2020 பொதுத்தேர்தலின் போது போனஸ் ஆசனத்தைக் கூட கிழக்கு மாகாணத்திற்கு வழங்காதவர்கள் தற்போது கிழக்கு மாகாணத்திற்கு வந்து போராடுகின்றனர். மயிலத்தமடு, மாதவனை பிரச்சினையில் கடந்த காலங்களில் எந்தவித நிபந்தனைகளையும் இன்றி நல்லாட்சி அரசாங்கத்துக்கு ஆதரவு வழங்கியவர்கள் எங்கே போயிருந்தனர்? எதிர்க்கட்சித் தலைவராக சம்பந்தன் இருந்த போது, மாகாண சபையில் அமைச்சர்களாக இருந்த போது ஏன் இந்தப் பிரச்சினைகளுக்கு தீர்வு காணவில்லை. அரசியல்நோக்கத்துக்காக இன்று போராடுகிறார்கள். மயிலத்தமடு மேய்ச்சல் தரை பிரச்சினைக்கு முரண்பாடற்ற வகையில் தீர்வு பெற்றுக்கொடுப்போம் என தேசிய மக்கள் சக்தியின் மட்டக்களப்பு மாவட்ட பாராளுமன்ற உறுப்பினர் கந்தசாமி பிரபு குறிப்பிட்டார்.

பாராளுமன்றத்தில் புதன்கிழமை (4) நடைபெற்ற ஏற்றுமதி மற்றும் இறக்குமதி கட்டளைச் சட்டத்தின் ஒழுங்குவிதிகள் மீதான விவாதத்தில் உரையாற்றுகையில் மேற்கண்டவாறு குறிப்பிட்டார்.

அங்கு அவர் மேலும் உரையாற்றுகையில்,

மட்டக்களப்பு மாவட்டத்தில் மயிலத்தமடு, மாதவனை தொடர்பான பிரச்சினை தற்போது பூதாகரமான பிரச்சினையாக எழுப்பப்படுகின்றது. இந்த பிரதேசத்தில் நீண்ட காலமாக மேய்ச்சல் தரைகளை பயன்படுத்தி பண்ணையாளர்கள் தமது பசுக்கள் மற்றும் மாடுகளை கட்டிக்கொண்டு அவர்கள் தமது வாழ்வாதாரத்தில் ஈடுபடுகின்றனர். இங்கு நிலவும் பிரச்சினை நீண்ட காலமாக நிலவும் பிரச்சினை . நாங்கள் ஆட்சிக்கு வருவதற்கு முன்னரே அவர்கள் வீதியோரத்தில் நீண்ட காலமாக போராடிக்கொண்டிருந்தனர்.

மட்டக்களப்பு மாவட்ட ஒருங்கிணைப்பு குழு கூட்டத்திற்கு ஜனாதிபதி வந்திருந்த போது இந்த பிரதேசத்தில் மேய்ச்சல் தரையை விடுவிக்க உரிய அதிகாரிகளுக்கு பணிப்புரை விடுத்திருந்தார் . கடந்த காலங்களில் எந்தவித நிபந்தனைகளையும் இன்றி நல்லாட்சி ஆதரவு வழங்கியவர்கள் எங்கே போயிருந்தனர்?. எதிர்க்கட்சித் தலைவராக சம்பந்தன் இருந்த போது, மாகாண சபையில் அமைச்சர்களாக இருந்த போது ஏன் இந்தப் பிரச்சினைகளை தீர்த்துக்கொள்ளவில்லை?. ஏன் அதற்கான சந்தர்ப்பம் கிடைக்கவில்லை?

2020 ஆம் ஆண்டு பாராளுமன்றத் தேர்தலில் சைக்கிள் கட்சிக்கு கிடைத்த போனஸ் ஆசனத்தை கிழக்கு மாகாணத்திற்கு வழங்கவில்லை. போராட்டத்தில் ஈடுபடும் போது அந்தக் கட்சியினர் கிழக்கு மாகாணத்திற்கு வந்து போராடுகின்றனர். வடக்கில் தேவையான போது கிழக்கில் இருந்து மக்களை கொண்டு ஆர்ப்பாட்டத்தை ஈடுபடுவதும், கிழக்கில் உங்களின் அரசியல் நாடகத்திற்காக அங்கு போராட்டம் நடத்துகின்றனர். தமிழ்த் தேசியக் கட்சிகள் போலித் தேசிய வாதத்தை முன்னெடுக்கின்றனரே தவிர மக்களின் நலனை நோக்காக்க கொண்டு அவர்கள் செயற்படவில்லை என்றே தெரிகின்றது. இதனை நீங்கள் தெளிவாக புரிந்துகொண்டு அரசியல் நாடகத்தை நிறுத்த வேண்டும்.

அத்துடன் அரசாங்க அதிபர் மீது தவறான அபிப்பிராயத்தை குறிப்பிட்டுள்ளனர். அவருக்கு எதிராக போராட்டம் முன்னெடுக்கப்பட்டது. அதில் பண்ணையாளர்களை விட கட்சி சார்ந்தவர்களே இருந்தனர். பிரதேச சபை உறுப்பினர்கள் மற்றும் தவிசாளர்களே போராட்டத்தில் ஈடுபட்டிருந்தனர். அதில் பண்ணையாளர்கள் பங்கேற்கவில்லை. அந்த முகங்களை பார்க்கும் போது பண்ணையாளர்களா? என்ற சந்தேகங்கள் எழுகின்றன. இவ்வாறான போலியான அரசியல் நாடகங்களை நிறுத்துமாறு கோருகின்றோம்.

அரசாங்க அதிபர் பேச்சுவார்த்தைக்கு அழைத்திருந்தார். 7 பேர் வரவுள்ளதாக கூறப்பட்ட போதும் 5 பேர் மட்டுமே கலந்துகொண்டதாகவும், பாராளுமன்ற உறுப்பினர்கள் அதில் கலந்துகொள்ளத் தயாராக இருக்கவில்லையெனவும், ஊடகவியலாளர்களுடன் வந்தே சந்திப்போம் என்று குறிப்பிட்டதால் இவர்களாகவே வெளியேறினர். இவர்கள் அரசாங்க அதிபர் தொடர்பில் தவறாக சுட்டிக்காட்டி பிழையான தகவலை வழங்கியுள்ளனர். இந்த அரசியல் நாடகத்தை முன்னெடுக்க வேண்டாம் என்று கேட்டுக்கொள்கின்றேன் என்றார்.

அரசாங்கத்தால் முன்மொழியப்பட்டுள்ள புதிய ஒழுங்கமைக்கப்பட்ட குற்றத் தடுப்புச் சட்டமூலம் மனித உரிமைகளை மீறும் வகையிலும், தன்னிச்சையான தடுப்புக்காவல் மற்றும் சித்திரவதைகளுக்கு வழிவகுக்கும் வகையிலும் அமைந்துள்ளதாக எச்சரித்துள்ள ஐக்கிய நாடுகள் சபையின் மனித உரிமைகள் நிபுணர்கள், இச்சட்டமூலத்தை தற்போதைய வடிவத்தில் முன்னெடுத்துச் செல்லவேண்டாம் என அரசாங்கத்தை வலியுறுத்தியுள்ளனர்.

வவுனியா வடக்கில் மனித – யானை மோதல் ஏற்கனவே தீவிரமாகக் காணப்படும் நிலையில், கிவில் ஓயா நீர்ப்பாசனத் திட்டத்தின் ஊடாக சுமார் 13,000 ஏக்கர் வனப்பகுதி அழிக்கப்படவுள்ளதாக நாடாளுமன்றத்தில் சுட்டிக்காட்டப்பட்டுள்ளது.

வவுனியா, நெடுங்கேணி - பெரியமடுப் பகுதியில் இடம்பெற்ற யானை தாக்குதலில் படுகாயமடைந்த நபர் ஒருவர் வவுனியா வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார். உயிரிழந்தவர் நெடுங்கேணிப் பகுதியைச் சேர்ந்த சி.கரன் (வயது 45) என அடையாளம் காணப்பட்டுள்ளார்.

நாகப்பட்டினம் - காங்கேசன்துறை இடையே இயக்கப்படும் 'சுபம் பெரி' கப்பல் சேவைக்கான புதிய கட்டணக் குறைப்பு மற்றும் சிறப்புச் சலுகைகள் நவம்பர் மாதத்திற்கென பிரத்தியேகமாக அறிவிக்கப்பட்டுள்ளன.

லங்கா ஐ.ஓ.சி மற்றும் சினோபெக் நிறுவனங்கள் 95 ஒக்டேன் பெற்றோலின் விலையை நேற்று நள்ளிரவு முதல் லீற்றருக்கு 20 ரூபாவால் அதிகரித்துள்ளன. இதன்படி, 95 ஒக்டேன் பெற்றோலின் புதிய விலை லீற்றருக்கு 515 ரூபாவாக அதிகரிக்கப்பட்டுள்ளது.

இலங்கைக்கு தெற்கே அமைந்துள்ள ஆழ்கடல் பகுதியில், இலங்கை கடற்படையினரால் மேற்கொள்ளப்பட்ட விசேட நடவடிக்கையின்போது, போதைப்பொருட்கள் எனச் சந்தேகிக்கப்படும் பொதிகளை ஏற்றிச் சென்ற உள்நாட்டுப் பலநாள் மீன்பிடிப் படகொன்று கைப்பற்றப்பட்டது.

2024ஆம் ஆண்டு ஆட்சிக்கு வந்ததிலிருந்து தமது அரசாங்கம் எந்தவொரு புதிய வரியையும் அறிமுகப்படுத்தவில்லை என ஜனாதிபதி அநுரகுமார திஸாநாயக்க தெரிவித்துள்ள கருத்து பொதுமக்களைத் தவறாக வழிநடத்தும் வகையில் அமைந்துள்ளதாக எதிர்க்கட்சி பாராளுமன்ற உறுப்பினர் அஜித் பி. பெரேரா குற்றஞ்சாட்டியுள்ளார்.

ஒரு காலத்தில் தனி நாடு கேட்டு போராடிய இனம் இன்று மாட்டை மேய்க்க மண்ணை கேட்டு போராடும் நிலையில் உள்ளது. பாராளுமன்ற உறுப்பினர் கந்தசாமி பிரபுவின் மண்ணைக் காட்டிக் கொடுக்கும் செயற்பாடுகளை பார்த்து வெட்கப்படுகின்றேன் என யாழ். மாவட்ட சுயேச்சைக்குழு பாராளுமன்ற உறுப்பினர் அர்ச்சுனா இராமநாதன் தெரிவித்தார்.

வசீம் தாஜுதீன்,பிரகீத் எக்னலிகொட படுகொலை சம்பவங்கள் மற்றும் போத்தல ஜயந்த, கீத்நொயார் மற்றும் உபாலி தென்னக்கோன் ஆகியோர் மீதான கொலை செய்ய முயற்சித்த சம்பவங்களுடன் நாமல் ராஜபக்‌ஷவும், ராஜபக்‌ஷ குடும்பத்தினரும் தொடர்புப்பட்டுள்ளார்கள் என தேசிய மக்கள் சக்தியின் பாராளுமன்ற உறுப்பினர் சாந்த பத்மகுமார குற்றஞ்சாட்டினார்.

பயங்கரவாதிகளாக இருந்தவர்கள் ஆட்சிசெய்யும் நாட்டில் பயங்கரவாதத்தில் இருந்து அரசைப் பாதுகாக்கும் சட்டம் எதற்கு? இந்தச் சட்டம் நிறைவேற்றப் பட்டால், 6 மாதங்களில் கோட்டாபய ராஜபக்ஷவின் அரசாங்கத்துக்கு ஏற்பட்டதைவிட மோசமான நிலைமையே இந்த அரசாங்கத்துக்கும் ஏற்படுமென புதிய ஜனநாயக முன்னணி எம்.பி. சாமர சம்பத் தசநாயக்க தெரிவித்தார்.

நாட்டின் பல பகுதிகளில் கடுமையான மின்னல் தாக்கம் ஏற்படக்கூடிய அபாயம் உள்ளதாக வளிமண்டலவியல் திணைக்களம் அம்பர் (Amber) மட்ட எச்சரிக்கையை விடுத்துள்ளது.

2026 ஆம் ஆண்டின் 4 ஆம் காலாண்டிற்கான மின்சாரக் கட்டணத்தை 2.88% ஆல் திருத்துமாறு நஷனல் சிஸ்டம் ஒப்பரேட்டர்ஸ் (NSO), யோசனை முன்வைத்துள்ளது.

அரசாங்கத்தினால் கொண்டுவரப்படவுள்ள அரசைப் பயங்கரவாதத்திலிருந்து பாதுகாக்கும் சட்டமூலத்திற்கும் (PSTA) ஒழுங்கமைக்கப்பட்ட குற்றங்கள் தொடர்பான சட்டமூலத்திற்கும் எதிராக மக்கள் போராட்ட இயக்கத்தின் ஆர்ப்பாட்டம் ஒன்று இன்று (04) முன்னெடுக்கப்படுகின்றது.

உயிர்த்த ஞாயிறு பயங்கரவாதத் தாக்குதல்கள் தொடர்பான விசாரணைகள் தொடர்பில், முன்னாள் ஜனாதிபதி கோட்டாபய ராஜபக்ஷவுக்கு விதிக்கப்பட்ட வெளிநாட்டுப் பயணத் தடையை நீக்குமாறு கோரப்பட்ட மனு மீதான தீர்ப்பு நவம்பர் 25 ஆம் திகதி அறிவிக்கப்படும் என கோட்டை நீதிவான் பாஸன் அமரசேன இன்று உத்தரவிட்டார்.

இலங்கையின் மிக மூத்த வாழ்வாங்கு வாழும் முதியவராகக் கருதப்படும் கரந்தெனிய, அங்குலுகல்ல பகுதியைச் சேர்ந்த பி.எச். மேனியல் (B.H. Meniyal) 111 வயதை எட்டியுள்ளதாக முதியோர்களுக்கான தேசிய செயலகம் தெரிவித்துள்ளது.

யாழ்ப்பாணம் – ஊர்காவற்றுறை பிரதான வீதியின் அராலிச் சந்திக்கு அண்மையில் இடம்பெற்ற விபத்தில் மூன்று இளைஞர்கள் படுகாயமடைந்த நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.

போதைப்பொருள் தொடர்பான குற்றங்கள் உட்பட பல்வேறு குற்றங்களுடன் தொடர்புடைய குற்றச்சாட்டில் இதுவரை 208 பொலிஸ் அதிகாரிகள் கைது செய்யப்பட்டுள்ளதாக பொலிஸ் ஊடகப் பேச்சாளரும், உதவி பொலிஸ் அத்தியட்சகருமான எப்.யூ. வூட்லர் தெரிவித்துள்ளார்.

யாழ்ப்பாணத்தில் பெரும் அதிர்ச்சியை ஏற்படுத்திய சித்த மருத்துவப் பீட மூத்த விரிவுரையாளர் வைத்தியர் தயாளினி திலீபன் கொலை வழக்கில் கைது செய்யப்பட்டுள்ள அவரது மகள் மற்றும் மருமகனை எதிர்வரும் 16ஆம் திகதி வரை தொடர்ந்து விளக்கமறியலில் வைக்குமாறு யாழ்ப்பாணம் நீதவான் நீதிமன்றம் உத்தரவிட்டுள்ளது.

சிட்னியிலிருந்து கட்டுநாயக்க, பண்டாரநாயக்க சர்வதேச விமான நிலையத்தை நோக்கிப் பயணித்த விமானத்தில் அட்டகாசத்தில் ஈடுபட்ட குற்றச்சாட்டில் இரண்டு இந்தியப் பிரஜைகளும், இந்திய வம்சாவளியைச் சேர்ந்த பிரித்தானியப் பிரஜை ஒருவரும் விமான நிலைய பொலிஸாரால் கைது செய்யப்பட்டுள்ளனர்.

மட்டக்களப்பு மயிலத்தமடு மாதவனை மேய்ச்சல் தரை விவகாரம் இனவாத பிரச்சினையல்ல. வாழ்வாதாரத்துடன் தொடர்புடைய ஐந்து இலட்சத்திற்கும் அதிகமான கால்நடைகள் மற்றும் நான்காயிரத்திற்கும் மேற்பட்ட பண்ணையாளர்களுடன் தொடர்புடைய பிரச்சினையாகும்.இதற்கு இனவாத சாயம் பூச முயற்சிப்பது தவறான செயற்பாடாகும் என இலங்கை தமிழரசுக் கட்சியின் பாராளுமன்ற உறுப்பினர் ஞானமுத்து சிறிநேசன் தெரிவித்தார்.