இயக்குநர் பாலாஜி தரணீதரன் இயக்கத்தில் விஜய் சேதுபதி நடிப்பில் உருவாகி நேற்று திரையரங்குகளில் வெளியான திரைப்படம் பத்தா. இவர்கள் இதற்கு முன் நடுவுல கொஞ்சம் பக்கத்தா காணோம், சீதாக்காதி ஆகிய திரைப்படங்களில் கூட்டணி அமைத்துள்ளனர். இதில் நடுவுல கொஞ்சம் பக்கத்தா காணோம் திரைப்படம் பிளாக்பஸ்டர் ஆனது. ஆனால், சீதாக்காதி திரைப்படம் எதிர்பார்த்த அளவிற்கு வரவேற்பை பெறவில்லை.

மூன்றாவது முறையாக பத்தா திரைப்படத்திற்காக விஜய் சேதுபதி - பாலாஜி தரணீதரன் கூட்டணி அமைத்த நிலையில், பெரும் எதிர்பார்ப்பு ரசிகர்கள் மத்தியில் இருந்தது. இப்படத்தில் லிஜோமோல் ஜோஸ், சாய், ஹரி கிருஷ்ணன், அர்ஜுன் சிதம்பரன் ஆகியோர் நடித்துள்ளனர். சாய் அப்யங்கர் இப்படத்திற்கு இசையமைத்துள்ளார்.

நேற்று வெளியான பத்தா திரைப்படத்திற்கு ரசிகர்கள் மத்தியில் விமர்சன ரீதியாகவும், வசூல் ரீதியாகவும் அமோக வரவேற்பு கிடைத்துள்ளது. இந்த நிலையில், உலகளவில் முதல் நாள் பத்தா திரைப்படம் செய்துள்ள வசூல் குறித்த தகவல் வெளியாகியுள்ளது. அதன்படி, முதல் நாள் இப்படம் ரூ. 2 கோடிக்கும் மேல் வசூல் செய்துள்ளது. இனி வரும் நாட்களில் இந்த வசூல் அதிகரிக்கும் என எதிர்பார்க்கப்படுகிறது.