வரி செலுத்துவோர் அடையாள இலக்கத்தை (TIN) பெற்றுக் கொள்வதற்காகப் பெருந்திரளான மக்கள் உள்நாட்டு இறைவரித் திணைக்களத்தின் (IRD) தலைமை அலுவலகத்திற்கு வருகை தந்ததால் அங்குப் பாரிய நெரிசல் ஏற்பட்டுள்ளது.

கொழும்பில் நடைபெற்ற ஊடகவியலாளர் சந்திப்பில் உரையாற்றிய உள்நாட்டு இறைவரித் திணைக்களத்தின் பேச்சாளர் நந்தன குமார, பொதுமக்கள் நேரில் வருகை தருவதைத் தவிர்த்து, இணையவழி (Online) முறையைப் பயன்படுத்தித் தங்களது TIN இலக்கங்களைப் பெற்றுக்கொள்ளுமாறு கேட்டுக்கொண்டுள்ளார்.

மேலும், நெரிசலைக் குறைக்கும் பொருட்டு, அத்தியாவசியத் தேவைகளின்றி பிராந்திய அலுவலகங்களுக்கும் விஜயம் செய்வதைத் தவிர்க்குமாறு அவர் கோரிக்கை விடுத்துள்ளார்.

வங்கி மற்றும் நிதிச் செயல்பாடுகள் உட்பட 8 குறிப்பிட்ட பொருளாதார நடவடிக்கைகளின் போது TIN இலக்கத்தைச் சமர்ப்பிப்பது கட்டாயமாக்கப்படும் நடைமுறை நேற்று (நவம்பர் 1) முதல் அமலுக்கு வந்துள்ளது.

இதன்படி, 2023 டிசம்பர் 31 அன்று அல்லது அதற்கு முன்னர் 18 வயதை அடைந்த அனைத்து இலங்கையர்களும், 2024 ஜனவரி 1 அன்று அல்லது அதற்குப் பிறகு 18 வயதை அடையும் நபர்களும் TIN இலக்கத்தைப் பெற்றுக்கொள்வது கட்டாயமாகும்.

குறிப்பாக, வங்கி அல்லது நிதி நிறுவனங்களில் கணக்கு தொடங்குதல், கட்டிடக் கட்டிட அனுமதி பெறல், மோட்டார் வாகனங்களைப் பதிவு செய்தல், சாரதி உரிமத்தைப் புதுப்பித்தல் ஆகியவற்றுக்கு TIN இலக்கம் அவசியமாகும்.அத்துடன், காணி அல்லது காணி உரிமத்தைப் பதிவு செய்தல், வணிகங்களைப் பதிவு செய்தல், இலங்கையில் பதிவு செய்யப்பட்ட நிறுவனங்களின் பங்குகளைப் பரிமாற்றம் செய்தல் மற்றும் கடன் அட்டை (Credit Card) பெறல் ஆகியவற்றின் போதும் இந்த TIN இலக்கம் கட்டாயமாக்கப்பட்டுள்ளது.

இதனிடையே, திட்டமிடப்பட்ட முறைமை பராமரிப்பு மற்றும் புதுப்பித்தல் பணிகள் காரணமாக உள்நாட்டு இறைவரித் திணைக்களத்தின் அதிகாரப்பூர்வ இணையத்தளம் இன்று (02) பிற்பகல் 2.00 மணி முதல் 4.00 மணி வரை தற்காலிகமாகச் செயல்படாது எனவும் அறிவிக்கப்பட்டுள்ளது.

மட்டக்களப்பு மாவட்டத்தின் மயிலத்தமடு - மாதவனை பண்ணையாளர்களுக்கான சரியான நீதியை தற்போதைய அரசாங்கமும் பொலிஸாரும் நிலைநாட்ட வேண்டும் என தெரிவித்து பதாகைகளை ஏந்தியவாறு இன்று திங்கட்கிழமை (02) மட்டக்களப்பு கச்சேரிக்கு முன்னால் மாபெரும் ஆர்ப்பாட்டம் நடத்தப்பட்டது.

வீரத்தின் அடையாளமாக விளங்கும் பல்லவராய மன்னனின் உருவச் சிலைக்கு, இன்றைய தினம் இலங்கைத் தமிழ் அரசுக் கட்சியின் பாராளுமன்ற உறுப்பினர் சிவஞானம் சிறீதரன் மாலை அணிவித்து மரியாதை செலுத்தினார்.

தமிழ் தேசிய மக்கள் முன்னணி கட்சியின் தேசிய அமைப்பாளர் தர்மலிங்கம் சுரேஸை,கொழும்பிலுள்ள பயங்கரவாத தடுப்பு பிரிவு காரியாலயத்துக்கு வருமாறு அழைப்பு விடுக்கப்பட்டுள்ளது என கட்சியின் செயலாளரும் முன்னாள் பாராளுமன்ற உறுப்பினருமான செல்வராசா கஜேந்திரன் தெரிவித்தார்.

அவுஸ்திரேலியாவின் மெல்போர்ன் நகரிலிருந்து கட்டுநாயக்க விமான நிலையத்துக்கு வந்த ஸ்ரீலங்கன் எயார்லைன்ஸ் விமானமொன்றில் திடீரென புகைப்படர்ந்தமையினால் நேற்றிரவு அவசரமாகத் தரையிறக்கப்பட்டது.

அனைத்துலகத் தமிழர் பேரவை (FGT), தாயகத்திலும் புலம்பெயர் நாடுகளிலும் வாழும் ஈழத் தமிழர்களையும், பேரவையின் நோக்கங்களில் பற்றுறுதி கொண்ட ஏனையோரையும் உறுப்பினர்களாக இணைந்து, பேரவையின் எதிர்காலத்தை வடிவமைப்பதில் பங்கேற்குமாறு அழைக்கிறது.

வங்காள விரிகுடாவின் மேற்கு-மத்திய மற்றும் அதனை ஒட்டிய தென்மேற்குப் பகுதியில் மையம் கொண்டிருந்த 'முரசு' புயல், தீவிரப் புயலாக வலுவடைந்துள்ளதாக வளிமண்டலவியல் திணைக்களம் அறிவித்துள்ளது.

கண்டி, பல்லேகலை தும்பர சிறைச்சாலையிலிருந்து தப்பிச் செல்ல முயன்றதாகக் கூறப்படும் விளக்கமறியல் கைதி ஒருவர், சிறைச்சாலை அதிகாரி நடத்திய துப்பாக்கிச் சூட்டில் உயிரிழந்துள்ளார்.

அனலைதீவு ஆறாம் வட்டாரம் பகுதியில் உள்ள வீடொண்டில் மேற்கொண்ட திடீர் சோதனையின் போது இரண்டு வாள்களுடன், 20 வயது இளைஞர் அதிரடியாக கைது செய்யப்பட்டுள்ளதாக பொலிசார் தெரிவித்துள்ளனர்.

யாழ்ப்பாணத்தைச் சேர்ந்த குடும்பஸ்தர் ஒருவர், நண்பர்களுடன் வெளியில் சென்ற நிலையில் இன்று (02) குளமொன்றில் இருந்து சடலமாக மீட்கப்பட்டுள்ளார்.

இலங்கை பெற்றோலியக் கூட்டுத்தாபனம் நேற்று (01) நள்ளிரவு முதல் அமுலுக்கு வரும் வகையில் எரிபொருள் விலைகளை அதிகரித்துள்ளது. இதன்படி, ஒக்டேன் 92 ரக பெற்றோலின் விலை லீற்றருக்கு 10 ரூபாவால் அதிகரிக்கப்பட்டு 424 ரூபாவாகவும், ஒக்டேன் 95 ரக பெற்றோலின் விலை லீற்றருக்கு 15 ரூபாவால் அதிகரிக்கப்பட்டு 490 ரூபாவாகவும் நிர்ணயிக்கப்பட்டுள்ளது.

இலங்கை பெற்றோலிய கூட்டுத்தாபனம் எரிபொருட்களின் விலையினை அதிகரித்த நிலையில் லங்கா ஐ.ஓ.சி நிறுவனமும் எரிபொருட்களின் விலையில் திருத்தம் மேற்கொண்டுள்ளது.

யாழ்ப்பாணம், அளவெட்டி - அழுக்கை சந்தி பகுதியில் நேற்று இடம்பெற்ற மோட்டார் சைக்கிள் விபத்தில் இரண்டு இளைஞர்கள் சம்பவ இடத்திலேயே உயிரிழந்துள்ளனர். சுன்னாகம் பகுதியைச் சேர்ந்த 17 மற்றும் 24 வயதுடைய இரு இளைஞர்களே இவ்வாறு உயிரிழந்துள்ளனர்.

மட்டக்களப்பில் மாவீரர் மாதத்தை முன்னிட்டு தமிழ் தேசிய மக்கள் முன்னணி கட்சியினர் தரவை மாவீரர் துயிலும் இல்லத்தில் சிரமதான பணி ஞாயிற்றுக்கிழமை (01) ஆரம்பித்து மாவீர்களின் கல்லறைக்கு கட்சியின் செயலாளர் செல்வராசா கஜேந்திரன். தேசிய அமைப்பாளர் தர்மலிங்கம் சுரேஸ் மற்றும் கட்சி உறுப்பினர்கள் மலர் தூவி அஞ்சலி செலுத்தினர்.

எரிவாயு சிலிண்டர்களைப் பதுக்கி வைத்தல், விற்பனையைக் கட்டுப்படுத்துதல், நிர்ணயிக்கப்பட்ட அதிகபட்ச சில்லறை விலையை விட அதிக விலைக்கு விற்பனை செய்தல் மற்றும் அனுமதியற்ற மேலதிக கட்டணங்களை அறவிடுதல் போன்ற நடவடிக்கைகளில் ஈடுபட வேண்டாம் என அங்கீகரிக்கப்பட்ட அனைத்து விநியோகஸ்தர்களுக்கும் லிட்ரோ நிறுவனம் கடுமையான எச்சரிக்கை விடுத்துள்ளது.

பெண்களின் உடலமைப்பு, உடல் அங்கங்கள் மற்றும் வெளித்தோற்றம் தொடர்பில் பொது மேடைகளில் தெரிவிக்கப்படும் பாலியல் தன்மையிலான கருத்துகள் வெறுமனே அசௌகரியத்தை ஏற்படுத்தும் பேச்சுகளாக மட்டும் கருதப்பட முடியாது. மாறாக, அவை பெண்களைத் தாழ்த்தி ஆணாதிக்க அதிகாரத்தை நிலைநாட்டும் உத்தியாகவும் அமைகின்றன என சம உரிமை இயக்கம் சுட்டிக்காட்டியுள்ளது.

கிளிநொச்சி கனகபுரம் மாவீரர் துயிலும் இல்லத்தில் தமிழ்த் தேசிய மாவீரர் நாள் ஏற்பாடுகளுக்கான ஆரம்ப நாள் நிகழ்வும், விசேட கலந்துரையாடலும் நேற்றையதினம் நடைபெற்றன.

பல்லேகலை - தும்பறை சிறைச்சாலையிலிருந்து தப்பிச் செல்ல முயன்ற கைதி ஒருவர், சிறைச்சாலை அதிகாரி ஒருவரால் மேற்கொள்ளப்பட்ட துப்பாக்கிச் சூட்டில் நேற்று பிற்பகல் உயிரிழந்துள்ளார்.

ஒழுங்கமைக்கப்பட்ட குற்றச்செயல்களை தடுத்தல் சட்டமூலத்துக்கு சாதாரண மக்கள் எதிர்ப்பு தெரிவிக்கவில்லை. பாதாளக் குழுக்கள் மற்றும் போதைப்பொருளுக்கு கடுமையான நடவடிக்கைகளை எடுக்க வேண்டுமாயின் இந்த சட்டம் நிறைவேற்றப்பட வேண்டும். இன்னும் ஒருமாத காலத்துக்குள் இந்த சட்டம் நிறைவேற்றப்படும் என பொதுமக்கள் பாதுகாப்பு மற்றும் பாராளுமன்ற விவகாரங்கள் அமைச்சர் ஆனந்த விஜேபால தெரிவித்தார்.

பொகவந்தலாவ பகுதியில் 10 வயது சிறுவன் ஒருவன் ஆற்றில் விழுந்து உயிரிழந்துள்ளதாக பொலிஸார் தெரிவித்துள்ளனர். பொகவந்தலாவ, லின்பொட் தோட்டப் பகுதியில் வசித்து வந்த 5 ஆம் தரத்தில் கல்வி கற்ற மாணவரொருவரே உயிரிழந்தவர் என அடையாளம் காணப்பட்டுள்ளார்.

யாழ்ப்பாணம் - நல்லூர் பகுதியில் அமைந்துள்ள தியாக தீபம் திலீபனின் நினைவாலயத்தின் அனுமதியின்றிய கட்டுமானங்களை உடனடியாக இடித்து அகற்றுமாறு யாழ்.மாவட்ட பிரதி காவல்துறைமா அதிபர் யாழ்ப்பாணம் மாநகர சபைக்கு கடிதம் மூலம் அறிவித்துள்ளார்.