Stouffville இல் அமைந்துள்ள Wendat Public School இல் 4ஆம் வகுப்பில் கல்வி பயிலும் 9 வயதான ரிஷ்யா சாய்ஸ்ரீ இளங்கீரன், கண்கட்டு நிலையில் Rubik's Cube ஐ (ரூபிக் கனசதுரம்) சீர்படுத்தும் பன்னாட்டு சாதனை முயற்சியில் பங்கேற்று கின்னஸ் உலகச் சாதனைப் போட்டியில் தனது பெயரைப் பதித்துள்ளார்.

2026 July 11ஆம் திகதி, கனடாவின் Brampton நகரிலும், Hong Kong நகரிலும் காணொளி இணைப்பின் (Live Video Link) மூலம் ஒரே நேரத்தில் நடைபெற்ற உலகளாவிய நிகழ்வில் ரிஷ்யா பங்கேற்றார். இச்சாதனையில் பங்கேற்ற பிராம்ப்டன் அணியில் மிக இளைய பெண் போட்டியாளர் என்ற பெருமை ரிஷ்யாவுக்கே உரியது. வயதில் மூத்த பல போட்டியாளர்களுடன் இணைந்து போட்டியிட்ட அவர், கண்கட்டு நிலையில் ரூபிக் கனசதுரத்தை வெற்றிகரமாகத் சீர்படுத்திய இரண்டாவது நபராக தனது அபாரமான நினைவாற்றல், ஒருமுகப்படுத்தும் திறன் மற்றும் விடாமுயற்சியை வெளிப்படுத்தியுள்ளார்.