தார்மீகக் கண்டனங்களுக்குப் பயந்து, 'நான் சுயநல அரசியல்வாதிகளைத்தான் குறிப்பிட்டேன்' என்று மறுப்பது வேடிக்கையானது.

* கூற்றை மாற்றி மறுப்பது அறமற்ற, தகுதியற்ற பண்பு என்கிறது தொல்காப்பியம்.

* ஜெயராஜின் உரை, தற்செயலாக நழுவிய சொற்கள் அல்ல!

தமிழர் வரலாற்றில், ஒவ்வொரு காலத்துக்கும் ஏற்பத் தமிழர் நாகரிகத்தைக் காத்தும் வளர்த்தும் வந்த இலக்கிய மேடைகள் என்பன வெறும் சொற்சிலம்பங்களுக்கான களங்கள் அல்ல. அவை சமூகத்தின் மனச்சாட்சியைத் தட்டியெழுப்பும் அறத்தின் பீடங்கள்.

யாழ். நல்லூர் மண்ணில் நிகழ்ந்த கம்பன் விழா மேடையில், ஈழத்தமிழர்களின் முப்பதாண்டு காலத் தியாக வரலாற்றை 'மறக்க வேண்டும்' என்றும், தாயகத்து உறவுகளுக்கான புலம்பெயர் 'நிதிப் பங்களிப்பை நிறுத்த வேண்டும்' என்றும் கம்பவாரிதி இலங்கை ஜெயராஜ் முன்வைத்த கோரிக்கைகள், இன்று தமிழ் உலகம் எங்கும் பெரும் அதிர்வலைகளையும் தார்மீகக் கோபத்தையும் ஏற்படுத்தியுள்ளன.

தமக்கெதிராக எழுந்த மக்கள் திரளின் தார்மீகக் கண்டனங்களுக்குப் பயந்து, 'நான் சுயநல அரசியல்வாதிகளைத்தான் குறிப்பிட்டேன்' என்று ஜெயராஜ் தற்போது வழங்கிவரும் ஊடக மறுப்புக்கள், அவரது அசல் மேடைப் பேச்சின் ஆழமான அரசியலையும் அதன் பின்னணியில் உள்ள கருத்தியலையும் மறைத்துவிடப் போதுமானவை அல்ல.

ஏனெனில், ஒரு சொல்லின் பொருளும் அதன் பின்னுள்ள நோக்கமும் அச்சொல் பிரசவிக்கப்பட்ட கணத்திலேயே வரலாற்றில் பதிவாகிவிடுகின்றன.

இலக்கியப் பரப்பில் நின்றுகொண்டு அதிகார வர்க்கத்தின் குரலாக ஒலிப்பதும், ஒரு தேசிய இனத்தின் விடுதலைப் போராட்டத்தை ஆரம்பம் முதலே மிக நுட்பமான முறையில் விமர்சித்து நிராகரிப்பதும் ஜெயராஜிற்குப் புதியதொன்றல்ல.

இந்திய வலதுசாரிச் சிந்தனைப் போக்குகளுடனும், ஈழத்தமிழர்களின் சுயநிர்ணய உரிமையை அங்கீகரிக்க மறுக்கும் பிராந்திய அதிகார வர்க்கத்துடனும் தம்மைக் காலங்காலமாகப் பிணைத்துக் கொண்டுள்ள ஒருவரால் மட்டுமே, இத்தனை துயரங்களைச் சுமந்த ஒரு சமூகத்தைப் பார்த்து 'வரலாற்றை மறந்திடுங்கள்' என்று மிக எளிதாகக் கூறிவிட முடிகிறது.

தமிழ் இலக்கியங்களை வாழ்நாளெல்லாம் பயின்ற ஒருவர், அதிகாரத்தின் நிழலில் நின்று கொண்டு மக்களின் வலிகளைப் புறந்தள்ளுவது என்பது, சங்க இலக்கியங்கள் கற்பித்த 'அறம்' என்ற தூய கோட்பாட்டிற்கு முற்றிலும் முரணானதாகும்.

ஜெயராஜின் கடந்தகால அரசியல் நிலைப்பாடுகளை உற்றுநோக்கினால், அவர் ஈழ விடுதலைப் போராட்டத்தின் ஆயுதப் போராட்ட வடிவத்தையோ அல்லது அதன் தியாகங்களையோ ஒருபோதும் மனப்பூர்வமாக ஏற்றுக்கொண்டவர் அல்ல என்பது பட்டவர்த்தனம்.

மாறாக, இந்திய மேலாதிக்கக் கொள்கைகளைத் தழுவி, ஆன்மீக மற்றும் கலாசாரப் போர்வையில் ஈழத்தமிழர்களின் தேசிய அரசியல் எழுச்சியை மழுங்கடிக்கும் போக்கையே அவர் தொடர்ச்சியாகக் கடைப்பிடித்து வந்துள்ளார்.

தொல்காப்பியமும் புறநானூறும் மனித வாழ்வின் ஆகச்சிறந்த ஒழுக்கமாக நெறிப்படுத்துவது 'வாய்மை' என்பதையும், எத்தகைய சூழலிலும் மாறாத 'அறத்து நீற்றலையும்' தான்.

பொதுமேடைகளில் ஒன்றை மிகத் தெளிவாக உரைத்துவிட்டு, அதன் விளைவுகளுக்கு அஞ்சி, பின்னர் வேறு ஒரு வியாக்கியானம் கொடுத்துத் தன்னைத் தற்காத்துக் கொள்ள முற்படுவது, ஓர் இலக்கிய அறிஞனுக்கு அழகல்ல.

தொல்காப்பியம் பொருளதிகாரத்தில், "எல்லா உயிர்க்கும் இன்பம் என்பது தான் அமர்ந்து வரூஉம் மேவற்றாகும்" என்று குறிப்பிடுகிறது.

மக்களின் இன்ப துன்பங்களை உணராது, இக்கட்டான வேளையில் தன் கூற்றை மாற்றி உரைப்பது அறமற்ற, தகுதியற்ற பண்பாகவே தொல்காப்பிய நெறியில் பார்க்கப்படுகிறது.

புறநானூற்றின் 195 ஆவது பாடலில் மதுரைக் கணக்காயனார் மகன் நக்கீரனார், மனித வாழ்வின் நிலையற்ற தன்மையைக் கூறி, வாழ்வின் ஒரே பயன் 'அறம் செய்தல்' மட்டுமே என்று சுட்டிக்காட்டுவார்.

அதைவிடவும், ஈழத்து மண்ணிற்கு மிகவும் பொருத்தமான புறநானூற்றின் 182 ஆவது பாடலான 'உண்டால் அம்ம இவ்வுலகம்' என்ற கடலுள் மாய்ந்த இளம்பெருவழுதியின் வரிகள், தமக்கென வாழாது பிறர்க்கென வாழும் புனிதமான மனிதர்களால் தான் இவ்வுலகம் இயங்குகிறது என்கிறது.

தாயகத்தில் போரினால் சிதைந்துபோய், எவ்வித அரச ஆதரவும் இன்றித் தவிக்கும் தங்களின் சொந்தத் உறவுகளுக்கு, உலகெங்கும் பரந்து வாழும் புலம்பெயர் தமிழர்கள் வழங்கும் நிதி என்பது ஏதோ வெறும் பணப் பரிமாற்றம் அல்ல; அது 'பிறர்க்கென வாழும்' அந்தப் புறநானூற்று அறத்தின் தொடர்ச்சி.

அந்த அறத்தின் கரங்களைத் துண்டிக்கச் சொல்வதும், பின்னர் அதற்கொரு போலி விளக்கம் தருவதும், அப்புனிதமான ஈழத்து அறவாழ்வையே இழிவுபடுத்துவதாக அமைகிறது.

வள்ளுவப் பெருந்தகையும், "மனத்துக்கண் மாசிலன் ஆதல் அனைத்துஅறன்" என்கிறார்.

மேடையில் ஒரு நோக்கத்தோடு பேசிவிட்டு, மக்கள் எதிர்த்தவுடன் தன் கூற்றை மாற்றுவது மனத்தூய்மையின்மை ஆகாதா?

அத்துடன் "சொல்லுக சொல்லைப் பிறிதோர்சொல் அச்சொல்லை வெல்லுஞ்சொல் இன்மை அறிந்து" என்ற குறளுக்கு ஏற்ப, தான் பேசும் சொல் எத்தகைய விளைவை ஏற்படுத்தும் என்ற தார்மீகப் பொறுப்பு ஜெயராஜிற்கு இருந்திருக்க வேண்டும்.

ஒரு நேர்மையான தமிழ் இலக்கிய அறிஞன் என்பவன், மக்களின் துயரங்களையும் அவர்களின் கூட்டு உளவியலையும் நன்குணர்ந்தவனாக இருக்க வேண்டும்.

மக்களின் தியாகங்களை மழுங்கடிக்கும் கருத்துக்களைப் பொதுமேடைகளில் விதைத்துவிட்டு, பின்னர் 'நான் அப்படிச் சொல்லவில்லை, இப்படித்தான் சொன்னேன்' என்று மக்களை முட்டாளாக்க முற்படுவது ஒருபோதும் அறிவுஜீவித்தனம் ஆகாது.

ஜெயராஜின் இந்த உரை, தற்செயலாக நழுவிய சொற்கள் அல்ல; மாறாக, இது தமிழ்த்தேசியச் சிந்தனைக்கு எதிராகவும், ஈழத்தமிழர்களின் கூட்டு நினைவாற்றலை (Collective Memory) அழிப்பதற்காகவும் திட்டமிட்டு அவிழ்த்துவிடப்பட்ட ஒற்றையாட்சி அதிகாரத்தின் குரலாகும்.

ஒரு தேசிய இனத்தின் விடுதலைப் போராட்டத்தை இழிவுபடுத்துவது என்பது கம்பராமாயணத்தில் குகனைப் பாடிய கம்பனின் நெறிக்கும் மாறானது.

குகனின் எளிய அன்பையும் தியாகத்தையும் இராமன் மதித்துக் போற்றியதைப் போல, தாயகத்து மக்களின் தியாகங்களை இலக்கியவாதிகள் போற்றியிருக்க வேண்டும்.

ஒரு தேசிய இனம் தனது கடந்தகாலப் போராட்டங்களையும் தியாகங்களையும் மறக்கும் கணத்தில், அது தனது எதிர்கால அடையாளத்தையும் இழந்துவிடுகிறது என்ற வரலாற்று உண்மையை அறிந்தே இத்தகைய கருத்துக்கள் விதைக்கப்படுகின்றன.

பேரறிவும் இலக்கியப் புலமையும் வாய்க்கப்பெற்ற ஒரு மாபெரும் உரையாளர் என்று தனக்குத்தானே மகுடம் சூட்டிக்கொள்ளும் ஜெயராஜ், தனக்கு இருப்பதாகக் காட்டிக்கொள்ளும் அந்தத் திறமையைத் திக்கற்ற மக்களின் விடிவிற்காகவும் அவர்களின் நீதிக்காகவும் பயன்படுத்தியிருக்க வேண்டும் அல்லவா?

அதைவிடுத்து, அதிகார வர்க்கத்தின் நிகழ்ச்சி நிரலுக்கு அமையத் தனது தாய்நிலத்து மக்களின் தார்மீக உரிமைகளைத் தாரைவார்க்கும் பாணியில் பேசுவது பேராபத்தானது.

இனியாவது, காலம் கையளித்த இலக்கியப் பாடங்களில் இருந்தும், மக்களின் தார்மீகக் கோபத்தில் இருந்தும் ஜெயராஜ் தனது தவறுகளை உணர்ந்து, அதிகாரத்தின் பக்கமிருந்து மக்களின் பக்கம் தனது பார்வையைத் திருப்ப வேண்டும் என்பதே ஒட்டுமொத்த தமிழ் சமூகத்தின் எதிர்பார்ப்பாகும்.

அ.நிக்ஸன்-

பத்திரிகையாளர்

நாட்டில் தனியார் எரிபொருள் நிறுவனங்கள் விநியோகத்தைக் கட்டுப்படுத்தியுள்ள போதிலும், பெற்றோலியக் கூட்டுத்தாபனத்துக்கு சொந்தமான எரிபொருள் நிலையங்கள் ஊடாக விநியோகத்தை அதிகரிக்க நடவடிக்கை எடுக்கப்பட்டுள்ளதால் பொதுமக்கள் தேவையற்ற அச்சமடையத் தேவையில்லை என இலங்கை பெற்றோலியக் கூட்டுத்தாபனத்தின் தலைவர் எஸ்.ராஜகருணா தெரிவித்தார்.

வடக்கு மற்றும் கிழக்கு மாகாணங்களில் அவ்வப்போது மழையோ அல்லது இடியுடன் கூடிய மழையோ பெய்யக்கூடும் என வளிமண்டலவியல் திணைக்களம் அறிவித்துள்ளது.

பயங்கரவாதத்திலிருந்து அரசினைப் பாதுகாப்பதற்கான சட்டமூலத்தை ஸ்ரீலங்கா முஸ்லிம் காங்கிரஸ் எதிர்ப்பதோடு இது பயங்கரவாதத் தடைச் சட்டத்தை விடவும் மிகவும் ஆபத்தானது என்று தெரிவித்துள்ளது.

தேசிய மக்கள் சக்தி (NPP) ஆட்சியிலுள்ள பேருவளை நகர சபையின் 2027ஆம் ஆண்டிற்கான வரவு செலவுத் திட்டம் ஒரு மேலதிக வாக்கினால் தோற்கடிக்கப்பட்டுள்ளது.

மட்டக்களப்பு மாவட்டம், போரதீவுப்பற்று பிரதேசத்தின் 14ஆம் கிராமமான கணேசபுரம் விலினையடிச் சந்தியில் செவ்வாய்க்கிழமை (10) இடம்பெற்ற மோட்டார் சைக்கிள் விபத்தில் ஒருவர் உயிரிழந்துள்ளதுடன், மற்றுமொருவர் காயமடைந்துள்ளார்.

'பயங்கரவாதத்திலிருந்து அரசினைப் பாதுகாத்தல்' (PSTA) சட்டமூலத்துக்கு எதிராகத் தாக்கல் செய்யப்பட்ட மனுக்கள் மீதான உயர் நீதிமன்றத்தின் வியாக்கியானம், சபாநாயகர் ஜகத் விக்ரமரத்னவுக்குக் கிடைத்துள்ளதாகச் சபாநாயகர் அலுவலகம் உறுதிப்படுத்தியுள்ளது.

தென்கிழக்கு வங்கக் கடலில் ஏற்பட்டுள்ள வளிமண்டல தளம்பல், காற்றழுத்த தாழ்வுப் பகுதியாகவும் அதைத் தொடர்ந்து காற்றழுத்த தாழ்வு மண்டலமாகவும் வலுவடையக்கூடும் என வளிமண்டலவியல் திணைக்களம் எதிர்வுகூறியுள்ளது.

நுவரெலியா, மார்காஸ் தோட்டம் பகுதியில் அமைந்துள்ள சுற்றுலா விடுதியொன்றில் (கபானா) பெண்ணொருவர் படுகொலை செய்யப்பட்டுள்ளதாகப் பொலிஸார் தெரிவித்தனர்.

அநுராதபுரம் - மதவாச்சி வீதியில் ரம்பேவ பகுதியில் இடம்பெற்ற கோர விபத்தில் பலியானவர்களின் எண்ணிக்கை 5 ஆக உயர்ந்துள்ளதாக பொலிஸார் தெரிவித்துள்ளனர்.

நாட்டின் நகர்ப்புற பொதுப் போக்குவரத்துச் சேவையை மேலும் வசதியானதாகவும், பாதுகாப்பானதாகவும், நம்பகமானதாகவும், வினைத்திறன் மிக்கதாகவும் மாற்றும் நோக்கில் அரசாங்கத்தினால் மெட்ரோ நகர்ப்புற ஆடம்பரப் பேருந்துச் சேவை முன்னெடுக்கப்பட்டு வருகிறது.

எதிர்வரும் 12 ஆம் திகதி ஜனாதிபதியினால் சமர்ப்பிக்கப்படவுள்ள 2027 ஆம் ஆண்டிற்கான வரவு செலவுத் திட்டம் தொடர்பில், இன்று (10) நடைபெற்ற அமைச்சரவை முடிவுகளை அறிவிக்கும் செய்தியாளர் சந்திப்பில் அமைச்சர் நளிந்த ஜயதிஸ்ஸ கருத்துத் தெரிவித்தார்.

கல்வி மற்றும் ஆராய்ச்சித் தொடர்புகளை வலுப்படுத்தும் நோக்கில், யாழ்ப்பாணப் பல்கலைக்கழகத்திற்கும் அமெரிக்காவில் உள்ள தெற்கு இல்லினாய்ஸ் பல்கலைக்கழகத்தின் (Southern Illinois University) அறங்காவலர் குழுவிற்கும் இடையே ஐந்தாண்டு காலப் புரிந்துணர்வு ஒப்பந்தத்தில்கையெழுத்திடுவதற்கான அவசியமான அமைச்சரவை அனுமதி வழங்கப்பட்டுள்ளது.

1990 சுகப்படுத்தல் சேவைக்குப் பயன்படுத்துவதற்கு முழுமையான மருத்துவ வசதிகளுடன் கூடிய 100 புதிய நோயாளர் காவுவண்டிகளை விநியோகிப்பதற்கு இயலுமாகும் வகையில் நிதிக்கொடையை வழங்குவதற்கு இந்திய அரசு உடன்பாடு தெரிவித்துள்ளது.

1990 களில் இடம்பெற்றதாகக் கூறப்படும் மண்டைதீவு படுகொலை மற்றும் அதனுடன் தொடர்புடைய புதைகுழி விவகாரம் தொடர்பான வழக்கு விசாரணைகளைத் துரிதப்படுத்துமாறு பாதிக்கப்பட்ட தரப்பு சட்டத்தரணிகள் நீதிமன்றில் கோரிக்கை விடுத்துள்ளனர்.

தரமற்ற நிலக்கரி இறக்குமதியால் ஏற்பட்ட இழப்பை மின் நுகர்வோர் மீது சுமத்த மாட்டோம் என உறுதியளித்தால், அதற்கு எதிராகத் தாக்கல் செய்யப்பட்டுள்ள மனுவை வாபஸ் பெறத் தயாராக இருப்பதாக மனுதாரர் தரப்பு சட்டத்தரணி இன்று (10) மேன்முறையீட்டு நீதிமன்றத்திற்கு அறிவித்துள்ளார்.

மட்டக்களப்பில் கடந்த 2008ஆம் ஆண்டு ரி-56 ரக துப்பாக்கியால் 5 பேரை சுட்டுக் கொலை செய்த சம்பவம் தொடர்பாகக் கைது செய்யப்பட்ட பிள்ளையான் மற்றும் இராணுவப் புலனாய்வுப் பிரிவின் தகவலாளிகள் இருவர் உட்பட 3 பேரை, எதிர்வரும் நவம்பர் 23ஆம் திகதி வரை தொடர்ந்து விளக்கமறியலில் வைக்குமாறு மட்டக்களப்பு நீதவான் நீதிமன்ற நீதவான் அண்ணாத்துரை தஷ்ஷினி செவ்வாய்க்கிழமை (10) உத்தரவிட்டார்.

இலங்கை அரசாங்கம் முன்மொழிந்துள்ள பயங்கரவாதத்திலிருந்து அரசினைப் பாதுகாப்பதற்கான சட்டமூலத்தை சர்வதேச மனித உரிமைகள் சட்டத்திற்கு அமைவாக இருப்பதை உறுதி செய்யும் வகையில் அதில் திருத்தங்களை உடனடியாக மேற்கொள்ள வேண்டுமென ஐக்கிய நாடுகள் சபையின் நிபுணர்கள் கூட்டாக வலியுறுத்தியுள்ளர்.

வட மாகாணத்திலும் திருகோணமலை மாவட்டத்திலும் அவ்வப்போது மழை அல்லது இடிமின்னலுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.

உத்தேச ஒழுங்கமைக்கப்பட்ட குற்றத் தடுப்புச் சட்டத்தின் கீழ் சந்தேகநபர் ஒருவரைத் தடுத்து வைக்கும் கால எல்லையை 72 மணித்தியாலங்களிலிருந்து 48 மணித்தியாலங்களாகக் குறைத்து சட்டமூலத்தில் திருத்தம் செய்யவுள்ளதாகச் சட்டமா அதிபர் உயர் நீதிமன்றத்துக்கு அறிவித்துள்ளார்.

இந்த அரசாங்கம் இன்று வீழ்ச்சியடைந்துள்ளது. பொறுப்பேற்றதைச் செய்து கொள்ள முடியவில்லை. முன்னாள் ஜனாதிபதி ரணில் விக்கிரமசிங்க செப்டம்பர் 21 ஆம் திகதி பொறுப்பளிக்கும் போது முழுமையான கடன் 31 டிரில்லியனாக இருந்தது.