மத்திய அமைச்சரவையில், அதிரடி மாற்றங்களைச் செய்ய, பிரதமர் மன்மோகன் சிங்கும், காங்கிரஸ் தலைவர், சோனியாவும் தயாராகி விட்டனர். அடுத்த பொதுத்தேர்தலுக்கு, முழு வீச்சில் தயாராகும் வகையில், அமைச்சர் பொறுப்பிலுள்ள பலரை வெளியேற்றவும், வெளியே உள்ள பலரை, உள்ளே கொண்டு வரவும் திட்டமிட்டுள்ளனர். இந்த வார கடைசிக்குள், மத்திய அமைச்சரவை மாற்றம் இருக்கலாம் என, எதிர்பார்க்கப்படுகிறது.

பிரதமர் மன்மோகன் சிங் தலைமையிலான, ஐக்கிய முற்போக்கு கூட்டணி அரசுக்கு அளித்து வந்த ஆதரவை, மேற்கு வங்க முதல்வர், மம்தா பானர்ஜி தலைமையிலான, திரிணமுல் காங்கிரஸ், நேற்று முன்தினம் விலக்கிக் கொண்டது. இருந்தாலும், "மத்திய அரசுக்கு வெளியிலிருந்து அளித்து வரும் ஆதரவு தொடரும்' என, உ.பி.,யின் சமாஜ்வாதி தலைவர், முலாயம் சிங் அறிவித்து விட்டதால், காங்கிரஸ் கட்சியினர் கலக்கம் அடையவில்லை.அதே நேரத்தில், மத்திய அமைச்சரவையில், நிறைய இடங்கள் காலியாக இருப்பதால், அவற்றில், மாற்றங்கள் கொண்டு வருவதற்கான, நடவடிக்கைகளில், பிரதமர் மன்மோகன் சிங்கும், காங்கிரஸ் தலைவர் சோனியாவும் இறங்கி விட்டனர்.

இதுதொடர்பாக, காங்கிரஸ் கட்சி வட்டாரங்கள் கூறியதாவது:மத்திய அமைச்சரவையில், சரியாக செயல்படாத சில அமைச்சர்களை வெளியேற்றவும், பல புதிய முகங்களை, உள்ளே கொண்டு வரவும் தீர்மானித்து, அதற்கு இறுதி வடிவம் கொடுக்கும் பணிகளில், மன்மோகன் சிங்கும், சோனியாவும் தீவிரமாக உள்ளனர். அனேகமாக, அமைச்சரவை மாற்றம், இந்த வார கடைசிக்குள் இருக்கலாம்.

இந்த மாற்றத்தின் போது, வெளியுறவு அமைச்சராக உள்ள கிருஷ்ணாவின் பதவி பறிக்கப்பட்டு, அவர் கர்நாடக அரசியலுக்கு அனுப்பப்படுகிறார். அவருக்குப் பதிலாக, புதிய வெளியுறவு அமைச்சராக, ஆனந்த் சர்மாவோ அல்லது பஞ்சாப் கவர்னர், சிவராஜ் பாட்டீலோ நியமிக்கப்படுவர். கேரள மாநிலத்தைச் சேர்ந்த ஆறு பேர், தற்போது, மத்திய அமைச்சர்களாக உள்ளனர். ஏழாவதாக, முன்னாள் இணை அமைச்சரான, சசி தரூக்கு மீண்டும் அமைச்சர் பதவி தரப்படுகிறது.

ஆந்திராவில், தன், பிரஜா ராஜ்யம் கட்சியை, காங்கிரசுடன் இணைத்து, பின், காங்கிரஸ் சார்பில், ராஜ்யசபா எம்.பியான, சிரஞ்சீவிக்கு, இம்முறை மத்திய அமைச்சர் பதவி வழங்கப்படுவது உறுதி. அதேநேரத்தில், கர்நாடக மாநிலத்திற்கு, பிரதிநிதித்துவம் வழங்கும் வகையில், ராஜ்ய சபாவின் முன்னாள் துணைத் தலைவர், ரகுமான்கான் அமைச்சராக நியமிக்கப்படுகிறார். மகாராஷ்டிராவைச் சேர்ந்த குருதாஸ் காமத் மற்றும் மறைந்த நடிகர் சுனில் தத்தின் மகளான பிரியா தத்துக்கும் அமைச்சர் பதவி வழங்கப்பட உள்ளது.

ஆளும் கூட்டணியில் இருந்து, மம்தா வெளியேறியதால், மேற்கு வங்க மாநிலத்திற்கு, அதிக முக்கியத்துவம் அளிக்க திட்டமிடப்பட்டுள்ளது. அதன்படி, அந்த மாநிலத்தைச் சேர்ந்த காங்கிரஸ் எம்.பி.,க்களில், அதிர் சவுத்ரி அல்லது முன்னாள் மத்திய அமைச்சர் தாஸ் முன்ஷியின் மனைவியான, தீபா தாஸ்முன்ஷி ஆகிய இருவரில் ஒருவர், அமைச்சராக்கப்படுவர்.

இவர்கள் தவிர, மேற்கு வங்கத்தின் தென் பகுதியைச் சேர்ந்த, பிரதீப் பட்டாச்சார்யாவுக்கும், அமைச்சர் பதவி வழங்கப்படுவதற்கான வாய்ப்பு உள்ளது. உத்தரபிரதேச மாநிலத்தைப் பொறுத்தவரை, அம்மாநில காங்கிரசின் மூத்த தலைவரும், சோனியாவுக்கு நெருக்கமானவருமான, ஜனார்த்தன் திவேதி அமைச்சராக்கப்படுகிறார். காங்கிரஸ் கட்சியின், ஊடக பிரிவு தலைவராக இருக்கும் திவேதி, அமைச்சரானால், ஊடக பிரிவு பொறுப்புக்கு, தற்போது மத்திய அமைச்சர்களாக உள்ள, அம்பிகா சோனியோ அல்லது குலாம்நபி ஆசாத் ஆகிய இருவரில் ஒருவருக்கு தரப்படும்.

உ.பி., மாநிலத்தைச் சேர்ந்த, தலித் சமூக தலைவரான, பி.எல்.புனியாவும், அமைச்சராகிறார். அதேபோல், காங்கிரஸ் செய்தி தொடர்பாளராக இருக்கும் மணீஷ் திவாரிக்கு, இம்முறை அமைச்சர் பொறுப்பு வழங்கப்பட உள்ளது. ராகுலுக்கு நெருக்கமானவராக கருதப்படும், மத்திய பிரதேச மாநிலத்தைச் சேர்ந்த, தமிழரான மீனாட்சி நடராஜனும் புதிய அமைச்சராகிறார்.

தமிழகத்தைப் பொறுத்தவரை, விருதுநகர் லோக்சபா தொகுதி, காங்கிரஸ் எம்.பி.,யான, மாணிக் தாக்கூரின் பெயர், புதிய அமைச்சர்களின் பட்டியலில் உள்ளதாக தெரிகிறது. ராஜஸ்தான் மாநிலத்திலிருந்து, முன்னாள் அமைச்சர், ராம்நிவாஸ் மிர்தாவின் மகளான, ஜோதிமிர்தாவும் அமைச்சராகிறார்.உத்தரகண்ட் மாநில சட்டசபைத் தேர்தல் முடிவின் போது, முதல்வர் பதவி வழங்கப்படாததால் கோபம் கொண்டு, பிரச்னை ஏற்படுத்திய ஹரீஷ் ராவத், இணையமைச்சர் பொறுப்பில் இருந்து கேபினட் அமைச்சராகிறார்.

ஜனாதிபதி தேர்தலில், தே.ஜ., கூட்டணி கட்சிகளின் ஆதரவுடன் போட்டியிட்டு தோல்வி கண்ட, லோக்சபா முன்னாள் சபாநாயகர், பி.ஏ.சங்மாவின் மகளான அகதா சங்மாவிற்கு பதிலாக, தேசியவாத காங்கிரஸ் சார்பில், தாரிக் அன்பவர் அமைச்சராக உள்ளார். இதுதவிர, வட கிழக்கு பகுதியைச் சேர்ந்த, முகுல்மிதிக்கு அமைச்சராகும் வாய்ப்பு கிடைக்க உள்ளது.இவ்வாறு காங்கிரஸ் வட்டாரங்கள் தெரிவித்தன.

தமிழக நிலவரம் பற்றி, காங்கிரஸ் வட்டாரங்கள் மேலும் கூறியதாவது:தமிழகத்திலிருந்து, மத்திய அமைச்சரவையில் இடம் பெற்றிருந்த, ராஜா உட்பட, தி.மு.க.வைச் சேர்ந்த, இரு கேபினட் அமைச்சர்கள், பதவி விலகியதால், அந்த இடங்கள் காலியாக உள்ளன. இந்த இரண்டு இடங்கள், தி.மு.க.,வினர், ராஜினாமாவால், காலியானவை என்பதால், அந்தக் கட்சி தலைமை எடுக்கும் முடிவை,காங்கிரஸ் மேலிடம் எதிர்பார்த்துள்ளது.

தற்போதைய நிலவரப்படி, தி.மு.க.,வைச் சேர்ந்த, டி.ஆர். பாலு, இளங்கோவன், விஜயன் ஆகியோரின் பெயர்கள் தான், பிரதமரின் பரிசீலனையில் உள்ளது. ஆனால், தி.மு.க., பொருளாளர், ஸ்டாலின் தரப்பில் இருந்து, ஸ்ரீபெரும்புதூர் லோக்சபா தொகுதி எம்.பி., டி.ஆர்.பாலு, நாகபட்டினம் தொகுதி எம்.பி., விஜயன் ஆகியோரின் பெயர்கள் சிபாரிசு செய்யப்பட்டுள்ளதாகத் தெரிகிறது.தி.மு.க.,வில், மறைந்த முரசொலி மாறனைத் தவிர, பொதுவாக, ராஜ்யசபா எம்.பி.,க்கள் யாருக்கும், மத்திய அமைச்சர் பதவி வழங்கப்பட்டதில்லை.

இருப்பினும், தற்போது, தி.மு.க., ராஜ்யசபா எம்.பி.,யாக இருக்கும், ராமலிங்கத்திற்கு, அமைச்சர் பதவி தர வேண்டும் என, மத்திய அமைச்சர் அழகிரி சிபாரிசு செய்வதாகக் கூறப்படுகிறது. கனிமொழியும், தன் பங்கிற்கு, கன்னியாகுமரி எம்.பி.,யான, ஹெலன் டேவிட்சன் பெயரை பரிந்துரைத்துள்ளதாகத் தெரிகிறது.இவ்வாறு காங்கிரஸ் வட்டாரங்கள் கூறின.

அடுத்தாண்டு நடைபெற உள்ள பார்லிமென்ட் தேர்தலில் விருதுநகர் தொகுதியில் ம.தி.மு.க. போட்டியிடும் என அதன் பொதுச்செயலாளர் வைகோ தெரிவித்துள்ளார். விருதுநகரில் நடைபெற்ற தேர்தல் நிதியளிப்பு கூட்டத்தில் கலந்து கொண்ட மதிமுக பொது செயலாளர் வரும் செப்டம்பர்15-ம் தேதி ம.தி.மு.க. மாநாடு விருதுநகரி்ல் நடத்தப்படும் எனவும் தெரிவித்தார். கடந்த பார்லிமென்ட் தேர்தலில் விருதுநகர் தொகுதியில் போட்டியிட்ட வைகோ, காங்கிரஸ் வேட்பாளர் மாணிக் தாகூரிடம் தோல்வி கண்டிருந்தார் என்பது குறிப்பிடத்தக்கது.

ஐ.பி.எல். போட்டியில் கிரிக்கெட் சூதாட்ட புகாரில் சிக்கி கைதான வீரர் ஸ்ரீசாந்த் மீது மேலும் பல புகார்கள் வந்த வண்ணம் உள்ளது. 2011 ஐ.பி.எல். போட்டியின்போதும், இவருக்கு சூதாட்ட தரகர்களுடன் தொடர்பு இருந்திருக்குமோ என்ற சந்தேகம் இந்த வழக்கை விசாரிக்கும் போலீஸ் அதிகாரிகளுக்கு எழுந்துள்ளது. 2011-ல் ஸ்ரீசாந்த் கொச்சி அணிக்காக விளையாடினார். அப்போது கொச்சி மைதானத்தில் நடந்த போட்டியில் கொச்சியும், பெங்களூர் ராயல் சேலஞ்சர்ஸ் அணியும் மோதின. இந்த போட்டியில் கொச்சி அணி டாஸ் ஜெயித்து முதலில் பேட்டிங் செய்தது. 161 ரன்கள் எடுத்திருந்தது. அடுத்து ஆடிய பெங்களூர் அணி 6 விக்கெட் வித்தியாசத்தில் எளிதாக வெற்றி பெற்றது.

மத்திய பிரதேச மாநிலம் இந்தூரில் விஷம் குடித்து தற்கொலைக்கு முயன்ற 40 வயது பெண்ணை, அவரது உறவினர்கள் கடந்த ஆண்டு இந்தூர் அரசு ஆஸ்பத்திரியில் சேர்த்தனர். வயிற்றில் இருந்த விஷத்தை எனிமா தந்து வெளியேற்ற முயன்ற டாக்டர்கள் அதிர்ச்சியடைந்தனர். விஷம் வெளியேற்றப்பட வேண்டிய உறுப்பில் கனமான இரும்பு பூட்டு மாட்டி பூட்டப்பட்டிருந்தது. இதுதொடர்பாக, அந்த பெண்ணிடம் டாக்டர்கள் விசாரித்தபோது அவர், 16 வயதில் எனக்கு திருமணம் நடந்தது. ஆரம்பத்தில் என்னிடம் அன்பாக நடந்து வந்த என் கணவர், நாளடைவில் என் நடத்தையில் சந்தேகப்படத் தொடங்கினார்.

காஷ்மீரில் நடைபெறும் விடுதலைப் போராட்டமும் தமிழ்மண்ணில் நடைபெறும் போராட்டமும் ஒரே மாதிரியானவை என்று கூறினார் பிரிவினைவாதத் தலைவரும் ஜம்மு கஷ்மீர் விடுதலை முன்னணித் தலைவருமான யாசின் மாலிக். கடலூரில் இன்று பிற்பகல் நடைபெற்ற நாம் தமிழர் கட்சியின் உள்ளரங்குக் கூட்டத்தில் பேசிய அவர், "இன விடுதலைக்கான போராட்டங்கள் அவ்வளவு எளிதாக வெற்றி பெறுவதில்லை. அதுபோல், அடக்குமுறைகள் மூலம் இன விடுதலைக்கான போராட்டங்கள் ஒடுக்கப்பட்டதுமில்லை. காஷ்மீரில் நடைபெறும் போராட்டமும், தமிழர்களின் போராட்டமும் ஒரே மாதிரியானதுதான்.

இலங்கையில் விடுதலைப் புலிகளுடனான யுத்தம் முடிவுக்கு வந்ததை ஒட்டி முள்ளிவாய்க்கால் நினைவு தினம் என்ற பொருளில் கடலூரில் பொதுக்கூட்டம் நடத்த நாம் தமிழர் இயக்கத்துக்கு தமிழக அரசு தடை விதித்துள்ளது. ஆனால் நீதிமன்றம் பொதுக்கூட்டத்துக்கு அனுமதி வழங்கியுள்ள நிலையில் தமிழக பொலிசார் கூட்டத்தை தடுக்க முயல்வதாகத் தெரிவித்துள்ள நாம் தமிழர் இயக்கத்தின் தலைவர் சீமான் தடையை மீறி பொதுக்கூட்டம் நடத்த தீர்மானித்துள்ளதாகத் தெரிவித்துள்ளார். நாம் தமிழர் இயக்கம் பொதுக்கூட்டமும் பேரணியும் நடத்த ஏற்பாடு செய்திருந்த நிலையில், இவற்றுக்கு எதிராக தமிழக பொலிசார் சென்னை உயர்நீதிமன்றத்தில் தடை உத்தரவு கோரியிருந்தது.

தில்லியில், ஓடும் பேருந்தில் துணை மருத்துவ மாணவி பாலியல் வன்கொடுமைக்கு ஆளாக்கப்பட்டு உயிரிழந்த வழக்கில் சாகேத் விரைவு நீதிமன்றத்தில் வெள்ளிக்கிழமை அவரது தாய் சாட்சியம் அளித்தார். அப்போது, "எனது மகளின் மரணத்துக்கு நீதி வழங்குங்கள்' என்று நீதிபதியிடம் கண்ணீர் மல்க அவர் கை கூப்பி வேண்டிக் கொண்டார். தில்லியில் கடந்த ஆண்டு டிசம்பர் மாதம் 16-ஆம் தேதி ஓடும் பேருந்தில் துணை மருத்துவ மாணவி பாலியல் வன்கொடுமைக்கு ஆளாக்கப்பட்டார். 13 நாள்கள் சிகிச்சைக்குப் பிறகு சிங்கப்பூரில் அவர் உயிரிழந்தார்.தில்லி சாகேத் விரைவு நீதிமன்றத்தில் இந்த வழக்கு தினமும் விசாரிக்கப்பட்டு வருகிறது. அதில் மாணவியின் தாய் வெள்ளிக்கிழமை அளித்த சாட்சியம் வருமாறு:

பாட்டில், கேன் மற்றும் பாக்கெட்டுகளில் பொதிக்கப்பட்ட குடிநீரை தயாரிக்கும் நிறுவனங்கள், ஸ்டிரைக் அறிவித்து உற்பத்தியை நிறுத்தி உள்ளதால், சென்னை குடிமையங்களில், ஒரு பாக்கெட் குடிநீர் ஏழு ரூபாய்க்கு விற்பனை செய்யப்படுகிறது. கேன் குடிநீர் பயன்படுத்தி பழக்கப்பட்ட சென்னைவாசிகள், ஸ்டிரைக்கினால் ஏற்பட்டுள்ள தட்டுப்பாட்டால், கேன்களைதேடி அல்லல்பட்டனர்.மக்களுக்கு பாதுகாக்கப்பட்ட குடிநீர் தருவதாக கூறி, தமிழகத்தின் நகர்ப்புறங்களில், 900க்கும் மேற்பட்ட குடிநீர் தயாரிப்பு நிறுவனங்கள் செயல்பட்டு வருகின்றன.சென்னை, காஞ்சிபும் மற்றும் திருவள்ளூர் மாவட்டங்களில் மட்டும், இந்த தொழிலில், 309 நிறுவனங்கள் செயல்படுகின்றன.

சென்னை, சத்தியமூர்த்தி பவனுக்கு, பூட்டு போடும் முற்றுகை போராட்டம் நடத்திய, இந்து மக்கள் கட்சியினர், 4 பேர் கைது செய்யப்பட்டனர். இலங்கை, முள்ளிவாய்க்கால் பகுதியில், 2 லட்சம் தமிழர்களை கொன்று குவிக்கக் காரணமான, காங்கிரஸ் கட்சியை, தமிழகத்தை விட்டு வெளியேறும்படி கோரி, சத்தியமூர்த்தி பவனுக்கு பூட்டு போடும் முற்றுகை போராட்டமும் நடத்தப்படும் என, இந்து மக்கள் கட்சியினர் அறிவித்திருந்தனர். அதன்படி நேற்று, சத்தியமூர்த்தி பவன் அருகே, இந்து மக்கள் கட்சியினர் திரண்டனர். அவர்கள் அனைவரும், கையில் கொடியுடனும், பூட்டுக்களுடனும் ஓடி வந்து கோஷமிட்டனர்.

பா.ம.க., நிறுவனர் ராமதாசுக்கு, வரும், 20ம் தேதி, சென்னையில் பைபாஸ் சர்ஜரி நடக்கவுள்ளது. விழுப்புரத்தில் போலீஸ் தடையை மீறி, கடந்த, 30ம் தேதி ஆர்ப்பாட்டம் நடத்த முயன்ற பா.ம.க. நிறுவனர் ராமதாஸ் கைது செய்யப்பட்டு, திருச்சி சிறையில் அடைக்கப்பட்டார். அதன் பின், மேலும் சில வழக்குகளிலும், கைது செய்யப்பட்ட அவர், அனைத்து வழக்குகளிலும் ஜாமின் பெற்று, கடந்த, 11ம் தேதி விடுதலை ஆனார். மூச்சு திணறல் காரணமாக, சென்னை அப்பல்லோ மருத்துவமனையில், அன்று இரவே அவர் சேர்க்கப்பட்டார்.

உத்தர பிரதேசத்தில் மீண்டும் ஒரு காதல் சின்னம் கட்டப்பட்டுள்ளது. ஓய்வு பெற்ற போஸ்ட் மாஸ்டர்ஒருவர், தன் மனைவியின் நினைவாக, தாஜ்மகாலின் மாதிரியில்,கட்டடம் ஒன்றை கட்டிஉள்ளார். உத்தர பிரதேச மாநிலம், புலந்த்சர் மாவட்டத்தை சேர்ந்தவர், பைசல் ஹசன் கதாரி, 77. தபால் துறையில், போஸ்ட் மாஸ்டராக பணியாற்றி ஓய்வு பெற்றவர். இவரது மனைவி, தஜம்முலி பேகம், 2011ல், மரணம் அடைந்தார்.பைசல் ஹசன் - தஜம்முலி பேகம் தம்பதிக்கு, குழந்தை இல்லை என்றாலும், ஒருவருக்கொருவர், மிகுந்த பாசத்துடன் வாழ்ந்து வந்தனர். அதனால், மனைவி இறந்ததும், அவர் மீது கொண்ட பாசம் காரணமாக, அவரின் உடலை அடக்கம் செய்த இடத்தில், சிறிய அளவிலான, தாஜ்மகால் கட்ட, பைசல் ஹசன்திட்டமிட்டார்.

கிரிக்கெட் சூதாட்டத்தில் ஈடுபட வீரர்களுக்கு பெண்களை சப்ளை செய்த திடுக்கிடும் தகவல்கள் வெளியாகியுள்ளன. பெரும் அதிர்வலைகளை ஏற்படுத்தியிருக்கும் ஐபிஎல் ஸ்பாட் பிக்சிங் விவகாரத்தில் சிக்கிய கிரிக்கெட் வீரர்களுக்கு பெண்களையும் புக்கிகள் சப்ளை செய்ததாக டெல்லி போலீசார் பரபரப்பு தகவல்களை வெளியிட்டுள்ளனர். நடப்பு ஐபிஎல் 6வது கிரிக்கெட் தொடரின் கரும்புள்ளியாக ஸ்பாட் பிக்சிங் விவகாரம் அமைந்திருக்கிறது. டெல்லி போலீஸ் அதிகாரி பத்ரீஷ் தத்தின் மர்ம மரணத்தின் மூலம் அம்பலத்துக்கு வந்த கிரிக்கெட் மோசடியில் அடுத்தடுத்து புது தகவல்கள் வெளியாகிக் கொண்டிருக்கின்றன.

இலங்கை சிறையில் அடைக்கப்பட்டுள்ள இந்திய மீனவர்களை விடுவிக்க வேண்டும் என்று இலங்கையிடம் இந்திய வெளியுறவுத்துறை அமைச்சர் சல்மான் குர்ஷித் வலியுறுத்தியுள்ளார். இலங்கை தூதரக அதிகாரிகளிடம் தொலைபேசி வாயிலாக பேசிய சல்மான் குர்ஷித், இலங்கை சிறையில் அடைக்கப்பட்டுள்ள இந்திய மீனவர்களை விரைவில் இலங்கை விடுதலை செய்ய வேண்டும். 2012ஆம் ஆண்டு நவம்பர் மாதம் 5ம் தேதி கடலில் மீன்பிடித்துக் கொண்டிருந்த இந்திய மீனவர்கள் இலங்கை கடற்படையினரால் கைது செய்யப்பட்டுள்ளனர். அந்த வழக்குகளை விரைந்து முடிக்கவும், அவர்கள் வெளியில் வருவதற்கும் வழி காண வேண்டும்.

மேற்கு வங்க மாநிலம், 24வது தெற்கு பர்கானா, பசந்தி நகர் பகுதியில் நிர்தேஷ்காளி என்ற தனியார் பள்ளி இயங்கி வருகிறது.நேற்று முன் தினம், இப்பள்ளியில் படிக்கும் 8 வயது மாணவன் வகுப்பறையில் புத்தகப் பையை தூக்கி வீசியதற்காக கோபமடைந்த ஆசிரியர் அந்த மாணவனை அடித்துள்ளார். அவனை பிரம்பால் அடித்தும் ஆவேசம் அடங்காத ஆசிரியர் மாணவனின் தலையை பிடித்து சுவற்றில் மோதினார். இதனால், தலையில் பலத்த காயமடைந்த மாணவனை சிகிச்சைக்காக பெற்றோர் ஆஸ்பத்திரியில் அனுமதித்தனர்.சிகிச்சை பலனின்றி அந்த மாணவன் இன்று பரிதாபமாக உயிரிழந்தான். இச்சம்பவம் தொடர்பாக ஆசிரியரை கைது செய்த போலீசார், 8 வயது மாணவனை இவ்வளவு கொடூரமான முறையில் தண்டித்தது குறித்து விசாரித்து வருகின்றனர்.

பிரதமர் மன்மோகன் சிங்கின் வயது எண்பதா எண்பத்தி இரண்டா என்ற புதிய சர்ச்சை தற்போது தலைதூக்கியுள்ளது.பாராளுமன்ற மேல்சபை தேர்தலில் போட்டியிட பிரதமர் மன்மோகன் சிங் அசாம் சட்டசபை செயலாளரிடம் கடந்த புதன்கிழமை வேட்பு மனு தாக்கல் செய்தார்.அந்த மனுவில் வயது தொடர்பாக குறிப்பிட்ட அவர், தனக்கு 82 வயதாவதாக கூறியுள்ளார். ஆனால், பிரதமரின் இணைய தளம் மற்றும் பாராளுமன்ற இணைய தளம் ஆகியவற்றில் பிரதமரின் பிறந்த தேதி 26-09-1932 என குறிப்பிடப்பட்டுள்ளது.

சிறைவாசம் அனுபவிக்கத் தொடங்கியுள்ள நடிகர் சஞ்சய்தத் நேற்று இரவு முழுவதும் தூக்கமின்றி தவித்ததாக தகவல்கள் வெளியாகியுள்ளன. சஞ்சய் தத்தின் தனது சிறைவாசத்தின் முதல் நாள் இரவு அனுபவம் தொடர்பாக செய்திகள் வெளியாகியுள்ளன. நேற்றிரவு 11 மணியளவில் சிறையில் அவருக்கென ஒதுக்கப்பட்ட அறைக்கு சஞ்சய் தத் அழைத்துச் செல்லப்பட்டார். வீட்டில் இருந்து அனுப்பப்பட்ட உணவை சாப்பிட்ட பின்னர், குடிப்பதற்கு அவர் தண்ணீர் கேட்டார். சிறை அதிகாரிகள் ஒரு பாட்டிலில் தண்ணீர் தந்தனர்.

ராஜஸ்தான் ராயல்ஸ் அணி கடைசியாக விளையாடிய 3 போட்டிகளிலும் ஸ்பாட் பிக்சிங் நடந்தது என்று டெல்லி போலீஸ் கமிஷனர் நீரஜ் குமார் கூறினார்.இது பற்றி, டெல்லியில் போலீஸ் கமிஷனர் நீரஜ் குமார் அளித்த பேட்டி: ஸ்ரீசாந்த், சாண்டிலா, அங்கீத் சவான் ஆகியோரை தவிர மற்ற வீரர்கள் யாரும் சூதாட்டத்தில் ஈடுபடவில்லை. ராஜஸ்தான் ராயல்ஸ் அணி கடந்த 5, 9 மற்றும் 15ம் தேதிகளில் முறையே புனே வாரியர்ஸ், பஞ்சாப், மும்பை இந்தியன்ஸ் அணிகளுடன் ஆடிய ஆட்டங்களில் ஸ்பாட் பிக்சிங் நடந்துள்ளது. இதற்கான ஆதாரங்கள் எங்களிடம் உள்ளது.போட்டியின்போது தாங்கள் கூறியபடி செய்ய போவதை தெரிவிக்க குறிப்பிட்ட சில சிக்னல்களை வீரர்களுக்கு தரகர்கள் சொல்லி கொடுத்துள்ளனர்.

மாசு கட்டுப்பாட்டு வாரியத்திடம் உரிமம் பெறாத மேலும் 92 கேன் வாட்டர் நிறுவனங்களுக்கு சீல் வைக்கப்பட்டுள்ளது. இதை கண்டித்து கேன் வாட்டர் நிறுவனங்கள் உற்பத்தியை நிறுத்தி போராட்டத்தில் குதித்துள்ளன. நிலத்தடி நீரை சுத்திகரிக்க தமிழகத்தில் 950 பேக்கேஜ் குடிநீர் உற்பத்தி நிறுவனங்கள் உள்ளன. இவை தண்ணீரை சுத்திகரித்து கேன்களில் அடைத்து சப்ளை செய்கின்றன. இந்நிலையில், கேன் தண்ணீர் சரியாக சுத்திகரிக்காமல் சப்ளை செய்யப்படுவதாக புகார்கள் எழுந்தன. இதுதொடர்பான வழக்கு சென்னை பசுமை தீர்ப்பாயத்தில் நடந்தது. இதையடுத்து, மாசு கட்டுப்பாட்டு வாரியம் சுத்திகரிப்பு நிலையங்களுக்கு சென்று ஆய்வு நடத்தி நடவடிக்கை எடுக்கவேண்டும் என தீர்ப்பாயம் உத்தரவிட்டது.

பெல்லாரி சுரங்க அதிபரும், தேவகவுடாவின், மதசார்பற்ற ஜனதா தளம் கட்சியின் தலைவருமான சூரிய நாராயண ரெட்டி, தன் மகன் சரத் திருமண அழைப்பிதழை தயாரிக்க, அழைப்பிதழ் ஒன்றுக்கு, 15 ஆயிரம் ரூபாய் செலவழித்துள்ளார். அழைப்பிதழ்களை தயாரிப்பதில் புகழ் பெற்ற, மும்பை ரவீஷ் கபூர் பிரின்டர்ஸ் நிறுவனத்தில், இந்த அழைப்பிதழ்களை தயாரித்துள்ளனர். இவர்கள், ஏற்கனவே, இரண்டு ஆண்டுகளுக்கு முன், தொழிலதிபர் ராஜ்குந்த்ரா, பாலிவுட் நடிகை ஷில்பா ஷெட்டி ஆகியோரின் திருமண அழைப்பிதழை தயாரிக்க, அழைப்பிதழ் ஒன்றுக்கு, 12 ஆயிரம் ரூபாய் கட்டணமாக பெற்றுள்ளனர்.

கருணாநிதிக்கு தைரியமிருந்தால், சட்டசபைக்கு வந்து, கருத்துகளைக் கூறட்டும்,''என, வீட்டுவசதித் துறை அமைச்சர் வைத்திலிங்கம் சவால் விடுத்துள்ளார். அ.தி.மு.க., அரசின் சாதனைகளைப் பாராட்டி, புதிய தமிழகம் எம்.எல்.ஏ., கிருஷ்ணசாமி பேசுகையில்,"தி.மு.க.- தே.மு.தி.க., எம்.எல்.ஏ.க்களும், சபையில் இருந்திருந்தால், இன்னும் சிறப்பாக இருந்திருக்கும். எதிர்காலத்தில், அவர்களும் சபையில் இருக்குமாறு பார்த்துக் கொள்ள வேண்டும்,'' என்றார். இதற்கு, நிதி அமைச்சர் பன்னீர்செல்வம், "தி.மு.க.வை, யாரும் வெளியேற்றவில்லை. வெளியேற வேண்டும் என, திட்டமிட்டு அவர்களே வெளியேறி விட்டனர்.

இந்திய பெருங்கடலில், சீனாவின் ஆதிக்கம் அதிகரித்து வருவதால், அதை கண்காணிக்க வேண்டிய கட்டாயம், மத்திய அரசுக்கு உருவாகியுள்ளது. அதனால், இந்திய விமானப் படையின், புதிய விமான தளம், தஞ்சாவூரில் அமைக்கப்பட்டு, அதன் திறப்பு விழா, வரும், 27ம் தேதி நடைபெறுகிறது. இந்திய விமானப் படைக்கு சொந்தமான விமான தளங்கள், தமிழகத்தில், கோவை அருகே சூலூரிலும், சென்னையை அடுத்த தாம்பரத்திலும் ஏற்கனவே உள்ளன. தற்போது, மூன்றாவதாக, தஞ்சாவூரில், புதிய விமானத் தளம், 150 கோடி ரூபாய் செலவில் கட்டப்பட்டுள்ளது. இதன் திறப்பு விழா, வரும், 27ம் தேதி நடக்கிறது. ராணுவ அமைச்சர் ஏ.கே.அந்தோணி, புதிய விமான தளத்தை திறந்து வைக்கிறார்.