தயாரிப்பாளர் சி.வி.குமார். இப்போது அவர் இயக்குனராக அறிமுகமாகும் படம், மாயவன். சந்தீப் கிஷன், லாவண்யா திரிபாதி, டேனியல் பாலாஜி, ஜாக்கி ஷெராப் நடித்துள்ளனர். சி.வி.குமார் கூறியதாவது: படம் இயக்கும் ஆசை எனக்கு இருந்தது கிடையாது என்றாலும், கைவசம் நிறைய கதைகள் எழுதி வைத்திருக்கிறேன். கதை எழுதும் எனக்கு, படத்துக்கான திரைக்கதை, வசனம் எழுதத் தெரியாது. எனவே, படத்தை என்னால் எப்படி இயக்க முடியும் என்று கேட்டேன்.

அப்போது நலன் குமாரசாமி திரைக்கதை, வசனம் எழுதிக் கொடுப்பதாகச் சொன்னார். அந்த தைரியத்தில் நான் இயக்குனரானேன். சயின்ஸ்பிக்‌ஷனும் படத்தில் இருப்பதால், நிறைய கிராபிக்ஸ் காட்சிகள் இடம்பெறுகிறது. இந்தப் பணிகள் முடிவடைய சற்று காலதாமதமாகி விட்டது. வரும் 14ம் தேதி படம் ரிலீசாகிறது.