Untitled Document
April 24, 2017 [GMT]
  • Welcome
  • Welcome
கன்னட மக்களுக்கு எதிரானவன் அல்ல: - நடிகர் சத்யராஜ்
[Friday 2017-04-21 16:00]

பாகுபலி-2 படத்தை கர்நாடகாவில் திரையிட எதிர்ப்பு தெரிவித்து வரும் நிலையில், இந்த பிரச்சினைக்கு காரணமான சத்யராஜ் இன்று வீடியோ வாயிலாக தனது வருத்தத்தை தெரிவித்துள்ளார்.
காவிரி பிரச்சினை தொடர்பாக தமிழ் திரைப்பட நடிகர் சத்யராஜ் கன்னடர்களையும், கன்னட அமைப்புகளின் தலைவர்களையும் தரக்குறைவாக பேசியதாக கூறி, அவர் நடித்துள்ள ‘பாகுபலி-2‘ திரைப்படத்தை கர்நாடகத்தில் திரையிடக் கூடாது என்று கன்னட அமைப்பினர் வலியுறுத்தி வருகிறார்கள். அவரது போஸ்டரை கன்னட அமைப்பினர் தீயிட்டு கொளுத்தி எதிர்ப்பை தெரிவித்து வருகின்றனர். ‘பாகுபலி-2‘ திரைப்படம் வருகிற 28-ந்தேதி நாடு முழுவதும் திரையிடப்பட உள்ளது. அன்றைய தேதி நடிகர் சத்யராஜுக்கு எதிர்ப்பு தெரிவித்து பெங்களூருவில் முழு அடைப்பு போராட்டம் நடத்தவும் கன்னட அமைப்பினர் முடிவு செய்துள்ளனர்.

பாகுபலி-2 படத்தை கர்நாடகாவில் திரையிட எதிர்ப்பு தெரிவித்து வரும் நிலையில், இந்த பிரச்சினைக்கு காரணமான சத்யராஜ் இன்று வீடியோ வாயிலாக தனது வருத்தத்தை தெரிவித்துள்ளார். காவிரி பிரச்சினை தொடர்பாக தமிழ் திரைப்பட நடிகர் சத்யராஜ் கன்னடர்களையும், கன்னட அமைப்புகளின் தலைவர்களையும் தரக்குறைவாக பேசியதாக கூறி, அவர் நடித்துள்ள ‘பாகுபலி-2‘ திரைப்படத்தை கர்நாடகத்தில் திரையிடக் கூடாது என்று கன்னட அமைப்பினர் வலியுறுத்தி வருகிறார்கள். அவரது போஸ்டரை கன்னட அமைப்பினர் தீயிட்டு கொளுத்தி எதிர்ப்பை தெரிவித்து வருகின்றனர். ‘பாகுபலி-2‘ திரைப்படம் வருகிற 28-ந்தேதி நாடு முழுவதும் திரையிடப்பட உள்ளது. அன்றைய தேதி நடிகர் சத்யராஜுக்கு எதிர்ப்பு தெரிவித்து பெங்களூருவில் முழு அடைப்பு போராட்டம் நடத்தவும் கன்னட அமைப்பினர் முடிவு செய்துள்ளனர்.

  

இந்நிலையில், நேற்று ‘பாகுபலி’ படத்தின் இயக்குனர் ராஜமௌலி டுவிட்டரில் பாகுபலி படத்தை திரையிட அனுமதிக்குமாறு கன்னட மக்களுக்கு கோரிக்கை வைத்திருந்தார். தற்போது, இந்த பிரச்சினைக்கு நடிகர் சத்யராஜ் வீடியோ வாயிலாக வருத்தம் தெரிவித்துள்ளார். இதுகுறித்து அவர் பேசிய வீடியோவில் கூறியிருப்பதாவது,ஒன்பது வருடங்களுக்கு முன்னாள் காவிரி நதிநீர் பிரச்சினையில் கர்நாடகாவில் தமிழர்கள் தாக்கப்பட்டார்கள். தமிழ் படங்கள் திரையிடுவதை நிறுத்தச்சொல்லி ஆர்ப்பாட்டங்கள் நடைபெற்றன. அதற்கு கண்டனம் தெரிவிக்கும் வகையில் தமிழ் திரையுலகின் சார்பில் நடைபெற்ற கண்டன கூட்டத்தில் பலரும் ஆவேசமாக பேசினார்கள். அவர்களில் நானும் ஒருவன். அதற்கு எதிர்வினையாக என்னுடைய கொடும்பாவி, உருவ பொம்மைகள் கர்நாடகாவில் எரிக்கப்பட்டன. அதேவேளையில், கர்நாடகாவில் நடைபெற்ற ஆர்ப்பாட்டங்களில் கர்நாடக திரைப்பட கலைஞர்களும் ஆவேசமாக பேசினார்கள். அப்படி நான் பேசியபோதே என்னுடைய சில வார்த்தைகள் கன்னட மக்களின் மனதை புண்படுத்தியதாக அறிகிறேன்.

நான் கன்னட மக்களுக்கு எதிரானவன் அல்ல. அதற்கு உதாரணமே, 35 வருடங்களாக என்னிடம் உதவியாளராக இருக்கும் சேகர் என்பவரின் தாய்மொழி கன்னடம். கடந்த 9 வருடங்களில் ‘பாகுபலி’ பாகம் 1 உள்பட நான் நடித்த சுமார் 30 திரைப்படங்கள் கர்நாடகாவில் வெளியாகியுள்ளன. எந்த பிரச்சினையும் எழவில்லை. சில கன்னட படங்களில் நடிக்கவும் என்னை அணுகினார்கள். நேரமின்மையால் நடிக்க இயலவில்லை. 9 வருடங்களுக்கு முன்னால் நடந்த அந்த கண்டன கூட்டத்தில் நான் பேசிய அந்த வீடியோ பதிவை யூடியூப்பில் பார்த்ததாலும், நான் பேசிய சில வார்த்தைகளால் கன்னட மக்களின் மனம் புண்படுவதாக அவர்கள் கருதுவதாலும் அந்த சில வார்த்தைகளுக்காக 9 வருடங்களுக்கு பிறகு நான் கன்னட மக்களிடம் என் மனப்பூர்வமான வருத்தத்தை தெரிவித்துக் கொள்கிறேன். எனக்கு ஆதரவாக குரல் கொடுக்கும் தமிழக மக்களுக்கும், என் நலம் விரும்புபவர்களுக்கும் என்மீது வருத்தம் கொள்ளவேண்டாம் என்று கேட்டுக் கொள்கிறேன். அவர்களுக்கு ஒரு சிறிய விளக்கம். பாகுபலி என்ற மிகப்பெரிய படத்தின் ஒரு மிகச்சிறிய தொழிலாளிதான் நான். என் ஒருவனுடைய செயலின் பொருட்டு, சொற்களின் பொருட்டு பல ஆயிரம் பேர்களின் உழைப்பும், பணமும் விரயம் ஆவதை நான் விரும்பவில்லை. அதுமட்டுமில்லாது, கர்நாடகா மாநிலத்திற்கு ‘பாகுபலி-2’ ஆம் பாகத்தை வாங்கிய விநியோகஸ்தர்களும், திரையரங்கு உரிமையாளர்களும், பாதிக்கப்படாமல் பாதுகாக்கும் கூடுதல் பொறுப்பும் எனக்கு உள்ளது என்பதை தயவுசெய்து புரிந்துகொள்ள வேண்டும் என்று கேட்டுக் கொள்கிறேன்.

இயக்குனர் ராஜமௌலி அவர்கள் டுவிட்டரில் கூறிய விளக்கத்தின் மூலமாக தெளிவாக தெரியும். ஆனாலும், இனி வரும் காலங்களில் தமிழக மக்களின் பிரச்சினையாக இருந்தாலும் சரி, காவிரி நதிநீர் பிரச்சினையானாலும் சரி, விவசாயிகள் பிரச்சினையானாலும் சரி, தமிழக மக்களின் நலம் சார்ந்த அனைத்து நியாயமான பிரச்சினைகளுக்கும் தொடர்ந்து குரல் கொடுத்துக் கொண்டுதான் இருப்பேன் என்பதை தெள்ளத்தெளிவாக கூறிக் கொள்கிறேன்.இப்படி நான் கூறுவதால் இந்த சத்யராஜை வைத்து படம் எடுத்தால் எதிர்காலத்தில் தொல்லைகள் வரும் என்று கருதும் தயாரிப்பாளர்கள் தயவுசெய்து இந்த சாதாரண, சின்ன நடிகனை தங்கள் படங்களில் ஒப்பந்தம் செய்யவேண்டாம், என்னால் நஷ்டமடைய வேண்டாம் என்று மிகவும் தாழ்மையுடன் கேட்டுக் கொள்கிறேன். ஏனென்றால், ஒரு நடிகனாக இருப்பதைவிட, இறப்பதைவிட எந்தவிதமான மூடநம்பிக்கையும் இல்லாத ஒரு தமிழனாக இருப்பதும், இறப்பதும்தான் எனக்கு பெருமை, மகிழ்ச்சி. எனது மனப்பூர்வமான வருத்தத்தை ஏற்றுக்கொண்டு பாகுபலி-2 ஆம் பாகத்தை வெளியிட ஒத்துழைக்குமாறு கன்னட மக்களை அன்புடன் கேட்டுக் கொள்கிறேன். என் உணர்வுகளை புரிந்துகொண்டு எனக்கு உறுதுணையாக நின்ற தமிழ் மக்கள், தமிழ் உணர்வாளர்கள், தென்னிந்திய திரைப்பட நடிகர் சங்கம், தமிழ் திரைப்பட தயாரிப்பாளர்கள் சங்கம், தமிழ் திரைப்பட இயக்குனர்கள் சங்கம், தென்னிந்திய திரைப்பட தொழிலாளர்கள் சங்கம், என் நலவிரும்பிகள் என அனைவருக்கும் நான் எனது மனமார்ந்த நன்றியை தெரிவித்துக் கொள்கிறேன். என்னால் ஏற்பட்ட தொல்லைகளை பொறுத்துக்கொண்ட இயக்குனர் ராஜமௌலி, தயாரிப்பாளர் சோபு, பிரசாத் மற்றும் ‘பாகுபலி’ படக்குழுவினர் அனைவருக்கும் எனது மனமார்ந்த நன்றியை தெரிவித்துக் கொள்கிறேன்.

  
   Bookmark and Share Seithy.com



மலைகிராம பெண்கள் யாரும் சிவப்பாக இல்லையா? - கேத்ரின் தெரசா
[Monday 2017-04-24 18:00]

கடம்பன் படத்தில் நடித்திருக்கும் கேத்ரின் தெரசா கோலிவுட்டில் சுழன்று சுழன்று பட புரமோஷனில் பங்கேற்றுக்கொண்டிருக்கிறார். அவர் கூறியது: நான் கோபக்காரியா என்கிறார்கள். சாதாரண பெண்தான். சில சமயம் என்னிடம் கேட்கப்படும் கேள்விகளுக்கு பதில் அளிக்கும்போது அதை சிலர் கோபமாக பார்க்கிறார்கள். சிரஞ்சீவி படம் கைதி நம்பர் 150ல் நடிக்க சென்றபோது அங்கு ஏற்பட்ட ஒரு சம்பவத்தால் நான் நடிக்காமல் வெளியேறினேன். எதற்காக வெளியேறினீர்கள், யாருடன் சண்டை என்றெல்லாம் கேட்கிறார்கள்.



வடசென்னையை மாற்றும் விக்ரம் - தமன்னா!
[Monday 2017-04-24 18:00]

வட சென்னை என்றதும் ரவுடி, தாதா, பிக்பாக்கெட், கொலை, கொள்ளை என்றுதான் பெரும்பாலும் படங்கள் வருறது. அந்த இமேஜை மாற்றும் படமாக உருவாகிறது ஸ்கெட்ச். இதுபற்றி இயக்குனர் விஜய்சந்தர் கூறியது: படிப்பறிவில்லாத பாமரர்கள், ஏழைகள் என்பதுபோன்ற இமேஜுடன்தான் இதுவரை வடசென்னையை மையப்படுத்தி எடுக்கப்பட்ட பல படங்கள் உருவாகியிருக்கின்றன. ஆனால் அங்கு டாக்டர்கள், வக்கீல்கள் என உயர்மட்ட மக்களும் உள்ளனர் என்பதை வலியுறுத்தும் ஆக்‌ஷன் கதையாக ஸ்கெட்ச் உருவாகிறது.



இவர்கள் திறமையான நடிகர்கள்: - விவேக் கூறிய அந்த நடிகர்கள் யார் யார்?
[Monday 2017-04-24 18:00]

தமிழ் சினிமாவில் காமெடி நடிகர்களில் இப்போதும் பலரது மனதில் நிலைத்து இருப்பவர் நடிகர் விவேக். நடிப்பையும் தாண்டி மறைந்த அப்துல் கலாம் அய்யா அவர்களின் அறிவுரைப்படி செடிகள் நடும் பணி மும்முரமாக இருக்கிறார்.டுவிட்டரில் மிகவும் ஆக்டீவாக இருக்கும் இவர் இன்று நடிகர்கள் பரத், ஆர்யா, ஷ்யாம் போன்றோரின் புகைப்படங்களை போட்டு, மிகவும் திறமையான, அழகான நடிகர்கள். அவர்களுக்கு நல்ல கதையும், வெற்றியும் கிடைக்க வாழ்த்துவதாக குறிப்பிட்டுள்ளார்.



சூர்யாவும் குழந்தைகளும் என்னை பார்த்தாலே பயந்து ஓடுகிறார்கள்: - ஜோதிகா
[Monday 2017-04-24 18:00]

நடிகை ஜோதிகா நடித்துள்ள மகளிர் மட்டும் படத்தின் பாடல்கள் வெளியீட்டு விழா இன்று நடைபெற்றது. இதில் பேசிய ஜோ சிவக்குமார் குடும்பத்தின் ஆண்களுக்கு முதலில் நன்றி சொல்லிக்கொள்கிறேன்.நான் நடிப்பதற்கு சப்போர்ட் செய்தார்கள். இந்த படத்தில் நடித்தது மிகவும் பிடித்திருந்தது. வீட்டிலிருந்து நான் கிளம்புப் போது சூர்யா வெளியே கார் வரைக்கும் வந்து டாட்டா சொல்லி அனுப்பிவைப்பார்.அதே போல என் அப்பாவும் வாழ்த்திக்கொண்டே இருப்பார். சொல்லப்போனால் திருமணத்திற்கு பிறகு நான் சூர்யாவுக்கு ஒரே ஒருமுறை தான் தோசை சுட்டுக்கொடுத்தேன்.



நடிகை ராய் லக்ஷமிக்கு வந்த புதிய ஆசை: - அப்படி ஒரு படத்தில் நடிக்கணுமாம்
[Monday 2017-04-24 18:00]

லக்ஷமி ராய் என்ற பெயரோடு தமிழ் சினிமாவில் அறிமுகமான இவர் தற்போது ராய் லக்ஷமி என்று பெயரை மாற்றி வைத்துவிட்டார். சொல்லப் போனால் பெயர் மாற்றத்திற்கு பிறகு அவர் நிறைய படங்களில் நடித்து வருகிறார். ரசிகர்கள் இப்போது ராய் லட்சுமியின் பாலிவுட் படமான ஜுலி 2 படத்தை மிகவும் எதிர்ப்பார்க்கிறார்கள்.



இவ் வருடத்தில் வெளியாகுமா விஸ்வரூபம்-2!
[Sunday 2017-04-23 17:00]

கமல்ஹாசன் நடிப்பு, இயக்கம், தயாரிப்பு என கடந்த 2014-ஆம் ஆண்டு பல்வேறு பிரச்சினைகளை கடந்து வெளிவந்த படம் ‘விஸ்வரூபம்‘. இரண்டு பாகமாக எடுக்கப்பட்ட இப்படத்தின் முதல் பாகம் வெளிவந்த சில நாட்களிலேயே இப்படத்தின் இரண்டாம் பாகமும் வெளிவரும் என்று எதிர்பார்க்கப்பட்டது. ஆனால், கமலுக்கும் தயாரிப்பாளருக்கும் ஏற்பட்ட சிறு பிரச்சினையால் இப்படம் கிடப்பில் போடப்பட்டதாக கூறப்பட்டது. இதையடுத்து, கமலும் ‘சபாஷ் நாயுடு’ படத்தில் கமிட்டாகி நடிக்க ஆரம்பித்தார். இப்படத்தின் முதல்கட்ட படப்பிடிப்பு முடிந்தகையோடு கமலும் விபத்தில் சிக்கி, நடக்க முடியாமல் கஷ்டப்படவே, ‘சபாஷ் நாயுடு’ படப்பிடிப்பும் கிடப்பில் போடப்பட்டது.



படப்பிடிப்பு தளத்தில் மயங்கி விழுந்த அஜித்!
[Sunday 2017-04-23 17:00]

அஜித்தின் கடின உழைப்பு பற்றி அவரது ரசிகர்களை தாண்டி அனைவருக்குமே தெரியும். ஒரு காரியத்தை தொடங்கிவிட்டால் அதில் தன்னுடைய முழு கவனத்தையும் செலுத்துவார்.தல அஜித்தின் பிறந்தநாள் மே 1ம் தேதி வர இருப்பதால் ரசிகர்கள் இப்போதே பல வகையில் கொண்டாட தயாராகி விட்டனர். இந்நிலையில் அஜித் காதல் மன்னன் படம் நடிக்கும் போதே பகைவன் என்ற படத்திலும் நடித்துள்ளார். இரவு, பகல் என மாற்றி மாற்றி படப்பிடிப்பு செய்துள்ளார்.



விவசாயிகளுக்கு கை கொடுத்த பிரசன்னா சிநேகா!
[Sunday 2017-04-23 17:00]

ஜல்லிக்கட்டு பிரச்சனை தொடர்ந்து தற்போது விவசாயிகளின் பிரச்சனை பெரிதாக பேசப்படுகிறது தமிழ்நாட்டில். டெல்லியில் கடந்த 40 நாட்களுக்கு மேலாக ஒவ்வொரு விதமாக விவசாயிகளும் போராட்டம் நடத்தி வருகின்றனர்.இந்நிலையில் தமிழ்நாட்டில் நஷ்டத்தில் உள்ள விவசாயிகளுக்கு ரூ. 2 லட்சம் கொடுக்க முன்வந்துள்ளனர் நடிகர் பிரசன்னா மற்றும் நடிகை சினேகா. பத்திரிக்கையாளர் சந்திப்பிற்கு பின் 10 விவசாய குடும்பங்களுக்கு தொகையையும் வழங்கியுள்ளனர்.



இதுக்கு தானா என்னை கடத்தினீர்கள்: - நடிகை பாவனா கூறிய தகவல்
[Sunday 2017-04-23 17:00]

நடிகை பாவனா சில மாதங்களுக்கு முன் காரில் கடத்தபட்ட சம்பவம் பலருக்கும் மிகுந்த அதிர்ச்சியை ஏற்படுத்தியது. குற்றிவாளிகள் போலிசில் சிக்கினாலும் தற்போது பாவனா அவ்வழக்கை வாபஸ் வாங்கிவிட்டதாக ஒரு தகவல் சுற்றிவருகிறது.இது குறித்து பேசியுள்ள அவர் அது வெறும் புரளி. நான் வாபஸ் வாங்க மாட்டேன். என் வீட்டிலும் அதற்கு சம்மதிக்க மாட்டார்கள் என கூறினார்.



இப்படி செய்தாரா தனுஷ்? - ரசிகர்கள் அதிர்ச்சி
[Sunday 2017-04-23 17:00]

தனுஷ் இன்று ஒரு இயக்குனராக உயர்ந்துள்ளார். சமீபத்தில் அவர் இயக்கிய பா.பாண்டி படம் நல்ல வரவேற்ப்பை பெற்றது. இந்நிலையில் அவர் தற்போது எனை நோக்கி பாயும் தோட்டா, வடசென்னை என 2படங்களை கொடுக்க இருந்தாலும் அடுத்து மாரி 2 படத்தில் கமிட்டாக இருந்தார்.ஆனால் ஹாலிவுட் படம் முடித்து கொடுக்கவேண்டிய நிலை உள்ளதால் ஜுன் மாதத்தில் 15 நாட்களிலேயே அதை முடித்துவிட பிளான் போட்டுள்ளாராம்.



கடுகு படத்தின் நடிப்புக்கு கிடைத்த பரிசுதான் நேத்ரா! -சுபிக்ஷா கருத்து
[Sunday 2017-04-23 00:00]

பாரதிராஜாவின் அன்னக்கொடி படத்தில் அறிமுகமானவர் சுபிக்ஷா. அதையடுத்து, நினைத்தது யாரோ, திரைக்கு வராத கதை, கடுகு ஆகிய படங்களில் நடித்தவர் தற்போது நேத்ரா, ரீங்கார ஓசை, ரா ரா ராஜசேகர் ஆகிய படங்களில் நடித்து வருகிறார். இதில் ஏ.வெங்கடேஷ் இயக்கும் நேத்ரா படத்தில் டைட்டீல் ரோலில் நடிக்கிறார் சுபிக்ஷா. அந்த படம் குறித்து அவர் கூறுகையில், நேத்ரா படத்தில் டைட்டீல் ரோலில் நடிப்பது சந்தோசமாக உள்ளது. கடுகு படத்தில் ஒரு கேரக்டரில் நடித்துள்ள டைரக்டர் ஏ.வெங்கடேஷ், அதற்கான டப்பிங் பேசியபோது, நான் நடித்துள்ள பகுதியை பார்த்திருக்கிறார்.



நான் இப்படித்தான் நடிகையானேன்: - ஸ்வேதா கய்
[Saturday 2017-04-22 18:00]

பெரிய போராட்டத்தை சந்தித்த பிறகுதான் நடிகை ஆனேன் என்று தப்புதண்டா படத்தின் கதாநாயகி ஸ்வேதா கய் கூறினார்.புதிய இயக்குனர் ஸ்ரீகண்டன் இயக்கியுள்ள படம் ‘தப்புதண்டா’. சத்யா கதாநாயகனாக நடித்துள்ள இந்த படத்தில் நாயகியாக நடித்திருப்பவர் ஸ்வேதா கய். ‘இது என்ன மாயம்’ படத்தில் சிறிய வேடத்தில் நடித்த இவர், இந்த படத்தில் கதாநாயகி ஆகி இருக்கிறார். இது பற்றி கூறிய அவர்...



பாகுபலி படத்துடன் வேறு எதையும் ஒப்பிட முடியாது: - தமன்னா
[Saturday 2017-04-22 18:00]

பாகுபலி படத்தில் நடித்த பிறகு ஒரு நடிகையாக என் மீது அதிக நம்பிக்கை ஏற்பட்டு இருக்கிறது என்று நடிகை தமன்னா கூறினார். ‘பாகுபலி-2’ படங்களில் நடித்துள்ள தமன்னா அந்த அனுபவங்களை இப்படி சொல்கிறார்....



மன்னிப்பு கேட்கிறவன் பெரிய மனிதன் சத்யராஜுக்கு எனது வாழ்த்துக்கள்: - கமல்ஹாசன்
[Saturday 2017-04-22 18:00]

கன்னட மக்களிடம் வருத்தம் தெரிவித்த சத்யராஜுக்கு, கமல்ஹாசன் டுவிட்டரில் பாராட்டு தெரிவித்துள்ளார். அதுகுறித்த செய்தியை விரிவாக பார்ப்போம்...‘பாகுபலி-2’ திரைப்படம் வருகிற 28-ந்தேதி 'ரிலீஸ்' ஆகிறது.9 வருடங்களுக்கு முன்பு சத்யராஜ் கன்னடர்களுக்கு எதிராக பேசியதற்கு மன்னிப்பு கேட்க வேண்டும். இல்லை என்றால், ‘பாகுபலி-2’ படத்தை கர்நாடகத்தில் வெளியிட விடமாட்டோம் என்று சில கன்னட அமைப்புகள் அறிவித்தன.



அந்தரத்தில் தொங்கிக் கொண்டிருந்த திரிஷா: - நடுக்கத்தில் தாயார்
[Saturday 2017-04-22 18:00]

முன்னணி ஹீரோக்களுடன் ஜோடி போட்டு வந்த திரிஷா சமீபமாக கதாநாயகிக்கு முக்கியத்துவம் உள்ள படங்களில் மட்டுமே நடித்து வருகிறார். சோலோவாக அவர் நடித்த நாயகி கடந்த ஆண்டு திரைக்கு வந்தது. அந்த வரிசையில் ‘மோகினி’, ‘கர்ஜனை’, ‘சதுரங்க வேட்டை-2’ என 3 படங்களில் நடித்து வந்தார். இப்படங்களின் படப்பிடிப்பையும் தற்போது திரிஷா முடித்துவிட்டார். சமீபகாலமாக திரிஷாவுக்கு ஹிட் படங்கள் அமையவில்லை. அவரது போட்டியாளரான நயன்தாரா அடுத்தடுத்து வெற்றி படங்கள் தந்து வர்த்தக ரீதியாக முதலிடத்தை பெற்றிருக்கிறார். அவரை மிஞ்சும் வகையில் தனது படங்களின் வர்த்தகம் சூடு பிடிக்க வேண்டும் என்ற முனைப்போடு திரிஷா உடல்வருத்தம் பார்க்காமல் ஆபத்தான சண்டை காட்சிகளில் நடிக்கிறார்.



எதிரிகளை ஆவேசமாக போட்டுத் தள்ளும் திரிஷா!
[Saturday 2017-04-22 17:00]

முப்பத்தியாறு வருடங்களுக்கு முன்பு ரஜினி நடித்த படத்தின் பெயர் ‘கர்ஜனை’. அந்த டைட்டிலை முறைப்படி வாங்கி தன் படத்துக்கு வைத்திருக்கிறார் அறிமுக இயக்குநர் சுந்தர்பாலு. ஹீரோயின் ஓரியன்டட் மூவி என்றாலே சமீபகாலமாக திரிஷா ஆர்வமாக நடிக்கிறார். ‘கர்ஜனை’யில் அவர் எடுப்பது ஆக்‌ஷன் அவதாரம். ரிஸ்க்கான இந்த கேரக்டரை எப்படி திரிஷா ஒப்புக்கொண்டார் என்று கோலிவுட்டே ஆச்சரியப்படுகிறது. “நான் கதை சொல்லுறப்பவே திரிஷாவோட முகத்தில் தயக்கம் தெரிஞ்சது.



இனிமேல் கவர்ச்சி வேடங்களில் நடிக்கமாட்டேன்: - பூனம் பாஜ்வா
[Friday 2017-04-21 18:00]

சமீபகாலமாக கவர்ச்சி வேடங்களில் நடித்து வந்த பூனம் பாஜ்வா இனிமேல் கவர்ச்சி வேடங்களில் நடிக்கமாட்டேன் என்று கூறியுள்ளார்.‘சேவல்’, ‘கச்சேரி ஆரம்பம்’, ‘துரோகி’, ‘தம்பிக்கோட்டை’ உள்ளிட்ட படங்களில் கதாநாயகியாக நடித்தவர் பூனம் பாஜ்வா. இவருடைய நடிப்பில் வெளிவந்த படங்கள் எல்லாமே பெரிய அளவில் வெற்றி பெறாததால், திறமை இருந்தும் இவரால் சினிமாவில் முன்னுக்கு வரமுடியாத சூழ்நிலை உருவானது.



நடிகர் தனுஷ் எங்கள் மகன் தான்: - கதிரேசன்- மீனாட்சி தம்பதியினர்
[Friday 2017-04-21 16:00]

நடிகர் தனுஷ் எங்கள் மகன் தான் என மேலூர் தம்பதியினர் தொடர்ந்த வழக்கினை தள்ளுபடி செய்து நீதிமன்றம் இன்று தீர்ப்பளித்துள்ளது.மதுரை மாவட்டம் மேலூர் மலம்பட்டியை சேர்ந்த கதிரேசன் - மீனாட்சி தம்பதியினர், சின்ன வயதில் காணாமல் போன தங்கள் மகன் கலைச்செல்வன்தான் நடிகர் தனுஷ் என்றும், வயதான காலத்தில் கஷ்டப்படும் தங்களை தனுஷ் பராமரிக்க வேண்டும் என்றும், கடந்த ஆண்டு மேலூர் நீதிமன்றத்தில் மனு தாக்கல் செய்திருந்தனர்.இந்த வழக்கு மேலூர் நீதிமன்றத்தில் நடைபெற்று வந்தது. இந்நிலையில் தனுஷ் தரப்பில், மேலூர் தம்பதியினர் தாக்கல் செய்துள்ள மனுவில் எவ்வித உண்மையும் இல்லை. இந்த வழக்கு விசாரணைக்கு தடை விதித்து தள்ளுபடி செய்ய வேண்டும் என்று கூறியிருந்தார்.



சமந்தா திருமணம் தள்ளிவைப்பு!
[Friday 2017-04-21 16:00]

நடிகை சமந்தாவுக்கும், நாகார்ஜுனாவின் மகனும், தெலுங்கு நடிகருமான நாகசைதன்யாவுக்கும் காதல் மலர்ந்து, இருவருக்கும் கடந்த ஜனவரி மாதம் திருமண நிச்சயதார்த்தமும் நடத்தப்பட்டது. இவர்கள் திருமணம் மே மாதம் நடைபெறும் என்று கூறப்பட்டது. திருமண ஏற்பாடுகளில் இருவரின் பெற்றோர்களும் தீவிரமாக ஈடுபட்டு வந்தனர்.இந்த நிலையில் சமந்தா-நாகசைதன்யா திருமணத்தை அக்டோபர் மாதத்துக்கு திடீரென்று தள்ளிவைத்து உள்ளனர். இதனை நாகசைதன்யாவின் உறவினர்கள் தெரிவித்து இருக்கிறார்கள். சமந்தாவும், நாகசைதன்யாவும் அதிக படங்களை ஒப்புக்கொண்டு நடித்து வருவதே திருமணம் தள்ளிப்போனதற்கு காரணம் என்று கூறப்படுகிறது. சமந்தா தற்போது விஜய்யின் 61-வது படத்தில் அவருக்கு ஜோடியாகவும், இரும்புத்திரை படத்தில் விஷால் ஜோடியாகவும் நடித்துக் கொண்டு இருக்கிறார்.



நிலமோசடி வழக்கில் நீதிமன்றில் ஆஜரான நடிகர்கள் வடிவேலு சிங்கமுத்து!
[Friday 2017-04-21 16:00]

சென்னை தாம்பரத்தை அடுத்த முடிச்சூரில் நடிகர் வடிவேலு 2002-ம் ஆண்டு ராமச்சந்திரன் என்பவரின் வாரிசுகளிடம் இருந்து நிலத்தை வாங்கினார். இதற்கு ‘பவர் ஏஜெண்டாக’ நடிகர் சிங்கமுத்து செயல்பட்டார். இந்த நிலத்தை சுற்றி சுற்றுச்சுவர் கட்ட வடிவேலு முயன்றபோது, பழனியப்பன் என்பவர் நிலத்துக்கு உரிமை கொண்டாடினார்.இதுகுறித்து விசாரித்தபோது, நிலத்தின் உரிமையாளரான மறைந்த ராமச்சந்திரன், தொழில் முதலீட்டு நிறுவனத்திடம் இந்த நிலத்தை அடமானம் வைத்திருந்தார். கடன் தொகையை திருப்பி செலுத்தாததால் 2006-ம் ஆண்டு தொழில் முதலீட்டு நிறுவனம் அந்த நிலத்தை ஏலம் விட்டது. அதை பழனியப்பன் ஏலம் எடுத்தது வடிவேலுவுக்கு தெரியவந்தது.


SELVI-HOMES-09-02-17
Elankeeran-debt-solution-25-06-2016
Easankulasekaram-Remax-300716
Tharsi-home-15-10-2016
Mahesan-Remax-169515-Seithy
<b>08-04-2017 அன்று  மார்க்கத்தில்  நடைபெற்ற IMHO DINNER NIGHT 2017 நிகழ்வின் படத்தொகுப்பு.</b> படங்கள்-குணா
<b>01-04-2017 அன்று ரொரன்டோவில்  நடைபெற்ற PRIMA DANCE NIGHT 2017 நிகழ்வின் படத்தொகுப்பு.</b> படங்கள்-குணா
<b>25-03-2017 அன்று ரொரன்டோவில்  நடைபெற்ற  பைரவி நுண்கலைக் கூட இசை அர்ப்பணம் நிகழ்வின் படத்தொகுப்பு.</b> படங்கள்-குணா