முன்னாள் ஜனாதிபதி கோட்டாபய ராஜபக்ஷவுக்கு எதிராக மக்கள் வீதிகளில் இறங்கியதைப் போலவே, இந்த அரசாங்கத்திற்கு எதிராகவும் அவர்கள் வீதிகளில் இறங்குவார்கள் என உளவுத்துறைத் தகவல்கள் எச்சரித்துள்ளன. இதனால், அரசாங்கம் தனது திறமையின்மையை மூடிமறைப்பதற்காக அரசு அதிகாரத்தைத் தவறாகப் பயன்படுத்தத் தொடங்கியுள்ளது என்று ஐக்கிய மக்கள் சக்தியின் பாராளுமன்ற உறுப்பினர் ரோஹன பண்டார தெரிவித்தார்.

கொழும்பில் ஞாயிற்றுக்கிழமை (25) ஊடகங்களுக்கு கருத்து தெரிவிக்கும்போதே அவர் மேற்கண்டவாறு குறிப்பிட்டார்.

அரசாங்கத்தால் முன்வைக்கப்பட்டுள்ள புதிய பயங்கரவாத எதிர்ப்புச் சட்டமூலம் தொடர்பாக சமூகத்தில் பெரும் விவாதம் உருவெடுத்துள்ளது. நாட்டில் ஏற்கனவே நடைமுறையிலிருந்த பயங்கரவாதத் தடுப்புச் சட்டத்தின் மூலம், முப்பது ஆண்டுகாலக் கொடூரமான பயங்கரவாதத்தையும், தெற்கில் 1970 மற்றும் 1988-89 காலப்பகுதிகளில் உருவான பயங்கரவாதப் போராட்டங்களையும் வெற்றிகரமாகக் கட்டுப்படுத்த முடிந்தது.

கடந்த காலத்தில் பயங்கரவாத இயக்கங்களை நடத்தி, பொதுச் சொத்துக்களை அழித்து, அப்பாவி மக்களைப் பலிகொண்ட வம்சாவழியுடன் தொடர்புடைய தரப்பினரே தற்போதைய அரசாங்கத்திலும் செல்வாக்குச் செலுத்துகின்றனர். நாட்டில் மீண்டும் பயங்கரவாதம் இல்லாதவொரு சூழலில், தற்போதைய ஆட்சியாளர்கள் இப் புதிய சட்டமூலத்தைக் கடுமையாக்கி அவசர அவசரமாகக் கொண்டுவர முற்படுவது ஏன் என்ற கேள்வி எழுந்துள்ளது.

அரசாங்கம் ஆட்சி நிர்வாகத்தைக் கொண்டு நடத்துவதில் முற்றாகத் தோல்வியடைந்துள்ளதுடன், மக்களுக்கு அளித்த வாக்குறுதிகளில் இரண்டைக் கூட நிறைவேற்ற முடியாத நிலையில் உள்ளது. இதனால் பொதுமக்கள், முன்னாள் ஜனாதிபதி கோட்டாபய ராஜபக்ஷவின் ஆட்சிக் காலத்தில் இடம்பெற்றதைப் போன்று, எந்த நேரத்திலும் அரசாங்கத்திற்கு எதிராக மீண்டும் வீதியில் இறங்கிப் போராடுவார்கள் எனப் புலனாய்வுத் தகவல்களும் அரசியல் கணிப்புகளும் எச்சரித்துள்ளன.

இதன் காரணமாகவே, வாக்குறுதிகள் நிறைவேற்றப்படாததால் எழும் மக்கள் போராட்டங்களை ஒடுக்கவும், அப்போராட்டங்களுக்குத் தலைமை தாங்கும் நபர்களைக் கைது செய்து நீண்ட காலம் தடுப்புக் காவலில் வைத்து விசாரணை நடத்துவதற்கும் அரசாங்கம் இச் சட்டத்தைப் பயன்படுத்தத் திட்டமிடுகிறது.

இப் புதிய சட்ட வரைவில் பச்சை குத்துதல், முடி அலங்காரம் மற்றும் ஆடை வடிவமைப்பு தொடர்பான விசித்திரமான பிரிவுகளும் சேர்க்கப்பட்டுள்ளதாகச் சுட்டிக்காட்டப்பட்டுள்ளது.

இது அரசாங்கம் கடும் அச்சத்தில் இயங்குவதையே காட்டுகிறது. ஒருபுறம் மதகுருமார்களின் சாபங்களுக்கு அரசாங்கம் பயப்படுகிறது, மறுபுறம் மதச்சார்பற்றவர்களாக இருந்தவர்கள் தற்போது வழிபாட்டுத் தலங்களை நாடிச் செல்லும் போக்கும் காணப்படுகிறது. அரசாங்கம் தனது இயலாமையை மறைத்து, சர்வாதிகார ஆட்சியை முன்னெடுத்துச் செல்வதற்காகவே அரச அதிகாரத்தையும் இத்தகைய சட்ட வரைவுகளையும் தயார் செய்து வருகிறது.

கடந்த தேர்தலில் பொதுமக்கள் செய்த தவறு காரணமாக அரசாங்கத்திற்கு பாராளுமன்றத்தில் மூன்றில் இரண்டு (2/3) பெரும்பான்மை பலம் கிடைத்துள்ளதால், பாராளுமன்றத்திற்குள்ளேயே இச் சட்டத்தைத் தடுத்து நிறுத்த முடியாது. எனவே, அரசாங்கத்திற்கு வழங்கிய ஆணையை திரும்பப் பெற்று, இப் புதிய சட்டத்திற்கு எதிராக நாட்டின் முற்போக்காளர்களும் தேசப்பற்றாளர்களும் இணைந்து விரைவாகச் செயற்பட வேண்டும் என்றும், பொதுமக்கள் இச் செயல் திட்டத்திற்கு எதிராக உடனடியாக விழிப்படைய வேண்டும் என்றும் கோரிக்கை விடுத்தார்.

பயங்கரவாதத்தில் இருந்து அரசை பாதுகாக்கும் சட்டம் மற்றும் ஒழுங்கமைக்கப்பட்ட குற்றங்களைத் தடுக்கும் சட்டமூலம் என்பன நாட்டு மக்களின் அடிப்படை உரிமை மற்றும் சுதந்திரத்துக்கு பாரிய அச்சிறுத்தலாகும். அதனால் இலங்கை கம்யூனிஸ்ட் கட்சி, இந்த இரண்டு சட்டமூலங்களையும் வன்மையாக நிராகரிக்கிறது என சிறிலங்கா கம்யூனிஸ்ட் கட்சி தெரிவித்துள்ளது.

2026 ஆம் ஆண்டுக்கான வரவு – செலவுத் திட்டத்தில் அபிவிருத்திக்காக ஒதுக்கப்பட்ட 1,380 பில்லியன் ரூபாயில், செப்டெம்பர் 30 ஆம் திகதி வரையில் 385 பில்லியன் ரூபாய் மாத்திரமே செலவிடப்பட்டுள்ள நிலையில், அட்டன் நகர அபிவிருத்திக்காக ஒதுக்கப்பட்ட 50 கோடி ரூபாயும் முழுமையாகப் பயன்படுத்தப்படவில்லை என தமிழ் முற்போக்குக் கூட்டணியின் தலைவரும் பாராளுமன்ற உறுப்பினருமான மனோ கணேசன் குற்றம் சாட்டினார்.

லங்கா ஐ.ஓ.சி. நிறுவனத்தின் ஒக்டேன் 95 பெட்ரோல் விலை லீற்றருக்கு 20 ரூபாவால் அதிகரிக்கப்பட்டுள்ளது. எனினும், ஒக்டேன் 92 பெட்ரோல், டீசல் உள்ளிட்ட ஏனைய எரிபொருள் வகைகளின் விலைகளில் எவ்வித மாற்றமும் மேற்கொள்ளப்படவில்லை என அறிவிக்கப்பட்டுள்ளது. இந்த விலைத் திருத்தம் ஒக்டேன் 95 பெட்ரோலுக்கு மாத்திரம் பொருந்தும் என லங்கா ஐ.ஓ.சி. நிறுவனம் தெரிவித்துள்ளது.

தமிழீழ விடுதலைப் புலிகள் அமைப்புடன் தொடர்புடையவர்களின் நினைவேந்தல் நிகழ்வுகளுக்கும் முள்ளிவாய்க்கால் நினைவேந்தலுக்கும் அனுமதி வழங்கும் அரசாங்கம், மறுபுறம் மக்களை அடக்குவதற்காகப் புதிய சட்டங்களைக் கொண்டுவர முயற்சிக்கின்றது என்று சர்வஜன அதிகாரம் குற்றஞ்சாட்டியுள்ளது.

கொழும்பு, விஹாரமஹாதேவி பூங்காவில், கலகொடஅத்தே ஞானசார தேரரை விடுதலை செய்யக் கோரி முன்னெடுக்கப்பட்ட தொடர்ச்சியான சத்தியாக்கிரகப் போராட்டம் தற்காலிகமாக இடைநிறுத்தப்பட்டுள்ளதாக உலப்பனே சுமங்கல தேரர் ஞாயிற்றுக்கிழ​மை (25) தெரிவித்தார்.

அரசாங்கம் தேவைக்கு அதிகமாக அச்சமடைந்துள்ளதுடன், எதிர்காலத்தில் ஏகபோக மற்றும் எதேச்சதிகார ஆட்சியை முன்னெடுப்பதற்குத் தேவையான பின்னணியை உருவாக்கும் நோக்கில் புதிய பயங்கரவாத அடக்குமுறை சட்டமூலங்களின் ஊடாக மேலதிக அதிகாரங்களைத் தனது கைகளில் எடுத்துக்கொள்ள முயற்சிக்கின்றது என ஜனநாயக இடதுசாரி முன்னணியின் தலைவர் வாசுதேவ நாணயக்கார குற்றம்சாட்டினார்.

தற்போது நிலவும் மழை நிலைமையினால் ஏற்படக்கூடிய அனர்த்த சூழ்நிலைகளை எதிர்கொள்வதற்குத் தேவையான அனைத்து ஏற்பாடுகளும் தயார் நிலையில் உள்ளதாக அனர்த்த முகாமைத்துவ நி​லையம் தெரிவித்துள்ளது.

அதிக விலைக்கு இறக்குமதி செய்யப்பட்ட கீரி சம்பா அரிசியை விற்பனை செய்த அம்பாறை பகுதியிலுள்ள பல்பொருள் அங்காடிக்கு (சூப்பர் மார்க்கெட்) ஒன்றுக்கு 5 இலட்சம் ரூபாய் அபராதம் விதிக்கப்பட்டுள்ளது.

போதைப்பொருள் குற்றச்சாட்டு தொடர்பில் ஞாயிற்றுக்கிழமை அதிகாலை ஹோமாகம பொலிஸாரால் கைது செய்யப்பட்டு, பொலிஸ் தடுப்புக்காவலில் வைக்கப்பட்டிருந்த இளைஞர் ஒருவர் தாக்கப்பட்டு உயிரிழந்துள்ளதாக அவரது உறவினர்கள் குற்றஞ்சாட்டுகின்றனர்.

தியாக தீபம் திலீபனின் திருவுருவச் சிலை விவகாரம் தொடர்பாக தமிழ் தேசிய மக்கள் முன்னணியின் செயலாளர் செல்வராசா கஜேந்திரனிடம் யாழ்ப்பாணம் மாவட்ட குற்றத்தடுப்பு பிரிவினர் இன்று 3 மணிநேரம் விசாரணைகள் முன்னெடுத்தனர்.

பலாலி மக்களின் பூர்வீக வாழிடங்களையும் காணிகளையும் விடுவிக்கக் கோரி முன்னெடுக்கப்படும் போராட்டம், கொட்டும் மழையையும் பொருட்படுத்தாது இன்று 19 ஆவது வாரமாகவும் யாழ்ப்பாணம் - பலாலிச் சந்தியில் தொடர்ந்தது.

யாழ்ப்பாணத்தில் படையினரால் கொல்லப்பட்டவர்களின் உடல்கள் செம்மணியில் புதைக்கப்பட்டதாகத் தான் ஏற்கனவே வெளிப்படுத்திய தகவல்கள் முற்றிலும் உண்மையானவை என்றும், அவற்றைத் தான் சுயநினைவுடனேயே வெளிப்படுத்தியதாகவும் மீளவும் உறுதிப்படுத்தியுள்ள மரணதண்டனைக்கைதி லான்ஸ் கோப்ரல் சோமரத்ன ராஜபக்‌ஷ, தற்போது செம்மணி - சித்துபாத்தி மயானத்தை அண்மித்த பகுதியிலிருந்து அகழ்ந்தெடுக்கப்பட்டுள்ள மனித எலும்புக்கூடுகளில் படையினரால் கொல்லப்பட்டோரின் எலும்புக்கூடுகளும் இருக்கக்கூடும் எனவும் தெரிவித்துள்ளார்.

எதிர்வரும் 27 ஆம் திகதி காலையளவில் வங்காள விரிகுடாவின் மேற்கு-மத்திய கடற்பகுதியில் பலத்த சூறாவளி நிலைமை ஏற்படுவதற்கான சாத்தியக்கூறுகள் காணப்படுவதாக வளிமண்டலவியல் திணைக்களம் தெரிவித்துள்ளது.

காலி துறைமுகத்திற்கு அருகில் நிறுத்திவைக்கப்பட்டிருந்த ஈரானிய கச்சா எண்ணெய் கப்பலிலுள்ள பணியாளர்கள் 27 பேர் திடீர் சுகவீனம் காரணமாக கொழும்பு தனியார் வைத்தியசாலையில் அனுமதிகப்படவுள்ளதாக தெரிவிக்கப்படுகிறது.

ஹபராதுவை பொலிஸ் பிரிவுக்குட்பட்ட கொக்கல பகுதியில் உள்ள ரயில்வே கடவையில் பஸ் ஒன்று ரயிலுடன் மோதி இன்று பிற்பகல் இடம்பெற்ற விபத்தில் காயமடைந்த சிறுவர்களின் எண்ணிக்கை 10 ஆக உயர்ந்துள்ளது.

பலாலியில் உயர் பாதுகாப்பு வலயத்திற்குள் உள்ள பொதுமக்களின் பூர்வீகக் காணிகளை உடனடியாக விடுவிக்கக் கோரி முன்னெடுக்கப்பட்ட போராட்டத்தின்போது, பொதுப் போக்குவரத்துக்கு இடையூறு ஏற்படுத்தியதாகக் கூறி ஐந்து பேருக்கு எதிராகத் தாக்கல் செய்யப்பட்ட வழக்கு எதிர்வரும் டிசம்பர் மாதம் 17ஆம் திகதிக்கு ஒத்திவைக்கப்பட்டுள்ளது.

இந்த ஆண்டில் இதுவரை நாட்டுக்கு வருகை தந்த வெளிநாட்டு சுற்றுலாப் பயணிகளின் எண்ணிக்கை 18 இலட்சத்தைக் கடந்துள்ளது. இலங்கை சுற்றுலா அபிவிருத்தி அதிகாரசபை வெளியிட்டுள்ள புதிய தரவுகளின்படி, ஜனவரி 1 ஆம் திகதி முதல் ஒக்டோபர் 22 ஆம் திகதி வரையிலான காலப்பகுதியில் 1,813,484 சுற்றுலாப் பயணிகள் நாட்டிற்கு வருகை தந்துள்ளனர்.

மட்டக்களப்பு, முகத்துவாரம் ஆற்று வாய் பகுதிக்கு நேராக உள்ள கரையற்ற ஆழ்கடற்பரப்பில் ஆண் ஒருவரின் சடலம் மிதந்து கொண்டிருப்பதாக மீனவர்கள் இன்று தெரிவித்துள்ளனர்.

கட்டான, கிரிஉல்ல பகுதியில் 21 கிலோ 750 கிராமிற்கும் அதிகமான ஹெரோயின் போதைப்பொருளுடன் நபர் ஒருவர் பொலிஸ் போதைப்பொருள் ஒழிப்புப் பணியகத்தால் கைது செய்யப்பட்டுள்ளார்.போதைப்பொருள் தொடர்பில் முன்னர் கைது செய்யப்பட்ட இரு சந்தேகநபர்களிடம் மேற்கொள்ளப்பட்ட விசாரணைகளில் வெளிவந்த தகவல்களின் அடிப்படையில் இந்தச் சோதனை நடவடிக்கை முன்னெடுக்கப்பட்டுள்ளதாகத் தகவல்கள் தெரிவிக்கின்றன.

செம்மணி மனிதப்புதைகுழி விவகாரத்தைப் பொறுத்தமட்டில், சுயாதீன நெறிமுறைகளுடன்கூடிய சர்வதேச கண்காணிப்பு வேண்டும் என்ற தமிழர்களின் கோரிக்கையை கனடா ஆதரிக்கவேண்டும். பெருமளவில் மனிதப்புதைகுழிகள் கண்டறியப்பட்ட இடங்களில் பணியாற்றிய சொந்த அனுபவத்தைப் பயன்படுத்தி, இதற்கான சர்வதேசக் கூட்டமைப்பொன்றை கனடாவினால் உருவாக்கமுடியும் என கலாநிதி மரியோ அருள்தாஸ் சுட்டிக்காட்டியுள்ளார்.