தமிழ் தேசிய கூட்டமைப்பை விமர்சிப்பதால் கட்சியை விட்டு தூக்கி எறிந்தாலும் கவலையில்லை என்று கூட்டமைப்பின் பாராளுமன்ற உறுப்பினர் எஸ்.வியாழேந்திரன் தெரிவித்துள்ளார். மட்டக்களப்பு, மயிலம்பாவெளி ஸ்ரீ விக்னேஸ்வரா வித்தியாலயத்தில், புலமைப் பரீட்சையில் சித்தி பெற்ற மாணவர்களை கௌரவித்து துவிச்சக்கர வண்டி வழங்கும் நிகழ்வு நேற்று பாடசாலை அதிபர் திரு.க.சிறிதரன் தலைமையில் இடம்பெற்றது. இதில் கலந்து கொண்டு உரையாற்றிய போதே அவர் இவ்வாறு தெரிவித்தார்.

ஒரு சிலர் தமிழ் தேசிய கூட்டமைப்பை விமர்சிப்பதற்கு பயப்பிடுகின்றார்களாம், காரணம் கட்சியை விட்டு தூக்கி எறிந்து விடுவார்களாம் என்பதால். அவ்வாறானவர்களுக்கு நீங்கள் பயப்பிட வேண்டும். கட்சி அரசியலோ அல்லது குடும்ப அரசியலோ, அல்லது சொந்த அரசியலோ நடத்த நாங்கள் வந்தவர்கள் அல்ல மக்களுக்கும் மக்களின் தேவை அறிந்து மக்களுக்கு ஏற்படும் பிரச்சினைகள் குறித்து மக்களுக்கு சேவை செய்யவந்தவர்கள். தேர்தல் காலங்களில் வீர விசனம் பேசித் திருந்தவர்கள் தேர்தலில் மக்களின் வாக்குகளால் வெற்றி பெற்று சென்றதும் தற்போது மேடைகளில் ஏறி யானைக் கதையும், பூனைக் கதையும், கிளிக்கதையும், பூனைக் கதையும் பேசித்திரிகின்றார்கள்.

நாங்கள் தமிழ் தேசிய கூட்டமைப்பை பிளவு படுத்த வந்தவர்கள் அல்ல. தமிழ் தேசிய கூட்டமைப்பை வலுப்படுத்த வந்தவர்கள். தேர்தல் காலங்களில் தமிழ் தேசிய கூட்டமைப்பை விமர்சித்தவர்கள் பல்வேறுபட்ட சதித்திட்டங்களைச் செய்தவர்கள் இன்று பேசுகின்றார்கள் நாங்கள் தமிழ் தேசிய கூட்டமைப்பை பிளவுபடுத்த வந்தவர்கள் என. தேர்தல் காலங்களில் இருந்து தமிழ் தேசிய கூட்டமைப்பை பிளவுபடுத்த நினைத்தவர்களின் அனைத்து ஆதாரங்களும் உள்ளது. உரிய வேளையில் அனைத்தையும் வெளியீடுவோம்.

முதலில் தமிழ் தேசிய கூட்டமைப்பின் ஒற்றுமையை உடைப்பவர்கள் என கருத்து தெரிவிக்கும் அரசியல்வாதிகளிடம் ஒன்றை தெளிவுபடுத்துகின்றேன், என்னவென்றால் முதலில் தமிழ் தேசிய கூட்டமைப்புக்குள் ஒற்றுமையாக ஒற்றுமையை கடைப்பிடியுங்கள்.முதலில் தமிழ் தேசிய கூட்டமைப்பை பதிவு செய்து அதற்கென்றொரு கட்டுமான அமைப்பு இல்லாத நிலையில் தமிழ் கூட்டமைப்பு பற்றி வக்காளத்து பேசுகின்றார்கள்.

எங்களுக்கு கிடைத்த பாராளுமன்ற கௌரவம் கட்சி போட்ட பிச்சையல்ல எங்கள் மக்கள் போட்ட பிச்சை. மக்களின் தேவை கருதி நாங்கள் பல்வேறுபட்ட இடங்களுக்கு மக்களுடன் மக்களாக சேவை செய்துவருகின்றோம் என்ற ஆத்மாத்தமான திருப்தி என்னிடம் உள்ளது. நான் வடகிழக்கில் தமிழ் தேசிய கூட்டமைப்பில் தேர்தலில் போட்டிபோட்டு வெற்றி பெற்ற இளம் பாராளுமன்ற உறுப்பினர். நாங்கள் மக்களுக்காக என்றென்றும் சேவை செய்யவந்தவர்கள் என தெரிவித்துக் கொள்கின்றேன் என தெரிவித்தார்.

யாழ்ப்பாணத்தில் இருந்து நள்ளிரவு வேளை சுண்ணக்கற்கள் அகழ்ந்து எடுக்கப்பட்டு திருகோணமலைக்கு கொண்டு செல்லப்படுவதாக மக்கள் என்னிடம் முறையிட்டுள்ளார்கள் என நாடாளுமன்ற உறுப்பினர் சிறிதரன் தெரிவித்துள்ளார்.

இலங்கைத் தமிழரசுக் கட்சியின் மத்திய செயற்குழு கூட்டம் இன்று வவுனியாவில் நடைபெற ஏற்பாடாகியுள்ளது. கட்சி முகம்கொடுத்துள்ள வழக்குகள், ஜனாதிபதித் தேர்தலில் பொது வேட்பாளரை நிறுத்துவது தொடர்பாக இதில் ஆராயப்படவுள்ளது.

தமிழ் இன அழிப்புத் தொடர்பில் கனடாவில் நிர்மாணிக்கப்பட்டு வரும் நினைவுச் சின்னத்தை இலங்கையால் தடுத்து நிறுத்த முடியவில்லை என இராஜதந்திர அதிகாரி ஒருவரை மேற்கோள்காட்டி கொழும்பு ஆங்கில ஊடகம் செய்தி வெளியிட்டுள்ளது.

மே தினத்தின் பின்னர் பொதுஜன பெரமுன கட்சிக்குள் பாரிய மாற்றங்கள் மேற்கொள்ளப்படவுள்ளதாக இராஜாங்க அமைச்சர் சாந்த பண்டார தெரிவித்துள்ளார்.

நெடுங்கேணியில் மாரடைப்பு காரணமாக கணவன் இறந்ததும், கணவனின் இழப்பை தாங்க முடியாத மனைவி தவறான முடிவெடுத்து உயிரை மாய்த்துள்ளார். நேற்று மதியம் இந்தச் சம்பவம் இடம்பெற்றுள்ளது.

வெளிநாட்டு சுற்றுலா பயணியிடம் ஒரு உளுந்து வடை மற்றும் தேனீருக்கு 800 ரூபாய் அறவிட்ட குற்றச்சாட்டில் கடையில் இருக்கும் நபர் களுத்துறை சுற்றுலா பொலிஸாரினால் கைது செய்யப்பட்டுள்ளார்.

இந்த வருடத்தின் முதல் 14 வாரங்களில் 700, 000 வெளிநாட்டு சுற்றுலாப் பயணிகள் நாட்டை வந்தடைந்துள்ளதாக, சுற்றுலா அபிவிருத்தி அதிகார சபை தெரிவித்துள்ளது

யாழ்ப்பாணம் போதனா வைத்திய சாலையில் இதய சத்திர சிகிச்சையின் போது தவறிழைக்கப்பட்டதாக, உயிரிழந்த பெண்ணின் உறவினர்கள் குற்றம்சாட்டியுள்ளனர்.

வலிப்பு ஏற்பட்ட நிலையில் கிணற்றில் விழுந்த குடும்பப் பெண் ஒருவர் புதன்கிழமை உயிரிழந்துள்ளார். மாதகல் - சகாயபுரம் பகுதியைச் சேர்ந்த பிரதீபன் நித்தியா (வயது 37) என்பவரே இவ்வாறு உயிரிழந்துள்ளார்.

கனடாவில் இடம்பெற்ற மிகப் பெரிய தங்கக் கொள்ளைச் சம்பவத்துடன் தொடர்புடைய 6 சந்தேகநபர்கள் கைது செய்யப்பட்டுள்ளனர். கைது செய்யப்பட்டவர்களில் ஏர் கனடா விமான சேவையின் இரண்டு பணியாளர்களும், பிரசாத் பரமலிங்கம் என்ற தமிழரும் அடங்குவதாக செய்திகள் தெரிவிக்கின்றன.

ஈஸ்டர் ஞாயிறு பயங்கரவாத தாக்குதலில் சூத்திரதாரிகளுக்கும் குற்றவாளிகளுக்கும் எமது ஆட்சியில் தண்டனை பெற்றுக்கொடுக்கப்படும் என்று பாராளுமன்ற உறுப்பினர் அநுரகுமார திஸாநாயக்க தலைமையிலான தேசிய மக்கள் சக்தி அறிவித்துள்ளது.

கடந்த வருடங்களில் அதிகளவில் உயிரிழப்புக்கள் ஏற்பட்டமைக்கு பிரதான காரணம் மாரடைப்பு என சுகாதாரத் துறை தெரிவித்துள்ளது. அத்தோடு, 2010 ஆம் ஆண்டு முதல் 2020 ஆம் ஆண்டு வரையிலும் அதிகளவில் மரணங்கள் ஏற்பட்டமைக்கு பிரதான காரணமும் மாரடைப்பு என்று சுகாதார திணைக்களம் சுட்டிக்காட்டியுள்ளது.

ஸ்ரீ லங்கா சுதந்திரக் கட்சியின் தலைவராக முன்னாள் ஜனாதிபதி மைத்திரிபால சிறிசேன செயற்படுவதைத் தடுக்கும் வகையில் பிறப்பிக்கப்பட்ட தடை உத்தரவு நீடிக்கப்பட்டுள்ளது.

உயிர்த்த ஞாயிறு பயங்கரவாதத் தாக்குதலின் ஐந்தாண்டுகளை நினைவுகூரும் வகையில் எதிர்வரும் ஞாயிற்றுக்கிழமை (21) காலை 8.45 மணியளவில் இரண்டு நிமிட மௌன அஞ்சலி செலுத்துமாறு அனைவரையும் கொழும்பு பேராயர் மல்கம் கர்தினால் ரஞ்சித் கேட்டுக் கொண்டார்.

யாழ்ப்பாணம் - நயினாதீவைச் சேர்ந்த பெண்ணொருவர் கடலில் குழந்தை பிரசவித்துள்ளார்.

முன்னாள் ஜனாதிபதி கோட்டாபய ராஜபக்ஷவின் வாக்குறுதியினால் தான் ஏமாற்றப்பட்டதாக, கொழும்பு பேராயர் கர்தினால் மல்கம் ரஞ்சித் ஆண்டகை தெரிவித்துள்ளார். நேற்று செய்தியாளர் சந்திப்பில் கலந்து கொண்ட அவர் இதனைக் குறிப்பிட்டுள்ளார்.

முல்லைத்தீவு - புதுக்குடியிருப்பு தேவிபுரம் பகுதியில் இன்று பிற்பகல் கட்டுத்துப்பாக்கி வெடித்ததில் குடும்பஸ்தர் ஒருவர் காயமடைந்த நிலையில் முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளார்.

மட்டக்களப்பு காத்தான்குடி பொலிஸ் பிரிவிலுள்ள ஆரையம்பதி பாலமுனை கடற்கரையில் பெண் ஒருவரின் சடலம் இன்று கரை ஒதுங்கியதாக காத்தான்குடி பொலிஸார் தெரிவித்துள்ளனர் . குறித்த சடலம் 55 வயது மதிக்கத்தக்க பெண்ணுடைய சடலம் எனவும் இது வரை சடலம் அடையாளம் காணப்படவில்லை எனவும் எனவும் காத்தான்குடி பொலிஸார் தெரிவித்துள்ளனர் .

ரஷ்ய இராணுவத்தில் பணியாற்ற அனுப்புவதாக கூறி பணம் பெற்ற இருவர் கைது செய்யப்பட்டதாக குற்றப்புலனாய்வு திணைக்களம் தெரிவித்துள்ளது. சந்தேக நபர்களில் ஒருவர் ஓய்வுபெற்ற இராணுவ மேஜர் என தெரிவிக்கப்படுகின்றது.

ஓமான் வளைகுடாவில், கடும் புயலில் சிக்கி கவிழ்ந்த கப்பலில் இருந்த 21 இலங்கை பணியாளர்களை ஈரானிய அவசர சேவைகள் பிரிவு காப்பாற்றியுள்ளதாக ஈரானிய அரச ஊடகம் செய்தி வெளியிட்டுள்ளது.