Untitled Document
November 22, 2026 [GMT]
பறிக்கப்பட்ட அதிகாரங்களை மீள வழங்கி மாகாண சபைத் தேர்தல்களை நடத்த வேண்டும்!
[Sunday 2026-11-22 07:00]

இனப்பிரச்சினைக்கு தீர்வாக அறிமுகப்படுத்தப்பட்ட மாகாணசபை முறைமையை முழுமையாக அமுல்படுத்தியிருந்தால் பல பிரச்சினைகளுக்குதீர்வு கண்டிருக்கலாம்.மாகாணசபைகளுக்கு வழங்கப்பட்ட சொற்ப அதிகாரங்களை கடந்த அரசாங்கங்கள் மத்திய அரசுக்கு மீளப் பெற்றன. அவ்வாறு பெறப்பட்ட அதிகாரங்கள் மாகாணசபைகளுக்கு மீள ஒப்படைக்கப்பட வேண்டும்.மாகாண சபைத் தேர்தல் விரைவாக நடத்தப்பட வேண்டும் என இலங்கைத் தமிழரசுக் கட்சியின் அம்பாறை மாவட்ட பாராளுமன்ற உறுப்பினர் கவீந்திரன் கோடீஸ்வரன் தெரிவித்தார்.

இனப்பிரச்சினைக்கு தீர்வாக அறிமுகப்படுத்தப்பட்ட மாகாணசபை முறைமையை முழுமையாக அமுல்படுத்தியிருந்தால் பல பிரச்சினைகளுக்குதீர்வு கண்டிருக்கலாம்.மாகாணசபைகளுக்கு வழங்கப்பட்ட சொற்ப அதிகாரங்களை கடந்த அரசாங்கங்கள் மத்திய அரசுக்கு மீளப் பெற்றன. அவ்வாறு பெறப்பட்ட அதிகாரங்கள் மாகாணசபைகளுக்கு மீள ஒப்படைக்கப்பட வேண்டும்.மாகாண சபைத் தேர்தல் விரைவாக நடத்தப்பட வேண்டும் என இலங்கைத் தமிழரசுக் கட்சியின் அம்பாறை மாவட்ட பாராளுமன்ற உறுப்பினர் கவீந்திரன் கோடீஸ்வரன் தெரிவித்தார்.

  

பாராளுமன்றத்தில் இன்று சனிக்கிழமை (21) நடைபெற்ற 2027 ஆம் ஆண்டுக்கான வரவு செலவுத் திட்டத்தில் ஜனாதிபதி, பிரதமர் மற்றும் ஆணைக்குழுக்கள் செலவின தலைப்பு மீதான குழுநிலை விவாதத்தில் உரையாற்றுகையில் மேற்கண்டவாறு குறிப்பிட்டார்.

ஜனாதிபதி அநுரகுமார திஸாநாயக்க தலைமையிலான அரசாங்கம் பல நல்ல செயற்பாடுகளை செய்து வருகின்றது. இந்த நாட்டில் இலஞ்சம் ஊழல் தலைவிரித்தாடிய காலம் இருந்தது. எங்கு பார்த்தாலும் போதைப்பொருள் பாவனை மற்றும் பாதாள குழுக்களின் அட்டூழியங்கள் அதிகமாக இருந்தன.

தமிழ் மக்கள் பாரதூரமாக கொலை செய்யப்பட்டனர். எதிர்த்து நின்ற தொழிற்சங்கங்கள் அடைக்கப்பட்டது.ஆனால் இன்று சாதகமான சூழ்நிலை காணப்படுகின்றது.இந்த சூழ்நிலை நிலைத்து நிற்க வேண்டும்.

அரச சேவைகள் ஆணைக்குழுவின் முக்கிய பணியாக நியமனங்களை வழங்குதல் பதவி உயர்வுகளை வழங்குதல் ஆகியன காணப்பட்டன.

கடந்த ஆட்சிக் காலங்களில் இது அரசியல் தலையீடுகளை கொண்டதாகவே காணப்பட்டது. நியமனங்கள், இடமாற்றங்களின் போது அரசியல் தலையீடுகளே காணப்பட்டன. இவ்வாறு நடக்கும் போது இலஞ்சம் ஊழல் மோசடி என்பன கூடுதலாக காணப்பட்டன.

இலஞ்ச ஊழலை குறைக்க வேண்டுமாயின் அரச ஊழியர்களின் சம்பளம் அதிகரிக்கப்பட வேண்டும். இப்போது பொருட்கள் சேவைகளின் விலைகள் உயர்ந்து செல்லும் நிலையில் அரச ஊழியர்களின் சம்பளத்தை அதிகரிக்க வேண்டும்.

17 வீதமானவர்களுக்கே வரவு செலவுத் திட்டத்தில் சம்பளம் அதிகரிக்கப்பட்டுள்ளது. உயர் பதவிகளில் இருப்பவர்களுக்கே இவ்வாறு சம்பள அதிகரிப்பு மேற்கொள்ளப்பட்டுள்ளது.

ஆனால் 84 வீதமானவர்களுக்கு சம்பள உயர்வு வழங்கப்படாமை கவலைக்குரியதாக உள்ளது. சம்பளம் குறைந்தவர்களுக்கே தேவைப்பாடுகள் அதிகமாக உள்ளன.

நாட்டில் பொருட்கள் சேவைகளின் விலைகள் அதிகரித்துச் செல்கின்றன. இந்த நேரத்தில் ஏழைகள் மற்றும் நடுத்தர வருமானம் கொண்டவர்களுக்கே சம்பள அதிகரிப்பை வழங்க வேண்டும். ஒரு தரப்பினருக்கும் மட்டுமன்றி எல்லா தரப்பினருக்கும் சம்பள உயர்வை வழங்க வேண்டும்.

இதேவேளை இந்த அரசாங்கம் நல்ல விடயங்களை செய்கின்றது.வீண் செலவுகளை குறைத்து அமைச்சுக்களுக்கான அலுவலகங்கள் குறைக்கப்பட்டுள்ளதுடன்இ ஜனாதிபதிக்கான வதிவிடங்களும் குறைக்கப்பட்டுள்ளன. இது வரவேற்கத்தக்கது.

அதே நேரத்தில் ஆசிரியர்கள் உள்ளிட்ட ஏனைய தரப்பினரின் சம்பளங்களை அதிகரிக்கவும் நடவடிக்கை எடுக்கப்பட வேண்டும்.அத்துடன் மாகாண சபைகளுக்கான தேர்தலுக்காக வரவு செலவுத் திட்டத்தில் 8.7 பில்லியன் ரூபா ஒதுக்கியுள்ளதாக பார்க்கின்றோம்.

ஆனால் என்ன தேர்தல் முறை என்ற விடயத்தை நிர்ணயித்து சரியான முறையில் செய்ய வேண்டியது அரசாங்கத்தின் பொறுப்பாகும்.வெளிநாடுகளில் தேர்தல்கள் ஆணைக்குழுவுக்கு மிகுந்த அதிகாரங்கள் கொடுக்கப்பட்டுள்ளன. இங்கே கடந்த காலங்களில் தேர்தல்கள் ஆணைக்குழுவை கடந்த கால அரசாங்கம் தவறாக வழிநடத்தியுள்ளது.

அரசாங்கமே அது தொடர்பில் தீர்மானங்களை எடுப்பதாக இருந்தது. ஆனால் இந்த அரசாங்கம் தேர்தல்கள் ஆணைக்குழுவுக்கு முழு அதிகாரங்களை கொடுத்து சுயாதீன ஆணைக்குழுவாக இயங்க செய்ய வேண்டும். மாகாண சபைகள் தேர்தலை விரைவாக நடத்த வேண்டும்.

இதேவேளை மாகாண சபைகளுக்கான அதிகாரங்களை வழங்க வேண்டும். கடந்த காலங்களில் இருந்த அரசாங்கங்கள் கல்வி சுகாதாரம் வன திணைக்களம் மற்றும் காணி அதிகாரங்களை பறித்தது. ஆனால் இந்த அரசாங்கம் அவ்வாறு அந்த விடயங்களை கையாளக் கூடாது. மாகாணங்களுக்கான அதிகாரங்கள் அவ்வாறே இருக்க வேண்டும்.

முந்தைய அரசாங்கத்தினால் எடுக்கப்பட்ட அதிகாரங்களை நீங்கள் மாகாணங்களுக்கு கொடுத்து தேர்தலை மிக விரைவாக நடத்த வேண்டும் என்று அரசாங்கத்தை கேட்டுக்கொள்கின்றேன் என்றார்.

  
   Bookmark and Share Seithy.com



யாழ்ப்பாணப் பல்கலைக்கழக மாவீரர் தூபியில் அக வணக்கம்! Top News
[Sunday 2026-11-22 18:00]

தேசத்தின் விடிவிற்காய் தம் உயிரை தியாகம் செய்த வீர மறவர்களை நினைவில் ஏந்தும் முகமாக மாவீரர் வார முதலாம் நாளான நேற்று மாலை யாழ்ப்பாணப் பல்கலைக்கழக மாவீரர் தூபியில் அக வணக்கம் செலுத்தப்பட்டது



செம்மணிப் புதைகுழி குறித்து சிஐடிக்கு வழங்கிய சாட்சியம்!- தெளிவுபடுத்திய சோமரத்ன ராஜபக்ஷ.
[Sunday 2026-11-22 18:00]

செம்மணியை அண்மித்த மயானப் பகுதியில் ஏனையோரிடம் கூறி, அவர்கள் மூலம் உடல்களைப் புதைத்தமையினால் தன்னால் அவற்றை அடையாளம் காண்பிக்க முடியாது என்றும், உடல்கள் புதைக்கப்பட்ட ஏனைய பகுதிகளை அடையாளம் காண்பிக்க முடியும் என்றும் கடந்த ஒக்டோபர் 30 ஆம் திகதி தன்னிடம் வாக்குமூலம் பெறுவதற்கு வருகைதந்திருந்த குற்றப்புலனாய்வுப்பிரிவு அதிகாரிகளிடம் தான் கூறியதாக லான்ஸ் கோப்ரல் சோமரத்ன ராஜபக்ஷ அவரது குடும்பத்தினர் ஊடாக மீளுறுதிப்படுத்தியுள்ளார்.



பலாலி விமான நிலைய ஓடுபாதையில் மின்குமிழ்கள் கூட இல்லை!
[Sunday 2026-11-22 18:00]

காங்கேசன்துறை துறைமுகம் மற்றும் யாழ்ப்பாணம் சர்வதேச விமான நிலைய அபிவிருத்திக்கு இந்திய அரசாங்கம் நிதியுதவி வழங்க முன்வந்த போதிலும், அவற்றை அபிவிருத்தி செய்தால் வடக்கு, கிழக்கு மாகாணங்கள் வளர்ச்சியடைந்துவிடும் என்பதற்காகவே இலங்கை அரசாங்கம் அவற்றை மேம்படுத்த ஆர்வமின்றி உள்ளதாக விடுதலைச் சிறுத்தைகள் கட்சியின் தலைவரும் இந்திய பாராளுமன்ற உறுப்பினருமான முனைவர் தொல். திருமாவளவன் குற்றம் சாட்டியுள்ளார்.



மன்னாரில் மாவீரர் பெற்றோர் மதிப்பளிப்பு நிகழ்வு- ஆயரும் பங்கேற்பு! Top News
[Sunday 2026-11-22 18:00]

மன்னார் மாவட்ட மாவீரர் பெற்றோர் மதிப்பளிப்பு குழுவின் ஒழுங்கமைப்பில் மாந்தை மேற்கு, மன்னார் நகர் பிரதேசத்தைச் சேர்ந்த 55 கிராமங்களில் இருந்து 500 க்கு மேற்பட்ட பெற்றோர்களை கௌரவிக்கும் நிகழ்வு நேற்று சனிக்கிழமை (21) மன்னார் நகர மண்டபத்தில் இடம்பெற்றது.



டிசெம்பர் 2ஆம் திகதி சர்வதேச நாணய நிதியத்தின் 7வது மீளாய்வு!
[Sunday 2026-11-22 18:00]

விரிவாக்கப்பட்ட நிதி வசதி வேலைத்திட்டத்தின் கீழ் இலங்கையின் 7வது மீளாய்வு மற்றும் 4ஆம் உறுப்பு ஆலோசனை ஆகியவற்றை எதிர்வரும் டிசம்பர் 2ஆம் திகதி பரிசீலனைக்கு எடுத்துக்கொள்ள சர்வதேச நாணய நிதியத்தின் நிறைவேற்றுச் சபை திட்டமிட்டுள்ளது.



வெருகல் பிரதேசத்தைச் சேர்ந்த மாவீரர் பெற்றோர் உரித்துடையோர் மதிப்பளிப்பு நிகழ்வு! Top News
[Sunday 2026-11-22 18:00]

திருகோணமலை மாவட்டத்தின் வெருகல் பிரதேசத்தைச் சேர்ந்த மாவீரர் பெற்றோர் உரித்துடையோர் மதிப்பளிப்பு நிகழ்வு வெருகல் கலாசார மண்டபத்தில் நேற்று சனிக்கிழமை (21) இடம்பெற்றது. இதனை தமிழ் தேசிய மக்கள் முன்னணி ஏற்பாடு செய்திருந்தது.



எவ்பிஐ அதிகாரிகளின் பயணம் நிறைவு!
[Sunday 2026-11-22 18:00]

எல்லை தாண்டிய சைபர் நிதி மோசடி வலையமைப்புகளைக் கட்டுப்படுத்துவதற்கும், அவற்றுடன் தொடர்புடையவர்களை சட்டத்தின் முன் நிறுத்துவதற்கும் நாட்டுக்கு வந்த அமெரிக்கஎவ்பிஐ மற்றும் நீதித்துறை அதிகாரிகள் குழுவின் ஒரு வார விசேட விஜயம் இன்று (22) நிறைவடைந்துள்ளது.



மக்களின் நிலையை புரிந்து கொள்ளாத அமைச்சர்!- சரத் பொன்சேகா கண்டனம்.
[Sunday 2026-11-22 18:00]

தேசிய மக்கள் சக்தி அரசாங்கத்தின் அமைச்சர் ஒருவர் டீசல் பெட்ரோல் அமெரிக்கா-சிங்கப்பூரை விட எமது நாட்டில் தான் குறைவாக உள்ளது என்ற கூறியவர் மக்கள் பிரச்சினையை புரிந்துகொள்ளும் மனநிலை இல்லாத ஒருவராகத்தான் இருக்க வேண்டும் என பீல்ட் மார்சல் சரத்பொன்சேக்கா தெரிவித்துள்ளார்.



முல்லைத்தீவில் மாணவியை வல்லுறவுக்குட்படுத்திய பூசகருக்கான 13 வருட சிறைத்தண்டனையை உறுதி!
[Sunday 2026-11-22 18:00]

முல்லைத்தீவில் 2011ஆம் ஆண்டு தனது இல்லத்தில் தங்கியிருந்த 17 வயது இடம்பெயர்ந்த மாணவியைப் பாலியல் வல்லுறவுக்கு உட்படுத்திய குற்றச்சாட்டில் குற்றவாளியாகக் காணப்பட்ட இந்துக் கோயில் பூசகர் ஒருவரின் மேன்முறையீட்டை நிராகரித்த மேன்முறையீட்டு நீதிமன்றம், அவரது தண்டனையை உறுதி செய்துள்ளது.



சிறுவர்களுக்கு எதிரான பாலியல் குற்றங்கள் அதிகரிப்பு!
[Sunday 2026-11-22 18:00]

சிறுவர்களுக்கு எதிரான பாலியல் குற்றங்கள் தொடர்பில் இந்த ஆண்டின் முதல் 10 மாதங்களில் 776 முறைப்பாடுகள் கிடைத்துள்ளதாக தேசிய சிறுவர் பாதுகாப்பு அதிகார சபை தெரிவித்துள்ளது.



நல்லூரில் மாவீரர்களின் பெயர் பொறிக்கப்பட்ட கல்வெட்டுக்கள் திறந்து வைப்பு! Top News
[Sunday 2026-11-22 07:00]

யாழ்ப்பாணம் நல்லூரில் உள்ள தியாக தீபம் திலீபனின் நினைவுத் தூபிக்கு முன்பாக உள்ள பகுதிகளில் மாவீரர்களின் பெயர் பொறிக்கப்பட்ட கல்வெட்டுக்கள் மக்கள் அஞ்சலிக்காக நேற்று அங்குரார்ப்பணம் செய்து வைக்கப்பட்டன.



மாணவர் குழுக்களுக்கிடையில் மோதல் - யாழ்.பல்கலைக்கழகம் உள்ளக விசாரணை!
[Sunday 2026-11-22 07:00]

யாழ்ப்பாணப் பல்கலைக்கழகத்தின் முகாமைத்துவப் பீடத்தின் இரு மாணவ குழுக்களுக்கு இடையில் ஏற்பட்ட மோதல் தொடர்பில் உள்ளக விசாரணை ஒன்று ஆரம்பிக்கப்பட்டுள்ளதாக பல்கலைக்கழக நிர்வாகம் தெரிவித்துள்ளது.



அனுராதபுர புனிதப் பிரதேசத்தில் இராமர் கோயில் அமைக்கும் திட்டம் இல்லை!
[Sunday 2026-11-22 07:00]

பௌத்த மரபுரிமைகளையும் தொல்பொருள் பெறுமதிகளையும் பாதுகாத்து அநுராதபுரம் புனிதப் பிரதேசத்தை அபிவிருத்தி செய்வதற்கு மாநாயக்க தேரர்கள் எதிர்ப்புத் தெரிவிக்கவில்லை. புனிதப் பிரதேசத்தில் இராமர் கோயில் அமைப்பதற்கான எந்தவொரு திட்டமும் இல்லையென ஜனாதிபதியின் பணிக்குழாம் பிரதானி பிரபாத் சந்திரகீர்த்தி தெரிவித்துள்ளார்.



கார்த்திகை வாசம் மலர் கண்காட்சி- கிட்டு பூங்காவில் ஆரம்பம்! Top News
[Sunday 2026-11-22 07:00]

வடமாகாண மர நடுகை மாதத்தை முன்னிட்டு தமிழ்த் தேசிய பசுமை இயக்கம் தாவர உற்பத்தியாளர்களுடன் இணைந்து நடத்தும் கார்த்திகை வாசம் மலர் கண்காட்சி நேற்று மாலை நல்லூர் கிட்டுப் பூங்காவில் ஆரம்பமானது.



வடக்கு, கிழக்கு மாகாணங்களில் இடைக்கிடையே மழை பெய்யக்கூடும்!
[Sunday 2026-11-22 07:00]

வடக்கு மற்றும் கிழக்கு மாகாணங்களில் இடைக்கிடையே மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.



கல்லறைகள் பேசும் கனவுகள் சுமந்த கார்த்திகை மாதம்!
[Sunday 2026-11-22 07:00]

கார்த்திகை மாதம் என்பது தமிழர்களுக்கு வெறுமனே ஒரு மாதம் அல்ல. அது நினைவுகளின் மாதம், இழப்புகளின் மாதம், கண்ணீரின் மாதம், தியாகங்களின் மாதம், மண்ணுக்குள் புதைக்கப்பட்ட வரலாறுகள் மீண்டும் பேசத் தொடங்கும் மாதம். மண்ணுக்குள் உறங்கிக்கொண்டிருக்கும் உயிர்கள், ஒரு முழு இனத்தின் நினைவுகளில் தங்களுடைய கனவுகளைத் தொடர்ந்து விதைத்துக்கொண்டிருக்கும் மாதம்.



தீருவில் சதுக்கத்தில் மாவீரர் நாள் ஏற்பாடுகள் ஆரம்பம்!
[Sunday 2026-11-22 07:00]

வல்வெட்டித்துறை தீருவில் சதுக்கத்தில் தமிழ்த் தேசிய மாவீரர் நாள் நிகழ்வு நேற்றுஆரம்பிக்கப்பட்டுள்ளது. தீருவில் சதுக்கத்தில் உடைக்கப்பட்ட நிலையில் உள்ள நினைவுத் தூபிச் சிதைவுகளுக்கு மத்தியில் சுடரேற்றி அஞ்சலி செலுத்தப்பட்டது.



காட்டுக்குள் சென்ற போது காணாமல் போனவர் சடலமாக மீட்பு!
[Sunday 2026-11-22 07:00]

வவுனியாவில் புதன்கிழமை (18) காட்டுக்குச் சென்ற நிலையில் காணாமல் போயிருந்த முதியவர் ஒருவர் சனிக்கிழமை (21) சடலமாக மீட்கப்பட்டுள்ளார்.



கடுமையான பொருளாதாரச் சவால்களை எதிர்கொள்ள நேரிடும்!
[Sunday 2026-11-22 07:00]

2027 ஆம் ஆண்டிற்கான வரவு-செலவுத் திட்டம் பாராளுமன்றத்தில் பெரும்பான்மை வாக்குகளால் நிறைவேற்றப்பட்டாலும், கடுமையான பொருளாதாரச் சவால்களை எதிர்கொள்ள நேரிடும் என முன்னாள் அமைச்சர் பந்துல குணவர்தன எச்சரித்துள்ளார்.



செம்மணிப் புதைகுழி குறித்து மருத்துவ அறிக்கையின் பிரகாரமே இறுதி தீர்மானம்!
[Saturday 2026-11-21 16:00]

செம்மணி மனிதப் புதைக்குழி அகழ்வு தொடர்பில் ராஜ் சோமதேவ சமர்ப்பித்த அறிக்கை ஒரு தடயவியல் தொல்லியல் அறிக்கை ஆகும். இது ஒரு சட்ட வைத்திய-அறிக்கை அல்ல. ஆகவே இந்த அறிக்கை இறுதியானது என்று கருத முடியாது. மருத்துவ அறிக்கையின் பிரகாரமே இறுதி தீர்மானம் எடுக்கப்படும் நீதி மற்றும் தேசிய ஒருமைப்பாடு அமைச்சர் ஹர்ஷன நாணயக்கார தெரிவித்தார்.


Mahesan-Royallepage-01-01-2025-Seithy
Asiaan-Salon-2022-seithy
 gloriousprinters.com 2021
Vaheesan-Remax-2016
Kugeenthiran-200-2022-seithy
Karan Remax-2010
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா