சிங்கள இனவெறி ஆட்சியாளர்களின் கொடுஞ்சிறைகளில் வதைபடும் தமிழர்களின் துயரம், இன்றும் மிகமோசமான அனுபவங்களுடன் தொடரவே செய்கின்றது.

அனைத்துலகத்தின் கண்டனங்களுக்கு மத்தியிலும், தமிழர்களுக்கெதிரான கொடுமைகளை சிங்களம் தங்குதடையின்றித் தொடர்கின்றது என்பதற்கு, அண்மையில், வவுனியாச் சிறையில் நடைபெற்ற கொடுமைகளே சாட்சி.

தமிழ் அரசியல் கைதிகள் மீதான படுகொலைகள், வெறித்தனங்கள், சிறீலங்காவை ஆட்சிபுரிந்த அனைத்து ஜனாதிபதிகள் காலத்திலும், திட்மிட்டமுறையில், அரச அங்கீகாரத்துடன் நடந்தேறி வந்திருக்கின்றன.

ஜே.ஆர். ஜெயவர்த்தனா சனாதிபதியாக இருந்த காலத்தே, 1983 ஆம் ஆண்டு யூலை மாதம், கொழும்பு வெலிக்கடைச் சிறைச்சாலையில், சிறை அதிகாரிகள், இராணுவத்தின் ஒத்துழைப்புடன் அவர்களின் முன்னிலையில் சிங்களக் கைதிகள் இரு கட்டங்களாக நடத்திய கொலைவெறித் தாண்டவத்தில், 52 க்கும் மேற்பட்ட தமிழ் அரசியல் கைதிகள் மிகக் கோரமான முறையில் படுகொலை செய்யப்பட்டனர்.

சந்திரிகா ஆட்சிக்காலத்தில், 2000 ஆம் ஆண்டு ஒக்டோபர் மாதம், பிந்துனுவேவாவில், புனர்வாழ்வு முகாம் என்ற பெயரில் அமைக்கப்பட்ட சிறைக்கூடத்தில், இரண்டு சிறுவர்கள் உட்பட 26 தமிழர்கள், குத்திக் குதறிக் கொலை செய்யப்பட்டனர்.

அயல்கிராமங்களில் இருந்து, கொண்டுவரப்பட்ட இரண்டாயிரத்துக்கும் மேற்பட்ட சிங்களக் குண்டர்கள், கோடரிகள், வாள், கத்திகள் பொல்லுகளுடன், முகாம் உள்நுளைந்து, நிராயுதபாணிகளாக இருந்த தமிழர்களை வேட்டையாடினர். ஆயுதம் தரித்த பொலிஸாரும், சிறைக்காவலர்களும் வேடிக்கை பார்த்தபடி இருக்க இக்கொடுமை அரங்கேற்றப்பட்டது.

இதுதவிர, ஒருவர் இருவராக, சிறைச்சாலைகளில் வைத்து, தற்கொலைகள் என்ற பெயரிலும், தப்பிக்க முனைந்தபோது சுடப்பட்டார்கள் என்ற பெயரிலும், குழுச்சண்டைகள், கைதிகள் மோதல் என்ற பெயரிலும் சிறைக்குள்ளே வைத்து தமிழ் அரசியல் கைதிகளின் உயிர்கள் காலத்திற்குக் காலம் பிடுங்கப்பட்டன.

தமது அசௌகரியங்களை தெரியப்படுத்தும்போதும், நீண்டகாலம் நீதி விசாரணையின்றித் தடுத்துவைக்கப்பட்டிருப்பதை எதிர்த்து அமைதியான முறையில் எதிர்ப்புகளை வெளிப்படுத்துகின்றபோதும், தமிழ் அரசியல் கைதிகள் மிருகத்தனமான முறையில் தாக்கப்படுகின்றனர். படுகொலை செய்யப்படுகின்றனர்.

இந்த வரிசையில், கடந்த வாரம் வவுனியாச் சிறையில் சிங்கள அதிரடிப்படையினரால், நடத்தப்பட்ட வெறித்தனமான தாக்குதலில், கால் கைகள் முறிக்கப்பட்ட நிலையில், கணேசன் நிமலரூபன் என்ற அரசியல் கைதி படுகொலை செய்யப்பட்டிருக்கின்றார். மேலும் பல தமிழ்க் கைதிகள், படுகாயங்களுடன் நினைவுகள் தப்பிய நிலையில், சிங்களப் பகுதிகளில் உள்ள வைத்திய சாலைகளில், இரும்புச் சங்கிலிகள் பிணைக்கப்பட்ட நிலையில் வைக்கப்பட்டுள்ளனர். பல கைதிகள், வைத்திய சிகிச்சைகள் வழங்கப்படாமலேயே தடுத்து வைக்கப்பட்டுள்ளனர்.

சர்வதேச விதிமுறைகளுக்கு அமைய, தமது கட்டுப்பாட்டில், கைதிகளாக வைக்கப்பட்டுள்ளவர்களின் முழுமையான பாதுகாப்பை எச்சந்தர்ப்பத்திலும், எந்தச் சூழ்நிலையிலும் உறுதிப்படுத்த வேண்டியவர்களே, இப்படுகொலைகளையும், காட்டுமிராண்டித்தனமான தாக்குதல்களையும் புரிகின்றனர் என்பதே, சிறீலங்காவின் நடைமுறையாகவுள்ளது.

கணேசன் நிமலரூபனைப் சிறைக்குள் வைத்துப் படுகொலை செய்த சிங்கள அரசு, போலி மருத்துவச் சான்றிதழ்களில் பெற்றோரின் கையொப்பத்தைக் கேட்டு மிரட்டுகின்றது. படுகொலை செய்யப்பட்ட தமது ஒரே மகனின் உடலைப் பொறுப்பேற்று தமது சொந்த ஊரில் நல்லடக்கம் செய்வதற்குக்கூட சிங்கள அரசு நிமலரூபனின் பெற்றோருக்கு உரிமை மறுத்திருக்கின்றது.

சிங்களச் சிறைகளில் வாடும், பல்லாயிரக்கணக்கான தமிழ் அரசியல் கைதிகள், நீதிவிசாரணைகள் இன்றி நெடுங்காலமாக கொடுத்துயர் அனுபவித்துவருவது இருண்ட சிறைகளைத் தாண்டி வெளியே தெரிவதில்லை. தவிர்க்கமுடியாமல் சில சம்பவங்கள் மாத்திரம் வெளிச்சத்திற்கு வருகின்றன. தடுத்து வைக்கப்பட்டிருப்பவர்களின் குடும்பத்தினர், தினந்தோறும் அனுபவித்துவரும் வேதனைகள் பல. அவையும் கவனிக்கப்படுவதில்லை.

சிங்கள அரசால், தமிழ் அரசியல் கைதிகள் மீது திட்டமிட்டு, மிலேச்சத்தனமான முறையில், கட்டவிழ்த்து விடப்படும் இந்தக் கொடூரங்கள் உடனடியாக தடுத்து நிறுத்தப்படுவதுடன், சர்வதேசப் பாதுகாப்பை, தமிழ் அரசியல் கைதிகளுக்காகக் கோருவது புலம்பெயர்ந்து வாழும் தமிழ் மக்களினதும், தமிழ் அமைப்புக்களினதும் முக்கியமான கடமையாகின்றது.

தமிழர் நடுவம் இதுகுறித்த கோரிக்கைகளை, மனித உரிமை அமைப்புக்கள், மற்றும், இதுவிடயத்தில் தீவிர பங்காற்றக்கூடிய நாடுகளிடம் முன்வைக்கின்றது.

சர்வதேச சட்டங்கள், சர்வதேச நியதிகளுக்கு உட்பட்டு, போர்க்கைதிகள் தொடர்பான சர்வதேச விதிமுறைகளுக்கு உட்பட்டு நடக்க சிறீலங்கா அரசு தொடர்ச்சியாக மறுக்கும் போக்கில், சர்வதேச சமூகம் இது குறித்த தீர்க்கமான உடனடித் தீர்மானத்திற்கு வரவேண்டும்.

காலங்காலமாகத் தொடரும் இச்சிறைக் கொடுமைகளில் இருந்து, தமிழ் அரசியல் கைதிகளைக் காப்பாற்ற, சர்வதேச சமூகம் முடிவுகளை எடுத்து, அவற்றை நடைமுறைப்படுத்த முன்வரவேண்டும் எனத் தமிழர் நடுவம் கோருகின்றது.

சிறைகளில், தமிழர்களுக்கு எதிராக நடைபெறும் இத்தகு கொடூரங்கள், நல்லிணக்கம் என்ற பேச்சுக்கே இடமில்லாத சூழலை நிரத்தரமாகத் தக்கவைத்துக் கொள்வதுடன், தமிழ் சிங்கள உறவுகளில், இன்னும் தீவிரமான பகை உணர்வு நிரம்பப்பெற்ற பெரும் இடைவெளியைத் தோற்றுவிக்கும் என்பதை, சர்வதேச சமூகத்திடம் தமிழர் நடுவம் இச்சந்தர்ப்பத்தில் சுட்டிக்காட்ட விளைகின்றது.

இனப்பிரச்சினைக்கு நிரந்தரத் தீர்வைக் காண்பதில் அக்கறை கொண்டிருப்பதாகக் கூறும், இந்தியா உட்பட்ட மேற்குலக நாடுகளுக்கு, இந்த யதார்த்த நிலையை தமிழர் நடுவம் சுட்டிக்காட்டுவதுடன், இதுவிடயத்தில், காத்திரமான நடவடிக்கைகளே, சமாதானத் தீர்வுக்கான எண்ணங்களுக்கு வலுச் சேர்க்கும் என்பதை தெளிவுபடுத்துகின்றது.

தமிழரின் தாகம் தமிழீழத் தாயகம்.

தமிழர் நடுவம் - பிரான்ஸ்

மட்டக்களப்பு மாவட்டத்தின் கோறளைப்பற்று பிரதேச செயலாளர் பிரிவிலுள்ள வாழைச்சேனை புதுக்குடியிருப்பு கிராம எல்லையில் குடிகொண்டு அருள்பாலிக்கும் கோராவெளி கண்ணகி அம்மன் ஆலயத்தின் வருடாந்த சடங்கு உற்வசத்தின் திருக்குளிர்த்தியாடும் நிகழ்வு இன்று சனிக்கிழமை இடம்பெற்றது. இவ்வாலய உற்சவம் கடந்த செவ்வாய்கிழமை ஆரம்பமாகி சனிக்கிழமை காலை தீ மிதிப்பு, திருக்குளிர்த்தியாடும் வைபவத்துடன் நிறைவுபெற்றுள்ளது. இறுதி நாள் அன்னதானக் குழுவினரால் அன்னதானம் வழங்கப்பட்டது. தீ மிதிப்பு நிகழ்வில் ஐநூக்கு மேற்பட்ட பக்தர் கலந்து கொண்டிருந்தனர்.

கண்டி தலதா மாளிகைக்கு முன்னால் மிருக வதையினை கண்டித்து தனக்கு தானே தீமூட்டிக்கொண்ட பௌத்த பிக்கு, சிகிச்சை பலனின்றி இன்று சனிக்கிழமை இரவு உயிரிழந்துள்ளதாக வைத்தியசாலை வட்டார தகவல்கள் தெரிவிக்கின்றன. கண்டி தலதா மாளிகைக்கு முன்பாகவே நேற்று வெள்ளிக்கிழமை அவர் தீ மூட்டிக்கொண்டார். வெசாக் தினத்தையொட்டி கண்டி தலதா மாளிகையில் விசேட மத நிகழ்வுகள் நடைபெற்றுக்கொண்டிருந்த வேளையிலேயே அவர் தனக்கு தானே தீ மூட்டிக்கொண்டுள்ளார்.

இலங்கையில் மதங்களுக்கிடையில் பாராபட்சம் நிலவுவதாகக் காட்டி நாட்டைப் பிளவுபடுத்துவதற்கான நடவடிக்கைகள் சர்வதேச நீதியில் மேற்கொள்ளப்பட்டு வருகின்றது என பிரதமர் டி.எம். ஜயரட்ண குற்றம் சாட்டியுள்ளார். கண்டி தலதா மாளிகையில் ஜனாதிபதியின் தலைமையில் நடைபெற்ற விசேட நிகழ்வொன்றில் கலந்து கொண்டு உரையாற்றும் போதே பிரதமர் இவ்வாறு தெரிவித்தார். அவர் மேலும் தெரிவித்துள்ளதாவது, எதிர்வரும் காலங்களில் எந்தவொரு நாடோ அல்லது இனவாதிகளோ நாட்டை அபகரிக்க இடமளிக்க முடியாது. நாட்டில் மதங்களுக்கிடையில் பாராபட்சம் நிலவுவதாகக் காட்டி நாட்டைப் பிளவுபடுத்துவதற்கான சூழ்ச்சிகளை சர்வதேம் மேற்கொண்டு வருகின்றது. எனவே இந்த விடயத்தில் அனைவரும் மிகுந்த கவனம் செலுத்துவது அவசியமாகும். நாட்டில் யுத்தம் முடிவடைந்த பின்னர் சகல மதங்களும் பராமரிக்கப்பட்டு மதத் தலங்களும் அபிவிருத்தி செய்யப்பட்டு வரும் நிலையில் இங்கு மதங்களுக்கிடையில் எத்தகைய ஏற்றத்தாழ்வும் கிடையாது.

கிழக்கு மாகாணத்தில் கிண்ணியா பகுதியைச் சேர்ந்த பெண்ணொருவருக்கு அறுவை சிகிச்சை செய்யும் போது அப்பெண்ணின் வயிற்றுக்குள் ஊசியினை வைத்து தைக்கப்பட்ட சம்பவம் ஒன்று இடம்பெற்றுள்ளது. அறுவை சிகிச்சைக்கு பின்னர் குறித்த பெண்ணுக்கு ஏற்பட்ட வயிற்று வலி காரணமாக கடந்த 22 ஆம் திகதி வைத்தியசாலைக்கு சென்றுள்ளார். அப்பெண்ணின் வயிற்றுப் பகுதியை எக்ஸ்ரே எடுத்து பார்த்த போது வயிற்றுகுள் ஊசி இருப்பது கண்டறியப்பட்டது. இதனால் மீண்டும் அறுவை சிகிச்சைக்கு உட்படுத்துவதற்காக அப்பெண் கிண்ணியா வைத்தியசாலையில் அனுமதிக்கப்பட்டுள்ளதாக தெரிவிக்கப்படுகிறது.

இலங்கையிலுள்ள தெற்காசிய நாடுகளின் கலாசார மத்திய நிலையம் ஏற்பாடு செய்துள்ள சார்க் நாடுகளின் திரைப்பட விழா இம்மாதம் 26ஆம் திகதி முதல் 31ஆம் திகதி வரை தேசிய திரைப்பட கூட்டுத்தாபனத்தில் நடைபெறவுள்ளது. ஆப்கானிஸ்தான் தவிர்ந்த ஏனைய நாடுகள் இந்த திரைப்பட விழாவுக்காக சினிமா திரைப்படங்களையும் விவரணத்திரைப்படங்களையும் அனுப்பி வைத்துள்ளதாக தெரிவிக்கப்படுகின்றது. இந்த விழாவின் போது தெரிவு செய்யப்படும் சிறந்த திரைப்படங்கள் விவரணப்படங்கள் மற்றும் சிறந்த நடிகர் நடிகைகளுக்கு விருதுகளும் வழங்கப்படவுள்ளன. கடந்த ஆண்டில் இலங்கை திரைப்படம் ஒன்றே மேற்படி விழாவின் போது சிறந்த திரைப்படமாக தெரிவு செய்யப்பட்டது.

ஈழவிடுதலைப் போராட்டத்தில் பெரும் வராலற்று சிறப்பினைச் பதிவதாக தமிழீழ சுதந்திர சாசன முரசறைவும் அதனையொட்டிய இடம்பெற்றிருந்த மாநாடும் அமைந்திருந்ததென மாநாட்டின் செயற்குழு தனது உத்தியோகபூர்வ ஊடக அறிக்கையில் தெரிவித்துள்ளது. இது தொடர்பில் தமிழீழ சுதந்திர சாசன மாநாட்டு செயற்குழுத் தலைவர் நிமால் விநாயகமூர்த்தி அவர்கள் வெளியிட்டுள்ள அறிக்கையில் தெரிவிக்கப்பட்டிருப்பதாவது : அடிமை ஒழிப்புக்குக் குரல் கொடுத்த பெருமகன் திரு. 'தாடுஸ் ஸ்டீவன்சன்' அவர்களின் பிறப்பிடமாகிய அமெரிக்காவின் பென்சில்வேனிய மாநிலத்தின் லாங்காஸ்டர் நகரில் தமிழீழசுதந்திர சாசனம் மே-18மம் நாள் சனிக்கிழமை (18-05-2013) உணர்வெழுச்சியுடன் முரசறையப்பட்டது.

இம்முறை வெசாக் பண்டிகையின் போது சிறைக் கைதிகள் எவருக்கும் பொது மன்னிப்பு வழங்கப்படவில்லையென புனர்வாழ்வு மற்றும் சிறைச்சாலைகள் மறுசீரமைப்பு அமைச்சின் செயலாளர் ஜி.எஸ்.விதானகே தெரிவித்துள்ளார். சிறு குற்றங்களை புரிந்து தற்போது சிறையில் உள்ள குற்றவாளிகள் சிலரின் பெயரை நீதி அமைச்சுக்கு பரிந்துரை செய்தபோதிலும் அதற்கான அனுமதி தமக்கு கிடைக்கவில்லையெனவும் அவர் குறிப்பிட்டுள்ளார்.

கொழும்புத் துறைமுக களஞ்சியசாலையில் ஏற்பட்ட திடீர் தீ விபத்து தொடர்பில் இதுவரையிலும் 13 பேரிடம் வாக்குமூலங்கள் பெற்றுக்கொள்ளப்பட்டுள்ளதாக அறிவிக்கப்பட்டுள்ளது. அத்துடன் இரசாயன பகுப்பாய்வு நடவடிக்கைகளும் இன்று இடம்பெற்றன. கொழும்பு துறைமுக களஞ்சியசாலையில் நேற்று 24 ஆம் திகதி ஏற்பட்ட திடீர் தீ விபத்தையடுத்து களஞ்சியசாலை தொகுதியை பொலிஸார் பொறுப்பேற்றதுடன் விசாரணைகளையும் துரிதப்படுத்தினர். இந்நிலையிலேயே இதுவரையிலும் 13 பேரிடம் வாக்குமூலங்கள் பெற்றுக்கொள்ளப்பட்டுள்ளதாக பொலிஸார் அறிவித்துள்ளனர்.

பிரபல தமிழ் திரைப்பட பின்னணிப் பாடகர் டி. எம். சௌந்தரராஜன் அவர்கள் சென்னையில் காலமானார். இருதயக் கோளாறு காரணமாக மருத்துவமனையில் அனுமதிக்கப்பட்டிருந்த அவர் பின்னர் வீடு திரும்பியிருந்தார். ஆயினும் இன்று சனிக்கிழமை சற்று நேரம் முன்னதாக அவர் தனது வீட்டில் காலமானார். அவருக்கு வயது 91. தென்னிந்திய திரையுலகில் அரை நூற்றாண்டுக்கும் அதிகமாக பின்னணி பாடி வந்த இவர், பட்டினத்தார் உட்பட சில திரைப்படங்களிலும் நடித்திருந்தார். 1923 ஆம் ஆண்டு மதுரையில் சௌராஸ்டிர குடும்பத்தில் பிறந்த இவரது தகப்பனார் பெயர் மீனாட்சி ஐயங்கார். 1950 ஆம் ஆண்டும் கிருஷ்ண விஜயம் என்னும் படத்தில் 'ராதே என்னை விட்டுப் போகாதடி'' என்னும் பாடலுடன் இவர் அறிமுகமானார். தமிழ் தவிர தெலுங்கு மலையாளம் ஆகிய மொழிகளிலுமாக 10, 000 பாடல்களுக்கும் அதிகமாக அவர் பாடியிருக்கிறார்.

வட்டக்கச்சி மம்மில் இந்து மயானத்திற்கு இராமநாதபுரத்தைச் சேர்ந்த அமரர் இராஜேஸ்வரி வேலுப்பிள்ளை ஞாபகார்த்தமாக அவரின் குடும்பத்தவரால் எரிகொட்டகை அமைத்து வழங்கப்பட்டது. அமரர் இராஜேஸ்வரி வேலுப்பிள்ளை அவர்களது நிதிப் பங்களிப்பில் வட்டக்கச்சி அறிவொளி சனசமூக நிலையத்தின் ஏற்பாட்டில் இவ் எரிகொட்டகை அமைக்கப்பட்டு, வட்டக்கச்சி கிராம முன்னேற்ற சங்கங்களிடம் கையளிக்கும் நிகழ்வு கரைச்சி பிரதேச சபை உறுப்பினர் வி.சுவிஸ்கரன் தலைமையில் மம்மில் இந்து மயானத்தில் இடம்பெற்றது.

ஜோர்தானில் இலங்கைப் பணிப்பெண் ஒருவர் துப்பாக்கிச் சூட்டில் உயிரிழந்த சம்பவம் தொடர்பில் அவரது பெற்றோர் சந்தேகம் வெளியிட்டுள்ளனர். மட்டக்களப்பு, வாழைச்சேனை பிரதேசத்தில் கறுவாக்கேணியை சேர்ந்த 21 வயதான நாகேந்திரன் காந்திமதி என்ற பெண் ஜோர்தானில் தன்னைத் தானே துப்பாக்கியால் சுட்டு தற்கொலை செய்து கொண்டுள்ளதாக இம்மாதம் 19-ம் திகதி அவரது குடும்பத்துக்கு அறிவிக்கப்பட்டுள்ளது. இம்மாதம் 6-ம் திகதி உயிரிழந்ததாகக் கூறப்படும் குறித்த பெண்ணின் மரணம் தொடர்பில் தமக்கு இரண்டு வாரங்களுக்குப் பின்னரே அறிவிக்கப்பட்டதாக அவரது குடும்பத்தினர் பிபிசி தமிழோசையிடம் கூறுகின்றனர். கடந்த 2010-ம் ஆண்டு ஜூலை 22ம் திகதி இவர் வீட்டுப் பணிப்பெண்ணாக ஜோர்தான் சென்றுள்ளார்.

யுவதியொருவரை தொடர்ச்சியாக மிரட்டி வல்லுறவுக்குட்படுத்தி வந்த பிரபல திரைப்பட தயாரிப்பாளரொருவரை நாரஹெம்பிட்டி பொலிஸார் கைது செய்துள்ளதாக தெரிவிக்கப்படுகின்றது. குறித்த யுவதி அதுருகிரிய பிரதேசத்தைச் சேர்ந்த 24 வயதானவர் எனத் தெரிவிக்கப்படுகின்றது. யுவதி சினிமாவில் நடிப்பதற்காக தயாரிப்பாளரிடம் வந்துள்ளதாகவும் அவருக்கு வாய்ப்பு தருவதாகக் கூறி அவரை நிர்வாணமாக படமெடுத்து பின்னர் அதனை வெளியிடப்போவதாக மிரட்டியே குறித்த நபர் தொடர்ச்சியாக வல்லுறவுக்குட்படுத்தியுள்ளார்.

சூரியனை சுற்றியுள்ள கோள்களில் மூன்று கோள்கள் முக்கோண பாதையில் தற்போது சுற்றிவருவதை வானத்தில் பார்க்கலாம் என்று கொழும்பு பல்கலைக்கழகத்தின் பௌதீக விஞ்ஞான பிரிவின் பேராசிரியர் சந்தன ஜயரத்ன தெரிவித்தார். இரவில் வானத்தில் தெட்டத்தெளிவாக தெரிகின்ற சனி, கோள்மண்டத்தில் மிகப்பெரிய கோளான வியாழன் மற்றும் சூரியனுக்கு மிகவும் அண்மையில் இருக்கின்ற புதன் ஆகிய கோள்களே முக்கோண பாதையில் சுற்றிவருகின்றன. இலங்கையின் வடமேல் வானத்திலேயே இதனை பார்க்க முடியும் என்று தெரிவித்துள்ள பேராசிரியர் சந்தன ஜயரத்ன இது போன்றதொரு நிகழ்வை 2021 ஆம் ஆண்டே பார்க்கலாம் என்றும் அவர் தெரிவித்துள்ளார்.

ஜெனீவாவில் அமைந்துள்ள ஐக்கிய நாடுகள் சபையின் மனித உரிமைப் பேரவையின் 23 ஆவது கூட்டத் தொடர் எதிர்வரும் திங்கட்கிழமை ஆரம்பமாகவுள்ளது. எதிர்வரும் ஹூன் மாதம் 14 ஆம் திகதிவரை நடைபெறவுள்ள இந்த 23 ஆவது கூட்டத்தொடரின் அமர்வுகளின் போது நாடுகளின் மனித உரிமை நிலைமைகள் குறித்து ஆராயப்படவுள்ளதுடன் பல்வேறு நாடுகள் தொடர்பில் பிரேரணைகளும் முன்வைக்கப்படவுள்ளன. 47 உறுப்பு நாடுகள் இந்தக் கூட்டத்தொடரில் கலந்துகொள்ளவுள்ளதுடன் மேலும் பலநாடுகளும் அவதானிப்பு நாடுகளாகவும் கலந்துகொள்ளவுள்ளன.

புதுடில்லியில் விரைவில் ஈழத் தமிழர்களுக்கு ஆதரவான ஆட்சி நிச்சயம் அமையும். எதிர்வரும் இந்திய நாடாளுமன்றத் தேர்தலில் அது வெளிப்படும் என்று இந்திய கம்யூனிஸ்ட் கட்சியின் மாநிலச் செயலர் தா.பாண்டியன் தெரிவித்துள்ளார். நேற்றுமுன்தினம் வியாழக்கிழமை சென்னையில் இடம்பெற்ற முள்ளிவாய்க்கால் நினைவுதின நிகழ்வு ஒன்றில் கலந்துகொண்டு உரை நிகழ்த்துகையிலேயே பாண்டியன் இதனைத் தெரிவித்தார். ஈழத் தமிழர்களுக்கு ஆதரவுமிக்க ஆட்சியொன்று புதுடில்லியில் வெகுவிரைவில் அமையும் என்ற நம்பிக்கை எமக்கு உண்டு. அதன் மூலம் ஈழத் தமிழர் பிரச்சினைக்கு நியாயமான தீர்வினை விரைவாக எட்டுவதற்கான அழுத்தத்தை இலங்கை அரசுக்கு கொடுக்க முடியும் என்றும் பாண்டியன் தனது உரையில் குறிப்பிட்டார்.

13வது திருத்தச் சட்டம் தொடர்பில் கருத்துக்களை தெரிவிப்பதற்கு பாதுகாப்பு செயலாலர் கோத்தபாய ராஜபக்சவிற்கு அதிகாரமோ உரிமையோ கிடையாது என்று மொழி மற்றும் சமூக ஒருமைப்பாட்டு அமைச்சர் வாசுதேவ நாணயக்கார தெரிவித்துள்ளார். அரசியலமைப்பின் 13வது திருத்தச் சட்டத்திற்கு எதிராக ஜாதிக ஹெல உறுமயவினால் முன் வைக்கப்படவுள்ள தனி நபர் பிரேரணை செல்லுபடியற்றதாகும். எனவே, அரசு மேற்படி பிரேரனைக்கு அங்கீகாரம் வழங்காது என்று மொழி மற்றும் சமூக ஒருமைப்பாட்டு அமைச்சர் வாசுதேவ நாணயக்கார தெரிவித்துள்ளார்.

மட்டக்களப்பு நகரின் வடக்கு நுழைவாயில் நெடுஞ்சாலையோரத்தில் புத்தர் சிலை நிறுவுவதற்கு வழங்கப்பட்டுள்ள அனுமதியானது இனங்களுக்கிடையில் மனக்கசப்பை ஏற்படுத்தும் செயலாகும் என்று நாடாளுமன்ற உறுப்பினர் சீனித்தம்பி யோகேஸ்வரன் தெரிவித்துள்ளார். புத்தர் சிலையை நிறுவுதல் தொடர்பில் பிரதமர் தி.மு ஜயரட்னவிற்கு எழுதியுள்ள கடிதத்திலேயே அவர் மேற்கண்டவாறு தெரிவித்துள்ளார். அந்த கடிதத்தில் மேலும் தெரிவிக்கப்பட்டுள்ளதாவது,

முல்லைத்தீவு பனிச்சங்குளப் பகுதியில் பாலியல்வல்லுறவுக்கு உள்ளாகியிருக்கலாம் என சந்ததேகிக்கப்படும் நிலையில் கிணற்றில் இருந்து இளம் பெண்ணின் சடலம் மீட்கப்பட்டுள்ளது. அடையாளம் தெரியாத நிலையில் இச் சடலம் இருப்பதாகவும் சடலத்திலுடன் கல்லுக்கட்டப்பட்டு போடப்பட்டுள்ளதாகவும் தகவல்கள் தெரிவிக்கின்றன. குறிப்பிட்ட சடலம் தற்போது கிளிநொச்சி வைத்தியசாலையில் வைக்கப்பட்டுள்ளதாகவும் கிளிநொச்சி வைத்தியசாலை வட்டாரங்கள் தெரிவிக்கின்றன.

சட்டவிரோதமாக ஆஸ்திரேலியாவுக்குத் தப்பிச் செல்ல முயன்ற 21 இலங்கை அகதிகள் இந்தியாவின் கேரளா மாநிலத்தின் ஏர்ணாகுளம் பிரதேசத்தில் வைத்து நேற்றுக் கைது செய்யப்பட்டுள்ளனர். தமிழக கியூ பிரிவு பொலிஸார் மற்றும் கேரளப் பொலிஸார் இணைந்து மேற்கொண்ட சுற்றிவளைப்பில் இவர்கள் கைது செய்யப்பட்டுள்ளனர். இந்தியப் புலனாய்வுப் பிரிவினருக்குக் கிடைக்கப் பெற்ற தகவலின்படி இந்தச் சுற்றி வளைப்பு மேற்கொள்ளப்பட்டுள்ளது. 7 ஆண்கள், 6 பெண்கள் மற்றும் 8 சிறுவர்கள் நியூகொச்சின் பகுதி ஹோட்டல் ஒன்றில் வைத்துக் கைது செய்யப்பட்டுள்ளனர். இவர்கள் சென்னையிலிருந்து ரயில் மூலமாக கேரளா சென்றுள்ளனர்.

அமெரிக்க தகவல் நிலையத்தை அமைப்பது தொடர்பாக, திருகோணமலை நகரசபையுடன் செய்து கொள்ளப்பட்ட உடன்பாடு குறித்து, கொழும்பிலுள்ள அமெரிக்கத் தூதுரக அதிகாரிகளிடம் விளக்கம் கோர சிறிலங்கா அரசாங்கம் முடிவு செய்துள்ளதாக தெரிவிக்கப்படுகிறது. திருகோணமலையில் பொது தகவல் மற்றும் செயற்பாட்டு நிலையத்தை (அமெரிக்கன் கோணர்) அமைப்பதற்கு கொழும்பிலுள்ள அமெரிக்கத் தூதரகம், திருகோணமலை நகரசபையுடன் கடந்த 22ம் நாள் உடன்பாடு ஒன்றைச் செய்து கொண்டது. இந்த உடன்பாடு குறித்து சிறிலங்கா வெளிவிவகார அமைச்சுக்குத் தெரியப்படுத்தப்படாதது சிறிலங்கா அரசாங்கத்துக்கு விசனத்தை ஏற்படுத்தியுள்ளது. இந்த நிலையிலேயே கொழும்பிலுள்ள அமெரிக்கத் தூதரக அதிகாரிகளிடம் விளக்கம் கோர சிறிலங்கா வெளிவிவகார அமைச்சு முடிவு செய்துள்ளது.