மாவீரர்களுக்கு சபையில் அஞ்சலி செலுத்திய ரவிகரன் எம்.பி துயிலும் இல்லங்களை விடுவிப்பதற்கும், மீளநிர்மாணிக்கவும் அரசு ஒத்துழைக்க வேண்டுமெனவும் வலியுறுத்தியுள்ளார்.

மாவீரர்களுக்கு பாராளுமன்றில் அஞ்சலி செலுத்திய வன்னிமாவட்ட பாராளுமன்ற உறுப்பினர் துரைராசா ரவிகரன்,கோயில்களாகப் போற்றும் துயிலுமில்லங்களை இடித்தழிப்புச் செய்துவிட்டு, நாங்கள் தெய்வங்களாக மதிக்கின்ற மாவீரர்களின் மேல் இராணுவத்தினர் சப்பாத்துக் கால்களுடன் உதை பந்து விளையாடும்போது, இந்த நாட்டில் இனங்களுக்கிடையில் நல்லிணக்கம் ஏற்படும் என எவ்வாறு எதிர்பார்க்கின்றீர்கள்? எனக் கேள்வி எழுப்பியுள்ளார்.

எனவே விடுவிக்கப்படாதுள்ள மாவீரர்துயிலுமில்லங்களை விடுவிப்பதற்கு நடவடிக்கை எடுப்பதுடன், இடித்தழிப்புச்செய்யப்பட்ட மாவீரர் துயிலுமில்லங்களை மீள நிர்மாணிப்பதற்கும் இந்த அரசு ஒத்துழைப்பு நல்க வேண்டுமெனவும் பாராளுமன்ற உறுப்பினர் ரவிகரன் வலியுறுத்தியுள்ளார்.

பாராளுமன்றில் இன்று(05) உரையாற்றும் போதே பாராளுமன்ற உறுப்பினர் மேற்கண்டவாறு கருத்துத் தெரிவித்துள்ளார்.

இதன்போது அவர் மேலும் கருத்துத் தெரிவிக்கையில்,''பேரவையைத் தலைமை தாங்கும் உறுப்பினர் அவர்களே, இது நவம்பர் மாதம், தமிழ்தேசிய இனத்தின் விடிவிற்காக தமது இன்னுயிரை ஈகம்செய்து எமது இதயமெல்லாம் நிறைந்து நிற்கும் எம்முயிர் வீரர்களை நாம் போற்றி வணங்கும் புனித மாதம்.

எம்மினத்தின் விடுதலைக்காக ஈடிணையற்ற ஈகங்களைப் புரிந்த எம் மாவீரச் செல்வங்களுக்கு இந்த பேரவையிலே தலைசாய்த்து அஞ்சலிகளைத் தெரிவித்துக்கொள்கின்றேன்.

நவம்பர் மாதம் தொடங்கியதும் தமிழர் தாயகம் எங்கும் மாவீரர்களின் நினைவால் எழுச்சிகொள்கின்றது. மாவீரர் துயிலுமில்லங்கள் வழிபாடுகளுக்காகத் தயார்ப்படுத்தப்படுகின்றன.

எனினும் சில மாவீரர்துயிலுமில்லங்கள் இதுவரை விடுவிக்கப்படாத நிலையில் காணப்படுகின்றன. மாவீரர் துயிலுமில்லங்கள் இராணுவ முகாம்களாகப் பயன்படுத்தப்படுகின்றன.

குறிப்பாக முல்லைத்தீவு மாவட்டத்தில் முள்ளியவளை மாவீரர் துயிலுமில்லம், அளம்பில் மாவீரர் துயிலுமில்லம் உள்ளிட்ட மாவீரர் துயிலுமில்லங்கள் தற்போது இராணுவ முகாம்களாகப் பயன்படுத்தப்படுகின்றன.

எனவே மாவீரர்களை விதைத்த இடத்தில், மலர்தூவி, சுடரேற்றி அஞ்சலி செலுத்த முடியாமல் மாவீரர்களின் பெற்றோரும் உறவினர்களும் தவிக்கின்றனர்.

யுத்தம் மௌனிக்கப்பட்ட கையோடு தமிழர் தாயகப்பரப்பிலிருந்த அனைத்து மாவீரர் துயிலுமில்லங்களும் இடித்தழிப்புச் செய்யப்பட்டன.

நாங்கள் கோயில்களாகப் போற்றும் துயிலுமில்லங்களை இடித்தழிப்புச் செய்துவிட்டு, நாங்கள் தெய்வங்களாக மதிக்கின்ற மாவீரர்களின் மேல் இராணுவத்தினர் சப்பாத்துக் கால்களுடன் உதை பந்து விளையாடும்போது, இந்த நாட்டில் இனங்களுக்கிடையில் நல்லிணக்கம் ஏற்படும் என எவ்வாறு எதிர்பார்க்கின்றீர்கள்?

எனவே இனவாதத்திற்கு முற்றுப்புள்ளி வைக்கின்றோம், இனங்களுக்கிடையில் நல்லிணக்கத்தை எற்படுத்துகின்றோம் எனக் கூறிக்கொண்டு ஆட்சிக்கு வந்த இந்த அரசாங்கம், விடுவிக்கப்படாத மாவீரர்துயிலுமில்லங்களை விடுவிப்பதற்கு நடவடிக்கை எடுப்பதுடன், இடித்தழிப்புச்செய்யப்பட்ட மாவீரர்துயிலுமில்லங்களை மீள நிர்மாணிப்பதற்கும் ஒத்துழைப்பு நல்கவேண்டுமென இப் பேரவையின் ஊடாகக் கேட்டுக்கொள்கின்றேன்.''என தெரிவித்தார்.

வடக்கு, கிழக்கு மற்றும் மலையக மக்களைப் பிரதிநிதித்துவப்படுத்தும் எதிர்க்கட்சியைச் சேர்ந்த பாராளுமன்ற உறுப்பினர்களுக்கும் எதிர்க்கட்சித் தலைவர் சஜித் பிரேமதாசவுக்கும் இடையிலான விசேட கலந்துரையாடலொன்று இன்று வியாழக்கிழமை (5) பாராளுமன்றத்தில் அமைந்துள்ள எதிர்க்கட்சித் தலைவர் அலுவலகத்தில் நடைபெற்றது.

ஒழுங்கமைக்கப்பட்ட குற்றத் தடுப்புச் சட்டமூலத்தில் குறிப்பிடப்பட்டுள்ள சந்தேகநபர்களைத் தடுத்து வைக்கும் காலத்தை 72 மணித்தியாலத்திலிருந்து 48 மணித்தியாலமாகக் குறைப்பதற்குத் தாம் தயாராக இருப்பதாக ஜனாதிபதி அநுர குமார திசாநாயக்க தெரிவித்தார்.

தாயகத்தின் விடுதலைக்காகத் தங்களது இன்னுயிர்களை ஈகம் செய்த மாவீரர்களை நினைவுகூரும் தேசிய மாவீரர் நாள் நினைவேந்தல் நிகழ்வுகள், வழக்கம்போல இவ்வாண்டும் நவம்பர் 27ஆம் திகதி தமிழர் தாயகப் பகுதிகள் மற்றும் உலகெங்கும் வாழும் தமிழர்களால் உணர்வுபூர்வமாக அனுஷ்டிக்கப்படவுள்ளன.

ஒக்டோபர் - டிசம்பர் காலாண்டிற்கான மின்சாரக் கட்டண உயர்வை தேசிய அமைப்பு அமைப்பாளர் (NSO) திரும்பப் பெற்றுள்ளது. நீர்த்தேக்கங்களின் நீர்மட்டம் உயர்ந்துள்ளமை மற்றும் சாதகமான மழைவீழ்ச்சி முன்னறிவிப்புகளை சுட்டிக்காட்டி இந்நடவடிக்கை எடுக்கப்பட்டுள்ளது.

தொகைமதிப்பு மற்றும் புள்ளிவிபரத் திணைக்களத்தினால் வெளியிடப்பட்ட புதிய தரவுகளின்படி, 2026 செப்டம்பர் மாதத்தில் இலங்கையின் உத்தியோகபூர்வ தேசிய வறுமைக்கோடு நபர் ஒருவருக்கு மாதத்திற்கு ரூ. 17,742 ஆக உயர்ந்துள்ளது.

தென் கடலுக்கு அப்பால் சர்வதேச கடற்பரப்பில் இலங்கை கடற்படையினரால் முன்னெடுக்கப்பட்ட விசேட நடவடிக்கையின் போது, சுமார் 4.2 பில்லியன் ரூபாவிற்கும் அதிக மதிப்புடைய போதைப்பொருட்களைக் கடத்திச் சென்ற பன்னாட்டு மீன்பிடிப் படகொன்று கைப்பற்றப்பட்டுள்ளது.

முல்லைத்தீவு அம்பலவன் பொக்கணை பிரதேசத்திலிருந்து கடலுக்குச் சென்று காணாமல்போன 3 மீனவர்கள் தொடர்பாகக் கிடைத்துள்ள தற்போதைய தகவல்களின் அடிப்படையில், குறித்த மீனவர்கள் கடல் நீரோட்டம் மற்றும் பலத்த காற்றினால் அடித்துச் செல்லப்பட்டு ஆழ்கடல் பகுதிக்குச் சென்றுள்ளதாகவும், அங்கு ஆழ்கடல் மீன்பிடியில் ஈடுபட்டிருந்த மீன்பிடிப் படகுகளுடன் இணைந்துள்ளதாகவும் தகவல் கிடைத்துள்ளது.

குறிப்பிட்ட எட்டு வகையான பரிவர்த்தனைகளுக்கு வரி செலுத்துவோர் அடையாள இலக்க (TIN) சான்றிதழை கட்டாயமாகச் சமர்ப்பிக்க வேண்டிய நடைமுறையை 2027 ஏப்ரல் 01ஆம் திகதி வரை ஒத்திவைத்துள்ளதாக இலங்கையின் உள்நாட்டு இறைவரித் திணைக்களம் அறிவித்துள்ளது.

ஊடகவியலாளர் பிரகீத் எக்னெலிகொட கடத்தப்பட்டு காணாமல் ஆக்கப்பட்ட சம்பவம் தொடர்பில் இராணுவ புலனாய்வுப் பிரிவின் ஒன்பது உறுப்பினர்களுக்கு எதிராகத் தாக்கல் செய்யப்பட்டுள்ள வழக்கின் முறைப்பாட்டுத் தரப்பு சாட்சி விசாரணைகள் நிறைவடைந்துள்ளன.

அரசாங்கத்தால் முன்மொழியப்பட்டுள்ள புதிய ஒழுங்கமைக்கப்பட்ட குற்றத் தடுப்புச் சட்டமூலம் மனித உரிமைகளை மீறும் வகையிலும், தன்னிச்சையான தடுப்புக்காவல் மற்றும் சித்திரவதைகளுக்கு வழிவகுக்கும் வகையிலும் அமைந்துள்ளதாக எச்சரித்துள்ள ஐக்கிய நாடுகள் சபையின் மனித உரிமைகள் நிபுணர்கள், இச்சட்டமூலத்தை தற்போதைய வடிவத்தில் முன்னெடுத்துச் செல்லவேண்டாம் என அரசாங்கத்தை வலியுறுத்தியுள்ளனர்.

வவுனியா வடக்கில் மனித – யானை மோதல் ஏற்கனவே தீவிரமாகக் காணப்படும் நிலையில், கிவில் ஓயா நீர்ப்பாசனத் திட்டத்தின் ஊடாக சுமார் 13,000 ஏக்கர் வனப்பகுதி அழிக்கப்படவுள்ளதாக நாடாளுமன்றத்தில் சுட்டிக்காட்டப்பட்டுள்ளது.

வவுனியா, நெடுங்கேணி - பெரியமடுப் பகுதியில் இடம்பெற்ற யானை தாக்குதலில் படுகாயமடைந்த நபர் ஒருவர் வவுனியா வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார். உயிரிழந்தவர் நெடுங்கேணிப் பகுதியைச் சேர்ந்த சி.கரன் (வயது 45) என அடையாளம் காணப்பட்டுள்ளார்.

நாகப்பட்டினம் - காங்கேசன்துறை இடையே இயக்கப்படும் 'சுபம் பெரி' கப்பல் சேவைக்கான புதிய கட்டணக் குறைப்பு மற்றும் சிறப்புச் சலுகைகள் நவம்பர் மாதத்திற்கென பிரத்தியேகமாக அறிவிக்கப்பட்டுள்ளன.

லங்கா ஐ.ஓ.சி மற்றும் சினோபெக் நிறுவனங்கள் 95 ஒக்டேன் பெற்றோலின் விலையை நேற்று நள்ளிரவு முதல் லீற்றருக்கு 20 ரூபாவால் அதிகரித்துள்ளன. இதன்படி, 95 ஒக்டேன் பெற்றோலின் புதிய விலை லீற்றருக்கு 515 ரூபாவாக அதிகரிக்கப்பட்டுள்ளது.

இலங்கைக்கு தெற்கே அமைந்துள்ள ஆழ்கடல் பகுதியில், இலங்கை கடற்படையினரால் மேற்கொள்ளப்பட்ட விசேட நடவடிக்கையின்போது, போதைப்பொருட்கள் எனச் சந்தேகிக்கப்படும் பொதிகளை ஏற்றிச் சென்ற உள்நாட்டுப் பலநாள் மீன்பிடிப் படகொன்று கைப்பற்றப்பட்டது.

2024ஆம் ஆண்டு ஆட்சிக்கு வந்ததிலிருந்து தமது அரசாங்கம் எந்தவொரு புதிய வரியையும் அறிமுகப்படுத்தவில்லை என ஜனாதிபதி அநுரகுமார திஸாநாயக்க தெரிவித்துள்ள கருத்து பொதுமக்களைத் தவறாக வழிநடத்தும் வகையில் அமைந்துள்ளதாக எதிர்க்கட்சி பாராளுமன்ற உறுப்பினர் அஜித் பி. பெரேரா குற்றஞ்சாட்டியுள்ளார்.

ஒரு காலத்தில் தனி நாடு கேட்டு போராடிய இனம் இன்று மாட்டை மேய்க்க மண்ணை கேட்டு போராடும் நிலையில் உள்ளது. பாராளுமன்ற உறுப்பினர் கந்தசாமி பிரபுவின் மண்ணைக் காட்டிக் கொடுக்கும் செயற்பாடுகளை பார்த்து வெட்கப்படுகின்றேன் என யாழ். மாவட்ட சுயேச்சைக்குழு பாராளுமன்ற உறுப்பினர் அர்ச்சுனா இராமநாதன் தெரிவித்தார்.

2020 பொதுத்தேர்தலின் போது போனஸ் ஆசனத்தைக் கூட கிழக்கு மாகாணத்திற்கு வழங்காதவர்கள் தற்போது கிழக்கு மாகாணத்திற்கு வந்து போராடுகின்றனர். மயிலத்தமடு, மாதவனை பிரச்சினையில் கடந்த காலங்களில் எந்தவித நிபந்தனைகளையும் இன்றி நல்லாட்சி அரசாங்கத்துக்கு ஆதரவு வழங்கியவர்கள் எங்கே போயிருந்தனர்? எதிர்க்கட்சித் தலைவராக சம்பந்தன் இருந்த போது, மாகாண சபையில் அமைச்சர்களாக இருந்த போது ஏன் இந்தப் பிரச்சினைகளுக்கு தீர்வு காணவில்லை. அரசியல்நோக்கத்துக்காக இன்று போராடுகிறார்கள். மயிலத்தமடு மேய்ச்சல் தரை பிரச்சினைக்கு முரண்பாடற்ற வகையில் தீர்வு பெற்றுக்கொடுப்போம் என தேசிய மக்கள் சக்தியின் மட்டக்களப்பு மாவட்ட பாராளுமன்ற உறுப்பினர் கந்தசாமி பிரபு குறிப்பிட்டார்.

வசீம் தாஜுதீன்,பிரகீத் எக்னலிகொட படுகொலை சம்பவங்கள் மற்றும் போத்தல ஜயந்த, கீத்நொயார் மற்றும் உபாலி தென்னக்கோன் ஆகியோர் மீதான கொலை செய்ய முயற்சித்த சம்பவங்களுடன் நாமல் ராஜபக்‌ஷவும், ராஜபக்‌ஷ குடும்பத்தினரும் தொடர்புப்பட்டுள்ளார்கள் என தேசிய மக்கள் சக்தியின் பாராளுமன்ற உறுப்பினர் சாந்த பத்மகுமார குற்றஞ்சாட்டினார்.

பயங்கரவாதிகளாக இருந்தவர்கள் ஆட்சிசெய்யும் நாட்டில் பயங்கரவாதத்தில் இருந்து அரசைப் பாதுகாக்கும் சட்டம் எதற்கு? இந்தச் சட்டம் நிறைவேற்றப் பட்டால், 6 மாதங்களில் கோட்டாபய ராஜபக்ஷவின் அரசாங்கத்துக்கு ஏற்பட்டதைவிட மோசமான நிலைமையே இந்த அரசாங்கத்துக்கும் ஏற்படுமென புதிய ஜனநாயக முன்னணி எம்.பி. சாமர சம்பத் தசநாயக்க தெரிவித்தார்.