கனடாவில் ஊடக மன்றம் ஒன்று ஆரம்பிக்கப்பட்டு கடந்த இரண்டு வருடங்களில் அதனுள் நடைபெறும் முறைகேடுகள் குளறுபடிகளை பற்றி அண்மையில் கனடாவிலுள்ள பல சமூக ஊடகவியலாளர்கள் பொதுவெளிக்கு பல விடயங்களை தமது அதிருப்திகளாக வெளிப்படுத்தியுள்ளனர். நாம் ஒரு பொதுவான சமூக ஊடகம் என்றவகையிலும் கனடாவில் உள்ள தமிழர்களோடு கடந்த 13 வருடங்களாக இனைய ஊடகமாக செயல்பட்டு வருவதனாலும் பல ஊடகங்கள் கேட்டுக் கொண்டமைக்கு அமையவும் கீழ்வரும் செய்திகளை மக்களோடு பகிர்வதற்கு கருத்து சுதந்திர அடிப்படியில் உடன்பாட்டுள்ளோம்.

கனேடிய தமிழர்கள் மத்தியில் உள்ள சில ஊடக போலிகளது முகத்திரைகளை பலர் கீழ் கண்டவாறு விமர்சனம் செய்துள்ளனர். சமூகத்தின் பேராலான சுரண்டல்கள் கண்டிக்கத்தக்கவை என்பதில் மாற்றுக் கருத்துக்கு இடமில்லை - அந்த வகையில் நிதானமாக கீழே படியுங்கள்..

(01)

ஊடக மன்றமா - ஊழல் மன்றமா?? ஊருக்கு ஒரு சட்டமா.. ஊடக மன்றத்துக்கு ஒரு சட்டமா?? என்று ஊரே சிரிக்குது..

கூரை ஏறி தூங்கிற கோழி பிடிக்க தெரியாத நீங்கள்.. வைகுண்டமேறி ஐ நா வில் நீதி விசாரணை தேடப்போகிறீர்களாம்..

உங்களிடம் தொடரும் கேள்விகள் இதோ ஊடக நண்பர்களே..

நீங்கள் ஊடக மன்றம் ஆரம்பித்தது.. சமூகத்தை வளப்படுத்தவா அல்லது - உங்களில் சிலரை வளப்படுத்தவா ? அல்லது ஊரை அச்சுறுத்தி உலக புகழ் தேடவா?

உங்களால் ஊடக மன்றம் என்று இணைத்துக் கொள்ளப்பட்ட அல்லது உங்களது குழுமத்தில் இருக்கிறார்களென உலகுக்கு பொய்யாக வெளிக்காட்டப்பட்ட 19 ஊடகங்களில் எத்தனைபேர் உங்கள்மீது நம்பிக்கை கொண்டுள்ளார்கள்? சக ஊடகங்களே உங்களை நம்பாதபோது பொதுமக்கள் எவ்வளவுக்கு உங்களை நம்புவார்கள்?

களவு பிடித்தவர்களே கள்வரான கதை - சுயநலம் மிக்க நிர்வாக சீர்கேடுதானே.

காவார்டு தமிழ் இருக்கையுள் களவு என்றீர்கள். மாட்டு பண்ணை நிதி களவு என்றீர்கள் பரதமையில் நிகழ்வினுள் களவு என்றீர்கள் வீட்டு அடமானக் கடன்காரருள் களவு என்றீர்கள். அழகுராணி போட்டிகளுக்குள் நுழைந்து கன்னிப் பரிசோதனை செய்தீர்கள்..

அதுக்கும் மேலாக தனியாரால் செய்யப்படும் பொது நிகழ்வுகளில் யாரவது தாயக மக்களுக்கும் உதவப்போகிறோம் என்று கூறி நிகழ்வுகள் செய்தால் கணக்கு காட்டவேண்டும் என்றீர்கள்..

மக்கள் பெயரால் மன்றத்தின் பெயரால் நீங்கள் செய்த தமிழர் நாள்2019 நிகழ்வு களவு இல்லையா சுத்து மாத்து இல்லையா??

அதன் கணக்கு வழக்கை யார் வந்து கேட்கப் போகிறார்கள்?

சரி எம்மில் பலர் 2018ல் உங்கள் கருத்துக்களுக்கு உடன்பட்டோம் நமது சமூகம் முன்னேறப்போகிறது எனவும் இந்த ஊடக மன்றத்தால் தாயக மக்களுக்கும் ஏதாவது நன்மை செய்யலாம் எனவும் பலர் பகல் கனவுகள் கண்டோம் நன்மைகள் நடக்கும் என எண்ணியிருந்தோம்.

சரி இப்படியே கனேடிய தமிழர்களுக்குள் களவு பிடிக்கிற ஊடக போலீசுக்காரர் மாதிரி இருந்த உங்களுக்குள் ... நீங்கள் (நாங்கள்) செய்த முதலாவது ஊடக மன்ற விருந்துபசார நிகள்வின் வரவு செலவு கணக்கு விடயத்தில் தில்லுமுல்லுப்பட்டு ஆசை அறுபது மோகம் முப்பது போல கூட்டம் கலைந்து போனீர்கள்.

இதனிடையே... ஒருகட்டத்தில் ஐ பி சி தமிழின் கனடா நிகழ்வுக்கு எதிர்ப்பு தெரிவித்தீர்கள். அதில் ஊடகங்கள் பலர் உடன்படமறுத்தனர். ஐ பி சி தமிழின் கனடா நிகழ்வு நடைபெற்ற அன்று அதற்க்கு போட்டியாக அதே தினத்தில் தமிழர்நாள் 2019 என ஊடக மன்றத்தின் பெயரால் நிகழ்வு செய்தீர்கள்.

இது விடயமாக போட்டி நிகழ்வு வேண்டாம் வேறு திகதியில் தமிழர் நாள் நிகழ்வை வைப்போம் என்றபோது விடாப் பிடியாக போட்டி நிகழ்வு செய்தீர்கள் நிகழ்வு வெற்றி என துள்ளிக் குதித்தீர்கள்.

தமிழ் மக்களது பெயரால் தமிழ் ஊடகங்களது பெயரால் தமிழர் நாள் 2019 என்ற நிகழ்வை செய்ய உங்களுக்கு எத்தனை ஊடகங்கள் ( மேலே படத்திலுள்ள லோகோக்கள்) அனுமதி தந்தார்கள்.?

அதுக்குள்ளும் இதுக்குள்ளும் நுழைந்து பொது அமைப்புகளிடமும் தனியார் நிகழ்வுகளிடமும் களவு பிடித்த உங்களிடம் இன்று உங்களால் குற்றம் சாட்டப்பட்ட அதே நபர்களும் பொதுமக்களும் "தமிழர் நாள் 2019" நிகழ்வின் வரவு செலவு என்ன என்றும் இலாபத்தில் பங்குகள் யார் யாருக்கு போனது என்றும் பொது மக்களே கேட்க்கிறார்கள்.

நாலா புறமும் சந்தியே சிரிக்கிறது. ஊடக இல்லமா அல்லது ஊழல் இல்லமா என்று.. உங்களில் ஒருவனாக நின்று அன்றே மெல்ல மெல்ல சொன்னேன் இந்த அமைப்பை பதிவு செய்யுங்கள் கணக்கு வழக்குகளில் வெளிப்படைத்தன்மை பேணுங்கள் என்று..

ஊடக அமைப்பின் எதிர்கால நலன் கருதி ஒன்றாக இருந்து உண்ட அந்த காலைப் பொழுதுகளில் ஏதோ சில கேள்விகளை கேட்டேன் என்பதற்காக நாளடைவில் வாட்ஸப் இல் இருந்து குமார் தில்லைநாதன் என்னை அகற்றினீர்கள் - அதன்பின்னர் ஈமெயில் குழுமத்தில் இருந்தும் அகற்றினீர்கள்.

இதுதான் ஊடக இல்லத்தின் சர்வாதிகாரமா? நீதியா நியாயமா?

இந்த பெயரளவிலான நேர்மையற்ற ஊடக அமைப்பின் வளர்ச்சி நன்மைகளுக்காக எம்மில் பலர் அன்று சொன்ன கருத்துக்களை நீங்கள் அசட்டை , உதாசீனம் செய்ததோடு மட்டுமன்றி - அன்று உங்கள் மூவரோடும் சேந்து நின்ற அத்தனை ஊடக உறவுகளையும் இன்று மக்கள் மத்தியில் தமிழர்நாள் 2019 நிகழ்வுமூலம் கள்வர்களாக்கியுள்ளீர்கள்.

பல நாட்கள் ஒன்றாக கூடியிருந்து காலை உணவு உண்டு உங்களளோடு ஊர்நடப்பு (2018) பேசிய நான் ஒரு ஐந்து நிமிடம் இருந்து பேசுவோம் என அழைத்தபோது. செந்தூரன் ஓம் என்றார். குமார் ஓடி விட்டார் இப்படியே ஒவ்வொரு ஊடக நண்பர்களது தொடர்புகளையும் நடப்புக்களையும் உதாசீனம் செய்துவரும் உங்களது அழைப்பை ஏற்று இன்று எத்தனைபேர் உங்களது கூட்டத்துக்கு வந்தார்கள். ?? எத்தனை பேருக்கு இது தொடர்பில் அழைப்பு விடுத்தீர்கள்?? வந்தவர்களே சாட்சி.

குறை நிறைகளை கயேந்திரனோடு கதைத்தால் மழுப்பலாக சொல்லுவார் - அது நீங்கள் செந்தூரனோடும் குமாரோடும்தான் கதையுங்கள் என்று..

அண்மையில் இருவரையும் திரை அரங்கில் கண்டபோது பொய்யாவிளக்கு படம் முடிந்ததும் 5 நிமிடங்கள் ஒருவிடயம் பேசவேண்டும் தேநீர் சாலை போவோமா என்றபோது. நக்கலாக கை எடுத்து என்னை கும்பிட்ட குமார் ஐயோ அன்னாச்சி ஆழ விடுங்க சாமி என்று ஓடிவிட்டார்.

அன்று இவர்களிடம் நான் கேட்க இருந்த விடயம் உங்களது ஐ நா சபை பற்றிய கூட்டத்துக்கு எத்தனை ஊடகங்கள் வருகிறார்கள் எனவும் எனக்கு ஏன் அழைப்பு வரவில்லை எனவும் கேட்பதற்காகவே,.

அதெல்லாம் கடந்து நேற்றய 20-02-2020 தினம் ஐ நா தொடர்பிலான உங்களது கண்துடைப்பு கூட்ட நாடகத்துக்கு செய்தி இணையத்துக்கோ புதினம் மீடியாவுக்கோ எந்த வித அழைப்பும் வரவில்லை.. சரி உள்குத்தாக இருக்கலாம்.. உங்கள் இருவரதும் ஊடக ஐக்கிய தன்மையின் ஊழல் தர்மமாகவும் இருக்கலாம்.

19 ஊடக லோகோக்களை ஒன்றாக போட்டு ஊடக இல்லம் என உலகுக்கு பெரு வெளிச்சம் போட்ட உங்களது ஊடக இல்லம் என்பது ஒரு சுத்துமாத்து பொய் வீக்கம் கானல் நீர் என்பது மக்களுக்கு தற்போது புரிந்திருக்கும். 19 ஊடக லோகோக்களை போட்டு மீடியா டின்னர் நைட் நடாத்திய நீங்கள் ஊடகங்கள் 19 பேரில் எத்தனை பேரை உங்களது கூட்டத்துக்கு வரவழைத்தீர்கள்?

பலர் கேட்பது போல சொல்வது போல நானும் ஒரு ஊடகனாக இன்று உங்களுக்கு வெளியே இருந்து சொல்வது யாதெனில் - தமிழ் ஊடக மன்றம் என்று ஒன்று இனிமேலும் இயங்கினால் அது வெளிப்படைத்தன்மை கொண்டதாக இருக்கவேண்டும். 5 அல்லது 7 பேர் கொண்ட குழு ஒன்றினால் பொதுவாக பதிவு செய்யப்படல் வேண்டும் அதனுள் கருத்து சுதந்திரம் இருத்தல்வேண்டும். அதன் பெயரை சொல்லி செய்யப்படும் தமிழர் நாள் நிகழ்வும் தனிமனிதர்களுக்கு சொந்தமானது அல்ல - அதன் வரவு செலவும் பொதுவெளிக்கு வரவேண்டிய ஒன்றே..

தயவு செய்து உங்களது தனிப்பட்ட புகழ் தேடும் படலங்களுக்காகவும் புழைப்புகளுக்காகவும் உருப்படி இல்லாத ஊடக மன்றம் என்று ஒரு பெயரை கூறி நாடு - விடுதலை - மக்கள் - ஐக்கிய நாடுகளது கூட்டம் - கனேடிய தமிழ் அமைப்புகளிடம் கேள்விகள் - அவர்களுக்கு ஆலோசனை அது இது என இனிமேலும் மக்களை முட்டாள்கள் ஆக்காதீர்கள்.

தொடரும்... (இவ்வாறு சமூக ஊடகர் மகேந்திரன் விமர்சனம் செய்துள்ளார்)

(02) ஊடக மன்றமா? பறை உண்மையைக் கக்குகிறது:

ஊடகமன்றம் 2018 கோடை கால கூடலோடு தொடங்கப்பெற்றது.அப்போது கிட்டத்தட்ட 15 க்கு மேற்பட்ட ஊடகங்கள் கோடை ஒன்றில் இணைந்தார்கள். அந்த ஊடக மன்றத்தில் 100கனடாவெள்ளியை செலுத்தி உறுப்பினராக பறை ஊடகம் இணைந்து கொண்டது. ஊடக மன்றத்தில் இணையுமா று தேடிப்பார் குமார் பறை ஊடகத்திற்கு அழைப்பு விடுத்திருந்தார். அழைப்பு விடும்பொழுது கணக்கு வழக்கு திறந்த மனதோடு வெளியிடப்படும் என்ற உறுதிமொழியை தேடிப்பார் வழங்கியிருந்தார்.

இன்றுவரை உறுப்பினருக்கான பற்றுச்சீட்டோ அல்லது 100 கனடாவெள்ளி வழங்கியமைக்கான பற்றுச்சீடடோ பறை ஊடகத்திற்கு தேடிப்பார் குமார் வழங்கவில்லை. தொடர்ந்து ஊடக உறுப்பினரோடு கலந்தலோசிக்காமல் டிசம்பர் 2018 ல் இரவுவிருந்துக்கான திட்டம் தீட்டப்பட்டது. திட்டத்தின் அடிப்படையில் சிங்களவர்களின் மண்டபத்தில் இரவு விருந்து ஒழுங்கமைத்திருந்தார்கள்.

அதை அறிந்த பறை ஊடகம் இடத்தை மாற்றும் படி கேட்டபோது பார்ப்போம் என் று சொல்லப்பட்டது. தொடர்ந்து ஊடக விருந்து சிங்களவரின் மண்டபத்தில் டிசம்பர் 2018 இல் நடைபெற்றது.பறை ஊடகம் பார்வையாளராக மட்டும் பங்கேற்றது. பறை ஊடகம் முழு நிகழ்வையும் காணொளியாகவும் நிழற்படமாகவும் பதிவு செய்தது.ஆனால் பறை ஊடகத்தில் நடந்த நிகழ்வுகள் பற்றிய தகவல் வெளியிடப்படவில்லை.

கடந்த ஆண்டு கோடையில் தமிழர் நாள் 2019 நிகழ்வும் தன்னிச்சையாக ஒருவரால் திட்டமிட்டு செயல்படுத்தப்பட்டது.அதில் பலர் பங்காளராக விரும்பியபோதும் உள்வாங்கப்படவில்லை.அந்த நேரத்தில் மீண்டும் தேடிப்பார் குமார் நிகழ்ச்சிக்கு 10000 கனடாவெள்ளியை தருமாறு பறை ஊடகத்திடம் கேட்டிருந்தார்.அதற்கு பறை ஊடகம் கொடுக்க மறுத்தது.100 கனடாவுக்கு கணக்கு காட்டாதவர் 10000 கனடாவெள்ளிக்கு கைவிரித்தால்???????

காரணம்

1.பறை ஊடகம் 100 கனடாவெள்ளி கொடுத்து உறுப்பினரானதிற்கு தேடிப்பார் குமார் ஒழுக்கநெறி தவறி பற்றுச்சீட்டை வழங்காமை.

2.சிங்களவனின் மண்டபத்தில் விருந்து வைக்கவேண்டாம் இடத்தை மாற்றும்படி கேட்டும் மாற்றாமல் 400 ஆண்டாக தமிழர்களை அழித்த சிங்களவனுக்கு உழைப்பைக் கொடுத்தமை.

3.தமிழர் நாளும் தன்னிச்சையான தனிப்பபட்டவரின் வணிக நோக்கம் நிறைந்திருந்தது.

4. தமிழர் நாளில் பங்காளராக கேட்டபோது யாரையும் இணைத்துக்கொள்ளவில்லை.

அத்தோடு மீண்டும் பல முன்னெடுப்புகள் உறுப்பினர்கள் அனுமதியின்றி தனிப்பட்ட தனது வணிகத்தை விளம்பரப்படுத்துவதற்கு பயன்படுத்துவதை பறை ஊடகம் வன்மையாக கண்டிக்கிறது.

ஊடக மன்றம் இன்றுவரை கனடாச் சட்ட ஒழுங்கு அமைய பதியப்படாத அமைப்பு.

ஊடக அமைப்பைக் கையகப்படுத்தியவர் இணைந்த உறுப்பினர்களை தொடர்ந்தும் அவமதிப்பது வழமையோடு தொடர்கிறது.

உறு.ப்பினராக இருந்தவர்கள் கேள்வி கேட்டால் இணைய தொடர்புகளைத் துண்டித்தல்.

உறுப்பினர்களால் தலைவர் பதவி தெரிவு செய்யப்படாமல் வெற்றிடமாக இருக்கிறது.

உறுப்பினர்களால் பொருளாளர் பதவி தெரிவு செய்யப்படாமல் வெற்றிடமாக இருக்கிறது.

உறுப்பினர்களால் செயலாளர் பதவி தெரிவு செய்யப்படாமல் வெற்றிடமாக இருக்கிறது.

இவ்வளவு நாளும் இந்த ஊடகஅமைப்பைச் சாட்டி திரட்டப்பட்ட பணத்தின் கணக்கு யாருடைய பறிக்குள் துள்ளிவிளையாடுகிறது. இப்பணம் கனடா வருமானவரித்துறைக்கு காட்டப்படாத கறுப்புப்பணம்.

ஊடக அமைப்பின் யாப்பு மக்கள் பார்வைக்கு இருக்கிறதா? ஊடகமன்றத்தின் யாப்பு எங்கே?

ஊடக உறுப்பினர்களின் ஆண்டுக்கூட்டம் நடந்ததா? ஆண்டுக் கூட்டறிக்கை உண்டா?

ஆண்டுக்கூட்டறிக்கை உறுப்பினர்களால் ஏற்றுக்கொள்ளப்பட்டதா? ஆண்டுக்கணக்கறிக்கை எங்கே?

ஆண்டுக்கணக்கறிக்கை உறுப்பினர்களால் ஏற்றுக் கொள்ளப்பட்டதா?

ரோரரண்டோ வாழ் தமிழர்களை ஏமாளிகளாக்குவதே சிலருடைய உயர்ந்த பணியாக இருக்கிறது. இந்தப்பணியை மேம்படுத்த ஆள் வைத்து பொன்னாடை போர்ப்பது.

வணிகர்களே நிகழ்வுகளுக்கு ஆதரவு வழங்க முற்படும்போது நிகழ்வுகளின் அமைப்புக்களின் உண்மைத்தன்மை தெளிவுபடுத்திக் கொள்ளுங்கள். மக்களை ஏமாற்றுவதற்கு உடந்தையாக இருந்தால் உடந்தையாக இருப்பவர்கள்தான் முதற் குற்றவாளிகள்.

தமிழர்களே வணிகர்களே நிகழ்ச்சி செய்யும் பலர் திருடர்களாகவும் நண்பர்களாகவும் இருக்கிறார்கள்.

மக்கள் வணிகர்கள் தெளிவுபெறுவதற்கான செய்தி.

எப்பொருள் யார்யார் வாய்க்கேட்பினும் அப்பொருள் மெய்ப்பொருள் காண்பதறிவு.

(இவ்வாறு சமூக ஊடகர் மு க - ஜோகநாதன் இவர்கள் தன்னிடம் 10 000 டொலர்கள் கேட்டதாக விமர்சனம் செய்துள்ளார்)

இவ்வாறு கனடாவில் தமிழ் ஊடக மன்றம் என்ற போலி அமைப்பு பல பொதுவெளி விமர்சனங்களை எதிர்கொண்டு தவிக்கிறது.

இணைப்பு - http://paraii.com/6433 ஊடக மன்றமா? பறை உண்மையைக் கக்குகிறது:

வலிய கூப்பிட்டு பொல்லுக்கொடுத்து அடிவாங்கிய குமாரும் கஜேந்திரனும்..(அணுகுமுறை பிழைகளாலும்,சீர் கேடுகளாலும், திட்டமிடல் அறிவின்மையாலும் வெறும் 12 பேரோடும் 2 ஊடகங்களோடும் இவர்கள் நடாத்திய பம்மாத்து ஐ நா சபை பற்றிய கூட்டத்தில்.. கேள்விகளால் இவர்களை கிழித்து தொங்கவிட்ட சக ஊடகவியலாளர்கள் Video.)

(இவ்வாறு சமூக ஊடகர் ETTV காணொளி பதிவாளர் திரு-ராஜ் ராஜேஷ் அவர்கள் ஊடக மன்ற காமடியர்களது குறிக்கோள் பற்றியும் இலக்குகள் பற்றியும் கேள்வி எழுப்பியுள்ளார்.)