போதைப்பொருள் தொடர்பான குற்றங்கள் உட்பட பல்வேறு குற்றங்களுடன் தொடர்புடைய குற்றச்சாட்டில் இதுவரை 208 பொலிஸ் அதிகாரிகள் கைது செய்யப்பட்டுள்ளதாக பொலிஸ் ஊடகப் பேச்சாளரும், உதவி பொலிஸ் அத்தியட்சகருமான எப்.யூ. வூட்லர் தெரிவித்துள்ளார்.

பல்வேறு தவறுகள் காரணமாக சுமார் 1,500 பொலிஸ் அதிகாரிகளின் சேவைகள் இடைநிறுத்தப்பட்டுள்ளதாகவும் அவர் குறிப்பிட்டார்.

பொலிஸுக்குள் தகுதியற்ற மற்றும் ஊழல் நிறைந்த அதிகாரிகள் இருப்பதை ஒப்புக்கொண்ட அவர், அவர்களை அடையாளம் கண்டு அகற்றுவதற்கும், அவர்களுக்கு எதிராக கடுமையான சட்டத்தை நடைமுறைப்படுத்துவதற்கும் நடவடிக்கை எடுக்கப்பட்டுள்ளதாகத் தெரிவித்தார்.

அத்துடன், 2025 ஒக்டோபர் 30ஆம் திகதி முதல் இதுவரை 11,131 சிறுவர்கள் கைது செய்யப்பட்டுள்ளதாகவும், அவர்களில் 233 சிறுமிகள் அடங்குவதாகவும் பொலிஸ் ஊடகப் பேச்சாளர் தெரிவித்தார்.

பாடசாலைகள் மற்றும் தனியார் வகுப்புகள் மற்றும் அதனை அண்மித்த பகுதிகளில் 'ஐஸ்' உள்ளிட்ட போதைப்பொருட்கள் விநியோகிக்கப்படுவது குறித்து பொலிஸார் அவதானம் செலுத்தியுள்ளதாகவும் அவர் கூறினார்.

ஐஸ் பக்கெட்டுகள், பொம்பே மிட்டாய் மற்றும் சாரவிட்ட போன்ற பொருட்களின் ஊடாக போதைப்பொருள் வழங்கும் சம்பவங்கள் குறித்து அவதானத்துடன் இருப்பதுடன், அவற்றைத் தடுப்பதற்குப் புலனாய்வுப் பிரிவினர் களமிறக்கப்பட்டுள்ளதாகவும் அவர் மேலும் தெரிவித்தார்.

குழந்தைகளின் உணவுப் பழக்கவழக்கங்கள், நடத்தை, பேச்சு மற்றும் நட்பு வட்டாரங்களில் மாற்றங்கள் ஏற்பட்டால் அது குறித்து பெற்றோர்கள் கவனம் செலுத்த வேண்டும் என்றும் பொலிஸ் ஊடகப் பேச்சாளர் கேட்டுக்கொண்டார்.

"தற்போது சில பொலிஸ் அதிகாரிகள் போதைப்பொருட்களுடன் தொடர்புடையவர்களாக மாறியுள்ளனர். இதுவரை 208 பொலிஸ் அதிகாரிகள் கைது செய்யப்பட்டுள்ளனர். பல்வேறு குற்றங்கள் தொடர்பில் கைது செய்யப்பட்ட அவர்களில் பெரும்பான்மையானோர் போதைப்பொருளுக்கு அடிமையானவர்களாக உள்ளனர். அத்துடன், பல்வேறு தவறுகள் காரணமாக சுமார் 1,500 அதிகாரிகளின் சேவைகள் இடைநிறுத்தப்பட்டுள்ளன.

எனவே பொலிஸார் மீது நம்பிக்கை வையுங்கள். எங்களுக்குள் தகுதியற்ற மற்றும் ஊழல் நிறைந்த நபர்கள் இல்லை என்று கூற முடியாது. அவர்கள் அடையாளம் காணப்பட்டுள்ளனர். அவர்களை அகற்றுவதற்கும், அவர்களுக்கு எதிராக கடுமையான சட்டத்தை நடைமுறைப்படுத்துவதற்கும் நடவடிக்கை எடுக்கப்பட்டுள்ளது.

ஒரு தாய் அல்லது தந்தை இதைக் கேட்டுக்கொண்டிருந்தால், உங்கள் மகள் அல்லது மகனின் நடத்தை, பேச்சு மற்றும் தொடர்புகளில் ஏதேனும் மாற்றம் இருக்கிறதா என்பது குறித்து கவனம் செலுத்த வேண்டும். பிள்ளை முன்பு சாப்பிட்டது போல் இப்போது சாப்பிடவில்லை என்றால், முன்பு தாய் தந்தை சொல்வதைக் கேட்டதை விட வித்தியாசமாக நடந்து கொள்கிறார் என்றால், முன்பு பழகிய நண்பர்களுக்குப் பதிலாக வேறு நண்பர்களுடன் பழகுகிறார் என்றால், அந்த மாற்றங்கள் குறித்து பெற்றோர்கள் அவதானமாக இருக்க வேண்டும்.

2025 ஒக்டோபர் 30ஆம் திகதி முதல் இதுவரை 11,131 சிறுவர்கள் கைது செய்யப்பட்டுள்ளனர். அவர்களில் 233 சிறுமிகளும் அடங்குகின்றனர். இது மிகவும் கவலையளிக்கும் ஒரு சூழ்நிலையாகும்.

பயங்கரவாதிகளாக இருந்தவர்கள் ஆட்சிசெய்யும் நாட்டில் பயங்கரவாதத்தில் இருந்து அரசைப் பாதுகாக்கும் சட்டம் எதற்கு? இந்தச் சட்டம் நிறைவேற்றப் பட்டால், 6 மாதங்களில் கோட்டாபய ராஜபக்ஷவின் அரசாங்கத்துக்கு ஏற்பட்டதைவிட மோசமான நிலைமையே இந்த அரசாங்கத்துக்கும் ஏற்படுமென புதிய ஜனநாயக முன்னணி எம்.பி. சாமர சம்பத் தசநாயக்க தெரிவித்தார்.

நாட்டின் பல பகுதிகளில் கடுமையான மின்னல் தாக்கம் ஏற்படக்கூடிய அபாயம் உள்ளதாக வளிமண்டலவியல் திணைக்களம் அம்பர் (Amber) மட்ட எச்சரிக்கையை விடுத்துள்ளது.

2026 ஆம் ஆண்டின் 4 ஆம் காலாண்டிற்கான மின்சாரக் கட்டணத்தை 2.88% ஆல் திருத்துமாறு நஷனல் சிஸ்டம் ஒப்பரேட்டர்ஸ் (NSO), யோசனை முன்வைத்துள்ளது.

அரசாங்கத்தினால் கொண்டுவரப்படவுள்ள அரசைப் பயங்கரவாதத்திலிருந்து பாதுகாக்கும் சட்டமூலத்திற்கும் (PSTA) ஒழுங்கமைக்கப்பட்ட குற்றங்கள் தொடர்பான சட்டமூலத்திற்கும் எதிராக மக்கள் போராட்ட இயக்கத்தின் ஆர்ப்பாட்டம் ஒன்று இன்று (04) முன்னெடுக்கப்படுகின்றது.

உயிர்த்த ஞாயிறு பயங்கரவாதத் தாக்குதல்கள் தொடர்பான விசாரணைகள் தொடர்பில், முன்னாள் ஜனாதிபதி கோட்டாபய ராஜபக்ஷவுக்கு விதிக்கப்பட்ட வெளிநாட்டுப் பயணத் தடையை நீக்குமாறு கோரப்பட்ட மனு மீதான தீர்ப்பு நவம்பர் 25 ஆம் திகதி அறிவிக்கப்படும் என கோட்டை நீதிவான் பாஸன் அமரசேன இன்று உத்தரவிட்டார்.

இலங்கையின் மிக மூத்த வாழ்வாங்கு வாழும் முதியவராகக் கருதப்படும் கரந்தெனிய, அங்குலுகல்ல பகுதியைச் சேர்ந்த பி.எச். மேனியல் (B.H. Meniyal) 111 வயதை எட்டியுள்ளதாக முதியோர்களுக்கான தேசிய செயலகம் தெரிவித்துள்ளது.

யாழ்ப்பாணம் – ஊர்காவற்றுறை பிரதான வீதியின் அராலிச் சந்திக்கு அண்மையில் இடம்பெற்ற விபத்தில் மூன்று இளைஞர்கள் படுகாயமடைந்த நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.

யாழ்ப்பாணத்தில் பெரும் அதிர்ச்சியை ஏற்படுத்திய சித்த மருத்துவப் பீட மூத்த விரிவுரையாளர் வைத்தியர் தயாளினி திலீபன் கொலை வழக்கில் கைது செய்யப்பட்டுள்ள அவரது மகள் மற்றும் மருமகனை எதிர்வரும் 16ஆம் திகதி வரை தொடர்ந்து விளக்கமறியலில் வைக்குமாறு யாழ்ப்பாணம் நீதவான் நீதிமன்றம் உத்தரவிட்டுள்ளது.

சிட்னியிலிருந்து கட்டுநாயக்க, பண்டாரநாயக்க சர்வதேச விமான நிலையத்தை நோக்கிப் பயணித்த விமானத்தில் அட்டகாசத்தில் ஈடுபட்ட குற்றச்சாட்டில் இரண்டு இந்தியப் பிரஜைகளும், இந்திய வம்சாவளியைச் சேர்ந்த பிரித்தானியப் பிரஜை ஒருவரும் விமான நிலைய பொலிஸாரால் கைது செய்யப்பட்டுள்ளனர்.

மட்டக்களப்பு மயிலத்தமடு மாதவனை மேய்ச்சல் தரை விவகாரம் இனவாத பிரச்சினையல்ல. வாழ்வாதாரத்துடன் தொடர்புடைய ஐந்து இலட்சத்திற்கும் அதிகமான கால்நடைகள் மற்றும் நான்காயிரத்திற்கும் மேற்பட்ட பண்ணையாளர்களுடன் தொடர்புடைய பிரச்சினையாகும்.இதற்கு இனவாத சாயம் பூச முயற்சிப்பது தவறான செயற்பாடாகும் என இலங்கை தமிழரசுக் கட்சியின் பாராளுமன்ற உறுப்பினர் ஞானமுத்து சிறிநேசன் தெரிவித்தார்.

முன்னாள் பாராளுமன்ற உறுப்பினரும், வல்வெட்டித்துறை நகரசபை தலைவருமான எம்.கே. சிவாஜிலிங்கம், பருத்தித்துறை ஆதார வைத்தியசாலையின் தீவிர சிகிச்சைப் பிரிவில் அனுமதிக்கப்பட்டுள்ளார்.

மட்டக்களப்பு மாவட்டத்தில் மயிலத்தமடு – மாதவனை மேய்ச்சல் நிலப் பிரச்சினைக்குத் தீர்வு கோரியும், நீதிமன்றத் தீர்ப்பை நடைமுறைப்படுத்துமாறு வலியுறுத்தியும் 2026 நவம்பர் 2ஆம் திகதி முன்னெடுக்கப்பட்ட மக்கள் கவனயீர்ப்புப் போராட்டம் தொடர்பாக, அமைச்சர் சந்திரசேகரன் நேற்று நாடாளுமன்றத்தில் வெளியிட்ட கருத்துக்களை கிழக்கு மாகாண சிவில் சமூக செயல்பாட்டாளர்கள் ஒன்றியம் வன்மையாகக் கண்டித்துள்ளது.

விவசாய நடவடிக்கைகளுக்காக குத்தகை அடிப்படையில் வழங்கப்பட்டு ஆனால் உரிய நோக்கங்களுக்காக பயன்படுத்தப்படாத காணிகளை மீள அரசாங்கத்திற்கு பொறுப்பேற்று அவற்றை பயனுள்ள விவசாய திட்டங்களுக்கு பயன்படுத்துவதற்கான வேலைத்திட்டமொன்றை நடைமுறைப்படுத்துவதற்கு தேவையான நடவடிக்கைகளை எடுக்குமாறு விவசாய கால்நடை காணி மற்றும் நீர்ப்பாசன அமைச்சர் கே. டி. லால்காந்த அறிவுறுத்தல் வழங்கியுள்ளார்.

வாகனங்களைக் கொள்வனவு செய்வதற்காகப் பணம் முதலீடு செய்யப்பட்டமை தொடர்பில் எழுந்த சந்தேகத்தின் அடிப்படையில், பணம் தூயதாக்கல் தடுப்புச் சட்டத்தின் கீழ் கைது செய்யப்பட்ட கொட்டாவில பொலிஸ் நிலையத்தின் நிர்வாகப் பிரிவுக்குப் பொறுப்பான பிரதான பொலிஸ் பரிசோதகர் வருணி கேஷலா போகவத்த உள்ளிட்ட நான்கு சந்தேகநபர்களையும் எதிர்வரும் 06 ஆம் திகதி வரை விளக்கமறியலில் வைக்குமாறு மாத்தறை பிரதான நீதவான் சதுர திஸாநாயக்க நேற்று மாலை உத்தரவிட்டுள்ளார்.

TIN இலக்கத்தைப் பெற்றுக்கொள்வதில் ஏற்பட்டுள்ள நெரிசலைக் குறைக்கும் நோக்கில், TIN இலக்கம் இல்லாதவர்களுக்கு விசேட சலுகை இலக்கம் இல்லாதவர்களும் வங்கிக் கணக்குகளைத் திறக்கவும் வாகன வருமான உரிமங்களைப் புதுப்பிக்கவும் அனுமதி வழங்கப்பட்டுள்ளது.

இரண்டு வகை இறக்குமதி அரிசிகளுக்கு விதிக்கப்பட்டிருந்த கிலோகிராமுக்கு 65 ரூபாய் விசேட பண்டங்கள் வரியை நீக்குவதற்கு அரசாங்கம் நடவடிக்கை எடுத்துள்ளது.

சுற்றுலா மேம்பாட்டிற்காக எனக் கூறி 10 கோடி ரூபாய் அரசாங்கப் பணத்தை நாட்டின் தனியார் தொலைக்காட்சி அலைவரிசை ஒன்று நடத்தும் மாநாடு ஒன்றுக்கு வழங்கியமை குறித்து உரிய விசாரணை நடத்துமாறு கோரி இலஞ்சம் அல்லது ஊழல் பற்றிய குற்றச்சாட்டுகளை புலனாய்வு செய்வதற்கான ஆணைக்குழுவில் முறைப்பாடு செய்யப்பட்டுள்ளது.

2026 நவம்பர் மாதத்திற்குள் நாட்டுக்கு 3 சமையல் எரிவாயு கப்பல்களைக் கொண்டு வருவதற்குத் தேவையான ஏற்பாடுகள் செய்யப்பட்டுள்ளதாக லாஃப்ஸ் எரிவாயு நிறுவனம் அறிவித்துள்ளது.

2026 ஆம் ஆண்டின் முதல் ஆறு மாதங்களுக்குள் இலங்கையில் புதிதாக 487 எச்.ஐ.வி தொற்றாளர்கள் பதிவாகியுள்ளதுடன் இது கடந்த ஆண்டின் இதே காலப்பகுதியுடன் ஒப்பிடுகையில் கணிசமான அதிகரிப்பாகும் என தெரியவந்துள்ளது.

இலங்கையின் மூன்று தசாப்த கால உள்நாட்டு யுத்தத்திற்கு உடனடிக் காரணமாக அமைந்ததாகப் பரவலாகக் கருதப்படும் 1983 ஆம் ஆண்டின் இனக் கலவரம் தொடர்பில் பாராளுமன்ற விசாரணையைக் கோரி, அரச பாராளுமன்ற உறுப்பினர்கள் 50 பேர் பிரேரணையொன்றைச் சமர்ப்பித்துள்ளனர்.