சமீபத்தில் வெளிவந்து வசூல் வேட்டையாடி வரும் ஜனநாயகன் திரைப்படம் 15 நாட்களில் தமிழ்நாட்டில் செய்துள்ள வசூல் குறித்த தகவல் வெளியாகியுள்ளது. 2024-ஆம் ஆண்டு அரசியலில் களமிறங்கி, இரண்டரை ஆண்டுகளில் முதலமைச்சராகி உள்ள விஜய்யின் கடைசி திரைப்படம் ஜனநாயகன். இப்படம் கடந்த ஜனவரி மாதமே வெளியாகவிருக்க வேண்டியது. ஆனால், சென்சார் பிரச்சனை காரணமாக வெளியிட முடியாமல் போனது.

இது விஜய் ரசிகர்களுக்கு வருத்தத்தை தந்திருந்தாலும், தேர்தலில் வெற்றி பெற்றபின் 'முதலமைச்சர் விஜய்' நடிக்கும் ஜனநாயகன் என டைட்டில் கார்டுடன் படம் வெளியானது மிகப்பெரிய கொண்டாட்டமாக அமைந்தது.

தமிழ் திரையுலகில் இருந்து ஒரு திரைப்படம் வெளியாகிறது என்றால், அது வேறு மாநிலங்களில் எவ்வளவு வசூல் செய்கிறது என்பதை தாண்டி, தமிழ்நாட்டில் எவ்வளவு வசூலிக்கிறது என்பது மிக முக்கியமாக பார்க்கப்படுகிறது.

அதுவும் முன்னணி நடிகர்களின் திரைப்படங்கள் என்றால் சொல்லவே தேவையில்லை; தமிழ்நாட்டில் அந்த படம் எவ்வளவு வசூல் செய்கிறது என்பதை தெரிந்துகொள்ள ரசிகர்களே மிகவும் ஆவலுடன் காத்திருப்பார்கள்.

இந்நிலையில், விஜய்யின் ஜனநாயகன் திரைப்படம் 15 நாட்களில் தமிழ்நாட்டில் செய்துள்ள வசூல் குறித்த தகவல் வெளியாகியுள்ளது. அதன்படி, 15 நாட்களில் இப்படம் ரூ. 135 கோடி தமிழ்நாட்டில் வசூலித்துள்ளது. விரைவில் ரூ. 150 கோடியை எட்டும் என ரசிகர்களால் எதிர்பார்க்கப்படுகிறது.