மக்களவைத் தேர்தல் ஏழு கட்டங்களாக வாக்குப்பதிவு நடைபெற்று வருகிறது. அதன்படி, ஐந்து கட்டங்களாக 430 தொகுதிகளில் நடைபெற்று முடிந்துள்ளது. அதனைத் தொடர்ந்து, நாளை (25-05-24) ஆறாம் கட்டமாக 57 தொகுதிகளில் நடைபெறவுள்ளது. இதற்கான தேர்தல் பிரச்சாரம் நேற்று மாலை 6 மணியுடன் முடிந்தது. மேலும், ஜூன் 1ஆம் தேதி நடைபெறும் கடைசி கட்ட வாக்குப்பதிவை எதிர்கொண்டு அரசியல் கட்சியினர் தீவிர பிரச்சாரம் மேற்கொண்டு வருகின்றனர்.

அந்த வகையில் காங்கிரஸ் மூத்த தலைவர் ராகுல் காந்தி, ஹரியானா பஞ்ச்குலா பகுதியில் காங்கிரஸ் சார்பில் நடத்தப்பட்ட தேர்தல் பிரச்சாரப் பொதுக்கூட்டத்தில் கலந்து கொண்டு பேசினார். அப்போது அவர், “பதவியில் இருக்கும் இரண்டு முதல்வர்கள் கைது செய்யப்பட்டனர், முதலில் சிறைக்குச் சென்ற ஜார்க்கண்ட் முன்னாள் முதல்வர் ஹேமந்த் சோரன் இன்னும் சிறையில் இருக்கிறார். ஏனென்றால் அவர் பழங்குடி சமூகத்தைச் சேர்ந்தவர். மாயாவதி ஊழல்வாதி ஆனால் நவீன் பட்நாயக் அல்ல. லாலு யாதவ் ஊழல்வாதி. யாராவது பழங்குடியினர் அல்லது பட்டியலினத்தவர் என்றால், அவர் தானாகவே கட்டமைக்கப்படுகிறார்.

பிரதமரின் வீட்டிற்கு, எனது பாட்டி, அதன் பின்னர் தந்தை பிரதமராகவும், பின்னர் டாக்டர் மன்மோகன் சிங் பிரதமராகவும் இருந்தபோது, ​​நான் செல்வது வழக்கம். எனவே எனக்கு உள்ளே இருந்து அமைப்பு தெரியும். இந்த அமைப்பு தாழ்த்தப்பட்டோருக்கு எதிராக ஒரு முக்கிய வழியில் ஒவ்வொரு மட்டத்திலும் இணைக்கப்பட்டுள்ளது என்று நான் கூறுகிறேன். நான் ஜூன் 19, 1970 இல் பிறந்ததிலிருந்து அமைப்பின் உள்ளே இருக்கிறேன். அதனால் அதன் அமைப்பை நீங்கள் என்னிடமிருந்து மறைக்க முடியாது.

பட்டியலினத்தவர்கள், ஓபிசிகள், பழங்குடியினர் மற்றும் சிறுபான்மையினர் உட்பட நாட்டின் பெரும்பான்மையான மக்கள் நாட்டின் அதிகார அமைப்பில் பிரதிநிதித்துவம் பெறவில்லை. பட்டியலினத்தவர்கள், பழங்குடியினர் மற்றும் ஓபிசிகளின் சமூகங்களைச் சேர்ந்தவர்கள் ஊடகங்களில் மூத்த அறிவிப்பாளர்கள், செல்வாக்கு செலுத்துபவர்கள், ஊடக உரிமையாளர்கள் அல்லது மேலாளர் பதவிகளில் பிரதிநிதித்துவம் இடம்பெறவில்லை” எனத் தெரிவித்தார்.

ஜார்க்கண்ட் மாநில முதல்வராகப் பதவி வகித்து வந்த ஜார்க்கண்ட் முக்தி மோர்ச்சா கட்சியின் தலைவர் ஹேமந்த் சோரன் சுரங்க முறைகேட்டுடன் தொடர்புடைய பண மோசடியில் ஈடுபட்டதாகக் கூறி, அவர் மீதான சட்ட விரோதப் பணப்பரிமாற்ற வழக்கை அமலாக்கத்துறை விசாரித்து வந்தது. அதன்படி கடந்த ஜனவரி 31 ஆம் தேதி (31.01.2024) ஹேமந்த் சோரனிடம், அமலாக்கத்துறை அதிகாரிகள் சுமார் 7 மணி நேரம் மேற்கொண்ட விசாரணைக்குப் பிறகு ஹேமந்த் சோரன் கைது செய்யப்பட்டார் என்பது குறிப்பிடத்தக்கது.

திருப்பத்தூர் மாவட்டம் ஆம்பூர் காதர்பேட்டை மசூதி தெருவைச் சேர்ந்தவர் பராஸ் அகமது (29). இவர் ஆம்பூரில் பழைய இரும்பு மற்றும் தோல்பொருட்கள் விற்பனை கடை நடத்தி வருகிறார். இவர் வேலூர், ராணிப்பேட்டை, திருப்பத்தூர் மாவட்டத்தை சேர்ந்த வியாபாரிகள் பலர் இவருடைய கடையில் இருந்து இரும்பு, தோல்பொருட்களை தவணையில் வாங்கி செல்வதும், அதற்கான பணத்தை சில நாட்களில் பராஸ் அகமது நேரில் சென்று வசூலிப்பது வழக்கம்.

சிதம்பரம் அருகே உள்ள துணிசிரமேடு கிராமத்தைச் சேர்ந்த சிறுமியிடம் ஆன்லைன் மூலம் பழகி செல் போனில் இன்ஸ்டாகிராம் மூலம் ஆபாசமான புகைப்படங்களை சமூக வலைத்தளங்களில் வெளியிடுவதாக மிரட்டிய ஆந்திர மாநில வாலிபரை சிதம்பரம் தாலுகா போலீசார் கைது செய்தனர்.

கோவையில் நடு சாலையில் காரை மறித்து பயங்கர ஆயுதங்களுடன் மர்ம நபர்கள் தாக்குதல் நடத்தும் வீடியோ காட்சிகள் இணையத்தில் வைரலாகி வருகிறது. கோவை மாவட்டம் மதுக்கரை எல்என்டி பைபாஸ் அருகே இரவு நேரத்தில் கேரள பதிவெண் கொண்ட காரை நடுசாலையிலேயே கார் ஒன்று வழிமறித்து நின்றது. திடீரென அந்த காரில் இருந்து இறங்கிய முகமூடி அணிந்த நபர்கள் சிலர் வழிமறிக்கப்பட்டு நின்ற வானகத்தில் இருந்தவர்களை கையில் வைத்திருந்த பயங்கர ஆயுதங்களால் தாக்க முயன்றனர்.

தமிழ்நாட்டின் 1076 கிலோமீட்டர் நீளமுள்ள கடற்கரையில் வரலாற்று ரீதியாக ஆமைகள் கூடு கட்டுவதற்காக வருகை தருகின்றன. ஆலிவ் ரிட்லி, பச்சை ஆமை, ஹாக்ஸ்பில் ஆமை, லாக்கர்ஹெட் ஆமை மற்றும் லெதர்பேக் ஆமை ஆகிய ஐந்து வகையான கடல் ஆமைகள் தமிழக கடற்கரைக்கு வருகை தருகின்றன. இவற்றில், முக்கியமாக ஆலிவ் - ரிட்லி ஆமைகள் அதிக எண்ணிக்கையில் வருகின்றன. அவை கூடு கட்டுவதற்கும் மற்றும் அவற்றின் தீவனமாகவும் தமிழ்நாட்டின் தென்பகுதியான கோரமண்டல் கடற்கரை அறியப்படுகின்றன, அதேசமயம் மற்ற வகை ஆமைகள் தற்போது கூடு கட்டுவது அரிதாக உள்ளன.

திமுகவின் முன்னாள் தலைவரும் தமிழகத்தின் முன்னாள் முதல்வருமான கலைஞரின் நூற்றாண்டு நிறைவு, நாடாளுமன்ற மக்களவைத் தேர்தலில் நாற்பது தொகுதிகளிலும் வெற்றியளித்த மக்களுக்கு நன்றி தெரிவிக்கும் விழா, மக்களவைத் தேர்தலில் திமுகவின் வெற்றிக்காக வழிநடத்திச் சென்ற முதல்வர் மு.க. ஸ்டாலினுக்கு பாராட்டு விழா என ‘முப்பெரும் விழா’ கோவை கொடிசியா மைதானத்தில் நேற்று (15.06.2024) நடைபெற்றது.

விழுப்புரம் மாவட்டம் விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்துள்ளது. அரசியல் கட்சிகள் வேட்பாளர்களை அறிவிப்பதில் தீவிரம் காட்டி வரும் நிலையில் அதிமுக இந்த இடைத் தேர்தலை புறக்கணிக்க முடிவெடுத்துள்ளது.

விக்கிரவாண்டி இடைத்தேர்தலை அதிமுக புறக்கணிப்போவதாக அக்கட்சியின் பொதுச்செயலாளர் எடப்பாடி பழனிசாமி தெரிவித்துள்ளார். வருகிற ஜூலை 10 ஆம் திகதி விக்கிரவாண்டி இடைத்தேர்தல் நடைபெறவுள்ள நிலையில் தற்போது வேட்பாளர்களின் வேட்புமனுத் தாக்கல் நடைபெற்று வருகிறது. அந்த வகையில் அதிமுக சார்பிர் யார் களமிருங்குவார் என்ற எதிர்பார்ப்பு அனைவரிடமும் இருந்து வந்தது.

திமுக பேச்சாளர் சிவாஜி கிருஷ்ணமூர்த்தி மீது வழக்கு தொடர்வேன் என்று நடிகை குஷ்பு ஆவேசமாக தெரிவித்துள்ளார். சென்னையில் கடந்த சில நாட்களுக்கு முன்பு நடந்த பொதுக்கூட்டத்தில் தமிழிசை சௌந்தரராஜன் குறித்து திமுக பேச்சாளர் சிவாஜி கிருஷ்ணமூர்த்தி அவதூறாக பேசியதாக தெரிகிறது. இந்நிலையில், நடிகையும் தேசிய மகளிர் ஆணைய உறுப்பினருமான குஷ்பு தனது ட்விட்டர் எக்ஸ் தளத்தில் கருத்து ஒன்றை தெரிவித்துள்ளார்.

நீண்ட நாட்களாக செல்போன் எண்கள் மற்றும் தொலைபேசி எண்கள் வைத்திருந்தால் தனி கட்டணம் வசூலிக்கவுள்ளதாக தகவல்கள் வெளியானது. இந்தியாவில் 120 கோடிக்கும் அதிகமானோர் மொபைல்போன் இணைப்புகளை பயன்படுத்தி வருகின்றனர். இதனை முறைப்படுத்த பல்வேறு நெறிமுறைகளை டிராய் (TRAI) வகுத்து வருகிறது.

21 முறை ஓம் ஸ்ரீராம் எழுதிய பின்னரே மத்திய அமைச்சராக எம்.பி.கே.ராம்மோகன் நாயுடு பொறுப்பேற்று கொண்டார். நடந்து முடிந்த நாடாளுமன்ற மக்களவை தேர்தலில் 543 இடங்களில் பாஜகவின் என்.டி.ஏ கூட்டணி 292 இடங்களைக் கைப்பற்றி மீண்டும் ஆட்சியமைத்துள்ளது. கடந்த ஜூன் 9 -ம் திகதி பிரதமராக நரேந்திர மோடி பதவியேற்றார். அவருடன் சேர்ந்து புதிய அமைச்சரவையில் 71 அமைச்சர்களும் பதவியேற்றனர்.

கடந்த 30 ஆண்டுகளாக செய்து வந்த மக்கள் சேவைக்கான பலன், 2026 ம் ஆண்டு தேர்தலில் கண்டிப்பாக கிடைக்கும் என தமிழக வெற்றிக் கழகத்தின் பொதுச்செயலாளர் புஸ்ஸி ஆனந்த் நம்பிக்கை தெரிவித்துள்ளார். தமிழக வெற்றிக் கழகத்தின் ஈரோடு மாவட்ட அலுவலகத்தின் திறப்பு விழா கருங்கல்பாளையம் அருகில் இன்று நடைபெற்றது. அக்கட்சியின் ஈரோடு மாவட்ட பொறுப்பாளர் பாலாஜி தலைமையில் நடைபெற்ற இந்த நிகழ்ச்சியில், தமிழக வெற்றி கழகத்தின் பொதுச்செயலாளர் புஸ்ஸி ஆனந்த் சிறப்பு அழைப்பாளராக கலந்து கொண்டு அலுவலகத்தை ரிப்பன் வெட்டி திறந்து வைத்தார்.

பா.ஜ.க மூத்த தலைவரான எடியூரப்பா, கர்நாடகா மாநிலத்தின், முதல்வராக மூன்று முறை பதவி வகித்துள்ளார். இவர் 17 வயது சிறுமிக்கு பாலியல் தொல்லை கொடுத்ததாக இவர் மீது கடந்த மார்ச் 15ஆம் தேதி பாதிக்கப்பட்ட சிறுமியின் தாயார் பெங்களூர் சதாசிவ நகர் காவல் நிலையத்தில் புகார் கொடுத்தார்.

உத்தரப்பிரதேசத்தில் நடிகர் சஞ்சய் தத்தின் தீவிர ரசிகராக இருந்து வந்த இளைஞர் ஒருவர் தன்னுடைய காதலியின் தலையை வெட்டி சிரித்த முகத்துடன் அதை வீடியோவாக பதிவு செய்து வெளியிட்ட சைக்கோ சம்பவம் பெரும் பரபரப்பை ஏற்படுத்தியிருக்கிறது.

உத்தரபிரதேச மாநிலம் அயோத்தியில் புதிதாக கட்டப்பட்டுள்ள ராமர் கோவில் அச்சுறுத்தலுக்கு உள்ளாகியுள்ளது. சமீபத்தில், இந்த புகழ்பெற்ற கோவிலுக்கு பாகிஸ்தானில் இருந்து பயங்கரவாத அமைப்பு மிரட்டல் வந்தது. அயோத்தியில் உள்ள ராமர் கோயிலை இடிப்போம் என பாகிஸ்தானைச் சேர்ந்த ஜெய்ஷ்-இ-முகமது பயங்கரவாத அமைப்பு (Jaish-E-Mohammed) எச்சரித்ததாக ஓடியோ செய்தி கசிந்துள்ளது.

தமிழக பாஜக தலைவர் அண்ணாமலை சாலிகிராமத்தில் உள்ள தமிழிசை சௌந்தரராஜன் இல்லத்திற்கு சென்று நலம் விசாரித்தார். நடந்து முடிந்த மக்களவை தேர்தலில் மத்தியில் ஆட்சியை பிடித்த பாஜக, தமிழகத்தில் ஒரு தொகுதியில் கூட வெற்றி பெறவில்லை. அப்போது, தோல்வி குறித்து பேசிய தமிழிசை மற்றும் அண்ணாமலை எதிர்மறையான கருத்துக்களை தெரிவித்திருந்தனர்.

சட்டவிரோதப் பணப்பரிமாற்ற வழக்கில் அமலாக்கத் துறையால் கைது செய்யப்பட்ட முன்னாள் அமைச்சர் செந்தில் பாலாஜி ஓராண்டாக சிறையில் உள்ளார். கடந்த 2011 -2016 அதிமுக ஆட்சி காலத்தில் செந்தில் பாலாஜி போக்குவரத்து துறையில் வேலை வாங்கி தருவதாக கூறி பலரிடம் பணம் பெற்று மோசடி செய்ததாக புகார் எழுந்தது.

குவைத் தீ விபத்தில் உயிரிழந்த தமிழ் நாட்டைச் சேர்ந்த 7 பேரது உடல்கள் கொச்சி விமான நிலையத்தில் இருந்து ஆம்புலன்ஸ் மூலம் அவரவர் சொந்த ஊர்களுக்கு அனுப்பிவைக்கப்படுகிறது. குவைத்தின் மங்காப் நகரில் புதன்கிழமை (ஜூன் 12) ஏற்பட்ட பயங்கர தீ விபத்தில் உயிரிழந்த 45 இந்தியர்களின் உடல்களை ஏற்றிக்கொண்டு இந்திய விமானப்படையின் சிறப்பு விமானம் இந்தியா வந்தடைந்தது.

குவைத்தில் அடுக்குமாடி குடியிருப்பில் ஏற்பட்ட தீ விபத்தில் சிக்கி 41 இந்தியர்கள் மரணமடைந்துள்ள நிலையில் அவர்களின் உடல்களை தாயகம்கொண்டுவர விமானப் படை விமானம் குவைத் விரைந்துள்ளது. குவைத்தின் தெற்கே அமைந்துள்ள மங்காஃப் நகரில் 7 தளங்கள் கொண்ட அடுக்குமாடி குடியிருப்பு ஒன்றில் வெளிநாட்டு தொழிலாளர்கள் 196 பேர் தங்கியிருந்தனர். குறித்த குடியிருப்பில் ஒரு சமையல் அறையில் திடீரென்று தீப்பற்றியதை அடுத்து கட்டிடம் முழுவதும் மளமளவென தீ பரவியதில் 49 பேர் மரணமடைந்தனர்.

இந்தியா முழுவதும் நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதனையடுத்து நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் கடந்த 09.06.2024 அன்று நடைபெற்றது.

தேனியில் கடந்த ஆறு மாதத்தில் 1,371 கிலோ குட்கா பறிமுதல் செய்யப்பட்டு 202 நபர்கள் கைது செய்யப்பட்டுள்ளதாக தேனி மாவட்ட காவல் கண்காணிப்பாளர் தெரிவித்துள்ளார். தேனி மாவட்டத்தில் இந்த ஆண்டு தொடக்கம் முதல் புதிதாக காவல் கண்காணிப்பாளர் பொறுப்பேற்ற பிறகு, கஞ்சா மற்றும் குட்கா புகையிலை பொருட்கள் விற்பனையைத் தடுக்க கடுமையான நடவடிக்கைகள் மேற்கொண்டு வருகிறார். இந்த நடவடிக்கைகள் கஞ்சா தடுப்பிற்காக கதிரேசன் உதவி ஆய்வாளர் தலைமையிலும், குட்கா புகையிலை தடுப்பிற்காக பாஸ்கரன், உதவி ஆய்வாளர் தலைமையிலும் தனிப்படைகள் அமைக்கப்பட்டு நடவடிக்கைகள் மேற்கொள்ளப்பட்டு வருகிறது.