இரண்டாவது முறையற்ற உறவு அம்பலமானதை அடுத்து ஜென்சன் ஹுவாங் ராஜினாமா செய்தார். Nvidia நிறுவனத்தின் தலைமைச் செயல் அதிகாரியும் இணை நிறுவனருமான ஜென்சன் ஹுவாங், அந்நிறுவனத்தின் நிர்வாகிகளில் ஒருவருடன் முறையற்ற உறவு வைத்திருந்ததாக அம்பலமானதை அடுத்து, தனது பதவியை ராஜினாமா செய்துள்ளார். 63 வயதான அந்தப் பெரும் கோடீஸ்வரர், சீன உளவாளியாகச் செயல்பட்டிருக்கலாம் என்று சந்தேகிக்கப்படும் ஒரு பெண் தொழிலதிபருடன் தனக்கு இருந்த மற்றொரு ரகசிய உறவு குறித்து அண்மையில் ஒப்புக்கொண்டார்.

கடும் அதிர்வலைகளை ஏற்படுத்திய இந்த விவகாரத்தில் அதிரடி திருப்பமாக, வியாழக்கிழமை அன்று என்விடியா வெளியிட்ட ஓர் அறிக்கையில், தலைவர், தலைமைச் செயல் அதிகாரி மற்றும் இயக்குநர் குழு உறுப்பினர் ஆகிய பதவிகளிலிருந்து ஜென்சன் ஹுவாங் உடனடியாகப் பதவி விலகியுள்ளார் என என்விடியா இயக்குநர் குழு இன்று அறிவித்துள்ளது என குறிப்பிட்டுள்ளது.

அத்துடன், நிறுவனத்திற்கும் தொழில்துறைக்கும் ஜென்சன் ஆற்றிய அளவிட முடியாத பங்களிப்புகளுக்காக, இயக்குநர் குழுவும் நிறுவனமும் அவருக்கு நன்றி தெரிவித்துக் கொள்கின்றன எனவும் குறிப்பிடப்பட்டுள்ளது.

என்விடியாவின் தற்போதைய செயல் துணைத் தலைவரும் தலைமை நிதி அதிகாரியுமான கோலெட் கிரெஸ், அந்த மாபெரும் சிப் தயாரிப்பு நிறுவனம் ஒரு நிரந்தர மாற்றீட்டைத் தேடும் வரை இடைக்கால தலைமைச் செயல் அதிகாரியாகப் பணியாற்ற ஒப்புக்கொண்டுள்ளார்.

சீனாவைச் சேர்ந்தவர் என்று சந்தேகிக்கப்படும் ஆலிஸ் ஹுவாங் என்ற பெண்ணுடன் நெருக்கம் கொண்டிருந்ததை ஜென்சன் ஒப்புக்கொண்டதைத் தொடர்ந்து, அவர் பதவி விலக வேண்டும் என்ற அழுத்தம் அவர் மீது அதிகரித்தது.

அந்த அதிர்ச்சியூட்டும் வெளிப்பாடு, FBI விசாரணை உட்பட ஒரு மாபெரும் உளவு விசாரணையைத் தூண்டியது. அதன்பிறகு, திருமணமானவரும், அந்தச் செயற்கை நுண்ணறிவு நிறுவனத்தின் சுகாதாரப் பிரிவு துணைத் தலைவருமான 48 வயதான கிம்பர்லி பவலுடன் ஹுவாங் முறையற்ற உறவு வைத்திருந்ததாகவும் தகவல்கள் கசிந்தன.

மார்ச் மாதம் நடைபெற்ற என்விடியா (Nvidia) மாநாட்டின் போது, ​​ஒரு ஹொட்டலில் இந்த இருவரும் நெருக்கமாக இருந்த நிலையில் காணப்பட்டதாக நியூயார்க் டைம்ஸ் செய்தி வெளியிட்டிருந்தது.

இந்த நெருக்கடிகளுக்கு மத்தியில், உலகின் மிகப்பெரிய நிறுவனங்களில் ஒன்றான என்விடியாவின் பங்குகள், வியாழக்கிழமை அமெரிக்கப் பங்குச் சந்தை வர்த்தகம் தொடங்கிய சில நிமிடங்களிலேயே 13 சதவீதம் சரிந்தன.

வார இறுதியில் ஹுவாங் தனது முதல் கள்ளத்தொடர்பை ஒப்புக்கொண்டதைத் தொடர்ந்து, நிறுவனத்தின் பங்குகள் சுமார் 14 சதவீதம் சரிந்தன; இது அந்த நிறுவனத்தின் மதிப்பில் 450 பில்லியன் பவுண்டுகளுக்கும் அதிகமான இழப்பைக் குறிக்கிறது.

இந்த ஊழல் வெளிவருவதற்கு முன்பு, உலகின் செயற்கை நுண்ணறிவு கணினித் திறனில் சுமார் மூன்றில் இரண்டு பங்கை வழங்கியதன் காரணமாக, என்விடியா உலகின் மிகப்பெரிய நிறுவனமாகவும், மதிப்பீட்டின் அடிப்படையில் இதுவரை இல்லாத மிகப்பெரிய நிறுவனமாகவும் திகழ்ந்தது.

சுமார் 3.61 சதவீதம் பங்குகளைக் கொண்டுள்ள ஹுவாங், நிறுவனத்தின் நான்காவது பெரிய முதலீட்டாளர் ஆவார். மேலும், 1993-ல் அவர் இணைந்து நிறுவிய நிறுவனத்தில் ஒரு மிகப்பெரிய வெற்றிடத்தை அவர் விட்டுச்செல்வார் என்றே கூறப்படுகிறது.

இதனிடையே, சிங்கப்பூர் அரசாங்கம் ஆலிஸ் ஹுவாங் மீது விசாரணை நடத்தியதுடன், அவர் நாட்டிற்குள் நுழைவதற்கும் தடை விதித்துள்ளது.

என்விடியா ஊழல் முதன்முதலில் வெளிவந்த சில நாட்களுக்குப் பிறகு, சந்தேகிக்கப்படும் சீன உளவாளி ஆலிஸ் ஹுவாங் மற்றும் அவர் தொடர்புடைய சிங்கப்பூர் நிறுவனமான மெகாஸ்பீட் குறித்து சிங்கப்பூர் அரசாங்கம் ஒரு அறிக்கையை வெளியிட்டுள்ளது.

அதில், ஹுவாங் மீது உளவு பார்த்ததாக ஒருபோதும் விசாரணை நடத்தப்படவில்லை என்று குறிப்பிடப்பட்டுள்ளது. இருப்பினும், கணினி சர்வர்கள் கொள்முதல் தொடர்பாக தவறான அறிவிப்புகளை அளித்திருக்கலாம் என்ற குற்றச்சாட்டின் பேரில், மெகாஸ்பீட் உள்ளிட்ட பல நிறுவனங்கள் மீதான விசாரணையின் ஒரு பகுதியாக, கடந்த ஆண்டு அவரும் விசாரிக்கப்பட்டுள்ளார்.

விசாரணையின் போது அவர் சிங்கப்பூரை விட்டு வெளியேற முடியாது என்பதை உறுதிப்படுத்த, ஜூன் 2025-ல் அவரது கடவுச்சீட்டைத் தாங்கள் பெற்றுக்கொண்டதாக அதிகாரிகள் தெரிவித்தனர்.

இந்த ஆண்டு பிப்ரவரி மாதம், பொய்யான அறிவிப்புகளைச் செய்திருக்கலாம் என்பது தொடர்பான குற்றங்களை ஹுவாங் செய்ததற்கான போதிய ஆதாரங்கள் இல்லை என்று அதிகாரிகள் முடிவுக்கு வந்தனர்.

இருப்பினும், மெகாஸ்பீட் (Megaspeed) நிறுவனத்தில் தனது பங்களிப்பைக் குறைத்துக் காட்டுவதற்காக, தவறானது என்று தனக்குத் தெரிந்த தகவல்களை அவர் வழங்கியிருந்ததைக் கண்டறிந்தனர்.

இதனையடுத்து, அதிகாரிகள் அவருக்குக் கடுமையான எச்சரிக்கை விடுத்து, சிங்கப்பூருக்குள் நுழைய அவருக்குத் தடை விதித்தனர். பிப்ரவரி 26 அன்று அவர்கள் அவரது கடவுச்சீட்டைத் திருப்பி அளித்தனர்; அவர் அதே நாளில் சிங்கப்பூரிலிருந்து வெளியேறியுள்ளார்.

ஜூடோ சேம்பியனான டெடி ரைனர் பிரான்சில் ஜனாதிபதி பதவிக்கு போட்டியிட உள்ள நிலையில், அவர் கடுமையான சவால்களை எதிர்கொள்ளவேண்டியிருக்கும். ஒலிம்பிக் போட்டிகளில், ஜூடோ விளையாட்டில் சேம்பியன் பட்டம் பெற்றவரான டெடி ரைனர் (Teddy Riner, 37), என்பவர், பிரான்ஸ் ஜனாதிபதி பதவிக்கு போட்டியிட இருப்பதாக அறிவித்துள்ளார். ஆனால், அவர் கடுமையான சவால்களை எதிர்கொள்ளவேண்டியிருக்கும் என்கிறார்கள் அரசியல் நிபுணர்கள்!

ஜேர்மனியிலுள்ள குளிர் சாதன அமைப்புகள் தொடர்பில் பாதுகாப்பு அமைப்பொன்று எச்சரிக்கை செய்தி ஒன்றைத் தெரிவித்துள்ளது. ஜேர்மனியிலுள்ள குளிர் சாதன அமைப்புகளும் ஹேக் செய்யப்படலாம் என ஜேர்மன் ஃபெடரல் தகவல் பாதுகாப்பு அலுவலகம் எச்சரித்துள்ளது. பிரான்சில் குளிர் சாதன அமைப்புகள் ஹேக்கர்களால் குறிவைக்கப்பட்ட விடயம் நினைவிருக்கலாம்.

இங்கிலாந்தில் சமூக வலைதளங்கள் மூலம் சிறார்களை ஏமாற்றி பாலியல் வன்கொடுமையில் ஈடுபட்ட 27 வயது இந்திய மாணவர் பிலால் காஜிக்கு அந்நாட்டு நீதிமன்றம் 30 ஆண்டுகள் சிறைத்தண்டனை விதித்துள்ளது. சிறுவர்கள் பயன்படுத்தும் கேமிங் மற்றும் சமூக ஊடத் தளங்களில் தன்னை ஒரு டீன் ஏஜ் சிறுவனாக உருமாற்றி கொண்டு, 10 முதல் 15 வயதுக்குட்பட்ட சிறுமிகளை குறிவைத்து அந்தரங்கமான புகைப்படங்கள் மற்றும் வீடியோக்களை பெற்று, பின்னர் அவற்றைக் காட்டி மிரட்டித் தொடர்ந்து பிளாக்மெயில் செய்துள்ளார்.

அமெரிக்காவின் டெக்ஸாஸ் மாநிலத்திலுள்ள ஸ்டார்பேஸ் ஏவுதளத்திலிருந்து ஸ்பேஸ்எக்ஸ் நிறுவனத்தின் 15ஆவது ஸ்டார்ஷிப் ரொக்கெட் வெற்றிகரமாக விண்ணில் ஏவப்பட்டுள்ளது. எனினும், தொழில்நுட்பச் சிக்கல் காரணமாக அதன் சூப்பர் ஹெவி பூஸ்டரை (Super Heavy Booster) ஏவுதளத்திலுள்ள மெகஸில்லா இயந்திரக் கரங்கள் மூலம் மீண்டும் பிடிக்கும் முயற்சி கைவிடப்பட்டதையடுத்து, அது கடலில் இறக்கப்பட்டுள்ளது.

நெதன்யாகுவின் இனவெறிப் பிரச்சாரத்தை ஐசென்கோட் கடுமையாகச் சாடியுள்ளார். தேர்தல்களின் போது, ​​இஸ்ரேலில் உள்ள பாலஸ்தீனிய குடிமக்களுக்கு எதிராக இனவெறி மற்றும் வன்முறை சார்ந்த பிரச்சாரத்தைத் தூண்டியதாக, இடைக்காலப் பிரதமர் பெஞ்சமின் நெதன்யாகு மீது காடி ஐசென்கோட் குற்றம் சாட்டியுள்ளார். இஸ்ரேலின் புதிய அரசாங்கத்தை உருவாக்கும் பணியில் ஈடுபட்டுள்ள ஐசென்கோட், வெள்ளிக்கிழமை இஸ்ரேலில் சமீபத்திய முன்னேற்றங்கள் குறித்து நீண்ட சமூக ஊடகப் பதிவொன்றை வெளியிட்டார்.

அமெரிக்காவின் அனைத்து விமான நிலையங்களிலும் விமானப் போக்குவரத்தை நிறுத்தி வைக்குமாறு, அரிதானதொரு உத்தரவை FAA பிறப்பித்துள்ளது. அசாதாரண சூழ்நிலைகள் காரணமாக, அமெரிக்காவின் அனைத்து விமானங்களுக்கும் நாடு தழுவிய அளவில் தரையிறங்கும் உத்தரவை (ground stop) ஃபெடரல் ஏவியேஷன் அட்மினிஸ்ட்ரேஷன் (FAA) பிறப்பித்துள்ளது. வெளியாகியுள்ள தகவலின் அடிப்படையில், அதிக போக்குவரத்து கொண்ட பல பகுதிகளில் ரேடியோ அலைவரிசைச் செயல்பாட்டில் வழக்கத்திற்கு மாறான தடங்கல் ஏற்பட்டுள்ளது; இதன் விளைவாக அனைத்து விமான நிலையங்களிலும் போக்குவரத்து நிறுத்தப்பட்டுள்ளது.

பிரித்தானிய உளவு விமானங்கள் ஒரு மாத கால அசாதாரணப் பணி ஒன்றிற்காக ஈடுபடுத்தப்பட்டன. விளாடிமிர் புடின் ஐரோப்பா மீது அணுகுண்டு வீசுவதாக அச்சுறுத்தியதைத் தொடர்ந்து, ரஷ்யாவைக் கண்காணிப்பதற்காக பிரித்தானிய உளவு விமானங்கள் ஒரு அசாதாரணமான ஒரு மாத காலப் பணியை மேற்கொண்டுள்ளதாக தகவல் கசிந்துள்ளது. ரஷ்ய இராணுவ நடவடிக்கைகளைக் கண்காணிப்பதற்காக, RAF தளபதிகள் அக்டோபர் மாதத்தில் பிரித்தானியாவின் செயல்பாட்டில் உள்ள இரண்டு ரிவெட் ஜாயின்ட் கண்காணிப்பு விமானங்களை 17 முறை அனுப்பியுள்ளனர்.

LPG வாயுவை ஏற்றிச் சென்ற சரக்கு கப்பல் ஒன்று கண்ணி வெடிகளில் சிக்கி விபத்துக்குள்ளாகி இருப்பதாக ஈரான் தெரிவித்துள்ளது. திரவ மயமாக்கப்பட்ட பெட்ரோலிய வாயு(LPG) டேங்கர்களை ஏற்றிக் கொண்டு ஹார்முஸ் ஜலசந்தி வழியாக பயணித்த சரக்கு கப்பல் ஒன்று கடல் கண்ணி வெடிகளில் சிக்கி வெடிப்பு விபத்துக்குள்ளானதாக ஈரான் ராணுவம் வெள்ளிக்கிழமை வெளியிட்ட அறிக்கையில் தெரிவித்துள்ளது.

கனடாவின் மனிடோபா மாகாணத்தில் உள்ள ஸ்பிராக் எல்லைக் கடவையினூடாக சட்டவிரோதமாக நாட்டிற்குள் நுழைய முயன்ற சம்பவம் தொடர்பில் இருவருக்குத் தண்டனை விதிக்கப்பட்டுள்ளது. கடந்த மே மாதம் 7 ஆம் திகதி, மினி வேன் ஒன்றின் சாரதி வழங்கிய வாக்குமூலத்தில் காணப்பட்ட முரண்பாடுகள் காரணமாக, கனடா எல்லைச் சேவைகள் முகவரக அதிகாரிகள் குறித்த வாகனத்தை நிறுத்திச் சோதனையிட்டுள்ளனர்.

பாரீஸிலுள்ள பிரபல நகைக்கடை ஒன்றில் ஆயுதம் ஏந்திய கொள்ளையர்கள் நுழைந்து பட்டப்பகலில் கொள்ளையடித்துச் சென்றுள்ளனர். பிரான்ஸ் தலைநகர் பாரீஸில் அமைந்துள்ள பிரபல நகைக்கடையில், கொள்ளையர்கள் பட்டப்பகலில் கொள்ளையடித்துச் சென்ற சம்பவம் அதிர்ச்சியை உருவாக்கியுள்ளது. வைர வியாபாரத்துக்குப் புகழ் பெற்ற நிறுவனம் De Beers நிறுவனம்.

வெளிநாட்டவர்கள் கனடாவில் வீடு வாங்க விதிக்கப்பட்டுள்ள தடையை நீட்டிக்க அரசு திட்டம். கனேடியர்கள் அல்லாதவர்கள் கனடாவில் வீடு வாங்குவதற்கு தடை விதிக்கும் சட்டம், 2023ஆம் ஆண்டு ஜனவரி மாதம் 1ஆம் திகதி அமுலுக்கு வந்தது. இந்நிலையில், கனேடியர்கள் அல்லாதவர்கள் கனடாவில் வீடு வாங்குவதற்கு விதிக்கப்பட்டிருந்த தடையை, 2029ஆம் ஆண்டு ஜனவரி மாதம் 1ஆம் திகதி வரை நீட்டிக்க திட்டமிடப்பட்டுள்ளது.

ஐக்கிய அரபு அமீரகத்தின் ஃபுஜைரா நகரில், லொறி சாரதி கட்டுப்பாட்டை இழந்து பல வாகனங்கள் மீது மோதியதில் பதினான்கு பேர் மரணமடைந்ததாகவும், டசின் கணக்கானோர் காயமடைந்ததாகவும் அதிர்ச்சி தகவல் வெளியாகியுள்ளது. ஐந்து லொறிகள் உட்பட 23 வாகனங்கள் சம்பந்தப்பட்ட இந்த விபத்து, நள்ளிரவுக்குச் சற்று முன்பு கிழக்கு அமீரகத்தின் நுழைவாயிலில், போக்குவரத்து மெதுவாகச் சென்றுகொண்டிருந்த வேளையில் நிகழ்ந்தது என்று உள்விவகார அமைச்சகம் ஒரு அறிக்கையில் தெரிவித்துள்ளது.

பிரபல இஸ்ரேலிய குடியேறி ஒருவருக்கு பிரான்சில் நுழைய அனுமதி மறுக்கப்பட்டது. ஆக்கிரமிக்கப்பட்ட மேற்குக் கரையில் உள்ள சட்டவிரோத இஸ்ரேலியக் குடியேற்றங்களைப் பிரதிநிதித்துவப்படுத்தும் அமைப்பின் தலைவருக்கு, பிரான்சுக்குள் நுழைய அனுமதி மறுக்கப்பட்டுள்ளது. பிரெஞ்சு அதிகாரிகள் கடந்த வாரம் பாரிஸ் விமான நிலையத்திற்கு வந்த தன்னைத் திருப்பி அனுப்பிவிட்டதாக இஸ்ரேலியக் குடியேறிகளில் ஒருவரான யோசி டகன் தெரிவித்ததைத் தொடர்ந்து, இந்த நடவடிக்கையை இஸ்ரேல் முற்றிலும் ஏற்றுக்கொள்ள முடியாதது என்று கண்டித்துள்ளது.

ராஜ குடும்ப புகைப்படக் கலைஞரான ஆர்தர் எட்வர்ட்ஸ், இளவரசர் ஹரி தன்னை பழிக்குப் பழி வாங்கிய ஒரு விடயம் குறித்து பகிர்ந்துள்ளார். ஐம்பது ஆண்டுகளாக ராஜ குடும்ப உறுப்பினர்களை புகைப்படம் எடுத்து வருபவர் புகைப்படக் கலைஞரான ஆர்தர் எட்வர்ட்ஸ். இந்நிலையில், இளவரசர் ஹரி தன்னை பழிக்குப் பழி வாங்கிய ஒரு விடயம் குறித்து பகிர்ந்துள்ளார் எட்வர்ட்ஸ். ஒருமுறை இளவரசர் ஹரி, நியூசிலாந்துக்கு சென்றிருந்தபோது, சிறுபிள்ளைகளுடன், கையில் பெயிண்ட் தொட்டு காகிதத்தில் பதிக்கும் விளையாட்டில் கலந்துகொண்டுள்ளார்.

கனடாவின் மொன்றியல் பிராந்தியத்தில் அதிகரித்து வரும் நகைக்கடைக் கொள்ளைச் சம்பவங்களைக் கட்டுப்படுத்தும் பாரிய நடவடிக்கையின் ஒரு கட்டமாக, மொன்றியல் பொலிஸார் சுமார் 15 பதின்ம வயதுச் சிறுவர்களைக் கைது செய்துள்ளனர். இதன் மூலம், இக்கொள்ளைச் சம்பவங்கள் தொடர்பில் இதுவரை கைது செய்யப்பட்டவர்களின் மொத்த எண்ணிக்கை 40 ஆக அதிகரித்துள்ளது.

ஸ்லோவேக் குடியரசின் ஜனாதிபதி பிரான்ஸ் வந்துள்ள நிலையில், அவரை வரவேற்கும் நேரத்தில் இரண்டு பாதுகாவலர்கள் அடுத்தடுத்து மயங்கிச் சரிந்தார்கள். முக்கிய நிகழ்ச்சி ஒன்றில் பிரான்ஸ் ஜனாதிபதி இமானுவல் மேக்ரான் பங்கேற்றிருந்த நேரத்தில், இரண்டு பாதுகாவலர்கள் அடுத்தடுத்து மயங்கிச் சரிந்த விடயம் பரபரப்பை உருவாக்கியுள்ளது. ஸ்லோவேக் குடியரசின் ஜனாதிபதி பிரான்ஸ் வந்துள்ள நிலையில், அவரை வரவேற்பதற்காக நேற்று எலிசி மாளிகையின் வாசலில் பிரான்ஸ் ஜனாதிபதி இமானுவல் மேக்ரான் காத்திருந்தார்.

எதிர்வரும் உலக இளையோர் ஐஸ் ஹொக்கி சாம்பியன்ஷிப் தொடரில் விளையாடுவதற்காக ரஷ்ய வீரர்களுக்கு விசா வழங்கப்பட மாட்டாது என அறிவிக்கப்பட்டுள்ளது. கனேடிய அரசாங்கம் இது தொடர்பில் 'ஹொக்கி கனடா' அமைப்பிற்கு உத்தியோகபூர்வமாக அறிவித்துள்ளது. அத்துடன், கனடாவிலுள்ள அணிகளுக்காக விளையாடுவதற்கு ஏற்கனவே செல்லுபடியாகும் விசாக்களைக் கொண்டுள்ள ரஷ்ய வீரர்களும், நடுநிலைக் கொடியின் கீழ் கூட இத்தொடரில் பங்கேற்கத் தகுதியற்றவர்கள் எனத் தெரிவிக்கப்பட்டுள்ளது.

அமெரிக்காவில் நாய் கூண்டில் அடைக்கப்பட்டு மண்ணுக்குள் புதைக்கப்பட்ட 11 மாத குழந்தை உயிருடன் மீட்கப்பட்டுள்ளது. அமெரிக்காவின் சவுத் கரோலினா மாகாணத்தில் கோவா ஷார்ப்(Koah Sharpe) என்ற 11 மாத ஆண் குழந்தை நாய் கூண்டுக்குள் அடைக்கப்பட்டு உயிருடன் மண்ணுக்குள் புதைக்கப்பட்ட நிலையில் 24 மணி நேரத்திற்கு பிறகு மீட்பு குழுவினரால் பத்திரமாக அந்த குழந்தை உயிருடன் மீட்கப்பட்டுள்ளது.

பிரான்ஸ் அரசால் குளிர் சாதனப் பெட்டிகளை நிர்வகிக்கக் கூட இயலவில்லை என ஈரான் வெளியுறவு அமைச்சர் கேலி செய்துள்ளார். பல்பொருள் அங்காடிகளின் குளிர்சாதனப் பெட்டிகள் மீதான சைபர் தாக்குதல்களுக்கு ஈரானை குற்றம் சாட்டியிருந்தது பிரான்ஸ். இந்நிலையில், பிரான்ஸ் அரசாங்கத்தால் குளிர் சாதனப் பெட்டிகளை நிர்வகிக்கக் கூட இயலவில்லை என கேலி செய்துள்ளார் ஈரான் வெளியுறவு அமைச்சர். கடந்த மாதம், பிரான்சிலுள்ள பல்வேறு பல்பொருள் அங்காடிகளிலுள்ள குளிர்சாதனப் பெட்டிகள் சைபர் தாக்குதலுக்குள்ளாகின.

கொலம்பியாவில் வீட்டில் தயாரிக்கப்பட்ட சோப் கட்டியொன்றைச் சாப்பிட்ட 33 வயதுடைய இரட்டைச் சகோதரிகள் இருவர் சில நிமிட இடைவெளியில் மர்மமான முறையில் உயிரிழந்துள்ளனர். கொலம்பியாவின் மெடலின் பகுதியில் சனிக்கிழமை (07) இச்சம்பவம் இடம்பெற்றுள்ளது. லிண்டா ரோசா மற்றும் லாரா மரியா ( வயது 33) ஆகிய இருவரே இவ்வாறு உயிரிழந்தவர்களாவர்.