பிரித்தானிய மகாராணியாரின் சொத்து மதிப்பு 350 மில்லியன் பவுண்டுகள்... ஆனால், பிரித்தானியாவில் வாழும் ஒரு இந்திய பெண், பிரித்தானிய மகாராணியாரைவிட அதிக பணக்காரராக இருப்பதாக தகவல் வெளியாகியுள்ளது.

அந்த பெண்ணின் பெயர் அக்‌ஷதா மூர்த்தி (40), பிரித்தானிய சேன்ஸலர் ரிஷி சுனக்கின் மனைவிதான் அவர்.

இன்ஃபோசிஸ் நிறுவனரான இந்தியர் நாகவாரா ராமராவ் நாராயண மூர்த்தியின் மகளான அக்‌ஷதாவிடம் இருக்கும் குடும்ப நிறுவனத்தின் பங்குகளின் மதிப்பு, 430 மில்லியன் பவுண்டுகள் ஆகும்.

ஆக, பிரித்தானியாவின் பணக்காரப் பெண்களில் ஒருவரான அக்‌ஷதாவின் சொத்து மதிப்பு பிரித்தானிய மகாராணியாரின் சொத்து மதிப்பைவிட அதிகமாகிறது.

கல்லூரியில் மேல் படிப்பு படிக்கும்போது, அக்‌ஷதா ரிஷியை சந்தித்தார். நட்பு காதலாகி, திருமணத்தில் முடிந்து, இன்று பிரித்தானிய சேன்ஸலரின் மனைவியாக மட்டுமின்றி பிரித்தானிய பணக்காரர்களில் குறிப்பிடத்தக்க ஒருவராகவும் ஆகியுள்ளார் அவர்.