1974ம் ஆண்டு யாழ்ப்பாணத்தில் தமிழ் அறிஞர்களாலும் ஆர்வலர்களாலும் ஆரம்பித்து வைக்கப்பெற்ற எமது உலகத் தமிழ் பண்பாட்டு இயக்கமானது தற்போது கனடாவில் தலைமையகத்தை முழுப் பலத்தோடும் வளங்களோடும் கொண்டு வெற்றிகரமாக இயங்கிவருகின்றது. இயக்கத்தின் தற்போதைய தலைவராக வினாசித்தம்பி துரைராஜா அவர்களும், செயலாளர் நாயகமாக ஜேர்மனி வாழ் துரை கணேசலிங்கம் அவர்களும் வடஅமெரிக்க கிளைகளின் தலைவராக கனடா வாழ் சிவா கணபதிப்பிள்ளை அவர்களும் கனடாக் கிளையின் தலைவராக ஆர். என். லோகேந்திரலிங்கம் அவர்களும் சர்வதேச ஊடகப் பொறுப்பாளராக பத்திரிகையாளர் செந்தில்வேலவர் அவர்களும் இலங்கைக் கிளையின் காப்பாளராக முன்னாள் அமைச்சர் இராதாகிருஸ்ணன் அவர்களும் மேலும் பல நாடுகளில் வாழும் அறிஞர் பெருமக்களும் ஆர்வலர்களும் பலமான தூண்களாக இயங்கிய வண்ணம் உலகத் தமிழ் பண்பாட்டு இயக்கத்தைப் பக்தியுடனும் அர்ப்பணிப்புடனும் பாதுகாத்து வருகின்றனர். கடந்த காலங்களில் இந்த இயக்கம் பல காத்திரமான சேவைகளை எமது தமிழ் மொழிக்கும் பண்பாட்டுக்கும் அவற்றின் நலன்களுக்காக ஆற்றியுள்ளமை இங்கு குறிப்பிடத்தக்கது. இயக்கத்தின் 13வது மாநாட்டை கடந்த 2017ம் ஆண்டு ஆகஸ்ட் மாதம் யாழ்ப்பாணம் பல்கலைக் கழகத்தில் சிறப்பாக நடத்தியிருந்தது குறிப்பிடத்தக்கது.

இதேவேளையில், தமிழ்நாட்டில் சிறப்புற இயங்கிவரும் எஸ.ஆர். எம் பல்கலைக் கழகத்தின் ஆதரவோடு தமிழர்கள் புலம்பெயர்ந்து வாழும் நாடுகளில் தமிழ் மொழியைக் கற்பிக்கும் ஆசிரிய ஆசிரியைகளுக்கு விசேட பயிற்சியைக் அளிக்கும் வகையில் தென்னாபிரிக்கா, கனடா, ஜேர்மனி, சுவிஸ்லாந்து ஆகிய நாடுகளில் பல பயிற்சிப் பட்டறைகளை நடத்தி ஆசிரிய ஆசிரியைகளுக்கு பயனுள்ள வகையில் டிப்ளோமாச் சான்றிதழ்களையும் வழங்கியது. இதனால் அந்த ஆசிரியர்கள் தற்போது மிகுந்த ஆற்றலுடன் சிறப்பாக தங்கள் கற்பித்தல் பணிகளைச் செய்து வருகின்றனர் என்பது இங்கு குறிப்பிடத்தக்கது. இதைப் போன்ற பல பணிகளை நாம் அடுக்கிக்கொண்டே போகலாம்.

இவ்வாறான எமது தமிழ்ப் பண்பாட்டுப் பாதையில் கற்களும் முட்களும் போல சில கபடத்தனம் கொண்ட ஏமாற்றுப் பேர்வழிகள் எம்மோடு வந்திணைந்தனர். அவர்கள் புதிதாக இணைந்தவர்கள் என்ற வகையில் எமது அமைப்பின் பரந்து பட்ட சேவைகளையும் உலகெங்கும் செல்வாக்குக் கொண்ட இயக்கமாகவும் இருப்பதைக் கண்டு காழ்ப்புணர்ச்சியும் கயமையும் கொண்டு மறைமுகமாக பல பாதிப்புக்களை எற்படுத்தத் தொடங்கினார்கள். இவர்களுள் பாண்டிச்சேரியைச் சேர்ந்த பஞ்ச் இராமலிங்கம், ஜேர்மனி வாழ் மாவை தங்கராசா, கனடாவாழ் ம.இரவிச்சந்திரன் ஆகியோர் மறைமுகாக பாதகமாக செயல்களை செய்யத் தொடங்கினர். காரணம் யாழ்ப்பாண பல்கலைக்கழகத்தில் 2018ம் ஆண்டு நடைபெற்ற 13வது அகில மாநாட்டை நடத்தும் குழுவில் எமது அங்கீகாரம் எதுவும் இன்றி இணைந்து கொண்டு இந்த மாநாட்டை நடத்தும் பொறுப்பை ஏற்று நடத்துபவர்கள் போல பாசாங்கு செய்து கொண்டு மாநாட்டின் தேவைக்காக எம்மால் சேகரிக்கப்பெற்ற நிதியையும் மாநாட்டு நாட்களில் அங்கத்தவர்களிடம் இருந்து சேகரிக்கப்பெற்ற பணத்தையும் தலைமையத்திற்கு கணக்குகளைக் காட்டாமல் இந்த மூவரும் மோசடியில் ஈடுபட்டார்கள். எனவே எமது அகிலத் தலைவர் திரு துரைராஜாவும் செயலாளர் நாயகம் திரு துரை கணேசலிங்கமும் இவர்களிடம் விளக்கம் கேட்டு கடிதங்களை அனுப்பினார்கள். ஆனால் அவைகளுக்கு எல்லாம் பதிலளிக்காமல், தற்போது சதி முயற்சி போன்று திட்டமிட்டு உலகில் உள்ள பல அறிஞர்களுக்கு பொய்யான விபரங்களைத் தெரிவித்தும் உண்மைகளை மறைத்தும் காரியங்களில் இறங்கியுள்ளனர்.

இவ்வாறான பாதகமான செயல்களில் ஒன்றாக எதிர்வரும் பெப்ரவரி மாதம் 6ம் திகதி தொடக்கம் இரண்டு நாட்கள் இந்தியாவில் உள்ள புதுச்சேரி பல்கலைக் கழகத்தில் எமது உலகத் தமிழ் பண்பாட்டு இயக்கத்தின் பெயரில் சட்டத்திற்கு முரணான வகையில் 14வது மாநாட்டை நடத்துவது போன்று பாசாங்கு செய்கின்றனர். தமிழ்நாட்டிலும் புதுச்சேரியிலும் பல நிறுவனங்களிடம் பொய்களைக் கூறி பாரிய நிதிவசூலிப்புகளையும் செய்துள்ளனர். அத்துடன் புதுச் சேரி பல்கலைக் கழகத்தின் துணைவேந்தரையும் நிர்வாகத்த்தையும் மேலும் புதுச்சேரி அரசாங்கத்தையும் ஏமாற்றுகின்றனர்.

இந்த மோசடியில் தற்போது புதுச்சேரி பல்கலைக் கழகத்தில் பேராசிரியராகப் பணியாற்றும் பஞ்ச் இராமலிஙகம் என்பவர் இந்த மோசடிக் குழுவின் தலைவராகச் செயற்பட்டு புதுச் சேரி பல்கலைக்கழகம் மற்றும் இந்திய பல்கலைக் கழகங்களின் ஆணைக்குழு ஆகியவற்றையும் ஏமாற்றிய வண்ணம் செயற்படுகின்றார் என்பதும் இங்கு குறிப்பிடத்தக்கது. இவர் புதுச் சேரி பல்கலைக்கழகம் மற்றும் இந்திய பல்கலைக் கழகம் மற்றும் இந்திய பல்கலைக்கழங்களின் ஆணைக்குழு ஆகியவற்றிடம் தவறான அனுமதி பெற்று சுவிஸ்சலாந்து சென்று அங்கு இந்த மோசடிக்குழுவில் இயங்கும் மாவை தங்கராசா, கனடா இரவிச்சந்திரன் மற்றும் இங்கிலாந்தில் தற்போது வாழும் இன்னாசிமுத்து ஆகிய நால்வர் மட்டுமே கூடி ஒரு கூட்டத்தை நடத்தி இந்த ஏமாற்று நாடகத்தை ஆரம்பித்துளளனர் என்பது இ ங்கு குறிப்பிடத்தக்கது. இதன் மூலம் பஞ்ச் இராமலிங்கம் என்னும் இந்த நபர் தான் பேராசிரியராகப் பணியாற்றும் புதுச்சேரி பல்கலைக் கழகத்தையும் இந்திய பல்கலைக் கழக ஆணைக்குழுவையும் எமாற்றியயே தனது கபடத் தனத்தை அரங்கேற்றுகின்றார் என்பது புலனாகின்றது அல்லவா!!

எமது உலகத் தமிழ் பண்பாட்டு இயக்கத்தோடு 2017ம் ஆண்டு வந்து இணைந்து கொண்ட பஞ்ச் இராமலிங்கம் இந்த மாபெரும் இயக்கத்தை சிதைக்கும் முயற்சிகளில் ஈடுபட்டு அதற்காக தான் கடமையாற்றும் புதுச்சேரி பல்கலைக் கழகத்தையே பதவி ஆசைகொண்டு ஏமாற்றுகின்றார் என்பதே வெளிச்சமாகத் தெரிகின்றது. அத்துடன் இந்த மோசடிக் குழுவில் உள்ள ஜேர்மனி வாழ் மாவை தங்கராசா என்பவர் (இவர்தான் யாழ்ப்பாணத்தில் நடைபெற்ற 13வது மாநாட்டிற்கான நிதிக்கு பொறுப்பாக இருந்து பல இலட்சம் ரூபாங்களுக்கான கணக்கை இன்னமும் எமக்கு சமர்பிக்காமல் ஏமாற்றுபவர்) பாராளுமன்ற உறுப்பினர் மாவை சேனாதிராசா அவர்களையும் தனது சகோதரர் என்ற வகையில், தங்கள்; மோசடிக்களுக்கு துணைபோகும் வகையில புதுச்சேரி மாநாட்டில் உரையாற்ற அழைத்துள்ளனர் என்பதும் இங்கு குறிப்பிடத்தக்கது

இந்த மாநாடு ஆனது உண்மையான எமது உலகத் தமிழ் பண்பாட்டு இயக்கத்தின் மாநாடு அல்ல என்பதையும் இந்த மாநாட்டில் கலந்து கொள்பவர்கள் ஒரு தவறான செயற்பாட்டிற்கு ஆதரவை வழங்குகின்றார்கள் என்பதை உணர்ந்து கொள்ள வேண்டும் என்றும் நாம் அறியத்தருகின்றோம். எனவே 2020 பெப்ரவரி 6ம் திகதி புதுச்சேரி பல்கலைக் கழகத்தில் நடைபெறுவதாக அறிவிக்கப்பெற்றுள்ள இந்த மாநாடு என்பது ஒரு சட்டவிரோதமான செயற்பாடு என்பதையும் கனடாவில் மத்திய அரசாங்கத்தில் பதிவு செய்யப்பெற்ற ஒரு அமைப்பாக உள்ள எமது உலகத் தமிழ் பண்பாட்டு இயக்கத்திற்கு எதிராகவும் நிதிமோசடிகள் போன்றவற்றில் ஈடுபடும் நோக்கத்திற்காகவும் நடத்தப்படுகின்ற இந்த மாநாட்டை அனைவரும் புறக்கணிக்க வேண்டும் என்றும் இந்த பொய்யான பேர்வழிகளை நிராகரிக்க வேண்டும் என்றும் வேண்டிக்கொள்கின்றோம்.

இங்ஙனம்

வினாசித்தம்பி துரைராஜா- அகிலத் தலைவர் உலகத் தமிழ்ப் பண்பாட்டு இயக்கம்- கனடா.-தலைமைகம்...

துரை கணேசலிங்கம்- செயலாளர் நாயகம்- உலகத் தமிழ்ப் பண்பாட்டு இயக்கம்- கனடா- தலைமையகம்

சிவா கணபதிப்பிள்ளை -வட அமெரிக்கப் பிராந்திய தலைவர்.- உலகத் தமிழ்ப் பண்பாட்டு இயக்கம்- கனடா- தலைமையகம்

பத்திரிகையாளர் செந்தில்வேலவர் -சர்வதேச ஊடகப் பொறுப்பாளர்- உலகத் தமிழ்ப் பண்பாட்டு இயக்கம்- கனடா- தலைமையகம்

ஆர். என். லோகேந்திரலிங்கம்- சிறப்புத் தலைவர் - கனடாக் கிளைத் தலைவர் - உலகத் தமிழ்ப் பண்பாட்டு இயக்கம்- கனடா- தலைமையகம்

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.

Stouffville இல் அமைந்துள்ள Wendat Public School இல் 4ஆம் வகுப்பில் கல்வி பயிலும் 9 வயதான ரிஷ்யா சாய்ஸ்ரீ இளங்கீரன், கண்கட்டு நிலையில் Rubik's Cube ஐ (ரூபிக் கனசதுரம்) சீர்படுத்தும் பன்னாட்டு சாதனை முயற்சியில் பங்கேற்று கின்னஸ் உலகச் சாதனைப் போட்டியில் தனது பெயரைப் பதித்துள்ளார்.

வலிந்து காணாமலாக்கப்பட்ட தாய்மார்களின் நீதிகோரிய போராட்டங்களுக்கு ஒத்துழைப்பது நியாயம் விரும்பும் சகலரினது கடமை என வலிகாமம் கிழக்குப் பிரதேச சபைத் தவிசாளர் தியாகராஜா நிரோஷ் தெரிவித்தார். எதிர்வரும் ஆகஸ்ட் மாதம் 30 திகதி இடம்பெறவுள்ள சர்வதேச காணாமலாக்கப்பட்டோர் தினத்தில் வடக்குக் கிழக்கு மாகாண வலிந்து காணாமலாக்கப்பட்டவர்களின் உறவுகளின் சங்கம் ஏற்பாடு செய்துவரும் மாநாடு தொடர்பான முன்னாயத்தக் கூட்டம் யாழ் டில்கோ விடுதியில் இன்று திங்கட்கிழமை காலை நடைபெற்றது. இதில் உரையாற்றுகையிலேயே அவர் இவ்வாறு தெரிவித்தார்.