Untitled Document
February 24, 2018 [GMT]
  • Welcome
  • Welcome
சர்வதேச தமிழினத்தை கனடாவில் ஒன்றிணைத்த பூப்பந்தாட்ட சுற்றுப் போட்டி! Top News
[Friday 2017-08-11 07:00]

உலகெங்கும் பரந்து வாழும் தமிழ் மக்களை ஒரே புள்ளியில் இணைக்கும் விளையாட்டுக் களமாக பூப்பந்தாட்டம் (Badminton)   இன்று முன்னிலை பெற்றுள்ளது. அந்த வகையில், கடந்த சில வருடங்களாக புலம்பெயர்ந்த தேசங்களில் வாழும் தமிழர்கள் பூப்பந்தாட்ட விளையாட்டில் மிகுந்த ஆர்வம் கொண்டிருக்கும் நிலையில்,தத்தமது நாடுகளில் மட்டுமே ஆடிவந்த விளையாட்டை சர்வதேசப் போட்டிக் களத்துக்கு எடுத்துச் செல்லும் முயற்சிகள் எடுக்கப்பட்டன.

உலகெங்கும் பரந்து வாழும் தமிழ் மக்களை ஒரே புள்ளியில் இணைக்கும் விளையாட்டுக் களமாக பூப்பந்தாட்டம் (Badminton) இன்று முன்னிலை பெற்றுள்ளது. அந்த வகையில், கடந்த சில வருடங்களாக புலம்பெயர்ந்த தேசங்களில் வாழும் தமிழர்கள் பூப்பந்தாட்ட விளையாட்டில் மிகுந்த ஆர்வம் கொண்டிருக்கும் நிலையில்,தத்தமது நாடுகளில் மட்டுமே ஆடிவந்த விளையாட்டை சர்வதேசப் போட்டிக் களத்துக்கு எடுத்துச் செல்லும் முயற்சிகள் எடுக்கப்பட்டன.

  

சுவிஸ் நகரில் வசிக்கும் ‘சிங்கம் கந்தையா’ அவர்களின் சிந்தையில் உருவாகிய ‘தமிழர் பூப்பந்தாட்ட உலகக் கிண்ண சுற்றுப் போட்டி’ என்ற சர்வதேச தமிழர்விளையாட்டுக் களத்துக்கான திட்டமிடலானது 2013 ஆம் ஆண்டில் உதயமானது. சுவிஸ் நாட்டில் தொடங்கிய தமிழர் பூப்பந்தாட்ட சர்வதேசப் போட்டிகள், அடுத்தடுத்து வந்த ஆண்டுகளில் பிரான்ஸ், இங்கிலாந்து, ஜேர்மனி ஆகிய ஐரொப்பிய நாடுகளில் இடம்பெற்றிருந்தன. ஒவ்வொரு நாட்டிலும் இடம்பெற்ற போட்டிகளின்போதும்,கனடாவை சேர்ந்த தமிழ் பூப்பந்தாட்ட வீரர்கள் கலந்துகொண்டதோடு, பல வெற்றிகளையும் குவித்திருந்தார்கள் என்பது குறிப்பிடத்தக்கது.

2016 ஆம் ஆண்டில்,நாலாவது சுற்றுப்போட்டி ஜேர்மனியில்இடம்பெற்றபோதே, 2017 ஆம் ஆண்டுக்கான போட்டிகள் ஐரோப்பிய நாடுகளை கடந்து வட அமெரிக்க நாடுகளில் ஒன்றான கனடாவில் இடம்பெறும் என்று அறிவிக்கப்பட்டது. அதற்கமைய ஐந்தாம் ஆண்டுக்கான போட்டிகளை கனடாவின் ரொரன்ரோ மாநகர பிரதேசத்தில்நடாத்துவதற்கான ஏற்பாடுகள் செய்யப்பட்டன. திரு. அன்ரனி ஜெயகாந்தன் அவர்களின் தலைமையில் அதற்கென ஒரு செயற்பாட்டுக் குழு அமைக்கப்பட்டது. ஒரு வருட காலமாக பலரது அயராத உழைப்பின் வெளிப்பாடாக,‘உலகத் தமிழர் பூப்பந்தாட்ட பேரவையின் 5 ஆவது உலகக் கிண்ணப் போட்டி ரொரன்ரோ - 2017’ கடந்த ஜுலை 29, 30 ஆம் திகதிகளில் மிகவும் விறுவிறுப்பாகவும்,கோலாகலமாகவும் இடம்பெற்று முடிந்திருக்கிறது.

கடந்த வருடம் ஜேர்மனியில் இடம்பெற்ற சுற்றுப் போட்டியின்போது 11 நாடுகளைச் சேர்ந்த தமிழ் விளையாட்டு வீரர்கள் பங்குகொண்டிருந்தார்கள். இம்முறை அதற்கு மேலதிகமாக அமெரிக்கா,அவுஸ்திரேலியா, பின்லான்ட், போத்துக்கல் ஆகிய நாடுகளைச் சேர்ந்தவர்கள் இணைந்துகொண்டதால் பங்குபற்றிய நாடுகளின் எண்ணிக்கை பதினைந்தாக அதிகரித்திருந்தது. பல்வேறு நாடுகளையும் சேர்ந்த 200க்கும் மேற்பட்ட தமிழ் வீரர்களும், வீராங்கணைகளும் இம்முறை போட்டியில் கலந்துகொண்டு தங்கள்திறமைகளை வெளிப்படுத்தியிருந்தார்கள்.

போட்டிகளுக்கான அரங்காக கனடாவின் Scarborough பிரதேசத்தில் அமைந்திருக்கும் ‘‘Epic Sports Centre’ தெரிவு செய்யப்பட்டு, கனடிய ஏற்பாட்டுக் குழுவினரால் அனைத்து ஒழுங்குகளும் நேர்த்தியாக செய்யப்பட்டிருந்தன. 13 வயதுக்கு உட்டபட்டவர்களுடன் ஆரம்பித்து அதற்கு மேற்பட்ட எந்த வயதினரும் பங்கு கொள்ளும் வகையில் வகைப்படுத்தப்பட்டு போட்டிகள் இடம்பெற்றன. வயதுவாரியாகப் பிரிக்கப்பட்ட போட்டியாளர்கள், பெண்கள் தனியாக, ஆண்கள் தனியாக, இருபாலாரும் சேர்ந்து என்று 25 வரையான பிரிவினருக்கிடையே போட்டிகள் இடம்பெற்றன. ஒற்றையாட்டம், இரட்டையாட்டம், கலப்பின ஆட்டம் மற்றும் திறந்த போட்டி பிரிவினருக்கான (open category) போட்டிகள் உள்ளடங்கலாக 500வரையான போட்டிகள் இரு நாட்களிலும் நடாத்தி முடிக்கப்பட்டன என்பது பெருமைக்குரிய விடயமாகும். இடம், மற்றும் காலநேரத்தை கருத்தில் கொண்டு,13 வயதுக்கு உட்பட்ட ஆண் பெண் இருபாலாருக்கும், 15 வயதான ஆண் போட்டியாளர்களுக்கும் வேறு ஒரு களத்தில் போட்டிகள் இடம்பெற்றன என்பது குறிப்பிடத்தக்கது. அவர்களில் இறுதிச் சுற்றுக்கு தெரிவானவர்கள் மறுநாள் பிரதான மையத்தில் நடைபெற்ற போட்டிகளில் பங்குபற்றியிருந்தார்கள்.

முதல்நாள் நிகழ்வாக, 29 ஆம் திகதி காலை 8 மணிக்கு உத்தியயோகபூர்வமாக போட்டிகள் ஆரம்பிக்கப்பட்டாலும், 10 மணியளவில் போட்டிகள் நிறுத்தப்பட்டுசம்பிரதாயபூர்வமானஆரம்ப நிகழ்வுகள்இடம்பெற்றன. தேசியகீதம், தமிழ்தாய் வாழ்த்து என்பவற்றோடு, மங்கள விளக்கேற்றலும் இடம்பெற்றது. கனடா செயற்பாட்டுக் குழுத் தலைவர் - அன்ரனி ஜெயகாந்த், உலகத் தமிழ் பூப்பந்தாட்ட சம்மேளனத் தலைவர் – சிங்கம் கந்தையா (சுவிஸ்), மார்க்கம் கவுன்சிலர் – லோகன் கணபதி, ஸ்காபரோ கவுன்சிலர் - நீதன் சண், ஆகியோரின் வாழ்த்துரைகளை தொடர்ந்து மீண்டும் போட்டிகள் ஆரம்பமாகின. இரவு 11 மணிவரை தொடர்ந்து போட்டிகள் இடம்பெற்றன.

அன்றைய போட்டிக் களம் மிகவும் உற்சாகமாகவும், விறுவிறுப்பாகவும் அமைந்தது. பார்வையாளர்களின் உற்சாகமூட்டல்களால் அரங்கம் அதிர்ந்தபடி இருந்ததை காணக்கூடியதாக இருந்தது. போட்டிகளில் கலந்துகொண்ட நாடுகளின் தேசியக் கொடிகள் ஒவ்வொன்றும் அரங்கில் தொங்கவிடப்பட்டு,அந்தச் சுற்றாடலே வர்ணமயமாகக் காட்சியளித்தது. போட்டி நிகழ்வுக்கு தேவையான அனைத்து வசதிகளும் ஏற்பாட்டுக் குழுவால் செவ்வனே செய்யப்பட்டிருந்தன. பிரபல உணவகமான ‘பாபு கேற்றறிங’; சிற்றுண்டி மற்றும்உணவுச் சாவடியை அமைந்திருந்தது. முதலுதவி, மற்றும் அவசர மருத்துவ தேவைகளுக்கான ஒழுங்குகளும் செய்யப்பட்டிருந்தன. முக்கியமாக, விளையாட்டு வீரர்களினதும், பார்வையாளர்களினதும் பாதுகாப்பு, கனடாவில் அங்கீகரிக்கப்பட்ட பாதுகாப்பு உத்தியோகத்தர்களால் உறுதி செய்யப்பட்டிருந்தது. தொலைக்காட்சித் திரையில் போட்டிகள் பற்றிய விபரங்களும், போட்டியாளர்களின் நிலைவரங்களும் அறிவிக்கப்பட்டவண்ணம் இருந்தன.

நூற்றி ஐம்பதுக்கு மேற்பட்ட தன்னார்வத் தொண்டர்கள், நீலநிற ஆடைகளில் தம்மை அடையாளம் காட்டி,தேவைகளுக்கு ஏற்றாற்போல் சேவைகளை வளங்கிக்ககொண்டிருந்தார்கள். போட்டிகளில் பங்குகொண்ட கனடிய வீரர்களும், வீராங்கணைகளும் சிவப்புநிற ஆடையில் வலம் வந்து தம்மை இனம்காட்டியிருந்தார்கள். பார்வையாளர்களுக்கென 300 ஆசனங்கள் அரங்கில் போடப்பட்டிருந்தன. போட்டிகள் ஆரம்பமாகி இரவு 11 மணிக்கு முடியும்வரை, தொடர்ச்சியாக வந்தும் போய்கொண்டும் இருந்த பார்வையாளர்களால் மண்டபம் நிறைந்தே காணப்பட்டது.

இரண்டாம் நாள் ஞாயிறு காலை 8 மணிக்கு மீண்டும் போட்டிகள் ஆரம்பமாகின. இறுதிப் போட்டிக்கான பரபரப்பான தினமென்பதால், முதல் நாளைவிடவும் உற்சாகம் அன்று மிகுந்து காணப்பட்டது. மாலை நாலு மணி அளவில் போட்டிகள் நிறைவடைந்து வெற்றியாளர்கள் கௌரவிக்கும் நிகழ்வு (Award ceremony) இடம்பெற்றது. மூன்றாக வகைப்படுத்தப்பட்ட 25 பிரிவுகளில் வெற்றியீட்டிய முதல் மூன்று போட்டியாளர்களுக்கு வெற்றிக் கிண்ணம் பரிசளிக்கப்பட்டது. ழிநn பிரிவில் வெற்றி பெற்றவர்களுக்கு பணப் பரிசில்கள் வளங்கப்பட்டன. மொத்தத்தில் நூற்றுக்கு மேற்பட்ட பரிசில்களை வெற்றியாளர்களுக்கு வழங்கியதன் மூலம்,போட்டியாளர்கள் உற்சாகப்படுத்தப்பட்டதோடு, மலர் செண்டு கொடுத்து கௌரவித்திருந்தார்கள்.அதேசமயம், 19 வயதுக்கு உட்பட்ட போட்டியாளர்கள் அனைவருக்கும் விளையாட்டில் பங்குபற்றியதற்கான சான்றிதழ்கள் வளங்குவதற்கான ஏற்பாடுகள் செய்யப்பட்டுள்ளன.

இந்த நிகழ்வின்போது, ஹரி ஆனந்தசங்கரி(MP) நகரசபை உறுப்பினர்கள் லோகன் கணபதி, நீதன் சண், குபேஸ்((Nava Law),னுச. கிருபாலினி மற்றும் Germany - Hamburg மாநில முன்னாள் பொருளாதார மற்றும் வேலைவாய்ப்பு அமைச்சர் ‘இயன் கரன்’ அவர்களும், அவரது பாரியாரும் கலந்து சிறப்பித்திருந்தார்கள்.

இந்தச் சுற்றுப்போட்டிகளில் அதிகம் கேடயம் பெற்ற நாடு ‘கனடா’ என்று அறிவிக்கப்பட்டது. அதன்படி, முதன்மை வெற்றிக்கிண்ணமான ‘Challenge cup’ கனடாவின் சார்பில் கடந்த காலங்களில் பல வெற்றிக் கேடயங்கள் வென்ற ‘செறினா சிங்கராயர்’ என்ற 13 வயது இளம் கனடிய வீராங்கனைக்கு வளங்கி கௌரவிக்கப்பட்டது.

விளையாட்டுப் போட்டிகள் இனிதே நிறைவடைந்த நிலையில், போட்டிகளில் பங்குபற்றிய அனைத்து வீரர்களையும் மகிழ்விக்கும் வகையில் இராப்போசன விருந்து ஏற்பாடு செய்யப்பட்டிருந்தது. Estata Banquet Hall இல் இடம்பெற்ற இந்த நிகழ்வில் கனடாவின் முன்னணி இசைக்குழுவான ‘அக்னி;’, தங்கள் இசையால் விருந்தினர்களை மகிழ்வித்தார்கள். இந்த சுற்றுப்போட்டியை வெற்றிகரமாக நிகழ்த்தி முடிப்பதற்கு கைகொடுத்த அனுசரணையாளர்கள் அனைவரும் இரவு விருந்தின்போது கௌரவிக்கப்பட்டார்கள். இறுதிச் சுற்றுப் போட்டிகள் சம்பந்தமான விடயங்கள், அனுசரணையாளர்களின் விளம்பரங்கள், வாழ்த்துச் செய்திகளை தாங்கிய சிறப்பு விழா மலரும் அங்கு வெளியிடப்பட்டது.

அடுத்த ஆண்டுக்கான (2018) சுற்றுப் போட்டி ‘டென்மார்க்’ நாட்டில் இடம்பெற முடிவு செய்யப்பட்டுள்ள நிலையில், கனடாவில் இடம்பெற்ற போட்டியானது பூப்பந்தாட்ட விளையாட்டில்பலரது ஆர்வத்தையும் தூண்டியிருப்பதை காணக்கூடியதாக இருக்கிறது. அது அடுத்த ஆண்டுக்கான போட்டிகளில் மேலும் அதிகப்படியான நாடுகளையும் விளையாட்டு வீரர்களையும் பங்குபற்றச் செய்வதற்கான உந்துதலை கொடுத்திருக்கும் என நம்பலாம்.இந்த பூப்பந்தாட்டப் போட்டியானது கனடாவின் தமிழ் மக்களிடையே மட்டுமல்லாமல், வேற்றின மக்களையும் கவர்ந்திருக்கிறது எனபதை, பார்வையாளர்களாக அவர்கள் கலந்துகொண்டதிலிருந்து தெரிந்து கொள்ளகூடியதாக இருந்தது.

போட்டியில் பங்குபற்றியவர்கள், மற்றும் அவர்களோடு கூட வந்தவர்கள் அனைவருமே தத்தமது சொந்தச் செலவிலேயே கனடாவுக்கு வந்து கலந்துகொண்டார்கள் என்பது, பூப்பந்தாட்ட விளையாட்டில் அவர்களுக்கு இருக்கும் ஆர்வத்தை வெளிப்படுத்தியிருக்கிறது. தேசம் தேசமாய் பிரிந்து வாழும் நாம்,விளையாட்டின் மூலம் தமிழர்களாய் ஒன்றுகூடி மகிழ்ந்தோம் என்று பெருமை கொள்ளும் வகையில், இருநாள்நிகழ்வுகளும், புதிய அறிமுகங்களும், சந்திப்புகளும் அமைந்ததாக நிகழ்வில் கலந்துகொண்டவர்களின் கருத்தாக இருந்தது.

கனடாவில் இடம்பெற்ற தமிழரின் சர்வதேசப் பூப்ந்தாட்டப் போட்டிகள் வெற்றிகரமாக நிறைவேறுவதற்கு பலரது பங்களிப்பும் கைகொடுத்திருக்கிறது. அனுசரணை வளங்கிய வர்த்தகப் பெருமக்கள், தன்னார்வத் தொண்டர்கள், விளையாட்டில் பங்குபற்றி தமது ஆர்வத்தை வெளிப்படுத்திய கனடிய, மற்றும் ஏனைய நாடுகளைச் சேர்ந்த விளையாட்டு வீரர்கள், நேர்மையோடு செயலபட்ட நடுர்கள், பாதுகாப்பு உத்தியோகத்தர்கள், ஊடகங்கள் போன்றவை போற்றுதலுக்கு உரியவர்களாக கருதப்படுகிறது. பெருந்தோகையான பார்வையாளர்களின் வாகனங்கள் வீதியோரங்களில் தரிப்பதற்கான வசதியை ரொரன்ரோ மாநகரசபை இலவசமாக வளங்கியிருந்தது என்பதும் குறிப்பிடத்தக்கது.

ஐந்து வருடங்களுக்கு முன் ஆரம்பிக்கப்பட்ட தமிழரின் சர்வதேச பூப்பந்தாட்ட சுற்றுப்போட்டியானது இம்முறை கனடாவில் மிகவும் சிறப்பாகவும், போற்றக்கூடிய வகையிலும் இடம்பெற்று முடிந்திருக்கிறது, இதற்கு காரணகர்த்தாக்களாக விளங்கிய கனடாவின் பூப்பந்தாட்ட ஏற்பாட்டுக் குழுவினர் மிகவும் திறம்படச் செயல்பட்டு தமது திறனை வெளிப்படுத்தியுள்ளார்கள். வெற்றிகரமான ஒருநிகழ்வை நிகழ்த்தி முடித்தற்கான வாழ்த்துக்களை தெரிவிப்பதில் மகிழ்ச்சியடையகிறோம் .

மேலதிக படங்களை பார்வையிட.. www.puthinamphotos.com

  
   Bookmark and Share Seithy.com



கிளிநொச்சியைச் சேர்ந்த லக்ஸ்மன் தங்கராசாவுக்கு வாழ்வாதார உதவி வழங்கிவைப்பு! Top News Top News
[Thursday 2018-02-08 12:00]

தாயகத்தில் யுத்தத்தாலும் இதர அனர்த்தங்களாலும் பாதிக்கப்பட்ட மக்களுக்கு உதவிக்கரம் நீட்டுவதில் கனடா செந்தில்குமரன் நிவாரண நிதியமும் கனடா வாழ் உறவுகளும் முனைப்போடு பணியாற்றிவரும் சூழலில் கிளிநொச்சி மற்றும் முல்லைத்தீவு மாவட்டங்களைச் சேர்ந்த பயனாளிகளுக்கு உதவி வழங்கும் நிகழ்வு அண்மையில் இடம்பெற்றது.



பிரம்ரனில் களைகட்டிய தமிழ் மரபுத்திங்கள் பொங்கல்விழா: Top News
[Monday 2018-02-05 07:00]

பிரம்ரன் தமிழ் சமூகம் நடாத்திய 6ம் ஆண்டு தமிழ் மரபுத் திங்கள் பொங்கல் விழா மிகவும் எழுச்சியுடன் நடைபெற்றது. உலகளாவிய தமிழர்கள் ஒருமித்து, நன்றி மறவாமை என்கின்ற உயரிய நோக்கத்திற்காக ஒரே மாதிரியாகக் கொண்டாடும் ஒரே திருவிழா பொங்கல் திருநாள் எனப்படும் உழவர் திருநாளாகும். தை பிறந்தால் வழி பிறக்கும் இது ஆன்றோர் வாக்கு. தை திருநாளில் இது வரை இருந்து வந்த துன்பங்கள் நீங்கி நல்வழி பிறக்கும் என்ற நம்பிக்கையோடு இந்த பொங்கல் பண்டிகை கொண்டாடப்படுகிறது. இந்த சிறப்புக்குரிய விழா கடந்த 21.1.18 ஞாயிறு அன்று Brampton.Sandalwood Heights S. S அரங்கில் மாலை 5 மணி முதல் இரவு 10 மணி வரை பெருந்தொகையான பார்வையாளர்களுடன் மிகச்சிறப்பாக நடைபெற்றது.



தமிழீழ உணர்வுடன் பேர்லினில் நடைபெற்ற விடுதலை மாலை 2018 Top News
[Sunday 2018-02-04 19:00]

தமிழீழ ஆன்மாவை மனதில் நிறுத்தி தமிழீழ தேசத்துக்காக தமது இன்னுயிர்களை விதையாக்கி சென்ற அனைத்து உறவுகளின் நினைவாக நேற்றைய தினம் சனிக்கிழமை அன்று பேர்லின் மாநகரத்தில் விடுதலை மாலை உணர்வுபூர்வமாக நடைபெற்றது.பொதுச்சுடர் ஏற்றலுடன் ஆரம்பிக்கப்பட்ட வணக்க நிகழ்வில் தேசியக்கொடி ஏற்றப்பட்டு , சிறப்பாக அமைக்கப்பட்ட தூபிக்கும், வங்கக் கடலில் வீரகாவியமான கேணல் கிட்டு உட்பட 10 வேங்கைகளின் 25 வது ஆண்டு நினைவேந்தலோடு கேணல் கிட்டு அவர்களின் திருவுருவப்படத்துக்கும் மலர் தூவி சுடர் வணக்கம் செலுத்தப்பட்டது.



முள்ளந்தண்டு வடம் பாதிக்கப்பட்ட உறவுகளுக்கு உதவிக்கரம் நீட்டும் நிவாரண நிதியம்: Top News
[Friday 2018-02-02 19:00]

கிளிநொச்சியில் முள்ளந்தண்டு வடம் பாதிக்கப்பட்ட உறவுகளுக்கு உதவிக்கரம் நீட்டும் கனடா செந்தில் குமரனின் நிவாரண நிதியம் சிகிச்சைக்காக ஏழரை இலட்சம் செலவில் முச்சக்கரவண்டியும் கையளிப்பு. இன்னமும் தாயகத்தில் யுத்தத்தின் கொடுமையால் ஏற்பட்ட வடுக்கள் ஆறாத காயங்களாக தொடர்ந்து கொண்டேதான் இருக்கிறது. அதன் வடுக்களை வலிகளை இன்னமும் சுமந்தவர்களாக முள்ளந்தண்டு வடம் பாதிக்கப்பட்ட பல போராளிகள் பொதுமக்கள் வாழ்ந்துகொண்டிருக்கும் நிலையில் அவர்களுக்கான சிகிச்சை, மற்றும் வாழ்வாதாரம் என பல பணிகளை கனடா வாழ் உறவுகளின் அனுசரணையோடு செந்தில் குமரன் அவர்களின் நிவாரணநிதியம் ஆற்றிவருகின்றது.



தமிழ்த் தேசியக் கூட்டமைப்பின் தேர்தல் பிரசாரத்திற்கு சென்றவர்களுக்கு நடந்த சோதனை: Top News
[Tuesday 2018-01-30 07:00]

முல்லைத்தீவு புதுக்குடியிருப்பு பிரதேசத்தில் இன்றைய தினம் இடம்பெற்ற தமிழ் தேசிய கூட்டமைப்பின் மாபெரும் பிரசார கூட்டத்துக்கு வருகைதந்த பொதுமக்கள் மற்றும் ஊடகவியலாளர்கள் அனைவரையும் பொலிஸார் தீவிர பரிசோதனையின் பின்னரே உள்ளே செல்வதற்கு அனுமதித்த செயற்பாடு பலர் மத்தியில் விசனத்தை தோற்றுவித்துள்ளது.



அன்பு இல்லத்தில் அமரர் மார்க்கண்டு யோகவதி அம்மாவின் 31 ஆம் நாள் நினைவு நாள் Top News
[Monday 2018-01-29 18:00]

தமிழருவி வானொலி முன்னெடுத்துவரும் உதவும் உள்ளங்கள் செயற்றிட்டத்தினூடாக, அமரர் மார்க்கண்டு யோகவதி அவர்களின் 31 ஆம் நாள் நினைவாக முல்லைத்தீவு முத்தையன்கட்டில் அமைந்துள்ள அன்பு இல்ல குழந்தைகளுக்கு இன்றையதினம் (29) காலை, மதியம், இரவு சிறப்புணவுகள்  வழங்கும் நிகழ்வு இடம்பெற்றது.



யாழ்ப்பாணம் சர்வதே வர்த்தக சந்தை கண்காட்சி இன்று ஆரம்பம்:Top News
[Friday 2018-01-26 18:00]

யாழ்ப்பாணம் சர்வதே வர்த்தக சந்தை கண்காட்சி இன்று (வெள்ளிக்கிழமை) ஆரம்பமாகி எதிர்வரும் 28 ஆம் திகதி வரை தொடர்ந்து மூன்று நாட்கள் நடைபெறவுள்ளது. யாழ் மாநகர சபை மைதானத்தில் 9ஆவது முறையாக நடைபெறவுள்ள இந்த வர்த்தக சந்தையில் இந்தியாவின் வர்த்தக தொழிற்துறையின் மன்றங்களை ஒன்றிணைத்த அசோக் சாம் அமைப்பிலுள்ள 75 நிறுவனங்கள் இம்முறை நேரடியாக கலந்து கொள்ளவுள்ளன.



10 இருதய நோயாளிகளுக்கு இலவச சத்திர சிகிச்சையை செந்தில் குமரனின் நிவாரண நிதியம் ஒழுங்கு! Top News Top News
[Friday 2018-01-26 18:00]

இலங்கையில் இதய நோயினினால் அல்லலுறும் பல உறவுகள், அரசாங்க மருத்துவமனையில் இலவச சிகிச்சைக்கு காத்திருப்பு பட்டியலில் தங்கள் பெயரை பதிந்து விட்டு, பல வருடங்களாக அந்த நோயினால் அவதியுற்று உயிரையும் மாய்த்துள்ளனர்.



தமிழருவியின் உதவும் உள்ளங்கள் செயற்திட்டம் -2018 Top News
[Wednesday 2018-01-24 09:00]

வன்னி மண்ணிலிருந்து வையகம் முழுவதும் ஒலிபரப்பாகும் தமிழருவி வானொலியின் தைப்பொங்கல் சிறப்பு உதவும் உள்ளங்கள் செயற்றிட்டம் நேற்று (23) செவ்வாய்க்கிழமை மாலை முல்லைத்தீவில் இடம்பெற்றது.



அரசியல் மூலோபாயங்களை வகுத்துக் கொண்ட நாடுகடந்த தமிழீழ அரசாங்கத்தின் அமர்வு ! Top News
[Tuesday 2018-01-23 18:00]

கனடாவில மூன்று நாட்களாக இடம்பெற்றிருந்த நாடுகடந்த தமிழீழ அரசாங்கத்தின் அரசவை அமர்வு பல்வேறு நிறைவுகண்டுள்ளது. நா.தமிழீழ அரசாங்கத்தின் இரண்டாம் தவணைக்காலத்தில் இடம்பெற்ற எட்டாவது நேரடி அரசவை அமர்வாக இது கடந்த வாரம் மார்கம் பகுதியில் வன்னிவீதியில் அமையப் பெற்றுள்ள நகர மண்டபத்தில் சனவரி 19-20-21 ஆகிய நாட்களில் ரொறன்ரோவில் இடம்பெற்றிருந்தது.



கிளிநொச்சி முழங்காவில் மகாவித்தியாலயத்தில் குடி நீர் சுத்திகரிப்பு இயந்திரம்: - கனடா செந்தில் குமரன் வழங்கிவைப்பு Top News
[Sunday 2018-01-21 20:00]

தாயகத்தில் ஏராளமானோர் சுத்தமில்லாத குடி நீரை அருந்துவதால் சிறுநீரக நோய்;க்கு உள்ளாகி அவதியுற்று இறக்கும் நிலை பெருகி வருகின்றது. இந்நிலையில் தாயகத்தில் யுத்தத்தின் வடுக்களைச்சுமந்தும் நோய்களின் தாக்கங்களினாலும் துன்பங்களைச்சந்தித்து வரும் தாயக உறவுகளுக்கு உயிர்காக்கவும் உதவிக்கரம் நீட்டுவதிலும் கனடா செந்தில்குமரன் அவர்களின் நிவாரண நிதியமும் கனடா வாழ் உறவுகளும் பெரும்பங்கை ஆற்றிவரும் நிலையில் இன்றைய தினம் பூநகரிப்பிரதேசத்தின் கிளி/முழங்காவில் மகாவித்தியாலயத்தில் குடி நீர் சுத்திகரிப்பு இயந்திரம் வழங்கும் நிகழ்வு பாடசாலைமுதல்வர் திரு பத்மநாதன் ஆனந்தராசா தலைமையில் சிறப்புற இடம்பெற்றது.



நாடு கடந்த தமிழீழ அரசாங்கத்தின் அமர்வு - 2018: Top News
[Saturday 2018-01-20 19:00]

தாயகம், தேசியம், தன்னாட்சி உரிமை எனும் ஈழத்தமிழ் மக்களின் அரசியல் பெருவிருப்பின் சனாநாயக வடிவமாக விளங்கும் நாடுகடந்த தமிழீழ அரசாங்கத்தின் அரசவை அமர்வு கனடாவில் நேற்று 19.01.2018 கூடியுள்ளது. எதிர்வரும் 21ம் நாள் வரை ரொறன்ரோவில் Aaniin community centre, 5665. 14th Ave. ( Between Middlefield and Vanni st )Markham, On L3S 3K எனும் முகவரியில் அமைந்த இவ்விடத்தில் நடைபெற்ற அமர்வில் ஒவ்வொரு நாடுகளில் இருந்தும் அரசவை உறுப்பினர் நேரடியாக பங்கெடுத்துள்ளனர்.



பிரித்தானிய பாராளுமன்றத்தில் முதன் முதலாக நடாத்தப்பட்ட தை திருநாள் நிகழ்வு! Top News
[Friday 2018-01-19 09:00]

பிரித்தானிய நாடாளுமன்றில் தைப்பொங்கல் விழா கொண்டாடப்பட்டது. வரலாற்றுச் சிறப்புமிக்க இந்த நிகழ்வானது பிரித்தானிய நாடாளுமன்ற ஜூபிலி அரங்கில் முதன்முறையாக நடைபெற்றது. தைப்பொங்கல் விழாவினை தமிழர்களுக்கான அனைத்துக்கட்சி நாடாளுமன்ற உறுப்பினர்களுடன் (APPG T) பிரித்தானிய தமிழர் பேரவை (BTF) இணைந்து ஒழுங்குபடுத்தியிருந்தது.



செந்தில் குமரன் அறக்கட்டளை நிதியத்தின் உதவியுடன் நான்காவது கட்ட தலைமைத்துவ பயிற்சி நிறைவுற்றது: Top News
[Monday 2018-01-15 08:00]

கனடா நாட்டில் வாழும் புலம் பெயர் தாயக உறவுகளின் நிதி அனுசரணையுடனும் மற்றும் செந்தில் குமரன் அறக்கட்டளை நிதியத்தின் நிதியுதவியுடன் கிளிநொச்சி மாவட்ட கல்வி, கலாச்சார அமையத்தின் ஏற்பாட்டில் கிளிநொச்சி மாவட்ட பாடசாலைகளின் அதிபர்கள் மற்றும் கிளிநொச்சி மாவட்ட பாடசாலைகளில் கல்வி கற்று வருகின்ற க. பொ. த. உயர் தரப் பிரிவு 220, மாணவர்களுக்கும் தலைமைத்துவம், மற்றும் போதைப் பொருள் தடுப்பு மற்றும் அதன் தீமைகள் தொடர்பான பயிற்சி நெறியின் நிறைவு நாள் விழா நடை பெற்றுள்ளது.



வன்னித் தமிழ்ச் சமூக கலாச்சார அமையத்தின் உதவிக்கரம் Top News
[Tuesday 2018-01-09 11:00]

வீட்டுத் தோட்டத்திற்கு கிணற்றில் நீரின்றியும்,முள்ளந்தண்டு நோயினாலும் பாதிக்கப்பட்ட நெ/ பெரியமடுவைச் சேர்ந்த திரு தர்மலிங்கம் அவர்களுக்கு க.பொ.த.உ தரத்தில்   முதலாம் மற்றும் மூன்றாம் (ஆவணி 2017)வருடங்களில் கல்வி பயில்கின்ற மகள்களை தொடர்ந்து கற்பிக்க முடியாத நிலையில் இருந்த போது கிராம அலுவலகர் மூலம் எமது அமையத்திற்கு விண்ணப்பித்திருந்தனர்.



வவுனியா வடக்கில் பல்வேறு இடங்களில் தமிழ்த் தேசியப் பேரவையினரின் மக்கள் சந்திப்பு: Top News
[Monday 2018-01-08 19:00]

உள்ளூராட்சி சபைத் தேர்தலில் அகில இலங்கை தமிழ்க் காங்கிரசின் சைக்கிள் சின்னத்தில் போட்டியிடும் தமிழ்த் தேசியப் பேரவையினர் வவுனியா வடக்கு பிரதேசத்தில் நேற்றைய தினம் பல்வேறு இடங்களில் தேர்தல் பரப்புரைகளை மேற்கொண்டுள்ளனர். நெடுங்கேணி ஒலுமடு, நெடுங்கேணி சூடுவெந்தான் கிராமம், வவுனியா வடக்கு, பரந்தன், புளியங்குளம் முத்துமாரி நகர், கனகராயன்குளம், வவுனியா வடக்கு நயினைமடு மற்றும் சின்னடம்பன் ஆகிய இடங்களில் மக்கள் சந்திப்புக்களும் இடம்பெற்றுள்ளன.



அனைவரையும் அழித்துவிடுவேன்,மூதூர் கிழக்கு மக்களை அச்சுறுத்திய ஆளுநரின் மனைவி! - காளியம்மா காப்பாற்று என்று கதறிய தமிழ் மக்கள் Top News
[Saturday 2017-12-30 09:00]

திருகோணமலை மாவட்டத்தின் மூதூர் பிரதேச செயலாளர் பிரிவுக்கு உட்பட்ட கூனித்தீவு கிராம சேவகர் பிரிவுள்ள மத்தளமலை ஆலயத்தில் வழிபாடுகளில் ஈடுபட்டிருந்த தமிழ் மக்களை கிழக்கு மாகாண ஆளுநரின் மனைவி அச்சுறுத்தியுள்ளார். கிழக்கு மாகாண ஆளுநர் ரோஹித்த போகொல்லாகம மற்றும் கிழக்கு மாகாண பிரதிப் பொலிஸ் மா அதிபர் ஆகியோர் முன்னிலையிலேயே மத்தளமலையில் அமைந்துள்ள ஆலய வளாகத்தில் இருந்த பெண்கள் உட்பட தமிழர்களை கிழக்கு மாகாண ஆளுநரின் மனைவி தகாத வார்த்தைகளைப் பயன்படுத்தி திட்டித் தீர்த்து அனைவரையும் அழித்துவிடுவதாகவும் அச்சுறுத்தி இருக்கின்றார்.



மூன்று தாயக உறவுகளின் உயிர்கள் கனடா வாழ் எம் உறவுகளால் காப்பாற்றப்பட்டுள்ளது: Top News
[Thursday 2017-12-28 18:00]

டிசம்பர் மாதத்தில் மட்டும் மூன்று இருதய சத்திர சிகிச்சைகள் இலங்கையில் உள்ள Lanka மருத்துவ மனையில் கனடா மின்னல் செந்தில் குமரனின் நிவாரண அமைப்பின் ஊடாக நடைபெற்று நோயாளிகளின் உயிர்கள் காப்பாற்றப்பட்டுள்ளது. நாற்பது வயதான மூன்று (03) பிள்ளைகளின் தந்தையான மட்டக்களப்பு பழுகாமத்தை சேர்ந்த திருச்செல்வத்திற்கும், முப்பத்தி இரண்டு வயதான இரண்டு(02) பிள்ளைகளின் தந்தையான மட்டக்களப்பு திராய்மடுவை சேர்ந்த தங்கவடிவேல் அவர்களுக்கும், யாழ்ப்பாணம் புத்துரை சேர்ந்த ஆறு வயது சிறுவன் சயந்தன் ஆகிய மூன்று ( 3 )நோயாளிகளின் வாழ்வில் ஒரு பெரும் நிம்மதி மூச்சை கனடா தேசத்து உறவுகள் செந்தில் குமரன் ஊடாக செய்தமைக்கு ஈழத்து உறவுகளாகிய நாங்கள் உங்களை இரு கரம் கூப்பி வணங்குகின்றோம்.



சுனாமி அனர்த்தத்தின் 13 ஆவது வருடம் - வடக்கு, கிழக்கில் அஞ்சலி! Top News
[Tuesday 2017-12-26 20:00]

சுனாதி அனர்த்தம் ஏற்பட்டு இன்றுடன் 13 ஆண்டுகளாகும் நிலையில் இலங்கையின் பல இடங்களிலும் நினைவேந்தல் நிகழ்வு நடைபெற்ற து.



சயந்தனின் சத்திர சிகிச்சை வெற்றிகரமாக நிறைவேறியது! Top News
[Thursday 2017-12-14 23:00]

மின்னல் மியூசிக் செந்தில் குமரன் கனடா கந்தசுவாமி ஆலயத்தின் வளாகத்தில் நின்று பக்தர்களிடம் சேர்த்த அன்பளிப்புகளை கொண்டு 6 வயதான சயந்தனின் சிகிச்சையை லங்கா மருத்துவமனையில் நடத்தி முடித்துள்ளார். புத்தூரை சேர்ந்த கௌதமி தனது நன்றியினை கனடிய மக்களுக்கு தெரிவித்துள்ளார். சென்ற வாரம் கந்தஸ்வாமி கோவில் வளாகத்தில் நிதி தந்தோர் விபரத்தை செந்தில் குமரன் வெளியிட்டு வைத்தார்.


Mahesan-Remax-169515-Seithy
Tharsi-home-15-10-2016
SELVI-HOMES-09-02-17
Easankulasekaram-Remax-300716
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா