குஜராத்தை சேர்ந்த இளம்பெண் ஒருவர், 190 சென்டி மீட்டர் நீளத்துக்கு தலைமுடியை வளர்த்து புதிய கின்னஸ் சாதனை படைத்துள்ளார். ஆரவள்ளி மாவட்டம் (Aravalli district) மொசடாவை (modasa) சேர்ந்த அவரின் பெயர் நிலான்சி படேல் ஆகும். கடந்த 2018ம் ஆண்டு 170.5 சென்டி மீட்டர் நீளத்துக்கு தலைமுடியை வளர்த்து, டீன் ஏஜ் வயது பெண்களில் அதிக நீளத்துக்கு தலைமுடியை வளர்த்தவர் என்று கின்னஸ் சாதனை படைத்திருந்தார்.

தற்போது 190 சென்டி மீட்டர் நீளத்துக்கு தலைமுடியை வளர்த்து, தனது முந்தைய சாதனையை முறியடித்து அவரே புதிய கின்னஸ் சாதனை படைத்துள்ளார். நிலான்சி படேலின் சாதனையை அங்கீகரித்து கின்னஸ் அமைப்பும் சான்றிதழ் அளித்துள்ளது.