திண்டுக்கல் மாவட்டம் பழனி அருகே நெற்றிக்கண்ணுடன் பிறந்த அதிசய ஆட்டுக்குட்டியை அப்பகுதி மக்கள் ஆச்சரியத்துடன் பார்த்து செல்கின்றனர். இடும்பன் நகரைச் சேர்ந்த அழகம்மாள் என்பவர் கடந்த இருபது ஆண்டுகளுக்கும் மேலாக ஆடு மேய்க்கும் தொழில் செய்து வருகிறார். இவர் வளர்த்து வந்த ஆடு ஒன்று இரண்டு குட்டிகளை ஈன்றது.

அதில் ஒரு குட்டிக்கு நெற்றியில் கண்கள் இருப்பதை கண்ட அழகம்மாள் ஆச்சரியம் அடைந்தார். தகவல் பரவவே, அந்த அதிசய ஆட்டுக்குட்டியை பார்ப்பதற்கு அப்பகுதி மக்கள் அழகம்மாள் வீட்டில் குவிந்தனர். நெற்றிக்கண்ணுடன் ஆட்டுக்குட்டி பிறந்திருப்பதை சிலர் நேர்மறையாகவும், சிலர் எதிர்மறையாகவும் பேசி வருகின்றனர்.