2026 நவம்பர் மாதத்திற்குள் நாட்டுக்கு 3 சமையல் எரிவாயு கப்பல்களைக் கொண்டு வருவதற்குத் தேவையான ஏற்பாடுகள் செய்யப்பட்டுள்ளதாக லாஃப்ஸ் எரிவாயு நிறுவனம் அறிவித்துள்ளது.

இது தவிர, ஹம்பாந்தோட்டையில் அமைந்துள்ள தமது எல்.பி.ஜி முனையத்தை உள்நாட்டுச் சந்தைக்கு எரிவாயு விநியோகிப்பதற்காகப் பயன்படுத்துவதற்குரிய அனுமதிகளைப் பெற்றுக்கொள்வதற்காக அதிகாரிகளுடன் பேச்சுவார்த்தை நடத்தி வருவதாகவும் அந்நிறுவனம் குறிப்பிட்டுள்ளது.

தற்போதைய எரிவாயு விநியோகத் தடைகள் காரணமாக நுகர்வோர் எதிர்கொள்ள வேண்டியேற்பட்டுள்ள சிரமங்கள் குறித்து தமது வருத்தத்தைத் தெரிவித்துள்ள லாஃப்ஸ் நிறுவனம், விநியோகத்தை இயல்பு நிலைக்குக் கொண்டுவருவதற்குத் தொடர்ச்சியாக அர்ப்பணிப்புடன் செயல்படுவதாகவும் வலியுறுத்தியுள்ளது.

நவம்பர் மாதத்தில் வர எதிர்பார்க்கப்படும் சமையல் எரிவாயு கப்பல்கள்,

OQT விநியோகஸ்தர் (ஹம்பாந்தோட்டை துறைமுகம்): நவம்பர் 12 - 14

Geogas விநியோகஸ்தர் (கொழும்பு துறைமுகம்): நவம்பர் 15 - 17

OQT விநியோகஸ்தர் (ஹம்பாந்தோட்டை துறைமுகம்): நவம்பர் 24 - 28

மத்திய கிழக்கு பிராந்தியத்தில் நிலவும் மோதல்கள் மற்றும் ஹோர்முஸ் நீரிணையில் ஏற்படும் கடற்போக்குவரத்துத் தடைகள் காரணமாக உலகளாவிய சமையல் எரிவாயு விநியோகச் சங்கிலி பாதிக்கப்பட்டுள்ள நிலையில், இலங்கையின் விநியோகப் பாதுகாப்பிற்காக லாஃப்ஸ் நிறுவனம் ஹம்பாந்தோட்டையில் 30,000 மெட்ரிக் தொன் சேமிப்புத் திறன் கொண்ட இறக்குமதி மற்றும் ஏற்றுமதி முனையத்திற்காக 65 மில்லியன் அமெரிக்க டொலர் முதலீட்டை மேற்கொண்டுள்ளதாகத் தெரிவித்துள்ளது.

எவ்வாறாயினும், முதலீட்டுச் சபையின் (BOI) 'Commercial Hub' கட்டமைப்பின் கீழ் உள்ள நிபந்தனைகள் மற்றும் கடந்த காலத்தில் ஏற்பட்ட பொருளாதார நெருக்கடிகள் காரணமாக மறுஏற்றுமதி மட்டங்களைப் பேணுவதில் தடைகள் ஏற்பட்டதால், இந்த முனையத்தை உள்நாட்டுச் சந்தைக்கு சமையல் எரிவாயு விநியோகிக்கப் பயன்படுத்துவது வரையறுக்கப்பட்டிருந்ததாக அந்நிறுவனம் கூறியுள்ளது.

ஹம்பாந்தோட்டை முனையத்தை உள்நாட்டு விநியோகங்களுக்காகப் பயன்படுத்துவதற்கு மூன்று மாத கால தற்காலிக அனுமதியைக் கோரியுள்ளதாக அவர்கள் தெரிவித்துள்ளனர்.

அத்துடன், தற்போதுள்ள Hub நிலையிலிருந்து விலகி, உரிய வரிகள் மற்றும் தீர்வை வரிகளைச் செலுத்துவதற்கு உட்பட்டு முனையத்தைப் பராமரித்துச் செல்வதற்குத் தேவையான செயல்பாட்டு வழிமுறைகள் தயாரிக்கப்பட்டு வருவதாகவும் அந்நிறுவனம் குறிப்பிட்டுள்ளது.

ஜனாதிபதியின் அறிவுறுத்தலுக்கு அமைய, தேவையான அனுமதிகளை ஒரு வாரத்திற்குள் வழங்குவதற்கு நடவடிக்கை எடுக்குமாறு திறைசேரியின் செயலாளருக்கு அறிவிக்கப்பட்டுள்ளதாக முதலீட்டுச் சபையின் தலைவர் உறுதிப்படுத்தியுள்ள போதிலும், இதுவரை உரிய அனுமதி கிடைக்கவில்லை என அந்நிறுவனம் சுட்டிக்காட்டியுள்ளது.

இதனிடையே, 2027 ஜனவரி மாதம் முதல் கொழும்பு துறைமுகத்திற்கு நேரடியாக சமையல் எரிவாயுவை கொண்டுவருவதற்காகப் புதிய டெண்டர் கோரப்பட்டுள்ளதாகவும் அந்த அறிவிப்பில் தெரிவிக்கப்பட்டுள்ளது.

தூதரக அல்லது சர்வதேச மட்டத்திலான விவகாரங்கள் தொடர்பில், லாஃப்ஸ் எரிவாயு பி.எல்.சி மற்றும் லாஃப்ஸ் டெர்மினல்ஸ் லிமிடெட் ஆகிய நிறுவனங்கள் ஐக்கிய அமெரிக்க திறைசேரி திணைக்களத்தின் வெளிநாட்டுச் சொத்துக்கள் கட்டுப்பாட்டு அலுவலகத்தினால் (OFAC) தடைகள் விதிக்கப்பட்டு பெயரிடப்பட்ட நிறுவனங்கள் அல்ல என்றும் அந்நிறுவனம் மேலும் தெளிவுபடுத்தியுள்ளது.

உரிய கட்டுப்பாட்டு அனுமதிகள் கிடைத்தவுடன் எரிவாயு விநியோகத்தை முறைப்படி மீண்டும் ஆரம்பிக்க எதிர்பார்ப்பதாக லாஃப்ஸ் நிறுவனம், நுகர்வோருக்கு மேலும் அறிவித்துள்ளது.

மட்டக்களப்பு மயிலத்தமடு மாதவனை மேய்ச்சல் தரை விவகாரம் இனவாத பிரச்சினையல்ல. வாழ்வாதாரத்துடன் தொடர்புடைய ஐந்து இலட்சத்திற்கும் அதிகமான கால்நடைகள் மற்றும் நான்காயிரத்திற்கும் மேற்பட்ட பண்ணையாளர்களுடன் தொடர்புடைய பிரச்சினையாகும்.இதற்கு இனவாத சாயம் பூச முயற்சிப்பது தவறான செயற்பாடாகும் என இலங்கை தமிழரசுக் கட்சியின் பாராளுமன்ற உறுப்பினர் ஞானமுத்து சிறிநேசன் தெரிவித்தார்.

முன்னாள் பாராளுமன்ற உறுப்பினரும், வல்வெட்டித்துறை நகரசபை தலைவருமான எம்.கே. சிவாஜிலிங்கம், பருத்தித்துறை ஆதார வைத்தியசாலையின் தீவிர சிகிச்சைப் பிரிவில் அனுமதிக்கப்பட்டுள்ளார்.

மட்டக்களப்பு மாவட்டத்தில் மயிலத்தமடு – மாதவனை மேய்ச்சல் நிலப் பிரச்சினைக்குத் தீர்வு கோரியும், நீதிமன்றத் தீர்ப்பை நடைமுறைப்படுத்துமாறு வலியுறுத்தியும் 2026 நவம்பர் 2ஆம் திகதி முன்னெடுக்கப்பட்ட மக்கள் கவனயீர்ப்புப் போராட்டம் தொடர்பாக, அமைச்சர் சந்திரசேகரன் நேற்று நாடாளுமன்றத்தில் வெளியிட்ட கருத்துக்களை கிழக்கு மாகாண சிவில் சமூக செயல்பாட்டாளர்கள் ஒன்றியம் வன்மையாகக் கண்டித்துள்ளது.

விவசாய நடவடிக்கைகளுக்காக குத்தகை அடிப்படையில் வழங்கப்பட்டு ஆனால் உரிய நோக்கங்களுக்காக பயன்படுத்தப்படாத காணிகளை மீள அரசாங்கத்திற்கு பொறுப்பேற்று அவற்றை பயனுள்ள விவசாய திட்டங்களுக்கு பயன்படுத்துவதற்கான வேலைத்திட்டமொன்றை நடைமுறைப்படுத்துவதற்கு தேவையான நடவடிக்கைகளை எடுக்குமாறு விவசாய கால்நடை காணி மற்றும் நீர்ப்பாசன அமைச்சர் கே. டி. லால்காந்த அறிவுறுத்தல் வழங்கியுள்ளார்.

வாகனங்களைக் கொள்வனவு செய்வதற்காகப் பணம் முதலீடு செய்யப்பட்டமை தொடர்பில் எழுந்த சந்தேகத்தின் அடிப்படையில், பணம் தூயதாக்கல் தடுப்புச் சட்டத்தின் கீழ் கைது செய்யப்பட்ட கொட்டாவில பொலிஸ் நிலையத்தின் நிர்வாகப் பிரிவுக்குப் பொறுப்பான பிரதான பொலிஸ் பரிசோதகர் வருணி கேஷலா போகவத்த உள்ளிட்ட நான்கு சந்தேகநபர்களையும் எதிர்வரும் 06 ஆம் திகதி வரை விளக்கமறியலில் வைக்குமாறு மாத்தறை பிரதான நீதவான் சதுர திஸாநாயக்க நேற்று மாலை உத்தரவிட்டுள்ளார்.

TIN இலக்கத்தைப் பெற்றுக்கொள்வதில் ஏற்பட்டுள்ள நெரிசலைக் குறைக்கும் நோக்கில், TIN இலக்கம் இல்லாதவர்களுக்கு விசேட சலுகை இலக்கம் இல்லாதவர்களும் வங்கிக் கணக்குகளைத் திறக்கவும் வாகன வருமான உரிமங்களைப் புதுப்பிக்கவும் அனுமதி வழங்கப்பட்டுள்ளது.

இரண்டு வகை இறக்குமதி அரிசிகளுக்கு விதிக்கப்பட்டிருந்த கிலோகிராமுக்கு 65 ரூபாய் விசேட பண்டங்கள் வரியை நீக்குவதற்கு அரசாங்கம் நடவடிக்கை எடுத்துள்ளது.

சுற்றுலா மேம்பாட்டிற்காக எனக் கூறி 10 கோடி ரூபாய் அரசாங்கப் பணத்தை நாட்டின் தனியார் தொலைக்காட்சி அலைவரிசை ஒன்று நடத்தும் மாநாடு ஒன்றுக்கு வழங்கியமை குறித்து உரிய விசாரணை நடத்துமாறு கோரி இலஞ்சம் அல்லது ஊழல் பற்றிய குற்றச்சாட்டுகளை புலனாய்வு செய்வதற்கான ஆணைக்குழுவில் முறைப்பாடு செய்யப்பட்டுள்ளது.

2026 ஆம் ஆண்டின் முதல் ஆறு மாதங்களுக்குள் இலங்கையில் புதிதாக 487 எச்.ஐ.வி தொற்றாளர்கள் பதிவாகியுள்ளதுடன் இது கடந்த ஆண்டின் இதே காலப்பகுதியுடன் ஒப்பிடுகையில் கணிசமான அதிகரிப்பாகும் என தெரியவந்துள்ளது.

இலங்கையின் மூன்று தசாப்த கால உள்நாட்டு யுத்தத்திற்கு உடனடிக் காரணமாக அமைந்ததாகப் பரவலாகக் கருதப்படும் 1983 ஆம் ஆண்டின் இனக் கலவரம் தொடர்பில் பாராளுமன்ற விசாரணையைக் கோரி, அரச பாராளுமன்ற உறுப்பினர்கள் 50 பேர் பிரேரணையொன்றைச் சமர்ப்பித்துள்ளனர்.

சபாநாயகருக்கு எதிராக எதிர்க்கட்சியினால் சமர்ப்பிக்கப்பட்டுள்ள நம்பிக்கையில்லாப் பிரேரணை விவாதத்திற்கு எடுத்துக்கொள்ளப்படாதமை தொடர்பில் எதிர்க்கட்சித் தலைவர் சஜித் பிரேமதாச உள்ளிட்ட எதிர்க்கட்சி நாடாளுமன்ற உறுப்பினர்கள் இன்று (03) நாடாளுமன்றத்தில் சிறப்புரிமைப் பிரச்சினைகளை எழுப்பினர்.

திருகோணமலை, கப்பல்துறை பகுதியில் முச்சக்கரவண்டியொன்றை இலக்கு வைத்து நடத்தப்பட்ட துப்பாக்கிச்சூட்டுச் சம்பவத்தில் கடற்படைச் சிப்பாய் ஒருவர் உயிரிழந்துள்ளதாகப் பொலிஸார் தெரிவித்தனர்.

கொழும்பு மாவட்டத்திற்கான பாராளுமன்ற ஆசனங்களின் எண்ணிக்கை 18 இலிருந்து 19 ஆக உயர்த்தப்பட்டுள்ளதுடன், பதுளை மாவட்டத்திற்கான ஆசன ஒதுக்கீடு ஒன்பதிலிருந்து எட்டாகக் குறைக்கப்பட்டுள்ளது எனத் தேர்தல்கள் ஆணைக்குழு அறிவித்துள்ளது.

சர்ச்சைக்குரிய 'க்ரிஷ்' பணப்பரிமாற்றம் தொடர்பில் விளக்கமறியலில் வைக்கப்பட்டிருந்த ஸ்ரீலங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்‌ஷவை பிணையில் விடுவிக்க கொழும்பு நீதவான் நீதிமன்றம் இன்று உத்தரவிட்டுள்ளது.

யாழ்ப்பாணம் – மன்னார் பிரதான வீதியில் பூநகரி பாடசாலைக்கு அருகில் கைவிடப்பட்டிருந்த பொதியொன்றிலிருந்து 13 கிலோகிராம் ஹெரோயின் மற்றும் ஒரு கிலோகிராம் ஐஸ் போதைப்பொருள் என்பன மீட்கப்பட்டுள்ளதாகப் பொலிஸார் தெரிவித்துள்ளனர்.

ஒழுங்கமைக்கப்பட்ட குற்றத் தடுப்பு சட்டமூலத்திற்கு சவால் விடுத்து உயர் நீதிமன்றத்தில் தாக்கல் செய்யப்பட்டுள்ள 20 மனுக்களின் பிரதிகள் தனக்கு கிடைத்துள்ளதாக பிரதி சபாநாயகர் வைத்தியர் ரிஸ்வி சாலி பாராளுமன்றத்திற்கு அறிவித்துள்ளார்.

மூல ஆதாரம் கண்டறியப்படாத 59 மில்லியன் ரூபாவிற்கும் அதிகமான வைப்பீடுகள் தொடர்பில் தொடரப்பட்ட பணமோசடி வழக்கிலிருந்து டெய்சி ஃபொரெஸ்ட்டை விடுவித்து மேல் நீதிமன்ற நீதிபதி ரஷ்மி சிங்கப்புலி உத்தரவிட்டுள்ளார்.

மாங்குளம் - ஒட்டுசுட்டான் வீதியின் 15ஆம் கட்டைப்பகுதியில் கார் ஒன்று பாலத்துடன் மோதி விபத்துக்குள்ளானதில் மூவர் காயமடைந்து வைத்தியசாலையில் அனுமதிக்கப்பட்டுள்ளனர்.

திருகோணமலை, சீன துறைமுகப் பகுதிக்குட்பட்ட கப்பல்துறை வீதியில் பயணித்த முச்சக்கர வண்டியொன்றின் மீது நேற்று இரவு நடத்தப்பட்ட துப்பாக்கிச் சூட்டுச் சம்பவத்தில் நபரொருவர் உயிரிழந்துள்ளார். அத்துடன் மேலும் இருவர் காயமடைந்து வைத்தியசாலையில் அனுமதிக்கப்பட்டுள்ளனர்.

அரசாங்கம் பயங்கவாத தடைச்சட்டத்தை இல்லாமலாக்குவதாக தெரிவித்து, அந்த சட்டத்தில் இருக்கும் அனைத்து விடயங்களையும் பயங்கரவாதத்தில் இருந்து நாட்டை பாதுகாக்கும் சட்டமூலம் மற்றும் ஒழுங்கமைக்கப்பட்ட குற்றச்செயல்கள் தொடர்பான சட்டமூலத்தில் சேர்த்திருக்கின்றன. அரசாங்கத்துக்கு எதிராக செயற்படுபவர்களை அடக்குவதற்கே அரசாங்கம் இவ்வாறு நடவடிக்கை எடுத்திருக்கிறது என ஐக்கிய தேசிய கட்சியின் முன்னாள் பாராளுமன்ற உறுப்பினர் சமன் ரத்னப்பிரிய தெரிவித்தார்.