கனடாவில் ரூ 16 கோடி பரிசு விழுந்த லொட்டரி டிக்கெட் தனது பர்ஸில் இருப்பதை கவனிக்காமல் இருந்த நபர் ஒருவழியாக அதை பார்த்து பரிசு பணத்தை பெற்று கொண்டுள்ளார். வான்கூவரில் தான் இந்த சீட்டை Chee Yee Fong என்ற பிரிட்டீஷ் கொலம்பியாவை சேர்ந்த நபர் வாங்கினார். பின்னர் அதை தனது பர்ஸில் வைத்து கொண்டார்.

அவர் பர்சில் உள்ள சீட்டுக்கு கனேடிய பணமான $1 மில்லியன் (இலங்கை மதிப்பில் கிட்டத்தட்ட ரூ 16 கோடி) விழுந்திருந்ததை அவர் அறியாமல் இருந்தார்.

இந்த நிலையில் லொட்டரி சீட்டு தன் பர்ஸில் இருப்பது என்பதை உணர்ந்து அதற்கு பரிசு விழுந்ததா என பார்க்க Chee Yee முடிவு செய்தார்.

இதையடுத்து அங்குள்ள கேஸ் நிலையத்தில் அதற்கு பரிசு விழுந்ததா என பார்க்க $1 மில்லியன் பரிசு விழுந்தது தெரியவந்தது.

இது குறித்து Chee Yee கூறுகையில், எனக்கு லொட்டரியில் பெரிய பரிசு விழுந்தது என என் மகளுக்கு சொன்னேன்.

இதை கேட்டு மகிழ்ச்சியில் அவள் அழுதே விட்டாள், என் ஆரோக்கியத்திற்காக இந்த பணத்தில் இருந்து முதல் செலவை மேற்கொள்வேன் என கூறியுள்ளார்.