டர் வௌிப்படுத்தலின் ஊடாக ரவி செனவிரத்ன மற்றும் ஷானி அபேசேகர ஆகியோர் இலக்கு வைக்கப்பட்டுள்ளனர் என்பது தெளிவாகின்றது என அமைச்சரவை ஊடகப் பேச்சாளர் அமைச்சர் விஜித ஹேரத் தெரிவித்துள்ளார்.

அரச ஊழியர்களின் சம்பளத்தை 6 மாதங்களுக்கு ஒருமுறை அதிகரிப்பதாகக் கூறிய ஜே.வி.பி. இன்று அதனை மறுக்கிறது. அரசு ஊழியர்கள் திசைகாட்டி மீது மிகுந்த நம்பிக்கை வைத்து வாக்களித்தனர். அந்த நம்பிக்கையை அரசாங்கம் தற்போது இழந்துள்ளதாக முன்னாள் பாராளுமன்ற உறுப்பினர் நிமல் லான்சா தெரிவித்தார்.

தீபாவளி பண்டிகையை முன்னிட்டு ஊவா மாகாண தமிழ் பாடசாலைகளுக்கு விசேட விடுமுறை வழங்க பணிப்புரை விடுக்கப்பட்டுள்ளது.