உலகின் முதல் நாடாக நியூசிலாந்தில் ‘2023’ புத்தாண்டு பிறந்துள்ளது. 2022ஆம் ஆண்டு இன்றுடன் முடிவடைந்து 2023 பிறக்கிறது. இந்தப் புத்தாண்டை உலக மக்கள் அனைவரும் கோலாகலமாக கொண்டாடி வரவேற்க தயாராக இருக்கின்றனர்.

சமூக வலைத்தளங்களில் எல்லோரும் தங்களது வாழ்த்துகளை பகிர்ந்து வருகின்றனர். இந்நிலையில் உலகிலேயே முதல் புத்தாண்டு நியூசிலாந்தில் தொடங்கியது.

கவுண்ட் டவுன் முடிந்து புத்தாண்டு தொடங்கியதும் தயாராக இருந்த வான வேடிக்கைகள் வெடிக்கத்தொடங்கின. மக்கள் அனைவரும் உற்சாக மிகுதியில் குரலெழுப்பி 2023-ஐ வரவேற்றனர்.

நியூசிலாந்தின் பல இடங்களிலும் மக்கள் ஒருவருக்கொருவர் வாழ்த்துகளை பரிமாறி உற்சாகமாக கொண்டாடி வருகின்றனர்.