Untitled Document
November 17, 2026 [GMT]
நாமல் நிரந்தரமாகச் சிறையில் அடைக்கப்படுவார்; இலங்கைக்குப் புதிய ஜனாதிபதி வருவார்!
[Tuesday 2026-11-17 17:00]


 நாமல் ராஜபக்ஷ இப்படியே நிரந்தரமாகச் சிறையில் அடைக்கப்படுவார்; இலங்கைக்குப் புதிய ஜனாதிபதி ஒருவர் வருவார் என நாடாளுமன்ற உறுப்பினர் இரா. அர்ச்சுனா தெரிவித்தார்.

நாமல் ராஜபக்ஷ இப்படியே நிரந்தரமாகச் சிறையில் அடைக்கப்படுவார்; இலங்கைக்குப் புதிய ஜனாதிபதி ஒருவர் வருவார் என நாடாளுமன்ற உறுப்பினர் இரா. அர்ச்சுனா தெரிவித்தார்.

  

மட்டக்களப்பு ‘வொய்ஸ் ஒப் மீடியா’ ஊடக நிறுவனத்தில் திங்கட்கிழமை (16) நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே அவர் மேற்கண்டவாறு குறிப்பிட்டார்.

“ஜனாதிபதித் தேர்தல் நடக்கும் என்ற நம்பிக்கை எனக்கு இல்லை. அதேவேளை, மாகாணசபை தேர்தல் இந்த வருடம் நடக்கும் என எதிர்பார்த்தோம்; அது மார்ச் மாதம் நடக்கும் என அமைச்சர் பிமல் ரத்நாயக்க உள்ளிட்டோர் தெரிவித்தனர். ஆனால், இந்த முறை வரவு-செலவுத் திட்டத்தில் அதற்கான நிதி ஒதுக்கப்படவில்லை என்பதுடன், வடக்கில் நான்கு மாவட்ட வைத்தியசாலைகளை மத்திய அரசாங்கம் தன்வசப்படுத்தியுள்ளது. எனவே, மாகாணசபை தேர்தல் நடக்காது என்பது தெளிவாகிறது.

இந்த ஜே.வி.பி. கட்சியினர் 159 பாராளுமன்ற உறுப்பினர்கள், ஜனாதிபதி, பிரதமர் உட்பட நீதித்துறையையும் தங்கள் கையில் வைத்துள்ளனர்; அத்தகைய பலத்தை மக்கள் அவர்களுக்கு வழங்கியுள்ளனர். ஜே.வி.பி.யின் ரில்வின் சில்வா தனது உரையில், இளைஞர்கள் முழு விளக்கத்துடன் இருப்பதாகத் தெரிவித்தார். எனவே, அதிலிருந்து விலகி அவர்கள் பாராளுமன்றத் தேர்தலையோ அல்லது ஜனாதிபதித் தேர்தலையோ நடத்தமாட்டார்கள் என்ற நிலைமைதான் காணப்படுகிறது.

அதேவேளை, நாமல் ராஜபக்ஷவை இப்படியே நிரந்தரமாகச் சிறையில் அடைப்பதே அவர்களின் முக்கியமான நோக்கமாகும். அதற்கு ‘ரையல் அட் பார்’ (Trial-at-Bar) போன்ற முறைகளைக் கொண்டுவந்து, அவரை ஒருபோதும் வெளியில் விடப்போவதில்லை.

இந்த நிலையில், எதிர்காலத்தில் இலங்கைக்குப் புதிய ஜனாதிபதி ஒருவர் வருவார். சிங்கள மக்கள் மத்தியில் எந்த ஜனாதிபதி என்பது முக்கியமல்ல; மாறாக, மூன்று வேளையும் சோறு கிடைத்தால் போதும் என்ற நிலையே உள்ளது. எவ்வாறாயினும், தற்போதைய இந்த ஜனாதிபதியும் பதவியில் இருந்து வெளியேறுவதற்கு அதிக காலம் எடுக்காது.

நான் ஒருநாளும் எந்தக் கட்சியிலும் இணையமாட்டேன். கட்சிகளில் இணைபவர்களைப் பார்த்தால், சுயமாகத் தேர்தலில் வெல்ல முடியாதவர்கள்தான் கட்சிகளில் சென்று இணைவார்கள். சஜித் பிரேமதாச, ரணில் விக்ரமசிங்க போன்றோர் தமக்கடுத்த கட்சிகளில் இணைந்து வடக்கு - கிழக்குப் பகுதிகளைப் பொறுப்பேற்குமாறு என்னைக் கேட்டனர்.

நான் சுயேச்சையாகக் கொழும்பில் போட்டியிட்டு வெல்லக்கூடிய நிலையில் இருக்கிறேன். எனவே, இன்னொரு கட்சியில் சேர வேண்டிய தேவை எனக்கு இல்லை. என்னை நம்பி எனது கட்சியில் ஆயிரக்கணக்கானோர் உள்ளனர்; கட்சியைப் பதிவு செய்வதற்காகவும் அனுப்பியுள்ளோம். ஆதலால், எனக்கு எவருடைய கட்சியிலும் போய்ச் சேர வேண்டிய தேவை கிடையாது.

‘எதிரியின் எதிரி எனக்கு நண்பன்’ எனத் தேசியத் தலைவர் கூறுவார்; அவ்வாறு செயற்படுவதுதான் இராஜதந்திரம். அந்த வகையில், நாமலின் பரம எதிரி அநுரகுமார திஸாநாயக்க ஆவார். அநுர எனக்கு எதிரி என்ற ஒரே காரணத்திற்காக, நான் நாமலைத் தூக்கிப் பிடித்து அநுராவுக்குக் குத்து வெட்டு வேலைகளைச் செய்யப் போவதில்லை; எனவே, நான் போய் நாமல் ராஜபக்ஷவின் கட்சியில் இணையப் போவதில்லை.

எதிர்ப்பு அரசியல் செய்து என்ன மிஞ்சியது? எனவே, எதிர்ப்பு அரசியல் செய்ய நான் தயாரில்லை; அதேவேளை, தமிழ் தேசியவாதத்தைக் விட்டுக் கொடுக்கவும் தயாரில்லை. கார்த்திகை மாத உரை ஆரம்பித்ததே மாவீரர்களுக்காகத்தான். எனது தந்தை ஒரு மாவீரர். எனவே, முட்டாள்கள் செய்யும் அரசியல் மக்களுக்கு எந்த நன்மையும் பயக்காது. அரசியல் என்பது ஒரு இராஜதந்திரமாகும். முட்டாள்தனமாக இன்னார் கட்சி, மன்னார் கட்சி என்று மாலை போட்டுக் கொள்வது அரசியல் அல்ல.

நான் இப்போது செய்வது ஒரு இராஜதந்திரமான நகர்வாகும். எங்களுடைய தமிழ் அரசியல்வாதிகள் ராஜபக்ஷ குடும்பத்தினருடன் தங்களது தனிப்பட்ட தேவைகளுக்காகவே நல்லுறவைப் பேணினர். எனவே, நான் ஒருபோதும் எந்தக் கட்சியுடனும் இணையப் போவதில்லை” என்றார்.

  
   Bookmark and Share Seithy.com



ராஜ் சோமதேவவின் உருவபொம்மையை எரித்து செம்மணியில் போராட்டம்! Top News
[Tuesday 2026-11-17 17:00]

செம்மணி மனிதப் புதைகுழி தொடர்பில் சர்வதேச விசாரணை நடத்தப்பட வேண்டும் என வலியுறுத்தியும், தொல்லியல் பேராசிரியர் ராஜ் சோமதேவ நீதிமன்றில் சமர்ப்பித்த இடைக்கால அறிக்கைக்கு எதிர்ப்புத் தெரிவித்தும் இன்று யாழ்ப்பாணத்தில் போராட்டம் முன்னெடுக்கப்பட்டது.



இரண்டு சட்டமூலங்களுக்கும் தமிழரசுக் கட்சி கடும் எதிர்ப்பு!
[Tuesday 2026-11-17 17:00]

பயங்கரவாதத்திடமிருந்து நாட்டைப் பாதுகாக்கும் சட்டமூலம் மற்றும் ஒழுங்கமைக்கப்பட்ட குற்றங்களைத் தடுக்கும் சட்டமூலம் ஆகியவற்றை நிறைவேற்றுவதைத் தடுத்து நிறுத்தக்கூடிய அனைத்து நடவடிக்கைகளையும் எடுக்க வேண்டும் என இலங்கைத் தமிழரசுக் கட்சி தெரிவித்துள்ளது.



கஸ்ஸப தேரர் பிணையில் விடுவிப்பு!
[Tuesday 2026-11-17 17:00]

திருகோணமலை, கடற்கரை பகுதியில் புத்தர் சிலை ஒன்றை ஸ்தாபித்த சம்பவம் தொடர்பில், நீதிமன்றத்தில் ஆஜராகத் தவறிய குற்றச்சாட்டில் விளக்கமறியலில் வைக்கப்பட்டிருந்த பலாங்கொடை கஸ்ஸப தேரர் இன்று (17) பிணையில் விடுவிக்கப்பட்டுள்ளார்.



2026 ஆம் ஆண்டுக்கான வருமான இலக்கைத் தாண்டியது இறைவரித் திணைக்களம்!
[Tuesday 2026-11-17 17:00]

2026 ஆம் ஆண்டுக்காக வழங்கப்பட்டிருந்த வருடாந்த வருமான இலக்கை விட அதிக வருமானத்தை உள்நாட்டு இறைவற திணைக்களம் ஈட்டியுள்ளது.



சிவாஜிலிங்கத்திற்கு நாடுகடந்த தமிழீழ அரசாங்கத்தின் வீரவணக்கம்!
[Tuesday 2026-11-17 17:00]

ஒரு மனிதனின் வாழ்வு என்பது அவரது பிறப்பிற்கும், இறப்பிற்கும் இடைப்பட்ட காலம் மட்டுமல்ல அவர் தன் இனத்திற்காக எவ்வளவு தூரம் தன்னை முழுமையாக அர்ப்பணித்து பயணித்தார் என்பதில்தான் ஒருவருடைய வரலாறு எழுதப்படுகின்றது.



இலங்கையில் காற்றின் தரம் மோசம்!
[Tuesday 2026-11-17 17:00]

நாட்டின் பல பகுதிகளில் வளி மாசுபாட்டுச் சுட்டெண் சுவாசிப்பதற்கு ஆரோக்கியமற்ற மட்டங்களுக்கு உயர்ந்துள்ளதாக மத்திய சுற்றாடல் அதிகார சபை தெரிவித்துள்ளது.



தேசிய அணுசக்தி பாதுகாப்பு ஒருங்கிணைப்புக் குழு அமைக்க அமைச்சரவை அனுமதி!
[Tuesday 2026-11-17 17:00]

இலங்கையின் தேசிய அணுசக்தி பாதுகாப்பு கட்டமைப்பை மேலும் வலுப்படுத்தும் நோக்கில், 'தேசிய அணுசக்தி பாதுகாப்பு ஒருங்கிணைப்புக் குழு' ஒன்றை அமைக்க அமைச்சரவை அனுமதி வழங்கியுள்ளது.



தரம் 6க்கு மாணவர்களை அனுமதிப்பதற்கான வெட்டுப்புள்ளிகள் அறிவிப்பு!
[Tuesday 2026-11-17 17:00]

2026ஆம் ஆண்டில் நடைபெற்ற 5ஆம் தர புலமைப்பரிசில் பரீட்சையின் பெறுபேறுகளின் அடிப்படையில், 2027ஆம் ஆண்டில் பாடசாலைகளில் தரம் 6க்கு மாணவர்களை அனுமதிப்பதற்கான வெட்டுப்புள்ளிகள் தற்போது வெளியிடப்பட்டுள்ளன.



முட்டை விலை 50 ரூபா வரை உயர்வு!
[Tuesday 2026-11-17 17:00]

தற்போது சந்தையில் முட்டைகள் ரூ. 45 முதல் 50 வரையிலான விலையில் விற்கப்படுவதாக அகில இலங்கை முட்டை வியாபாரிகள் சங்கத்தின் செயலாளர் அனுரசிறி மாரிசிங்க த் தெரிவித்தார். முட்டை உற்பத்திச் செலவுகள் அதிகரித்ததும், தேவை அதிகரித்ததுமே இந்த நிலைக்குக் காரணம் என அனுரசிறி மாரிசிங்க குறிப்பிட்டார்.



இந்து சமுத்திரத்தில் சக்திவாய்ந்த நிலநடுக்கம்-இலங்கைக்கு சுனாமி ஆபத்து இல்லை!
[Tuesday 2026-11-17 06:00]

இந்து சமுத்திரத்தில் சக்திவாய்ந்த நிலநடுக்கம் ஒன்று பதிவாகியுள்ளது. இந்த நிலநடுக்கமானது இன்று (17) அதிகாலை 2.41 மணியளவில் ரிக்டர் அளவில் 6.6 என பதிவாகியுள்ளது. இந்தோனேசியாவின் பண்டா கடற்பரப்பில் 20 கிலோமீற்றர் கடல் ஆழத்தில் இந்த நிலநடுக்கம் உணரப்பட்டுள்ளது. நிலநடுக்கத்தினால் ஏற்பட்ட சேதவிபரங்கள் தொடர்பான தகவல்கள் எதுவும் இதுவரை வௌியாகவில்லை.



செம்மணி புதைகுழிக்கு நீதி கோரி இன்று போராட்டம்- யாழ்ப்பாணப் பல்கலைக்கழக ஆசிரியர் சங்கம் ஆதரவு!
[Tuesday 2026-11-17 06:00]

செம்மணி மனிதப் புதைகுழி விவகாரத்திற்கு நீதியானதும் சுயாதீனமானதுமான சர்வதேச விசாரணையை வலியுறுத்தி வலிந்து காணாமல் ஆக்கப்பட்டவர்களின் உறவினர்களால் முன்னெடுக்கப்படும் போராட்டத்திற்கு யாழ்ப்பாணப் பல்கலைக்கழக ஆசிரியர் சங்கம் தனது முழுமையான ஆதரவை தெரிவித்துள்ளது.



பொருளாதார நெருக்கடி மீண்டும் ஏற்பட்டால் போராட்டம் வெடிக்கும்!
[Tuesday 2026-11-17 06:00]

திறைசேரியை நிரப்பிக் கொண்டிருந்தால் மாத்திரம் பொருளாதாரம் முன்னேற்றமடையாது. மக்கள் மத்தியில் பணம் செல்ல வேண்டும். புதிய தொழில்வாய்ப்புக்கள் உருவாக்கப்பட வேண்டும். அப்போது தான் பொருளாதார நடவடிக்கைகள் சிறந்த முறையில் இயங்கும் என ஐக்கிய மக்கள் சக்தியின் கொழும்பு மாவட்ட பாராளுமன்ற உறுப்பினர் கலாநிதி ஹர்ஷ டி சில்வா தெரிவித்தார்.



தமிழ்த் தேசியத்தை நேசித்த எம்.கே. சிவாஜிலிங்கம்! - பிரித்தானியத் தமிழர் பேரவை அஞ்சலி.
[Tuesday 2026-11-17 06:00]

இலங்கைப் பாராளுமன்றம் மற்றும் வடக்கு மாகாண சபை ஆகியவற்றின் முன்னாள் உறுப்பினரும், வல்வெட்டித்துறை நகர சபையின் முன்னாள் நகரபிதாவுமாகிய திரு. எம்.கே. சிவாஜிலிங்கம் அவர்கள் காலமானார் என்ற செய்தி மிகுந்த மனவேதனையளிக்கிறது.



வெடுக்குநாறிமலை ஆலய பூசாரி மற்றும் முன்னாள் தலைவர் பிணையில் விடுதலை!
[Tuesday 2026-11-17 06:00]

நெடுங்கேணி வெடுக்குநாறிமலை ஆதி இலிங்கேஸ்வரர் ஆலயத்தின் பூசாரி மற்றும் முன்னாள் தலைவர் ஆகியோர் வவுனியா நீதவான் நீதிமன்றினால் திங்கட்கிழமை (16) பிணையில் விடுவிக்கப்பட்டுள்ளனர்.



அக்வான் புயல் இன்று மேலும் வலுவடையும்!
[Tuesday 2026-11-17 06:00]

தென்கிழக்கு வங்கக்கடல் மற்றும் அதனை அண்மித்துள்ள தென்மேற்கு வங்கக்கடல் பகுதியில் உருவாகியுள்ள அக்வான் புயல் இன்று மேலும் வலுவடையும் என எதிர்வுகூறப்பட்டுள்ளது.



சிவாஜிலிங்கம் மறைவு - ஈழத் தமிழர் சமூகத்திற்குப் பேரிழப்பு!
[Tuesday 2026-11-17 06:00]

ஈழத் தமிழர் உரிமைக் கோரிக்கைகளுக்கு வலுச் சேர்த்த குரலாகத் திகழ்ந்தவரும், தாம் கொண்ட கொள்கைக்காகத் துணிவுடன் குரல் கொடுத்தவருமான முன்னாள் நாடாளுமன்ற உறுப்பினர் ம.க. சிவாஜிலிங்கம் அவர்களின் மறைவுச் செய்தி ஆழ்ந்த துயரத்தை அளிக்கிறது.



புதிய வரவு - செலவுத் திட்டம் ஒரு அழகான கதைப் புத்தகம்!
[Tuesday 2026-11-17 06:00]

ஜனாதிபதியால் சமர்ப்பிக்கப்பட்ட புதிய வரவு - செலவுத் திட்டம் மழைக் காலத்தில் கோப்பி குடித்துக் கொண்டு வாசிப்பதற்கான ஒரு அழகான கதைப் புத்தகம் போலவே அமைந்துள்ளது. மக்களை வாழ வைப்பதற்கான எவ்வித நிவாரணங்களும் இதில் உள்ளடக்கப்படவில்லை என ஐக்கிய மக்கள் சக்தியின் பாராளுமன்ற உறுப்பினர் எஸ்.எம். மரிக்கார் சாடினார்.



நண்பர்களுக்கிடையில் மோதல்- ஒருவர் கத்திரிக்கோலால் குத்திக்கொலை!
[Tuesday 2026-11-17 06:00]

அச்சுவேலி பொலிஸ் பிரிவுக்குட்பட்ட அச்செழு பூலசிட்டி பகுதியில் நேற்றுமுன்தினம் இரவு 10 மணியளவில் இரு இளைஞர்களுக்கிடையில் ஏற்பட்ட மோதலைத் தொடர்ந்து இளைஞர் ஒருவர் உயிரிழந்துள்ளார்.



ஐஸ் போதைப்பொருளை வைத்திருந்த குற்றவாளிக்கு 40 ஆண்டுகள் கடூழிய சிறைத்தண்டனை!
[Tuesday 2026-11-17 06:00]

மன்னாரில் 3.38 கிராம் தூய ஐஸ் போதைப்பொருளை விற்பனை நோக்கில் வைத்திருந்த குற்றவாளிக்கு 40 ஆண்டுகள் கடூழிய சிறைத்தண்டனையும், 10 இலட்சம் ரூபாய் அபராதமும் விதித்து மன்னார் மேல் நீதிமன்ற நீதிபதி ஏ.ஏ. ஆனந்தராஜா திங்கட்கிழமை (16) தீர்ப்பளித்தார்.



சிவாஜிலிங்கம் உடல் தகனம் - திருமாவளவன் நேரில் அஞ்சலி! Top News
[Monday 2026-11-16 17:00]

மறைந்த முன்னாள் பாராளுமன்ற உறுப்பினரும், வல்வெட்டித்துறை நகரசபையின் தலைவருமான எம்.கே. சிவாஜிலிங்கத்தின் உடலுக்கு விடுதலைச் சிறுத்தைகள் கட்சியின் தலைவரும் இந்திய பாராளுமன்ற உறுப்பினருமான தொல்காப்பியன் திருமாவளவன் நேரில் சென்று அஞ்சலி செலுத்தியுள்ளார்.


Asiaan-Salon-2022-seithy
Vaheesan-Remax-2016
 gloriousprinters.com 2021
Mahesan-Royallepage-01-01-2025-Seithy
Kugeenthiran-200-2022-seithy
Karan Remax-2010
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா