கடந்த கால சிங்கள அரசாங்கங்கள் தமிழர்களையும் தமிழ அரசியல் தலைவர்களையும் கொலை செய்து அழிப்பதற்காக சிங்கள பகுதிகளில் இருந்த தமிழ் தலைவர்களுக்கு ஆயுதங்கள் கொடுத்து தமிழர்கள் தமிழர்களையே கொலை செய்ய எல்லா வசதிகளும் பணமும் கொடுத்து உதவிசெய்த சிங்களர் அரசியல் தலைவர்கள் இப்போதுதமிழர் பகுதிகளில் குறிப்பாக வட பகுதியில் தங்கள் சிங்கள அரசியலை நிலைநிறுத்தவும் புதிய சிங்கள கட்சிகளுக்கு தமிழ் அடிமைகளை சேர்க்கவும் தங்களுக்கு வடபகுதியில் அஞ்சலாக இருக்கக்கூடிய தங்களால் வளர்க்கப்பட்ட தமிழ் தலைவர்களை தமிழ் மக்கள் மத்தியில் இருந்து அப்புறப்படுத்தும்வேலைகளை ஆரம்பித்துள்ளதாக தெரிகிறது. இந்த தமிழ் தலைவர்கள் கடந்த காலத்தின் சிங்களவர்களோடு சேர்ந்து செய்த வேலைகளை ஏற்றுக் கொள்ள முடியாவிட்டாலும், இன்று இந்த டக்ளஸ் தேவானந்தாவின் கைது தமிழர்களுக்கு புதிய மறைமுக எச்சரிக்கை விடுத்துள்ளது. வருங்காலத்தில் தமிழ் மக்கள் பெரும் அடக்குமுறைகளை எதிர்கொள்ள வேண்டி வரும் போல் உள்ளது. அரசியல் காரணங்களுக்காக டக்ளஸ் தேவ ஆனந்தாவை கைது செய்த அரசாங்கம் அவருக்கு ஆயுதம் கொடுத்த ராணுவத்தினையும் அப்போது இருந்த அரசாங்க ஜனாதிபதியையும் எப்போது கைது செய்வார்கள். அத்தோடு 1988,1989 ஆண்டு தங்கள் அரசியல் எதிரிகளை கொலை செய்ய ஜேவிபி இயக்கம் , பிளாட் இயக்கத்தை பயன்படுத்தியது எல்லோருக்கும் தெரியும். அதற்காக சித்தார்த்தன் ஐயும் ஜேவிபி இயக்கத் தலைவர்களையும் விசாரணைக்காக எப்போது கைது செய்வார்கள்.

ஊழலுக்கு எதிரான மக்களின் கொதிப்பே தேமச ஆட்சி பீடம் ஏற வழிவகுத்தது. ஊழலை ஒழிப்பதில் தேமச ஓரளவு வெற்றி கண்டு வருகிறது. அதே சமயம் அரச நிர்வாகத்தில் மாற்றமில்லை. தேமச தனது அல்லக்கைகளை உயர் பதவிகளில் அமர்த்த அயராது உழைக்கிறது. எடுத்துக் காட்டு கணக்காய்வாளர் நாயகம் பதவி. இதுவரை தமக்குச் சார்பான 4 பேரை அந்தப் பதவியில் அமர்த்த தேமக எடுத்த முயற்சி தோல்வியில் முடிந்துள்ளது. தாங்கள் பதவிக்கு வந்தால் அரச இயந்திரம் சுயாதீனமாக இயங்கும் என்ற உறுதிமொழியை அந்தக் கட்சி காற்றில் பறக்கவிட்டுள்ளது. முன்னைய ஆட்சியாளர்கள் சென்ற பிழையான வழியிலேயே தேமசயும் பயணிக்கிறது. இரத்தினபுரி நா.உ இன் மாமனார் கஞ்சாசெடி வளர்த்தார். அதனை கண்டு பிடித்த காவல்துறை அதிகாரி அதனை அழித்தார். தேமச சேர்ந்த அந்த நா.உ மாமனாருக்கு சார்பாக தொதித்தெழுந்தார். விளைவு? தனது கடமையை சரிவரச் செய்த காவல்துறை அதிகாரி பணியிடை நீக்கம் செய்யப்பட்டார். சட்டத்தின் முன் அனைவரும் சமம் என்று சொல்லி ஆட்சியைப் பிடித்தவர்கள் இப்போது அதனை இவ்வளவு விரைவாக மறந்து விட்டார்கள். இதனை மக்கள் உற்றுப் பார்ப்பார்கள் என நினைக்கிறேன்.

சிலப்பதிகாரத்தை இயற்றிய இளங்கோ அடிகள் அதன் பிழிவைக் கூறுகிறார்.

‘அரைசியல் பிழைத்தோர்க்கு அறம் கூற்று ஆவதூஉம்,

பிற்பகல் தாமே வரும்.

பிறருக்கு / பிறர் உயிர்களுக்கு நாம் ஒரு தீங்கினை (துன்பத்தினை) காலையில் இழைத்தால் நமக்கு ஒரு தீங்கு மாலையில் தானாக தேடி வரும். ஆதலால் பிறருக்கு தீங்கு செய்யாதே என்று கூறுகிறார் திருவள்ளுவர். டக்லஸ் தேவானந்தா மீது பல கொலை, கொள்ளை, கப்பம் போன்ற குற்றச்சாட்டுக்கள் உண்டு. ஆனால் அவற்றுக்குரிய தண்டனையில் இருந்து இதுவரை தப்பி வந்திருக்கிறார். மொத்தம் 38 ஆண்டுகள். இப்போது 2001 ஆம் ஆண்டு அவரது தற்பாதுகாப்புக்குக் கொடுத்த சிறு துப்பாக்கி பாதாள உலக தாதாக்களில் ஒருவரான மகாந்துரே மதுஷிடம் இருந்து 2019 இல் கைப்பற்றப்பட்டிருந்தது. இந்த மதுஷி பின்னர் காவல்துறை ஒரு என்கவுண்டரில் சுட்டுத்தள்ளிக் கொலை செய்யப்பட்டு விட்டார்.

ஒரேயொரு துப்பாக்கிக்காக தேவானந்தா கைது செய்யப்பட்டது அநீதி, அடாது என அவரது விசுவாசிகள் கொதித்து எழுகிறார்கள். யுத்த காலத்தில் ஒட்டுக்குழுக்களாக செயற்பட்ட ஏனைய ரெலோ, புளட், இபிஆர்எல்எவ் அமைப்புகளுக்கு கொடுத்த ஆயுதங்கள் என்னாயிற்று என்று கேட்கிறார்கள். ஒரு கொலையாளி நீதிமன்றத்தில் "கனம் நீதிபதி அவர்களே ஊரில் எத்தனை கொலையாளிகள் இருக்கிறார்கள். என்னை மட்டும் பிடித்து விசாரிப்பது என்ன நியாயம்" என்று கேட்க முடியாது.

தேவானந்தாவின் இபிடிபி அரசோடு சேர்ந்து வி.புலிகளுக்கு எதிராக போராடிய காலத்தில் இயந்திரத் துப்பாக்கிகள் உட்பட நூற்றுக் கணக்கான ஆயுதங்களை இராணுவம் வழங்கியிருக்கும். அவற்றுக்கு என்ன நடந்தது என்பது தெரியாது. தேவானந்தா அவற்றை யுத்தம் முடிந்த பின்னர் பாதாள உலகக் குழுக்களுக்கு விற்று விட்டாரா?தேவானந்தா அமைச்சராக இருக்கும் வரை சட்டம் அவரை நெருங்க முடியவில்லை. இன்று அவர் சாதாரண நா.உறுப்பினர் ஆகக் கூட இல்லை. சட்டம் இப்போது அவர் மீது பாய்வதற்கு அதுவொரு காரணமாக இருக்கலாம்.

அரசாங்கம் தேவானந்தா மீதான வழக்கைத் தொடர அவ்வளவு அக்கறை காட்டுவதாக இல்லை. மூன்று மாதம் அவரை காவலில் தடுத்து வைக்க காவல்துறை முன்வைத்த கோரிக்கையை பாதுகாப்பு அமைச்சர் நிராகரித்துவிட்டார். 72 மணித்தியாலம் மட்டும் கொடுத்தார். என்ன காரணம்? ஜேவிபி விடுதலைப் புலிகளுக்கு எதிரான போரில் இராணுவத்தின் பக்கம் நின்றது. ஊர் ஊராகச் சென்று அங்குள்ள சிங்கள இளைஞர்களை இராணுவத்தில் சேர்த்தது. வி.புலிகளை தோற்கடித்ததில் புளட்டுக்கும் கணிசமான பங்குண்டு என்று மார்தட்டியவர் சித்தார்த்தவன்.

எனவே இராணுவத்தைப் போலவே ஒட்டுக் குழுக்களைக் கைது செய்து அவர்களுக்கு தண்டனை வழங்க இந்த அரசாங்கம் முன்வாராது. பிள்ளையான் கணக்கு வேறு. அவர் கிழக்கு பல்கலைக் கழக துணைவேந்தர் சுப்பிரமணியம் ரவிநாத்தை கடத்திக் கொலை செய்ததில் நேரடியாக ஈடுபட்டவர்.

இந்த அரசாங்கம் முன்னைய காலங்களில் கடத்திக் கொலை செய்யப்பட்ட ஊடகவியலாளர்களான லசந்தா விக்கிரமதுங்கா, பாதகாப்பு வலையத்துக்குள் இருந்த வீட்டில் வைத்து கொலை செய்யப்பட்ட ஊடகவியலாளர் நிமலராசன், புளட் அமைப்பினால் கடத்திக் கொலை செய்யப்பட்ட ஊடகவியலாளர் சிவராம் தொடர்பாக இதுவரை எந்த நடவடிக்கைகளையும் இந்த அரசு எடுக்க வில்லை. எடுக்கும் என்ற நம்பிக்கையும் இல்லை. காரணம் ஜேவிபியினரே ஈவு இரக்கமற்ற கொலையாளிகள். அரசுக்கு எதிராக ஆயுதம் ஏந்திப் போராடியவர்கள். ஆயிரக்கணக்கில் அப்பாவி மக்களை கொலை செய்தவர்கள். கோடிக் கணக்கான அரசாங்க சொத்துக்களை நாசம் செய்தவர்கள்.

ஆக இந்த அரசாங்கத்தின் முதுகில் புண்யிருக்கிறது. தேவானந்தா விடயத்தில் மெத்தனமாகவே நடந்து கொள்ளும் என்பது எனது கணிப்பு.

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.

Stouffville இல் அமைந்துள்ள Wendat Public School இல் 4ஆம் வகுப்பில் கல்வி பயிலும் 9 வயதான ரிஷ்யா சாய்ஸ்ரீ இளங்கீரன், கண்கட்டு நிலையில் Rubik's Cube ஐ (ரூபிக் கனசதுரம்) சீர்படுத்தும் பன்னாட்டு சாதனை முயற்சியில் பங்கேற்று கின்னஸ் உலகச் சாதனைப் போட்டியில் தனது பெயரைப் பதித்துள்ளார்.

வலிந்து காணாமலாக்கப்பட்ட தாய்மார்களின் நீதிகோரிய போராட்டங்களுக்கு ஒத்துழைப்பது நியாயம் விரும்பும் சகலரினது கடமை என வலிகாமம் கிழக்குப் பிரதேச சபைத் தவிசாளர் தியாகராஜா நிரோஷ் தெரிவித்தார். எதிர்வரும் ஆகஸ்ட் மாதம் 30 திகதி இடம்பெறவுள்ள சர்வதேச காணாமலாக்கப்பட்டோர் தினத்தில் வடக்குக் கிழக்கு மாகாண வலிந்து காணாமலாக்கப்பட்டவர்களின் உறவுகளின் சங்கம் ஏற்பாடு செய்துவரும் மாநாடு தொடர்பான முன்னாயத்தக் கூட்டம் யாழ் டில்கோ விடுதியில் இன்று திங்கட்கிழமை காலை நடைபெற்றது. இதில் உரையாற்றுகையிலேயே அவர் இவ்வாறு தெரிவித்தார்.