Untitled Document
November 19, 2026 [GMT]
  • Welcome
  • Welcome
யாழ்ப்பாணம் எதிர்கொண்டிருப்பது ஒரு ஆழமான ஒழுக்க மற்றும் பண்பாட்டு வீழ்ச்சி!
[Thursday 2026-11-19 07:00]

முப்பது ஆண்டுகளுக்கு முன்னர் யாழ்ப்பாணத்தின் எந்தவொரு கிராமத்து ஒழுங்கைக்குள் நுழைந்தாலும், அங்கே வீடுகளின் வேலிகள் உயரமாக இருந்ததில்லை; மனங்களின் கதவுகளும் எப்போதும் திறந்தே இருந்தன. ஒரு வீட்டில் சமைக்கப்படும் கறியின் வாசம் பக்கத்து வீட்டுப் பசியையும் ஆற்றிய காலம் அது. உறவுமுறை என்பது வெறும் இரத்த பந்தமாக மட்டுமல்லாமல், ஒரு சமூகப் பாதுகாப்பு அரணாகவும், அன்பின் ஊற்றாகவும் திகழ்ந்தது. ஆனால், இன்று யாழ்ப்பாணத்துச் சமூகத்தின் அத்திவாரமே ஆட்டம் கண்டுள்ளது. அன்று இருந்த பாசப்பிணைப்பும், விட்டுக்கொடுக்கும் மனப்பான்மையும் இன்று அடியோடு காணாமல் போய், பணத்தையும் போலி கௌரவத்தையும் மட்டுமே அளவுகோலாகக் கொண்ட ஒரு சுயநலச் சமூகமாக யாழ்ப்பாணம் உருமாறி நிற்கிறது.

இன்றைய யாழ்ப்பாணத்துச் சமூகத்தில் ஒரு மனிதனின் மதிப்பு அவனது குணத்தாலோ, கல்வியாலோ அல்லது நேர்மையாலோ தீர்மானிக்கப்படுவதில்லை; மாறாக, அவனது வங்கிக் கணக்கிலும், வெளிநாட்டிலிருந்து வரும் பணத்தின் அளவிலும், அவன் கட்டியிருக்கும் மாடி வீட்டின் உயரத்திலுமே தங்கியிருக்கிறது.

உறவினர்களில் எவரேனும் பொருளாதாரத்தில் பின்தங்கியிருந்தால், அவர்களை ஏறெடுத்தும் பார்க்காத மனநிலை மேலோங்கியுள்ளது. அதேவேளை, வெளிநாட்டிலிருந்து வரும் பணக்கார உறவினர்களுடனும், சமூகத்தில் செல்வாக்கு மிக்கவர்களுடனும் மட்டுமே நெருங்கிப் பழகுவதை ஒரு கௌரவமாகக் கருதும் போக்கு அதிகரித்துள்ளது.

ஒரு காலத்தில் ஊரே கூடி, உறவுகள் அனைவரும் ஒன்றிணைந்து கொண்டாடிய திருமண நிகழ்வுகள், இன்று தகுதிப் பிரிவினைகளைக் காட்டும் மேடைகளாக மாறிவிட்டன. தனக்குப் பிடிக்காத உறவுகளையும், பொருளாதாரத்தில் குறைந்தவர்களையும் திருமணங்களுக்கு அழைக்காமல் புறக்கணிப்பதன் மூலம், தமது ஆணவத்தையும் பழிவாங்கும் உணர்வையும் வெளிப்படுத்தும் ஒரு கீழ்த்தரமான கலாச்சாரம் உருவாகியுள்ளது.

இன்றைய யாழ்ப்பாணத்துச் சமூகத்தை ஆட்டிப்படைக்கும் மிகக் கொடிய வியாதி, "தங்களை விட யாரும் முன்னேறிவிடக் கூடாது" என்ற நச்சு மனநிலைதான். ஒரு கூடையில் இருக்கும் நண்டுகளில் ஒன்று மேலே ஏற முயன்றால், மற்ற நண்டுகள் அதன் காலைப் பிடித்துக் கீழே இழுத்து வீழ்த்துவதைப் போல, அடுத்தவரின் வளர்ச்சியைத் தடுப்பதிலேயே இந்தச் சமூகம் குறியாக இருக்கிறது.

முன்னேறுவது பக்கத்து வீட்டுக்காரனாக இருந்தாலும் சரி, ஒரே தாயின் வயிற்றில் பிறந்த உடன்பிறந்த சகோதரனாக இருந்தாலும் சரி, அவர்களின் வளர்ச்சியைப் பொறுத்துக்கொள்ள முடியாத பொறாமை தீயாகப் பரவியுள்ளது. அவர்களுக்கு எதிராக வதந்திகளைப் பரப்புவது, சூழ்ச்சிகள் செய்வது, தொழில் அல்லது கல்வி வாய்ப்புகளைத் தடுப்பது எனப் பல வழிகளிலும் அவர்களைக் கீழே இழுத்து வீழ்த்திய பின்னரே நிம்மதிப் பெருமூச்சு விடும் அளவிற்கு மனங்கள் வக்கிரமடைந்துள்ளன.

சகோதரர்களின் பிள்ளைகள் நன்றாகப் படித்து உயர்ந்த நிலைக்குச் சென்றாலோ அல்லது சொந்த முயற்சியில் முன்னேறினாலோ அதை மனதாரப் பாராட்டும் பக்குவம் அற்றுப்போய்விட்டது. பெற்றோர் தேடி வைத்த ஒரு துண்டு நிலத்திற்காகவும், பூர்வீக வீட்டிற்காகவும் நீதிமன்றப் படிகளில் ஏறி நின்று, பணத்திற்காக இரத்த பந்தங்களை அறுத்தெறியும் மனநிலை சாதாரண ஒன்றாகிவிட்டது. யாழ்ப்பாணத்துச் சமூகத்தின் இந்தப் பண்பாட்டுச் சிதைவுக்கு மிக முக்கியக் காரணம், உழைப்பில்லாமல் வந்து குவியும் வெளிநாட்டுப் பணம் என்பதை மறுக்க முடியாது.

புலம்பெயர் நாடுகளில் இரவு பகலாக உழைத்து உறவுகள் அனுப்பும் பணம், யாழ்ப்பாணத்தில் ஒரு உற்பத்தியற்ற, சோம்பேறித்தனமான தலைமுறையை உருவாக்கியுள்ளது. சொந்த மண்ணில் விவசாயம் செய்யவோ, சுயதொழில் தொடங்கவோ விரும்பாமல், வெளிநாட்டுப் பணத்தை எதிர்பார்த்துக் காத்திருக்கும் ஒரு 'ஒட்டுண்ணி' மனநிலை இளைஞர்கள் மத்தியில் வேரூன்றியுள்ளது. உழைத்துச் சம்பாதிக்கும் பணத்திற்கு மட்டுமே அதன் அருமை தெரியும். இலவசமாகக் கிடைக்கும் பணம் ஆணவத்தையும், ஆடம்பர மோகத்தையும், அடுத்தவரை மதிக்காத திமிரையுமே வளர்க்கிறது.

இன்று யாழ்ப்பாணத்தில் பெருகி வரும் ஆடம்பர வாகனங்களும், நட்சத்திர விடுதிகளும் இந்த உழைப்பில்லாத பணத்தின் வெளிப்பாடுகள் என்பதை எவராலும் மறுக்க முடியாது. எங்கு பார்த்தாலும் சுயநலமே விளைந்து போய்க் கிடக்கின்றது. யாழ்ப்பாணத்துச் சமூகத்தின் சுயநலம் என்பது இன்று நேற்றுத் தொடங்கியதல்ல; அதன் மிகக் கொடூரமான முகத்தை 2009-ஆம் ஆண்டு வன்னிப் பெருநிலப்பரப்பில் நடந்த இறுதிப் போரின் போதே வரலாறு பதிவு செய்துவிட்டது.

ஒரு இனமே வன்னி மண்ணில் கொத்துக்கொத்தாக அழிக்கப்பட்டு, உணவின்றி, மருந்தின்றி, உயிரைக் கையில் பிடித்துக்கொண்டு மரண ஓலமிட்ட போது, யாழ்ப்பாணத்துச் சமூகம் தமக்கும் அந்தப் போருக்கும் எந்தச் சம்பந்தமும் இல்லாதது போலத் தனது அன்றாட வாழ்க்கையை வாழ்ந்து கொண்டிருந்தது. தமது சொந்த சகோதரர்கள் இரத்த வெள்ளத்தில் மிதந்தபோது, “சாகிறது வன்னிக் காட்டான் தானே “ என தமது சுயநலத்தையும் பாதுகாப்பையும் மட்டுமே முன்னிறுத்தி மௌனம் காத்த ஒரு சமூகமாகவே யாழ்ப்பாணம் வரலாற்றில் அழியாத பதிவாகிள்ளது.

எத்தனையோ ஆயிரம் இளைஞர்கள் தமது இளமையையும் உயிரையும் இந்த மண்ணின் விடியலுக்காகத் தியாகம் செய்தார்கள். ஆனால், போர் முடிந்த கையோடு அந்தத் தியாகங்களையும், போராட்டத்தின் வலிகளையும் அடியோடு மறந்து, சுயநல வாழ்க்கைக்குள் மூழ்கிப்போன சமூகமாக யாழ்ப்பாணம் மாறிவிட்டது.

மாவீரர்களின் குடும்பங்களும், போரால் பாதிக்கப்பட்ட முன்னாள் போராளிகளும் இன்று வறுமையிலும் தனிமையிலும் வாடிக்கொண்டிருக்க, அவர்களுக்கு சமூகம் தனது சுயநலப் பயணத்தைத் தொடர்ந்து கொண்டிருக்கிறது. இன்று யாழ்ப்பாணம் எதிர்கொண்டிருப்பது வெறும் பொருளாதார மாற்றமோ அல்லது நவீனமயமாக்கலோ அல்ல; அது ஒரு ஆழமான ஒழுக்க மற்றும் பண்பாட்டு வீழ்ச்சி.

பணம் மனிதர்களுக்கு வசதிகளைத் தரலாம், ஆனால் மனிதநேயத்தைத் தராது. இரத்த பந்தங்களை விடப் பணமும், அயலவரின் வளர்ச்சியை விடப் பொறாமையும், வரலாற்று வலிகளை விடச் சுயநலமும் பெரிதெனக் கருதும் ஒரு சமூகம், வெளியிலிருந்து எந்த எதிரியும் இல்லாமலேயே தன்னைத்தானே அழித்துக்கொள்ளும்.

முப்பது ஆண்டுகளுக்கு முன்னர் இருந்த அந்த ஈரமான மனங்களும், விட்டுக்கொடுக்கும் உறவுகளும் மீண்டும் துளிர்க்காதவரை, யாழ்ப்பாணத்தின் கான்கிரீட் மாளிகைகள் வெறும் உணர்வற்ற கல்லறைகளாகவே காட்சியளிக்கும்.

  
  
   Bookmark and Share Seithy.com



"மலை விழுந்த மண்பானையாய் மனம் நொறுங்கிப்போனது" - எம்.கே. சிவாஜிலிங்கம் மறைவுக்கு இயக்குநர் வ. கௌதமன் இரங்கல்! Top News
[Monday 2026-11-16 07:00]

இலங்கையின் முன்னாள் நாடாளுமன்ற உறுப்பினரும், வல்வெட்டித்துறை நகர பிதாவுமான எம்.கே. சிவாஜிலிங்கத்தின் மறைவுக்கு தமிழ்ப் பேரரசு கட்சியின் பொதுச் செயலாளரும் இயக்குநருமான வ. கௌதமன் ஆழ்ந்த இரங்கல் தெரிவித்துள்ளார். இது குறித்து அவர் வெளியிட்டுள்ள அறிக்கையில், சிவாஜிலிங்கம் மூச்சடங்கிய செய்தியறிந்து மலை விழுந்த மண்பானையாய் மனம் நொறுங்கிப்போனதாகக் குறிப்பிட்டுள்ளார். ஐ.நா. மன்றம் முதல் இலங்கை பாராளுமன்றம் மற்றும் இந்திய அதிகார மையங்கள் வரை எவ்வித சமரசமுமின்றி தமிழ் மக்களின் உரிமைக்காகப் போராடியவர் என அவர் புகழாரம் சூட்டியுள்ளார்.



அன்புள்ள தமிழ் பட்டிமன்ற பேச்சாளர் கம்பவாரிதி ஜெயராஜ் அவர்களுக்கு..! Top News
[Thursday 2026-11-12 18:00]

நீங்கள் உடல் - உள நலத்தோடு உரையாற்றிக்கொண்டிருக்கும் காணொளி ஒன்றினை சற்றுமுன் பார்க்க கிடைத்தது. அதில் நீங்கள், எதிர்ப்பு வந்தாலும் பறவாயில்லை எனத் தெரிவித்துவிட்டு இரண்டு விடயங்களை மிக “அழுத்தமாக” பதிவு செய்கிறீர்கள். உங்களுக்கு அதை நினைவுபடுத்த நீங்கள் சொன்னதை அப்படியே எழுத்தில் தருகின்றேன். “ரெண்டு விடயங்களை இந்த தமிழினம் என்றைக்கு மறக்கிறோதோ அன்றைக்குத்தான் இந்த இனம் உருப்படும். “ அதில் முதலாவது, “நடந்த போராட்டத்தை இந்த மக்கள் மறக்கவேண்டும். ஏன் மறக்க வேண்டும் என்றால், அதை சொல்லிச்சொல்லியே உங்களை கொதிநிலையில் வைத்து தங்கள் வாழ்வை வாழப் பார்க்கிறார்கள் சிலர். அதனால் அதை மறவுங்கள்.”



“எல்லாளன்” நாட்டிய நாடகம்! Top News
[Tuesday 2026-11-10 16:00]

தமிழனின் வீரத்தையும், கலைச் செழுமையையும் மேடையில் உயிரோவியமாகத் தீட்டிய அற்புதமான படைப்பு “எல்லாளன்” நாட்டிய நாடகம்! தமிழ் மன்னன் எல்லாளனின் கதையை, நாட்டியமும் இசையும் நடிப்பும் ஒன்றிணைந்த அழகிய கலைமொழியில் எடுத்துரைத்த இந்நிகழ்வு, மனதில் நீங்காத இடம்பிடித்தது. கம்பீரமான பாத்திரங்கள், உணர்வுகளைப் பேசிய விழிகள், துடிப்பான நடன அசைவுகள், வண்ணமிகு ஆடை அலங்காரங்கள் என ஒவ்வொரு அம்சமும் படைப்பிற்கு மெருகூட்டின.



இலங்கை ஜெயராஜ்!
[Friday 2026-11-06 16:00]

இலங்கை ஜெயராஜ் என்று அழைக்கப்படும் இவர் அந்தக் கால இலங்கைத் திண்ணைக் கல்வி முறையின்படி சமயக் கல்வியைக் கற்றுக்கொண்டவர். இருப்பினும், இவர் பெண்கள் அடிமைத்தனக் கருத்துகளையே அதிகம் பேசிவந்தார். அத்துடன் வர்க்க வேறுபாடு ஆதரவுக் கருத்துகளையும் பேசிவந்தார்.



இளம் குரலில் ஒலித்த ஆன்மீகத் தேன்! – செல்வி தியா இளங்கீரனுக்குப் பாராட்டுகள்! Top News
[Thursday 2026-11-05 07:00]

கனடாவில் பிறந்து வளர்ந்த இளம் ஈழத்தமிழ்ச் சிறுமியான செல்வி தியா இளங்கீரன் அவர்கள், கனடாவில் முதன்முறையாகக் கந்த சஷ்டி கவசத்தைத் தனது இனிய குரலில் பாடி இசை வடிவில் வெளியிட்டிருப்பது பெருமகிழ்ச்சியும் பாராட்டுக்குரியதுமான ஒரு சிறப்பான நிகழ்வாகும். முருகப்பெருமானின் அருளையும், பக்தியின் மகத்துவத்தையும் எடுத்துரைக்கும் கந்த சஷ்டி கவசம், தமிழர்களின் இல்லங்களிலும் உள்ளங்களிலும் நீங்காத இடம்பிடித்துள்ள ஓர் அருள்மிகு பக்திப் பாடலாகும். அத்தகைய புனிதமான பாடலை, இளமையின் இனிமையும் பக்தியின் ஆழமும் கலந்த தனது மழலைக் குரலில் தியா அவர்கள் பாடியிருப்பது கேட்போர் மனங்களில் பக்திப் பரவசத்தை ஏற்படுத்துகின்றது.



கனடாவில் இலங்கைத் தமிழ் பாடகி லக்ஷ்மிக்கு புதிய அங்கீகாரம்! Top News
[Tuesday 2026-11-03 07:00]

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.



உலகளாவிய தமிழர் பொருளாதார மற்றும் சமூக வலையமைப்பு அறிமுகம்! Top News
[Sunday 2026-10-25 17:00]

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.



டொரோண்டோ தமிழ் புத்தக அரங்கம் 2026! Top News
[Sunday 2026-10-25 06:00]

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.



திரு. வைரமுத்து சொர்ணலிங்கத்திற்கு ரொறன்ரோ சர்வதேச தமிழ்த் திரைப்பட விழாவின் வாழ்நாள் சாதனையாளர் விருது! Top News
[Monday 2026-10-05 09:00]

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.



துணுக்காயில் கோலாகலமாக நடைபெற்ற "பண்பாட்டுப் பெருவிழா – 2026"! Top News
[Friday 2026-09-25 16:00]

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.



மெத்ரேயி ராமகிருஷ்ணன் – வாழ்க்கைக் கதை! Top News
[Friday 2026-09-25 10:00]

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.



தியாக தீபம் திலீபன் நினைவேந்தல்! Top News
[Wednesday 2026-09-16 07:00]

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.



துன்னாலை சதாசகாய அன்னை ஆலய வருடாந்த திருவிழா திருப்பலியுடன் நிறைவு! Top News
[Monday 2026-09-14 08:00]

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.



வலிந்து காணாமல் ஆக்கப்பட்ட உறவுகளைத் தேடி ஆர்ப்பாட்டம்! Top News
[Thursday 2026-09-03 07:00]

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.



சர்வதேச வலிந்து காணாமல் ஆக்கப்பட்டோர் தினத்தில், பிரித்தானியாவில் நீதிக்காகத் திரண்ட மக்கள்! Top News
[Wednesday 2026-09-02 07:00]

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.


Karan Remax-2010
Kugeenthiran-200-2022-seithy
Vaheesan-Remax-2016
 gloriousprinters.com 2021
Asiaan-Salon-2022-seithy
Mahesan-Royallepage-01-01-2025-Seithy
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா