Untitled Document
November 17, 2026 [GMT]
  • Welcome
  • Welcome
சிவாஜிலிங்கமும்! சில உண்மைகளும்! Top News
[Tuesday 2026-11-17 20:00]

யாழ்ப்பாணத்திலிருந்து நிலாந்தன் எழுதுகின்றார்! பண்புருமாற்றம் என்பது போராட்டத்தை ஒரு இயக்கத்துக்கு ஊடாகப் பார்ப்பதோ அல்லது ஒரு இயக்கத்துக்கு ஊடாக நிராகரிப்பதோ அல்ல. பண்புருமாற்றம் என்பது போராட்டத்தை ஒரு கட்சிக்கூடாகப் பார்ப்பதோ அல்லது ஒரு கட்சிக்கூடாக நிராகரிப்பதோ அல்ல.மாறாக பண்புருமாற்றம் என்பது மக்களோடு நிற்பது.மக்களுடைய கூட்டுக் காயங்களை,கூட்டுத் துயரங்களை,கூட்டு அபிலாசைகளைப் பிரதிபலிப்பது. மக்களுடைய நியாயங்களுக்காக போராடுவது.

யாழ்ப்பாணத்திலிருந்து நிலாந்தன் எழுதுகின்றார்! பண்புருமாற்றம் என்பது போராட்டத்தை ஒரு இயக்கத்துக்கு ஊடாகப் பார்ப்பதோ அல்லது ஒரு இயக்கத்துக்கு ஊடாக நிராகரிப்பதோ அல்ல. பண்புருமாற்றம் என்பது போராட்டத்தை ஒரு கட்சிக்கூடாகப் பார்ப்பதோ அல்லது ஒரு கட்சிக்கூடாக நிராகரிப்பதோ அல்ல.மாறாக பண்புருமாற்றம் என்பது மக்களோடு நிற்பது.மக்களுடைய கூட்டுக் காயங்களை,கூட்டுத் துயரங்களை,கூட்டு அபிலாசைகளைப் பிரதிபலிப்பது. மக்களுடைய நியாயங்களுக்காக போராடுவது.

  

ஒரு மாத காலத்துக்குள்ளேயே மீண்டும் ஓர் இரங்கல் குறிப்பு.ஆனால் இரண்டுக்கும் ஒற்றுமை உண்டு. முதலாவதாக ஜோதிலிங்கம். இரண்டாவதாக இப்பொழுது சிவாஜிலிங்கம். இரண்டு லிங்கங்களுமே தமிழ்த் தேசிய அரசியலில் பண்புருமாற்றத்தைப் பிரதிபலித்தவர்கள்.

பண்புருமாற்றம் என்ற வார்த்தையை நான் ஜோதிலிங்கத்தின் இறுதி நிகழ்வில் பயன்படுத்திய பொழுது முன்னாள் வட மாகாண சபை உறுப்பினர் ஒருவர் கேட்டிருந்தார்,”விடுதலைப்புலிகள் இயக்கத்தை நோக்கிச் செல்வதுதான், அல்லது அந்த அமைப்பின் கொள்கைகளை ஏற்றுக்கொள்வதுதான் பண்புருமாற்றமா?” என்று.

இல்லை. பண்புருமாற்றம் என்பது போராட்டத்தை ஒரு இயக்கத்துக்கு ஊடாகப் பார்ப்பதோ அல்லது ஒரு இயக்கத்துக்கு ஊடாக நிராகரிப்பதோ அல்ல. பண்புருமாற்றம் என்பது போராட்டத்தை ஒரு கட்சிக்கூடாகப் பார்ப்பதோ அல்லது ஒரு கட்சிக்கூடாக நிராகரிப்பதோ அல்ல.மாறாக பண்புருமாற்றம் என்பது மக்களோடு நிற்பது.மக்களுடைய கூட்டுக் காயங்களை,கூட்டுத் துயரங்களை,கூட்டு அபிலாசைகளைப் பிரதிபலிப்பது. மக்களுடைய நியாயங்களுக்காக போராடுவது.

தம்மைத் தோற்கடித்த அல்லது அரங்கில் இருந்து அகற்றிய ஓர் இயக்கத்துக்கு எதிரான உணர்வுகள், பழிவாங்கும் உணர்வுகள் காரணமாக தமது சொந்த மக்களுக்கு எதிராகத் திரும்பாத எல்லா அரசியற் செயற்பாட்டாளர்களும் பண்புரு மாற்றத்தைப் பிரதிபலிக்கிறார்கள்.மக்களோடு நின்று ஓடுக்குமறைக்கு எதிராகப் போராடுகிறார்கள்.தாங்கள் போராட்ட அரங்கில் இருந்து வலுக்கட்டாயமாக அகற்றப்பட்ட பின்னரும் அந்த அரங்கில் வாழ்ந்த மக்களோடு நிற்பது என்பது ஒரு மகத்தான சமநிலை. ஒரு தவம்.

அண்மை காலங்களில் சமூக ஊடக வலைத்தளங்களில் டிஜிட்டல் இனவாதம் ஒன்றை காணக்கூடியதாக உள்ளது.தமிழ் மக்கள் தமது துக்கங்களை, நினைவுகளைப் பகிரும்போது அதற்கு எதிராக சிங்கள முகநூல் பயனர்கள் கேலிக் குறிப்புக்களையும் கிண்டல் குறிப்புக்களையும் இன வெறுப்பைக் கக்கும் குறிப்புகளையும் போடுவது ஒரு வழமையாகி வருகிறது.சிவாஜி லிங்கத்தின் நினைவுக் குறிப்புக்கு கீழேயும் அவ்வாறு சிரிப்புக் குறியீடுகள் போடப்பட்டன.

ஆனால் இதைச் சுட்டிக்காட்டும் தமிழர்கள் வேறு ஒரு விடயத்தைக் கவனிக்கத் தவறுகிறார்களோ தெரியவில்லை. அது என்னவென்றால்,முன்பு இயக்கங்களாகப் பிரிந்து நின்றவர்களில் ஒரு பகுதியினர், புதிய தொழில்நுட்பத் தளத்திலும் அதாவது சமூக ஊடக வலைத் தளங்களிலும் இப்பொழுதும் இயக்கங்களாகவே பிரிந்து நிற்கின்றார்கள் என்பதுதான்.ஒரு இயக்கத்தைச் சேர்ந்தவர்கள் மற்ற இயக்கத்துக்கு எதிராக எழுதுகிறார்கள்.அவை ஆறாத பழைய காயங்களை,தீர்க்கப்படாத பழிவாங்கும் உணர்ச்சியைப் பிரதிபலிக்கும் எழுத்துக்கள்.தமிழ்ச் சமூகம் தனக்குள்தானே பொறுப்புக்கூற வேண்டிய விடயங்கள். தனக்குள் தானே குணமாக்கிக் கொள்ள வேண்டிய காயங்கள். எல்லா இயக்கங்களுக்குமான ஒரு பொதுவான நினைவு நாளை,ஒரு பொதுவான நினைவுச் சின்னத்தை உருவாக்குவது எவ்வளவு சவால்கள் மிகுந்தது என்பதனை அந்தக் குறிப்புகள் காட்டுகின்றன.

அதாவது அந்த முகநூல் எழுத்துக்களைத் தொகுத்துப் பார்க்கும்போது கிடைக்கும் செய்தி என்னவென்றால்,ஒவ்வொருவரும் தாம் சார்ந்த இயக்கத்துக்கு ஊடாகவே போராட்டத்தைப் பார்க்கின்றார்கள்;தாம் சார்ந்த இயக்கத்துக்கு ஊடகவே போராட்டத்தை ஏற்றுக்கொள்கிறார்கள்;அல்லது நிராகரிக்கிறார்கள்;அல்லது நியாயப்படுத்துகிறார்கள்;அல்லது விமர்சிக்கிறார்கள்.அதாவது போராட்டத்தை இயக்கங்களுக்கு ஊடாகவே பார்க்கிறார்கள்.மக்களுக்கு ஊடாக அல்ல.

ஆனால் சிவாஜிலிங்கமும் உட்பட பண்புருமாற்றத்தை வாழ்ந்து காட்டிய அரசியற் செயற்பாட்டாளர்கள் அனைவரும் இறந்த காலத்தின் கசப்பான, அவமானகரமான,உயிராபத்து மிகுந்த அனுபவங்களுக்கூடாக காயங்களுக்கு ஊடாக மட்டும் போராட்டத்தைப் பார்க்கவில்லை.ஒடுக்குமுறைக்கு உள்ளாகும் நமது மக்களுக்கு ஊடாகவே அவர்கள் அரசியலைப் பார்த்தார்கள்; வாழ்ந்தார்கள்.

தமிழ் மக்களின் போராட்டம் தனி ஒரு இயக்கத்தின் போராட்டமோ அல்லது தனி ஒரு கட்சி கட்டிக்காத்த போராட்டமோ அல்ல.அதை இயக்கங்களுக்கு இடையிலான முரண்பாடுகளுக்கூடாகவோ அல்லது கட்சிகளுக்கு இடையிலான முரண்பாடுகளுக்கூடாகவோ அல்லது இயக்க விசுவாசங்களுக்கு ஊடாகவோ அல்லது இயக்க வெறுப்புக்கூடாகவோ பார்த்தால் மக்களோடு நிற்க முடியாது. மக்களோடு நின்றால் போராட்டத்தை,தமிழ்த்தேசிய அரசியலை ஒரு இயக்கத்துக்குள்,ஒரு கட்சிக்குள் பெட்டிகட்டவும் முடியாது.அது தமிழ் மக்களுடைய அரசியல்.

சிவாஜி,எல்லாவிதமான விமர்சனங்களுக்கும் அப்பால்,அந்தப் பண்புரு மாற்றத்தைப் பிரதிபலித்தார். அவரை எந்தப் பெட்டிக்குள்ளும் வைத்துப் பார்க்க முடியாது.கட்சிகளுக்குள்ளும் பெட்டிகட்ட முடியாது. கூட்டுக்களுக்குள்ளும் பெட்டிகட்ட முடியாது.அவர் எந்தச் சட்டகத்துக்குள்ளும் அடங்காத,நிறுவனங்கள்,கட்சிகளுக்குள் தன்னைச் சுதாகரித்துக் கொள்ளாத ஒரு தனி ஓட்டம்.

நினைவேந்தலை ஒரு தனி மனிதராக முன்னெடுத்தது போலவே போராட்டங்களிலும் சில சமயங்களில் தனி மனிதராக முடிவெடுத்து விடுவார், சிவாஜி என்றாலே பெரும்பாலும் தனி ஓட்டம்தான்.நிறுவன மயப்பட்டு செயற்பட விரும்பாத,நிறுவனங்களுக்குள் அடங்க மறுக்கும் ஓர் ஆளுமை அவர்.அதனாலேயே நிறுவன மயப்பட்ட செயற்பாடுகளைக் குழப்பக் கூடியவர். அவருடைய தனி ஓட்டம், தீவிரமான சாகச நடவடிக்கைகள் என்பவற்றின் பின்னணியில் அவருடைய கிறுக்குத்தனத்திற்கும் பங்கு உண்டு.

பகை பாராட்டதவர்; எளிமையானவர்; இரக்கத்தைக் கோரும் முகம். சன்னமான குரல். தன்னைத் தற்காத்துக் கொள்ளாத துணிச்சல். தன் உடலைத் தானே பராமரிக்காத அலட்சியம். தன் முடிவுகளை யாருக்காகவும் விட்டுக் கொடுக்காத கிறுக்குத்தனம். எந்த ஒரு கட்டமைப்புக்குள்ளும் தன்னைச் சுதாகரித்துக் கொள்ள விரும்பாத தனி ஓட்டம். இதுதான் சிவாஜிலிங்கம்.

காலில் பெரிய பந்தத்தோடு இழுத்த இழுத்து நடப்பார்.கடந்த 17 ஆண்டுகளில் அதிகமாக விசாரணைகளுக்கு உள்ளாகிய மிகச்சில அரசியல்வாதிகளில் அவரும் ஒருவர்.இறக்கும்வரை மரணப்படுக்கையில் இருந்தபோதும் அவரை விசாரிப்பதற்கு அவருடைய வீட்டுக்குப் போனார்கள்.

2019இல் ஜனாதிபதித் தேர்தலின்போது ஒரு தமிழ்ப் பொது வேட்பாளரை நிறுத்துவதற்காக கட்சிகளை சந்தித்தபோது,நல்லூர் சின்மயா மிஷினில் சிவாஜியைச் சந்தித்தோம்.சிவாஜி இடைக்கிடை எழுந்து கழிப்பறையை நோக்கி நடந்து போவார்.அவர் நடக்கும்போது சிறுநீர்த் துளிகள் சிந்தும். இது தொடர்பாக உரையாடியபோது தமிழ் மக்கள் பேரவையில் இருந்த ஒரு மருத்துவ நிபுணர் சொன்னார்,அவருக்கு இருதய நோய் உண்டு. கவனிக்காமல் திரிகிறார்.சிலசமயம் உயிருக்கு ஆபத்தாகவும் முடியலாம் என்று. தன் உடலைக் கவனிக்காத ஒரு பிறவி.

ஒரு சிகிச்சைக்காக இந்தியாவுக்குப் போக விரும்பினார்.ஆனால் விசா கிடைக்கவில்லை. அப்பொழுது அவருக்கு இந்திய விசா தடுக்கப்பட்டிருந்தது. ஜெய்சங்கர் இந்திய வெளியுறவு அமைச்சராக வந்த பின்னர்,அவருக்கும் தனக்கும் உள்ள முன்னைய தொடர்புகளைப் பயன்படுத்தி சிவாஜி மீண்டும் வீசாவுக்கு விண்ணப்பித்தார்.விசா கிடைத்தது. இந்தியாவுக்குப் போய் சிகிச்சை எடுத்துக் கொண்டார்.

இந்தியாவிலும் இலங்கையிலும் பெற்றுக்கொண்ட சிகிச்சைகள் பலனளிக்கவில்லை.ஆனால் தனது சிகிச்சைக்காக அவர் பகிரங்க வேண்டுகோள் விடுத்தபோது அவருக்கு உதவப் பலரும் முன் வந்தார்கள். தமிழ்த் தேசியப் போராட்டப் பரப்பில் ஒரு பகிரங்க வேண்டுகோளை விடுத்து அவ்வாறு பெருந்தொகை நிதியைத் திரட்ட முடிந்த நபர் அவர்.அது தமிழ் மக்கள் மத்தியில் அவருக்கு இருந்த அபிமானத்தைக் காட்டியது. அவருடைய இறுதி நிகழ்வு அவருக்கு இருந்த மக்கள் அபிமானத்தைக் காட்டியது.

ஒரு தனிப்பட்ட உரையாடலின்போது சிவாஜிலிங்கம் எனக்குச் சொன்னார்.இந்திய அமைதி காக்கும் படை நாட்டை விட்டு வெளியேறிக் கொண்டிருந்த ஒரு பின்னணியில்,கொழும்பில்,ஒரு ஹோட்டலில் நடந்த ஒரு சந்திப்பின்போது ஜெய்சங்கர் தன்னுடைய சிறிய மகனையும் அழைத்துக் கொண்டு வந்திருந்தாராம். சிவாஜியோடு கதைக்கும்போது தனது மகனைச் சுட்டிக்காட்டி இந்தப் பையன் வளர்ந்து பெரியவன் ஆனாலும்கூட உங்களுடைய பிரச்சினை தீரப் போவதில்லை என்று சொன்னாராம்.

இந்திய இலங்கை உடன்படிக்கை எழுதப்பட்டு 39 ஆண்டுகளாகிவிட்டன.ஜெய்சங்கர் இப்பொழுது இந்தியாவின் சக்திமிக்க வெளியுறவு அமைச்சராக இருக்கிறார்.அவருடைய மூத்த மகனுக்கு 43 வயதாகிறது.ஆனால் இலங்கை இனப்பிரச்சினை தீர்க்கப்படவில்லை. சிவாஜிலிங்கமும் இல்லை.

  
   Bookmark and Share Seithy.com



"மலை விழுந்த மண்பானையாய் மனம் நொறுங்கிப்போனது" - எம்.கே. சிவாஜிலிங்கம் மறைவுக்கு இயக்குநர் வ. கௌதமன் இரங்கல்! Top News
[Monday 2026-11-16 07:00]

இலங்கையின் முன்னாள் நாடாளுமன்ற உறுப்பினரும், வல்வெட்டித்துறை நகர பிதாவுமான எம்.கே. சிவாஜிலிங்கத்தின் மறைவுக்கு தமிழ்ப் பேரரசு கட்சியின் பொதுச் செயலாளரும் இயக்குநருமான வ. கௌதமன் ஆழ்ந்த இரங்கல் தெரிவித்துள்ளார். இது குறித்து அவர் வெளியிட்டுள்ள அறிக்கையில், சிவாஜிலிங்கம் மூச்சடங்கிய செய்தியறிந்து மலை விழுந்த மண்பானையாய் மனம் நொறுங்கிப்போனதாகக் குறிப்பிட்டுள்ளார். ஐ.நா. மன்றம் முதல் இலங்கை பாராளுமன்றம் மற்றும் இந்திய அதிகார மையங்கள் வரை எவ்வித சமரசமுமின்றி தமிழ் மக்களின் உரிமைக்காகப் போராடியவர் என அவர் புகழாரம் சூட்டியுள்ளார்.



அன்புள்ள தமிழ் பட்டிமன்ற பேச்சாளர் கம்பவாரிதி ஜெயராஜ் அவர்களுக்கு..! Top News
[Thursday 2026-11-12 18:00]

நீங்கள் உடல் - உள நலத்தோடு உரையாற்றிக்கொண்டிருக்கும் காணொளி ஒன்றினை சற்றுமுன் பார்க்க கிடைத்தது. அதில் நீங்கள், எதிர்ப்பு வந்தாலும் பறவாயில்லை எனத் தெரிவித்துவிட்டு இரண்டு விடயங்களை மிக “அழுத்தமாக” பதிவு செய்கிறீர்கள். உங்களுக்கு அதை நினைவுபடுத்த நீங்கள் சொன்னதை அப்படியே எழுத்தில் தருகின்றேன். “ரெண்டு விடயங்களை இந்த தமிழினம் என்றைக்கு மறக்கிறோதோ அன்றைக்குத்தான் இந்த இனம் உருப்படும். “ அதில் முதலாவது, “நடந்த போராட்டத்தை இந்த மக்கள் மறக்கவேண்டும். ஏன் மறக்க வேண்டும் என்றால், அதை சொல்லிச்சொல்லியே உங்களை கொதிநிலையில் வைத்து தங்கள் வாழ்வை வாழப் பார்க்கிறார்கள் சிலர். அதனால் அதை மறவுங்கள்.”



“எல்லாளன்” நாட்டிய நாடகம்! Top News
[Tuesday 2026-11-10 16:00]

தமிழனின் வீரத்தையும், கலைச் செழுமையையும் மேடையில் உயிரோவியமாகத் தீட்டிய அற்புதமான படைப்பு “எல்லாளன்” நாட்டிய நாடகம்! தமிழ் மன்னன் எல்லாளனின் கதையை, நாட்டியமும் இசையும் நடிப்பும் ஒன்றிணைந்த அழகிய கலைமொழியில் எடுத்துரைத்த இந்நிகழ்வு, மனதில் நீங்காத இடம்பிடித்தது. கம்பீரமான பாத்திரங்கள், உணர்வுகளைப் பேசிய விழிகள், துடிப்பான நடன அசைவுகள், வண்ணமிகு ஆடை அலங்காரங்கள் என ஒவ்வொரு அம்சமும் படைப்பிற்கு மெருகூட்டின.



இலங்கை ஜெயராஜ்!
[Friday 2026-11-06 16:00]

இலங்கை ஜெயராஜ் என்று அழைக்கப்படும் இவர் அந்தக் கால இலங்கைத் திண்ணைக் கல்வி முறையின்படி சமயக் கல்வியைக் கற்றுக்கொண்டவர். இருப்பினும், இவர் பெண்கள் அடிமைத்தனக் கருத்துகளையே அதிகம் பேசிவந்தார். அத்துடன் வர்க்க வேறுபாடு ஆதரவுக் கருத்துகளையும் பேசிவந்தார்.



இளம் குரலில் ஒலித்த ஆன்மீகத் தேன்! – செல்வி தியா இளங்கீரனுக்குப் பாராட்டுகள்! Top News
[Thursday 2026-11-05 07:00]

கனடாவில் பிறந்து வளர்ந்த இளம் ஈழத்தமிழ்ச் சிறுமியான செல்வி தியா இளங்கீரன் அவர்கள், கனடாவில் முதன்முறையாகக் கந்த சஷ்டி கவசத்தைத் தனது இனிய குரலில் பாடி இசை வடிவில் வெளியிட்டிருப்பது பெருமகிழ்ச்சியும் பாராட்டுக்குரியதுமான ஒரு சிறப்பான நிகழ்வாகும். முருகப்பெருமானின் அருளையும், பக்தியின் மகத்துவத்தையும் எடுத்துரைக்கும் கந்த சஷ்டி கவசம், தமிழர்களின் இல்லங்களிலும் உள்ளங்களிலும் நீங்காத இடம்பிடித்துள்ள ஓர் அருள்மிகு பக்திப் பாடலாகும். அத்தகைய புனிதமான பாடலை, இளமையின் இனிமையும் பக்தியின் ஆழமும் கலந்த தனது மழலைக் குரலில் தியா அவர்கள் பாடியிருப்பது கேட்போர் மனங்களில் பக்திப் பரவசத்தை ஏற்படுத்துகின்றது.



கனடாவில் இலங்கைத் தமிழ் பாடகி லக்ஷ்மிக்கு புதிய அங்கீகாரம்! Top News
[Tuesday 2026-11-03 07:00]

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.



உலகளாவிய தமிழர் பொருளாதார மற்றும் சமூக வலையமைப்பு அறிமுகம்! Top News
[Sunday 2026-10-25 17:00]

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.



டொரோண்டோ தமிழ் புத்தக அரங்கம் 2026! Top News
[Sunday 2026-10-25 06:00]

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.



திரு. வைரமுத்து சொர்ணலிங்கத்திற்கு ரொறன்ரோ சர்வதேச தமிழ்த் திரைப்பட விழாவின் வாழ்நாள் சாதனையாளர் விருது! Top News
[Monday 2026-10-05 09:00]

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.



துணுக்காயில் கோலாகலமாக நடைபெற்ற "பண்பாட்டுப் பெருவிழா – 2026"! Top News
[Friday 2026-09-25 16:00]

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.



மெத்ரேயி ராமகிருஷ்ணன் – வாழ்க்கைக் கதை! Top News
[Friday 2026-09-25 10:00]

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.



தியாக தீபம் திலீபன் நினைவேந்தல்! Top News
[Wednesday 2026-09-16 07:00]

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.



துன்னாலை சதாசகாய அன்னை ஆலய வருடாந்த திருவிழா திருப்பலியுடன் நிறைவு! Top News
[Monday 2026-09-14 08:00]

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.



வலிந்து காணாமல் ஆக்கப்பட்ட உறவுகளைத் தேடி ஆர்ப்பாட்டம்! Top News
[Thursday 2026-09-03 07:00]

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.



சர்வதேச வலிந்து காணாமல் ஆக்கப்பட்டோர் தினத்தில், பிரித்தானியாவில் நீதிக்காகத் திரண்ட மக்கள்! Top News
[Wednesday 2026-09-02 07:00]

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.



யாழில் PickMe நடத்துவது முன்னாள் பாராளுமன்ற உறுப்பினர் MA சுமந்திரனா? Top News
[Thursday 2026-08-20 08:00]

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.



தமிழ் ஒலிம்பிக் 2027 திட்டத்தை அங்குரார்ப்பணம் செய்தது நாடுகடந்த தமிழீழ அரசாங்கம்! Top News
[Wednesday 2026-08-19 09:00]

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.



வருங்காலத் தமிழ் ஈழம் சுவிட்சர்லாந்திடமிருந்து என்ன கற்றுக்கொள்ள முடியும்? Top News
[Saturday 2026-08-15 07:00]

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.



ஒன்ராறியோ அரசு சென்டினரி மருத்துவமனையின் அவசர சிகிச்சைப் பிரிவு விரிவாக்கத்திற்காக 82 மில்லியன் டொலர் முதலீடு செய்கிறது! Top News
[Friday 2026-08-07 07:00]

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.



17ஆவது ஆண்டு தமிழ் கனடிய நடைப்பயணம் உத்தியோகபூர்வமாகத் தொடக்கம்: இந்தியாவில் இருந்து இலங்கை திரும்பும் தமிழ் குடும்பங்களுக்கு மறுவாழ்வு அளிக்க நிதியுதவி! Top News
[Sunday 2026-08-02 07:00]

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.


Karan Remax-2010
 gloriousprinters.com 2021
Mahesan-Royallepage-01-01-2025-Seithy
Vaheesan-Remax-2016
Asiaan-Salon-2022-seithy
Kugeenthiran-200-2022-seithy
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா